-
Xagguu
ku dambeeyay gacan ku dhiiglihii dilay wariye Duniyo Muxidiin Nuur?!!
-
Cabasho
ka soo yeertay Ururka Ganacsatada Beeralayda
-
C/llaahi
Firimbi oo Beeshiisa si toos ah ugu eedeeyay inay Isbaarooyinkoodii dib
u soo celiyeen.
W/D Amiin
Yuusuf Khasaaro
E-Mail:
amiinkhasaaro@hotmail.com
Xagguu ku
dambeeyay gacan ku dhiiglihii dilay wariye Duniyo Muxidiin Nuur?!!
Maalinnimadii
Axada bishan Juun-na ahayd 5, ayaa wariye Duniya Muxidiin Nuur oo ka mid
ahayd shaqaalaha idaacada Horn afrik lagu dilay wadada Afgooye.
Wararkii ugu
horreeyay ee ka soo yeera mas’uuliinta amniga ee degmada Afgooye ee dilkaa
la xiriiray ayaa lagu sheegay in lagu raad joogo ninkii falka dilkaa
geystay;
Si aan arrinkaa
wax uga ogaano ayaan la xiriirnay Gudoomiyaha nabadgelyada ee degmada
Afgooye Xuseen Wehliye Cirfo waxaan marka ugu horreysay waydiinay halka uu
ku dambeeyay gacan ku dhiiglihii dilay Allaha u naxariistee wariye Duniya,
wuxuuna ku jawaabay, “wiilkaasi wuu baxsaday oo isla maalintii uu falka
geystay inta qoriga tuuray u cararay dhankaa iyo kismaayo”.
Waxaan kaloo
waydiinay “sow lama aqoonsan gacan ku dhiiglahaasi?” wuxuu ku jawaabay “haa,
waa la aqoonsaday, oo ilaa iyo hadda waxaan gacanta ku haynaa gaarigii uu
kirish booyga ka ahaa” .
Mudane Cirfo
waxaan kaloo waydiinay “mar haddii qofkii wax dilay la aqoonsaday maxaad u
xiriirin waydeen labada reer?”, Mudane Cirfo wuxuu ku jawaabay “labada reer
way is wada arkeen muddo ayayna isla maqnaayeen, maanta oo isniin ah (waa
shalay) ayaa waxaa ila soo hadlay nabadoonka reerka ay ka soo jeeday wariye
Duniya oo lagu magacaabo Xasan Cilmi Yare wuxuuna ii sheegay in labadoodii
dhinac ay soo wada heshiiyeen, wuxuuse cirfo noo sheegay in uusan ogeyn
waxa ay ku heshiiyeen, wuxuuse intaa ku daray in nabadoonkaasi uu u soo
jeediyay inuu gaariga sii daayo, balse waxaan ka codsaday ayuu yiri Cirfo
in arrinta si wadajir ah la isaga yimaado waana ubalansanahay.
Mudane Cirfo
ayaa dhinaca kale ka hadlay howlaha la xiriira isbaaro qaadista. wuxuuna
sheegay in markasta oo laga hadlayo isbaarooyinka yaala wadada isku xirta
Muqdisha iyo Afgooye in saxaafadu ay tiraahdo Afgooye ayaa isbaarooyika dib
ugu soo laabteen,taasina maahan mid sax ah oo lsbaarooyinka waxa ay yaalaan
soonaha Gobolka Banaadir ee aslanba masoo gaaraan aaga Afgooye, mar aan wax
ka waydiinay in Degmada Afgooye ee yaalaan wax isbaaro ah wuxuu yiri “
looma yaqaan wax isbaara ah degmadeena ee waxaase yaala check point laga
ilaaliyo amniga Deg. Afgooye
###
Cabasho
ka soo yeertay Ururka Ganacsatada Beeralayda
Ururka
Ganacsatada Beeralayda Soomaaliyeed ayaa cabasho xoog leh ka muujiyay
isbaarooyinka ku soo kordhay wadada dheer ay isku xirta Muqdisho iyo Afgooye.
Mudane Mire
Cusmaan Warsame “Mire Indho-yare” oo aan beertiisa shalay ku booqanay ayaa
sheegay in qarashka looga iibiyo badeecada ganacsata beerta gudaheeda waxaa
ka badan mida ay qaadanayaa isbaarooyinka daadsan wadada Afgooye.
“Taasi waxay caqabad ku tahay ganacsiga beeralayda iyo welida dan yarta ka
sii ganacsata wax soo saarka beeraha” ayuu yiri Mudane Mire Indho-yare.
Mudane Mire
Indhoyare waxaan waxa ka weydiinay eedaymaha ku aadan in ganacsatadu ay ka
gaabiyeen howlaha Isbaaro qaadida wuxuuna yiri “taasi waxba kama jiraan,
anagu diyaar waxaan u nahay in aan dowladda canshuur siino, inta canshuur
ururinta la gaarayana wixii tas-hiilaad ah ay dowladu u baahan tahay waan ka
qayb qaadanaynaa”, “taas ma la dhihi karaa in weli lug ay idiin laaban tahay?’
“Maya” ayuu iigu jawaabay isagoo ii raaciyay in eraygiis ahaa “inta canshuur
ururinta la gaarayana ay diyaar u yihiin wixii loo baahdo” ay caddaynayso in
wax walba ay diyaar u yihiin” “qaar ganacsatadiina ka maid ayaa mar walba
shaki ka muujiya howlahan isbaaro qaadista taas xaad ka wadiin?’ waa sax
shakigase wuxuu ku bixi karaa iyadoo la suuliyo waxa isbaaro la yiraahdo”
“taas maxaa lagu gaaraa haddii kaalmadiina aad ceshetaan, adduna uusan waxba
noo soo wadin?’ “gacanteena waa socotaa, waan bilownay, waan wadnaa waana
wadi doonaa, waxaase mas’uuliyiinta labada gole laga doonayaa si kalsoonida
ganacsatdu u kororto ay ka dhabeeyaan howlaha isbaaro qaadida.
Intaa kaddib
Mudane IndhoYare waxa uu inooga warbixiyay beertiisa, wuxuuna yiri “waxay ku
fadhidaa 200 oo Hiktar oo wada beeran, waxaana ka shaqeeya shaqaalo joogto
ah oo gaaraya ilaa 60 qof, iyo shaqaalo aan joogto ahay oo maalin kasta
xoogsada oo gaaraya ilaa 100 qof oo 60 ka mida ay dumar yihiin, kuwaasoo
maalintii shaqeeya ilaa 4 saac, waxayna inta badan ka shaqeeyaan howlo
fudufud sida soo guridda dalagyada beerta sida cambaha, liinta, mooska iwm.
###
C/llaahi
Firimbi oo Beeshiisa si toos ah ugu eedeeyay inay Isbaarooyinkoodii dib u
soo celiyeen.
Gudoomiyaha
Gobolka Banaadir C/llaahi Xasan Ganey Firimbi ayaa sheegay in howlaha
isbaaro qaadista ay u socdaan si wanaagsan isagoo sheegay in ay howlahaasi
bilowdeen 7-dii bishan oo ahayd maalin Talaado, isagoo xusay in Wasiirka
Macdanta iyo Biyaha Maxamuud Salaad uu ahaa Mas’uulkii ugu horreeyay ee
qaada Isbaaradii ugu horraysay, waxaa ku xigtay ayuu yiri Isbaaradii
Isgoyska Bakaaraha oo ay ku sugnaayeen Maleeshiyooyin ka amar qaata
Garamgaram, waxaa ku xigay ayuu yiri tii tiilay Isgoyska H/Wadaag, waxaa
xigay tii Aadan Cadde, kaddibna Xarriryaale ayaan u gudubnay ayuu Yiri
Firimbi oo intaa ku daray inay kaddibna tageen Isbaarooyinkii Baar Ayaan
maalintaa Talaadadana ay shaqadooda ku soo gabagabeeyeen qaadista
Isbaarooyinkii yiilay Ex-Control Afgooye iyo Asluubta.
C/llaahi
Firimbi oo weli tirinayay Isbaarooyinkii illaa iyo hadda la qaaday ayaa
sheegay in maalintii xigtay Isbaaro qaadista ay ahayd maalin Arbaco ah ay u
suurogashay in Gudiga labada gole ee howlaha nabadaynta gobolka Banaadir ay
u suurogashay inay qaadaan Isbaaradii Degmada Madiina iyadoo maalintii
Khamiistana la qaaday Isbaaradii Nasteexo halka maalinnimadii Sabtiga la
wareejiyay Isbaaradii Buulo-Xuubeey.
Gudoomiyaha
G.Banaadir Mr.Firimbi wuxuu intaa kaddib nasiib darro ku tilmaamay in
Isbaaradii tiillay isgoyska Aadan Cadde iyo tii tiilay Ex-Control iyo weliba
kuwo kale oo isla wadada Afgooye Aadda Taala ay dib ugu soo laabteen
goobahooda taas oo uu ku tilmaamay in ay dhabarjab ku tahay dadaalka
nabadaynta gobolka Banaadir.
“Isbaaro
qaadistu waa tartan, waa tartan beeleed, waa tartan shaqsi waxaana la qori
doonaa qof kasta wanaagga uu ka qaato, wax la qarin doono ma jirto waan
caddaynayaa oo hortiina ayaan ka sheegayaa beesha aan anigu ka soo jeedo ee
Sacad weeye kuwa dib u soo celiyay Isbaarooyinkoodii, waxaana idiin
sheegayaa in isbaaradu sideedaba ay qaadis tahay, mana la isaga harayo
arrintan oo maanta ayaa waxgaradka beesha Shir isugu imaan doonaa Hotel
Saxafi oo arrintaasi lagu soo afjarayo” ayuu yiri Mudane Firimbi oo shalay
ka hadlayay munaasabad lagu furayay siminaar saddex Casho u socon doona
agaasimeyaasha guud iyo agaasimeyaasha waaxyaha ee D/Hoose ee magaalada
Muqdisho, isagoo ka qaybgaleyaashii Siminaarkaas u sheegay inay u
diyaargaroobaan sidii ay u ururin lahaayeen canshuuraha gobolka kaddib marka
la sifeeyo Isbaarooyinka Gobolka Yaal.
Duqa Magaalada
Muqdisho Ibraahim Cumar Sabriye Shaaweeye oo isna halkaa ka hadlay ayaa ka
soo qayb galeyaasha Siminaarka ku booriyay in ay ka faa’iidaystaan duruusta
ay ku qaadan doonaan Siminaarka socon doono Saddaxda Cisho.
Mudane Ibraahim
Shaaweeye mar uu ka hadlay howlaha nabadaynta Gobolka Banaadir ayaa sheegay
in waqti kasta oo ay qaadataba ay waajib ku tahay mas’uuliyiinta labada gole
iyo guud ahaan maamulka Gobolka Banaadir in ay magaalada ka sifeeyaan
Isbaarooyinka si ay dowladdu awood ugu yeelato inay soo cagadhigato
Magaalada Muqdisho.
“wax walba
waxay u xayiranyihiin Isbaarooyinka meel walba yaala, haddii Isbaarooyinka
la sifeeyo guud ahaan nolosha bulshada Soomaaliyeed way hagaagaysaa,
Dowladduna nidaam iyo jiho ayay yeelan doontaa” ayuu yiri Ibraahim Shaaweey
oo gabagabada hadalkiisa xusay in talaabadii ugu horraysay ee Isbaaro
qaadista wada hadal ay k koobnayd balse in qaybaha dambe ee Isbaaroqaadistu
ay arrintu hadal ka tagayso oo ay Qoor-Gooyo gaarayso, waxaan sugaynaa ayuu
yiri oo keliya in la kala reebo qabiilka iyo Isbaariistaha si awood loogu
yeesho in si wada jir ah meel looga soo jeesto midka bulshada Isbaarada u
dhiganaya.
Ibraahim Cumar
Sabriye Shaaweey wuxuu shalay furay siminaar saddex cisho ugu socon doono
agaasimeyaasha guud, agaasimeyaasha waaxyaha iyo ku xigeenadooda,
siminaarkaas oo ay casharro ka bixin doonaan macallimiin uu ka mid yahay
Cali Max’ed Cali “Ugaas Cali”, Cali Nuur Xuseen iyo kuwo kale waxaana ka mid
ah duruusta lagu qaadandoono Siminaarka qaabka ugu haboon ee Canshuurta loo
ururiyo iyo sida ugu wanaagasan ee loo dabooli karo adeegga bulshada.
W/D Amiin
Yuusuf Khasaaro
E-Mail:
amiinkhasaaro@hotmail.com
Faafin: SomaliTalk.com | June 16, 2005
Daahir Riyaale iyo Ku
Xigeenkiisa oo Khilaaf Soo Kala Dhex Galay
Daahir Riyaale Kaahin iyo madaxweyne ku xigeenkiisa Axmed
Yuusuf Yaasiin ayaa...
Guji...
Jun 16
Maxaa iska badalay
Qorshihii dowladu ku dagaysay Jowhar iyo Baydhabo
Waxaana soo baxaya warar u eg diidmo oo uu
Mas'uulka gacanta ku haya Magalada jowhar ku diidayo in..
Guji...
Jun 16
Arday
Soomaaliyeed oo Qayb Ka ahaa Koox Ku Guuleysatey Tartankii Microsoft...
Tartan ay ka qayb galeen ardayda 9 gobol oo Maraykan
ah oo lagu qabtay New York ayaa waxaa guushii ku raacday..
Guji..
7 Qof oo ilaa Shalay Lagu Diley Beerxaani
»Kismaayo:
Laba Qof ayaa Maanta lagu Diley Beerxaani
»Sweden:
kulan dhaxmaray
Xisbiga SSUP & Wasiirka Deeqaha
Wararka oo dhan ka
akhri halkan... Guji... June 15
Boosaaso oo Lagu
Dhaariyey Gudiga Degaanka Degmada oo ka kooban 27 Xubnood
Waxaana lagu dhaariyay Xarunta Madaxtooyada..
Guji... Jun 14
Odeyaal dhaqameedyo
reer Ogaadeenya ah oo dawlada Itoobiya canbaareeyay
iyo Xukuumadda itoobiya
oo xabsiyada ku haysa kumanaan qof..
Guji... June 14
Cabdullaahi Yuusuf oo
Ka Dhoofay Kenya
Khudbad hor dhac u ah geediga dawladu u guureyso Soomaaliya
kaddib madaxweynaha DFKMG waxa uu.
Guji Jun 13
|