WARARKA:
BOOSAASO |
HARGEYSA |
MUQDISHO |
NAIROBI |
QURBAHA |
XORIYO
May31, 2004
Taliyaha ciidanka Booliska D/Gka Puntland oo kahadlay
ujedada bandowga magaalada Galkacyo.
somalialk (Galkacyo)
isniin=31/2004
Taliyaha ciidanka booliska dowlad goboleedka
Puntland Cabdirsaaq Maxamuud Yusus (Afguduud) ayaa
xalay saqdii dhexe soogaaray magaalada Galkacyo
ujeedada uu ugu soo laabtay taliyuhu magaalada
galkacyo ayuu ku sheegay in ay tahay sidii uu u ogaan
lahaa xaalada amaanka iyo nabad galyada magaalada
galkacyo.
Taliyaha ayaa sheegay in xalay bandowga lagu soorogay
magaalada ay ahayd mid ay u dhamaayeen maamulka
puntland. sababtana uu ku tilmaamay in lagu sugayo
nabadgalyada magaalada.
Mar ay taliya wax kawaydiisay Somalitalk mudada uu
bilaabanayo iyo waliba inta maalmood uu soconayo
bandowgan ayuu ku jawaabay: Marka hore waxaan halkaan tacsi uga dirataa eheladii,
qaraabadii iyo asxaabtii ay ka geeriyoodeen
marxuumiintii ku geeriyooday magaalada habeen sadexaad
oo ay bishu ku beegnayd 29/5/04.
Taliyha oo hadalkiisii sii wata waxa uu yiri: waxa uu bilaabanayaa labada saac iyo barka fiidnimo ee
caawa waxa uuna ku ekaanayaa illaa iyo laba iyo
tobanka aroornimo.
mudo loo gooyay malaha ee waxa ay ku xiran tahay hadba
sida ay u soo afjaranto colaada sababtay in la soo
rogo bandowgan.
"waxaan kaloo u sheegayaa dadwaynaha reer galkacyo
hadii loo baahdo in laga dhigi doono bandowgan laba
iyo tobanka iyo barka fiidnimo (6-30 daqiiqo)" ayuu yiri.
Waxa kale oo Cabdirsaaq Maxamuud Yusus (Afguduud)
yiri: waxaan kaloo ku wargalinayaa dadwaynaha in la dhowro
waqtiga sababta aan uga dhigayno saacada labada
saac iyo bar-kuna waxay tahay in aad ku diyaar
garowdaan waqtiga aan idiin cayinnay, si aad
howlihiina uga soo bogataan magaalada lakiin cidii u
hogaansami wayda waxaa soo gabanaya ciidanka iyo
gawaarida roondada ah oo iyagu ilaalinaya amaanka
magaalada.
"waxaan kaloo idinku wargalinayaa in shacabka looga
baahanyahay sidii ay uga qayb qaadanlahaayeen amaanka
iyo nabadgalyada magaalada. waad mahad santihiin" ayuu Taliyaha ciidanka booliska
DGPL hadalkiis kusoo gabagabeeyey.
Sahro Sh Maxamed (Siglan)
sahrosiglan@hotmail.com
SomaliTalk, Galkacyo
Faafin: SomaliTalk.com | May 31, 2004
Kulaabo bogga hore ee www.somalitalk.com
|