- Dhakhtar Muslim ah oo Dhalo Coca-Cola ah ka Helay Alcohol
- Hoggaamiyayaasha Muslimka oo Sugaya Tijaabooyin Dheeraad ah oo Lagu
Sameeynayo Coca-cola
Dhakhtar Muslim ah oo Dhalo Coca-Cola ah ka Helay Alcohol
Sawirka: Islamonline: "Shirkaadda
Coca-cola waxa ay bilowday olole aad u ballaaran oo ay ku difaaceyso
wax soo saarkeeda, ayadoo sheegtay in aan alcohol ku jirin, in kasta
oo tijaabadii ay cadaysay taas mid ka soo hor jeedda." Sidaas waxaa
qoray shabakada islamonline. |
- Isha: IOL (Warbaahinta Koonfur Afrika)
- Tarjumadii: SomaliTalk.com | July 18,
2005
Dhakhtar Muslim ah ayaa argagaxay markii uu qaddar Alcohol ah
- taas oo ay diinta Islaamku xaaraantinimaysay - ka helay dhalo Coca cola ah.
Arrintaas kaddib markiiba shirkadda Coca-cola
waxay bilowday olole
ay ku difaaceyso cabitaanka ay soo saarto, taas oo ay shirkaddu sheetay
in arrintan ay
sababtay kaddib markii dillac yar uu ku dhacay dhalada ka samaysan
quraarada ee Coca-cola.
Sidaas waxaa warka ku bilowday shabakad ka soo baxda Koonfur Afrika oo
lagu magcaabo IOL.
"Weligey mar dambe ma cabi doono Coke"
Dr. Haroon
|
Bishii hore, Dr. Haroon Dindar, oo 58-jir ah, oo deggan magaalada
Mpumalanga
ayaa waxa uu iibsadey dersin dhalooyin Coke ah oo ahaa nooca
qaada 1.25-litre, sida uu dhakhtarku sheegay.
"Waxaan Coca-cola si toos ah uga soo iibsanaa xarunta
wershedda ee Ermelo.
Taas oo macneedu yahay in aysan soo marin dukaan ama qof kale." ayuu yiri
Dindar.
Galab Axad ah oo qorrax kulayl ah ayuu dhakhtarku gabdhihiisa
ku casumey gurigiisa oo ay ka jirtey isu imaanshaha qoyska ee ay samaystaan cuntada dhaqanka u ah Koonfur Afrika ee loo yaqaan "Braai"
(oo ah hilib solasho).
"Labo dhalo ayaan kasoo bixiyey qaboojiyaha, waxaan saaray miiska
yaalay barandada guriga.
Mid kamid ah gabdhahayga ayaa furtay dhalo, markaas ayey wixii kujirey
bilaabeen in
ay xumbeeyaan" ayuu yiri.
"Ayadoo aan u malaynayn in wax ka khaldan yihiin dhalada waxa kujira
ayey waxay ku
shubtay saddex bakeeri oo ah nooca sal-ballaarka ah".
Markii gabadha 19-jir ah ay kabatay cabitaankii, ayuu yiri Dindar,
waxay u sheegtay asaga in ay dareentay dhadhan aan caadi ahayn.
Markaas ayuu ursaday wixii kujiray bakeeriga, waxana uu xaqiiqsaday in ay
tahay Alcohol.
Mr. Dindar waxa uu go'aansaday in uu waxa dhalada kujira u qaado
shey-baar si loo tijaabiyo.
Tijaabadii shey-baarku waxay xaqiijisay in 100ml oo Coke ah ku jirto 0.924g oo alcohol ah.
Isla markiiba Dindar waxa uu la xiriiray wershedda, waxana uu u sheegay
dhacdadaas.
 Arrintaas darteed shirkadda Coca-cola waxa ay bilowday olole aad u
ballaaran oo
ay ku difaaceyso wax soo saarkeeda,
ayadoo sheegtay in aan Alcohol kujirin.
Waxa ay shirkaddu hal-bog oo buuxa oo xayaysiis ah ku samaysatay wargeyska Cape Argus
caddakiisii Arbacada taas oo ay shirkaddu ku sharraxeyso
xaaladaas.
Xayaysiiskaas oo hoggaamiyayaasha Muslimka iyo dhawr hay'adood
ku casumey in ay booqdaan wershedda si ay u arkaan qaabka dhalooyinka
loogu shubo Coca-cola.
Laakiin Xayaysiiska shirkaddu waxa uu sheegay in tijaabadii sheybaarku ay
heshay Alcohol kujiray cabitaankii qabowga ahaa ee Dindar.
Afhayeen u hadlayey shirkaddu waxa uu sheegay in dillaac yar oo
ku dhacay dhalada uu sababay in ay hawo gasho dhalada, taas
oo sababtay in ay wixii dhalada ku jirey khamiiraan.
Shirkaddu arrintaas waxay ku tilmaantay dhacdo "naadir ah ama mar dhif ah dhaca', ayadoo sheegtay in aan dhacdooyin kale lasoo sheegin.
Dindar waxa uu sheegay in maamulka shirkaddu ay u sheegay in qaddar
khamiir ah laga helay dhalada, taas oo markii ay ku milantay sonkor cabitaankii u
bedeshey Alcohol.
"Waxaan haystey afar dersin oo Coke ah laakiin waan iska sii bixiyey.
Weligey mar dambe ma cabi doono Coke" ayuu yiri Dindar.
Qoraalkaas waxay shabakada IOL daabacday July 13, 2005 , kaddib isla shabakadaas
waxay daabacday qoraal kaas daba socda July 15, 2005, waana kan hoos ku qoran.
Hoggaamiyayaasha Muslimka oo Sugaya Tijaabooyin Dheeraad ah oo Lagu
Sameeynayo Coca-cola
Hoggaamiyayaasha Muslimka waxaa dhici karta in ay fadwo kusoo rogaan
Coca-cola
haddii tijaabooyin kale ee lagu sameynayo sambalada laga qaaday (Coke) ay caddeeyaan
in uu kujiro Alcohol, taas oo ka dambeysey helitaankii Alcohol laga helay
dhalo Coke ah.
Laakiin culimada Islaamka ama hoggaamiyayaashu waxay ku qanceen ilaa hadda
kaddib markii ay booqdeen
dhawr wershedood ee Coca-cola oo ku yaal daafaha dalka Koonfur Afrika.
Bishii hore ayey ahayd markii dhakhtar deggan Mpumalanga,
oo magaciisa la yiraahdo Haroon Dindar,
uu gatay dersin dhalooyinka nooca 1.25-litre ee Coke ah
oo uu ka iibsadey wershedda xarunteeda Ermelo.
Mid kamid ah dhalooyinka oo uu furay waxa ka urayey Alcohol.
Waxaa uu dhalada wixii kujirey u diray shey-baar, kaas oo muujiyey in 100ml
oo Coke ah ay ku jirtey 0.925g oo Alcohol ah.
Maulana Abdool Wahaab Wookay, waa sida wargeysku u qoray'e,
oo madax ka ah qaybta qaabilsan cuntada xalaasha ah
ee loo yaqaan NIHT "National Independent Halaal Trust" waxa uu yiri sambalo laga qaaday dhalooyinkii kale waxaa loo diray shey-baar
madax bannaan oo ku yaal magaalada Durban.
Hoggaamiyayaasha Muslimka waxay booqdeen wershedaha Durban,
Johannesburg iyo Cape Town,
waxana ay ku
farxeen waxay kala kulmeen, inkastoo ay tahay in wershedo kale la kormeero
toddobaadkan.
Qaybo metelaya hoggaamiyayaasha Muslimka oo ay kamid yihiin Halaal
Trust (NIHT), MJC (Muslim Judicial Council), ururka Muslimiinta Koonfur Afrika,
iyo Culimada Sunniga (Sunni Ulama council) waxa ay khamiistii booqdeen
shirkadda soo saarta cabitaanka ee ku taal Athlone Cape Peninsula.
Abdool Wahab waxa uu Khamiistii sheegay in cuntada iyo cabitaanka ay
kormeereen
ay ahayd Xalaal taas oo laga eegay waxay ka samaysan yihiin iyo
waxa ugu dambeeya ee ka soo baxa in ay yihiin Xalaal.
"Waxa laga sameeyey waa in uu yahay wax barax-tiran oo aan dikhood
ku dhicin."
Xoghayaha guud ee MJC, oo magaciisa la yiraahdo Achmat Sedick
(waa Axmed Sidiiq oo sidaas loo qoray'e) waxa uu yiri Qur'aanku
waxa uu sheegay in ay cuntadu ahaato mid barax tiran, caafimaad qabta,
nadiif ah, isla markaasna nafaqo leh.
Abdool Wahab waxa uu sheegay in ay culumadu aad ula tashanayaan khubarada
aqoonta u leh cuntada,
khubarada yaqaan bay-olojiga, iyo saynisyahanada,
waxayna soo saarayaan fatwo haddii tijaabooyinka kale ee sheybaarku
muujiyaan in uu kujiro
Alcohol.
Waxa uuna intaas ku daray in Halaal Trust (ee koonfur Afrika) ay la
tashadeen dawladda Maleysiya
laanta u qaabilsan in ay waraaqaha cadaynta u goyso waxyaabaha la quuto ee
dalkaas soo gelaya. Laantaas oo loo yaqaan JAKIM oo laga soo gaabiyey "Jabatan
Kemajuan Islam Malaysia", waa afka Malayga'e.
Waxyaabaha laga sameeyo Coke waxa ay Maleysiya ka heshaa dalka
Swaziland, halkaas oo ah meesha ay Koonfur Afrikana ka hesho.
Maleysiya waxay hore u xalaalaysay waxyaabaha laga sameeyo Coke.
"Haddii aan niraahno waa xalaal ama xaraam, dadku weli waa cabi doonaan
Coke" ayuu yiri Abdool Wahaab Wookay.
Xalaal Trust waxay rajaynayaan in arrintani u kala caddaan doonto
Arbacada, markaas oo ay culimada u qorshaysan tahay in ay booqdaan
wershedo kale oo soo saara Coke si ay kormeer ugu sameeyaan.
Maamulaha suuq
geynta u qaabilsan shirkada, Denise Green, waxay
toddobadkan sheegtay in dhacdadii Ermelo ay ahad mid "naadir ah", Alcohol-ka dhalada laga helayna waxaa sababay dillac ku dhacay
dhalada kaas oo u ogolaaday in hawadu gasho,
taas oo markaas sababtay khamiirid wixii kujirey dhalada.
ISHA:
www.iol.co.za
Sawirada: Google Images
Tarjumadii SomaliTalk.com Faafin: SomaliTalk.com | July
18, 2005
Tuulada
Qudhacdheero oo lagu soo af jaray shaqaaqooyin laysku hayey ceelal
Ceelashaas oo ay laba
beelood wada qoteen ayaa la duugey kaddib markii...
Guji... July 19
Soomaalida ku jirta
Xerada Nikafali ee Ugandha oo UN-ku Qaadayso
Xeradan qaxootiga oo magaalada Kampala u jirta 280
KM aya amarkii ugu horeysey waxay UN-tu...
Guji... July 19
Kooxda Al-Hijra oo 5
Gool Faraqa u Gelisey Kooxda Göteborg
Sidaasna ay Kooxda Göteborg ku noqotay
kooxdii ugu horeysay ee boorsooyinkooda ka laa laabatay koobkii ciyaaraha
Soomaalida Yurub...
Guji...
"228
Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda
aadamiga u dooda ee Faanoole, taas oo intaas ku dartay in sannadkan Jubbooyinka
lagu diley ugu yaraan 64 qof ayadoo...
Guji...
| 
