Ergada ayaa aad uga cabanaya dhibaatadan ay maamulku u gaysanayaan iyadoo horay loo siisay digniin ah in ay ka guuraan hotelka 14ka bisha oo maanta ugu ekayd, ergada waxaa horay hotelka u dajiyay  maamulka shirka ee IGAD, iyagoo halkaasina daganaa mudo ka badan sanad waxay sheegeen in aysan jirin goob ay u guuraan maadaama la dajiyay dadkii dajiyayna ay  go,aan ka sugayeen  mudadaas la siiyay maadaama ay u yimaadeen wadahadalada soomaaliyeed oo ay qaybna ka yihiin.

Warqad qoraal ah oo la sheegay in ay soo gudbiyeen gudiga farsamad IGAD goor dambe ayaa sheegaya in ay hotelka  sii joogaan siyaasiyiinta iyo ergada qaar ka mid ah oo tiradooda lagu sheegay 103 xubnood oo ah kuwa saxda ee ergada rasmiga ahaan doonta iyadoo kuwii kale ee aan magacyadooda qoraalkasi lagu xusin  ay hadda ku sugan yihiin qaar ka mid ah hotelada kale ee magaalada Nairobi iyagoo si KMG ahaan ah u sii joogi doona ilaa inta laga sugayo dowladaha deeqda bixiya.

KENYA OO MARAYKANKA UGU BAAQDAY IN UU TAAGEERO SHIRKA SOOMAALIDA UGA SOCDA NAIROBI: Wasiirka arimaha dibadda kenya, Kalonzo Musyoka , ayaa maraykanka ugu baaqay in uu taageero siiyo shirka soomaalida, warkaas ka dhergeyso [Su'aasha taagan wazxay tahay yaa bixinaya $10,000 (tobanka Million ee doolar) ee ku baxday shirka Soomaalida  halkan.... [voa]

Maamulka shirka ayaa horay usoo saaray warqad qoraal ah oo lagu cadaynayay in ay beelaha iska soo dhex xulaan ergo gaaraysa 203 xubnood taasina uu buuq ka dhashay u dhexeeya beelaha, illaa hada waxaa dhibaato ka taagan tahay in lakala saaro ergada  saxda ah iyo kuwa aan saxda ahayn sidoo kale ugaasyada ayaa dhibaato tan la mid ahi ka taagan tahay ugaaska ama suldaanka saxda ah iyadoo ay ugu wacan tahay hogaamiyayaasha oo iska samaystay ugaas ama suldaan u gaar ah taasna waxay sababtay in ugaasyo badan oo caan ah aanay ka muuqan madasha shirka.

Guud ahaan goobaha ay dagan yihiin ergooyinka soomaalida ee u yimid shirka ayaa waxaa soo food saaray cadaadis dhinaca nolosha ah iyadoo ay ugu wacan tahay sida ay sheegayaan maamulku hay,adihii bixin jiray deeqaha ku baxa shirka oo aan si wayn iskaga xil saarin dhaqaalaha,sidas awgeedna aysan u dulqaadan karin dhaqalahan sii badanaya ee ay galaan soomaalida maalin kasta.

Ergada ku sugan xarunta Embagathi ayaa sidoo kale raashinkii wali uga xayiran yahay sababo dhinaca dhaqaale la,aanta ah sidaasna ay ku joogaan iyagoo ay qaarkood ii sheegeen in ay u dhabar adaygayaan wax walbana ay u daynayaa sidii loo heli lahaa dowlad soomaaliyeed oo la filayo in shirka la iskugu imaanayo 20 ka bishan, hadiiba ay soo wada xaadiraan hogaamiyayaasha ku kala maqan is maan dhaafka siyaasaded ee hakadka galay, lagu dhisi doono dowlad.

Ma,ahan markii ugu horeysay ee ergooyinka soomaaliyed ay la kulmaan dhibaato iyadoo ay jireen marmar badan oo kuwan la mid ah.iyadoo xalka soomaliyeedna uu u muuqdo maanta nabad maya bari haa.

• QORAALADII HORE EE CANAB MUMTAZ

canab mumtaz
canabmumtaz@hotmail.com