Madaxweynaha
Puntland oo shahaadooyin
guddoonsiiyey arday qalin jebistey
Machadka Tababarka Kalkaaliyayaasha
ee Boosaaso -
- Hodman
Relief & Develoment Org | hodman2005@yahoo.com
17.September.2005 Xaflad
aad u balaaran oo si heer sare ah loo soo agaasimay isla
markaana shahoodo lagu gudoonsiinayay 190 arday ah oo ka
qalan jabiyay koorso lix bilood ah oo ay ka baranayeen
machadka tababarka kalkaaliyeyaasha caafimaadka ee Hodman
ayaa maanta shahaadooyin lagu gudoonsiiyay xaflad lagu
qabtay Xarunta dowlada hoose ee magaalada Boosaaso.
Xafladan oo ahayd miid aad u qiimo badan ayaa
mas’uuliyiintii kasoo qayb gashay waxaa kamid ahaa
madaxweynaha dowlad goboleedka Puntland mudane maxamuud
Muuse Xirsi (Gen.Cadde) wasiirka arimaha gudaha iyo amniga
Axmed Cabdi xaabsade, wasiirka caafimaadka C/raxmaan
dhagaweyne, wasiirka kalluumaysiga iyo dekedaha Ismaaciil
Shire Jaamac Buraale, wasiir ku xigeenka wasaarada howlaha
guud iyo gaadiidka yaasiin cartan maxamed, gudoomiyaha
Gobolka Bari Yuusuf Maxamed wacays Dhedo, duqa degmada
Boosaasi Khadar Cabdi Xaaji mire iyo mas’uuliyiin kale.
Furitaankii xafladan
shahaado gudoonsiinta ahayd ayaa ugu horayn waxaa furtay oo
ka hadashay Gudoomiyaha Ururka Hodman Relief and development
Organization murwo mahado Shiikh Axmed.
Gudoomiyaha golaha degaanka degmada Boosaaso ahna duqa
degmada Boosaaso khaddar cabdi Xaaji mire ayaa kamid ahaa
mas’uuliyiintii halkaasi ka hadashay waxaana uu duqu xusay
in ardayda maanta shahaadada lagudoonsiinayo ay yihiin kuwa
aqoontooda dhinacwalba u anfici doonto haday ahaan lahaynd
mid bulsho iyo waliba mid qoys ba.
Sidoo kale mas’uuliyiintii xafladaasi ka hadashay ayaa waxaa
kamid ahaa wasiirka caafimaadka Puntland C/raxmaan
dhagaweyne oo sheegay in ardayda haatan shahaadada
qaadanaysa aan loo baah nayn inay magaalada Boosaaso ay
kawada howlgalaan balse loo baahan yahay in la kala geeyo
dhamaan xarumaha caafimaadka degmooyinka gobolada Puntland
si ay uga howl galaan.
Madaxweynaha dowlad Goboleedka Puntand oo ka hadlay
xafladaasi shahaado gudoonsiinta ayaa marka hore waxaa uu
mahad celin u jeediyay Ururka Hodman oo soo agaasimay
xafladan.
Madaxweyne cadde ayaa khudbad dhinacyo badan taabanaysa oo
ku salaysan arimaha bulshada ka jeediyay xafladaasi shahaado
gudoonsiinta ahayd.
Ugu dambayntii madaxweyne cadde ayaa halkaasi shahaado ku
gudoon siiyay ardaydii ku baastay imtixaanka semester-ka
koowaad oo gaarayay 190 arday iyadoo guud ahaan ardayda u
fariisatay imtixaankaasi ay gaarayeen 220 arday oo gabdho ah
balse 30 kamid ahi ay ku dhaceen.
Iyadoo 190-kii arday ee ka qalan jabiyay machadka tababarka
kalkaaliyeyaasha caafimaadka ee Hodman maanta shahaado lagu
gudoonsiiyay xarunta dowlada hoose ee magaalada Boosaaso.
Hodman Relief &
Develoment Org | hodman2005@yahoo.com
Faafin: SomaliTalk.com |
Sept 17, 2005
QORAALADII HORE EE
SOMALITALK.COM EE JAAMACADA BOOSAASO:::
Jaamacada Bariga Afrika
waxay kutaal magaalada Boosaaso, October 2000 ayaa waxaa
bilaabmay sannad dugsiyeedkeedii ugu horeeyey, markaas oo
fasalada ardayda loogu sii dhigi jirey machadka ama iskoolka
iimaamu shaafici ee magaalada Boosaaso, waxaase fasalada
jaamacada oo weli markaas dhisme ku socdey lagu bilaabay in
ay ardaydu wax ku bartaan sannad dugsiyeedkii kaas xigey oo
bilaabmay Sebteembar 1, 2001.
Bishii Janaayo 2003 ayey
ahayd markii Wafti Kasocda Jaamacadda Latrobe University
(Australia) ay Booqasho Kuteen Jaamacadda Bariga Afrika,
Bosaso. Waxaa waftigaas hogaaminayey Dr. David Dorward, ka
socdey
African Research Institute,((ARI), Latrobe University,
Australia. [eeg
warbixintii waftiga Booqday Boosaaso]
Bishii Janaayo ee sannadkan
2003 ayey ahayd markii magaalada Minneapolis, USA sida weyn
loogu soo dhoweeyey wafti ka socdey Jaamacada Boosaaso,
waftigaas oo reer Minneapolis uga xog-waramay heerarkii kala
duwanaa ee ay Jaamacadu soo martay iyo waxa ay hadda
higsaneyso [Eeg
warbixintii waftiga Minneapolis Booqaday].
1dii Bishii Febraayo ee
2003 ayey ahayd markii shir ballaaran magaalada Toronto
loogu qabtay wafti kasocdey Jaamacada Boosaaso, shirkaas oo
ay soo qabanqaabiyeen Guddiga Saaxiibada Jaamacad Bariga
Afrika ee Ontario.[Eeg
warbixintii Toronto].
26kii Janaayo 2003 ayey
ahayd markii Kulan aad u ballaaran oo dadkii ka hadlay ay
kamid ahaayeen Dr. Xasan Cali Mire, C/isaaq Maxamuud
Dareewal iyo waftiga Jaamacada Boosaso lagu qabtay Atlanta,
Georgia [eeg
warbixintii Atlanta, USA]
Bishii Febraayo ee 2002
ayey ahayd markii Ciise Dhollowaa booqday Jaamacada Boosaaso,
waqtigaas waxaa Dhollowaa warbixin siiyey
CabdiRisaaq Sh. Axmed oo ah Macalin dhiga Luuqada Carabiga
kana mid ah xubnaha Gudiga Maamulka Jaamacada. Waxaa C/Risaaq
sheegay in ay u baahan yihiin dadka Somaliyeed ee awooda u
leh in ay ka caawiyaan dhinacyada waxbarashada, iyaga oo
noqonaya macalimiin yimaada jaamacda sanadkiiba hal mar, si
ay wax u baraan ardadaas.
Halkan ka akhri warbixintii hore ee
waftiga... GUJI
Markabkii lagu haytey Xarardheere oo u dhaqaaqay Ceel-Macaan
Jaaliyadda Soomaaliyeed ee ku dhaqan dalka
Australia ayaa DGPL waxay ugu baqeen in muddo 72 saacadood
gudhood ah ay kusoo magacawdo guddi xaqiiqo raadis ah oo soo
baara heshiiskii shirkada Consort, haddii kale...
Guji... Sept 17 | 
Daabaco
Boggan | Print
