Kulan
ballaaran oo lagu qabtay magaalada Birmingham oo lagu
taageerayay Dhaqdhaqaaqa Nabadda Soomaaliyeed
Kulan aad u ballaaran oo ay soo qaban
qaabiyeen jaaliyadda Soomaalida ee ku nool magaalada Birmingham ee dalka
Ingiriiska ayaa lagu qabtay maalinnimadii shalay aheyd magaaladaasi.
Dr. Xussein Cali Axmed
Shirkan oo ay ka soo qeyb galeen xubno ka
tirsan Dhaqdhaqaaqa Nabadda Soomaaliyeed oo ay ka mid ahaayeen Guddoomiyaha
Dhaqdhaqaaqaasi Dr. Xussein Cali Axmed iyo Xoghayihii Guud ee hore ee
dhaqdhaqaaqaasi ahna Xoghayaha Arrimaha Dibedda C/casiis Cali Ibrahim "Xildhiban"
iyo xubno ka tirsan golaha dhexe ee ururkaasi ayna ka mid ahaayeen Abuukar
Cali Jimcaale iyo Aweys Maxamuud Hilowle.
Shirkan oo looga hadlayay waxqabadkii
Dhaqdhaqaaqa Nabadda Soomaaliyeed tan iyo intii lagu dhawaaqay ayaa halkaasi
laga soo jeediyay iyo sida ay sheegeen mas'uuliyiinta dhaqdhaqaaqaasi sidii
u wax ugu qaban lahaa dhiniciisa mashaakilka ka taagan dalka Soomaaliya.
Xaaji Xassan Buulle Qaroofoow (taagan)
Iyadoo sidoo kale uu halkaasi hadal gaaban ka
jeediyay Xaaji Xassan Buulle "Qaroofoow" oo isugu ku nuuxnuuxsaday lagama
maarmaannimada midnaimda iyo wax ka qabashada dhibaatada Soomaaliya. Iyadoo
sidoo kale halkaasi jaaliyaddii Soomaalida ee ku dhaqan magaalada Birmingham
ay soo jeediyeen aaraadooda iyo talooyinka ay u arkaan in ay wax ka qaban
karaan dhibaatada Soomaaliya.
Waxay ugu baaqeen dhamaan madaxda Soomaaliya
in khilaafkooda lagu xalliyo wada hadal kana hortagaan wax kasta oo sababi
kara in dalka uu dib ugu noqdo dagaalladii sokeeye ee horey uga dhacay.
Sidoo kale Guddoomiyaha Dhaqdhaqaaqa Nabadda
Soomaaliya Dr. Xussein Cali Axmed iyo wefdigii uu hoggaaminayay ay ballan
qaadeen in ay dhinacooda waxba ka hagran doonin sidii ay wax uga qaban
lahaayeen xal u helidda arrimaha Soomaaliya.
Ugu dambeystiina waxay halkaasi ballanqaad
buuxda ku siiyeen sida ay u garab taagan yihiin madaxda iyo maamulka
Jamhuuriyadda Soomaaliya.
Haddaba xubnaha Jaaliyadda Soomaalida ee
shirkaasi goob joogga ka ahaa waxaa ka mid ahaa:-
1. Maxamed Guutaale Maalin
2. Cali Axmed Jabaaye
3. Macow Cumar Maxamed
4. Maxamed Xussein Maxamed
5. Ing. Yuusuf Calasow
6. Cabdi Cali Bile
7. C/qaadir Muudeey Caraaye
8. Cali Muxidiin Cali
9. Abshir Maxamuud Nuur
10. Xassan Cabdi Cabdoow.
Saleeban Xassan Calasow
Faafin: SomaliTalk.com | Nov 21, 2005
WARARKA KISMAAYO:::
| 
Daabaco
Boggan | Print
Dr.
Max’ud Jaamac Sifir oo si kulul uga Jawaabay Hadalkii Geedi:
MUQDISHO::: Xubnaha Labada oo Cambaarayn Kulul u soo Jeediyey Hadalkii Geeddi
