SomaliTalk DALSAN
w w w . s o m a l i t a l k . c o m
SOMALITALK - MAQAAL

May 18, 2004

Yaa kursi caashaqay oon Carta iyo Carab noqon

C/Waaxid C/hi Khaliif


Minneapolis/St Paul, MN, USA.

cabdulwaxid@hotmail.com 

Ilaah baa mahadleh. Nabadgelyo iyo naxariis Nabi Muxamed korkiisa ha ahaato.

Carabta waxaan ku biirnay 1974, Cartana 2000 laakiin dad baa 2004 Carab iyo Carta hal mar ku wada biiray.

Daabaco Boggan | Print


Filimada anshaxa xun, ruugidda Qaadka

iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

Haddii ay Waaberi caashaqa ku dareen cudurada aan la dabar goyn waxaan idiin hubaa inuusan caashaqaasi ahayn kan dhex mara ragga iyo dumarka Soomaaliyeed maxaa yeelay imisa Soomaaliyaa caashaq u dhimatay? Cilmi Boodhari koow? Haddaad u badato waxaad sheegi kartaa sheekooyin kale sida tii Cali-Maax iyo Cawrala. Imisaa kursi u dhimatay? Waa badanyihiin. Imisaa hadda u il-daran? Iyaguna badan. Qabyaalad? Tiro beel. Marka halkaas waxaan ka ogaannay inuu caashaqa, cudurada lagu daray ahaa kan kursiga. Haddaad i rumaysan weydo fiiri Eldoret & Mbagathi. Haddii Soomaalidu caashaq taqaan kumaan-kun “single mothers” ah London iyo Minneapolis laguma arkeen. Anigu caashaq digaagga caashaqa kuma daro. Dumarka raggoodii la dilay ama dhinteen ama daruuf kale uga maqanyihiin waa gooni oo cududaar bay haystaan.

Waxaan xasuustaa 2001 in dad badan ooy ku jiraan hogaamiye-dhaqameedyo, siyaasiyiin iyo saraakiil badan lagu caayi jiray waa “Carta”! Kaliya waxay tageen Jabuuti. Haddaad miyi joogi jirtay ama aad kawaante tahay waxaad taqaan “lafta feeraha la yiraahdo inay dhinacna hilib ku leedahay dhinacna qalalantahay. Haddaad rabto inaad laftaas wanaag ku xusto waxaad dadka tusinaysaa dhinaca hilibka leh haddaad caayeysana dhinaca qalalan”. Maahmaahdan Soomaalida kaliya ma isticmaalaan ee waxaa jirta inay reer Banuu Israa’iil isticmaali jireen. Waxaa dhacday markuu muslimay C/hi Binu Salaam (RC) oo Yuhuud ahaa in uu Nabiga (SCW) ku yiri Nabi Alloow anaa dadkeyga aqaane hadda imay oga inaan muslimee bal weydii waxaan ka mudnahay dabadeedna wuu is qariyey. Nabigu (SCW) markuu Yuhuuddii weydiiyey halka uu C/hi ka joogo waxay dhaheen C/hi waa nin sharaf leh oo caalim ah, aabbihiisna sidoo kaluu ahaa. Markay saas dhaheen ayaa hadalkii oo qoyan, C/hi (RC) meeshii ka soo baxay oo yiri Yuhuuday i maqla, anigu waan muslimay. Isla markii bay dhaheen C/hi waa ninka noogu xun, aabbihiisna sidoo kaluu ahaa! Ma durbadiiba?

Wax badan baan maqalnay heshiis seddex-geesood ah iyadoo laga wado Ismaaciil Cumar Geele, C/Qaasim iyo Riyaale. Hadda waxaa la leeyahay wuxuu noqday afar-gees ilayn kornayl C/hi baa ku soo biiree.

Waxaan maqaal aan qoray 2002 ku xusay in la sheegay in qudbo-siro dhexmartay C/hi & C/Qaasim. Wuxuu tuhunkaas meel sare gaaray 2003 markii la arkay labadaas hogaamiye oo isku soo dhawaanaya oo wada kulmaya ilaa la yiri waxaa la hayaa cajalad laga duubay labooda oo jagooyinkii Soomaaliya qaybsanaya.

Waxaan mar ku sheegay dagaal-oogayaasha inay wataan calaamad taban sida (-1). Haddaad mid kale ku dartid waxaad helaysaa:

(-1) + (-1) = -2. Dad badan waxay fiirsadaan labada (2) iyagoon fiirin calaamadda ay wadato. Haddaad rabtid waxaad dagaal-oogayaasha ku sheegi kartaa xarriiqo barbarro ah. Xariiqaha barbaraha ahi isuma yimaadaan inkastooy isku fool yihiin/isku jiho u socdaan (kursi).

“Asaagaa halkuu maro ayaa la maraa” marka dagaal-oogayaal badan oon Itoobiya iyo Kenya dhaafin waa inay turubka is baandheeyaan ama Carab iyo Carta u baqoolaan si ay ula soo shiraan. Marka nimaan Jabuuti tegin, jeebkiisana shilin Carbeed gelin, ma soo jiidan karo jufadiisa iska daa siyaasiyiinta jilib-culusta ahe.


C/Waaxid C/hi Khaliif

Minneapolis/St Paul, MN, USA

cabdulwaxid@hotmail.com 

Faafin: SomaliTalk | May 18, 2003 

C/Lahi Yusuf oo Kusoo Laabtay Bosaso

WARGEYSYADA CAALAMKU WAXYAABIHII AY KA QOREEN SOOMAALIYA

Afeef: Aragtida qoraalkan waxaa leh qoraaga ku saxiixan.

<><>.... Copyright & Islaamku wuxuu ka qabo.... Akhri

Kulaabo bogga hore ee www.somalitalk.com 

© www.SomaliTalk.com
All About Somalia and More...
>> Usheeg Asxaabtaada
Allah Is Great
 Habnololeedkii saxaabadii Rasuulka ...

kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Denmark: Saciid Wesing : “dabcan waxa ugu horreeya ee aan Allaah weydiisanayo waa Jannada, kadibna inuu soo islaamiyo dhammaan qoyskayga ee aan muslimka ahayn”... Guji..


Singapore:
500 oo Qof ayaa Sannadkiiba Soogala Diinta Islaamka..
Guji


USA: Dacwadii Aba Sheikh
Said Aba Shiekh oo koox gaangiistaro ah ay ku garaaceen Seattle afar sano kahor oo weli kujira coomo ayaa... Guji


London, UK: Nin Soomaali ah oo Lagu Xukumay 8 Sano kadib markii lagu soo oogey dacwad ah in uu HIV si u gudbiyey laba dumar ah oo mid kamid ah ay Soomaali tahay... Guji


XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]