 Daabaco
Boggan | Print |
TACSI:::
Cabbey Daahir Rooble oo Geeriyoodey
waxaa Bishaan 13keedii ku
geeriyoodey magaaladaa London, lana aasey 18kii bishan, aaskaasi oo ay
ka qaybgaleen ciyaar yahandii qaran ee london ku sugan, Ciyaar yahan
ka tirsanaa Xulkii qaranka Somaliya, una cayaari jirey naadigaii
Dawladda hoose ee Minashiibio.
Waa allaha u naxariistee Cabbey Daahir
Rooble, wuxuu ku dhashay Buulaburde 1954kii, 1972kii wuxuu u saftey
Ciyaarihii Goboladda isagoo u caayirayey Gobolka Hiiraan, sannadkii
1973 waxaa ku biiray Naadigii Dawladda Hoose oo uu i cayaarayey ilaa
78kii, dabadeedna wuxuu noqday coach labaad ee naadiga. Wuxuu kaloo
u saftey xulkii qaranka laga bilaabo 1975, wuxuu qadan jirey NO.3,
wuxuna ka ciyaari jirey baasha bidix. wixii faahfaahin ah waxaad la
xiriiri kartaa Goolhayihii Qaranka C/qaadir Ciise cabdi (biyooley)
oo tel. kiisu yahay 07958635317
|
-
Ogaadeenya: Dagaallo
gumaysiga Itoobiya lagu jabiyay .
-
Faahfaahin la
xidhiidha xasuuqii Qabridaharre .
-
Jaaliyadaha Ogaadeenya
oo qabtay shirar ay kaga tashanayaan xaaladda dalka
-
Birmingham.
-
Jaaliyadda Ogadenya
ee wadankaKoonfur Afrika .
-
Jaaliyada
Ogadenya ee wadanka Denmark.
-
Jaaliyadaha Ogadenya
ee wadamadaNorway, Qadar iyo USA.
-
======================
Wariyaha
Radio Xoriyo uga soo warrama xarunta dhexe ee Jabhadda Waddaniga Xoreynta
Ogaadeenaya ayaa noo soo sheegay dagaallo badan oo si wayn loogu naafeeyay
ciidammada saama-la-luudka ah ee gumaysiga Itoobiya.
Dagaalladaasina waxay u dheceen sidatan;
08/11/05 dagaal ka
dhacay Jeexdin waxaa ciidammada gumaysiga lagaga dilay 8 askari, 10 kalana
waa lagaga dhaawacay.
08/11/05 dagaal ka
dhacay Karinka Ceegey, oo Godey u dhow, waxaa cadowga lagaga dilay 3 askari,
4 kalana waa lagaga dhaawacay.
10/11/05
Qayla-dhoorrey dagaal ka dhacay waxaa cadowga lagaga dilay 10 askari, 6
kalana waa lagaga dhaawacay.
11/11/05 Dawacaale,
oo Shilaabo u dhow, waxaa cadowga lagaga gubay hal baabuur oo Uuraal ah,
waxaana halkaas ku bas-beelay baabuurkii iyo wixii saarnaa.
12/11/05 Mishinka
Dhagaxbuur dagaal mir ah oo lagu qaaday waxaa cadowga lagaga dilay 6 askari,
8 kalana waa lagaga dhaawacay.
10/11/05 dagaal ka
dhacay Awaare duleedkeeda waxaa cadowga lagaga dilay 11 askari, 9 kalana waa
lagaga dhaawacay.
18/11/05 Fool-jeex,
oo u dhaxaysa Qabridaharre iyo Shilaabo, waxaa lagu gubay 5 baabuur oo ka
mid ahaa baabuur kolonyo ah oo 7 gaadhaysay oo cadowgu lahaa. Mid ka mid ah
baabuurta la gubay waxaa saarnaa qoriga loo Zuuga loo yaqaano ee lidka
diyaaradaha, waxaana guud ahaan halkaas cadowga ka soo gaadhay khasaare
lixaad leh.
Faahfaahin la
xidhiidha xasuuqii Qabridaharre .
Wariyaha Radio
Xoriyo uga soo warrama magaalada Qabridaharre ayaa sheegaya in xasuuqii ay
ciidammada gumayisga Itoobiya dhawaan ka fuliyeen magaalada Qabridaharre ay
ku dhinteen inta la ogyahay 22 qof, oo 19 ay maxaabiis ahaayeen, 3-na
shacabka magaalada ahaayeen. Maxaabiista xasuuqaas lagu dhaawacay waxay
sidoo kale dhan yihiin 16 qof, oo 2 ka mid ah dhaawac rasaaseed ku yaallo,
14-ka kalana ay ku yaalleen dhaawacyo ka soo gaadhay Binnadka qoriga iyo
Faash.
Wariyuhu wuxuu
sidoo kale sheegayaa in ciidammada gumaysigu ay wali argagax ba'an ku hayaan
dadwaynaha magaalada Qabridaharre, iyadoo dadwaynaha loogu hanjabay in la
laynayo haddii ayna wax ka qabanin dhalinyarada faraha badan ee magaalada ka
baxay.
Tan iyo markii uu
xasuuqu ka dhacay magaalada Qabridaharre 15-kii bishan Nofember waxaa
magaalada Qabridaharre dibada uga baxay dhalainyaradii dugsiyada dhiganayay,
dhalinyaro ka tirsanaa Xer magaalada degganayd iyo badiba raggii kale ee
gaashaan-qaadka ahaa, kuwaasoo ka cadhooday sida nacabnimada leh ee
ciidammada gumaysigu ay xasuuqeen ddadwaynaha iyo maxaabiista. Waxay kaloo
dhalinyaradani ka baqeen in ciidammada gumaysigu ay raafaan, si ay ciidammo
uga dhigaan.
Arrintaas iyo
waliba cadhada ka muuqata dadwaynaha caadiaga ah ayaa khalkhal ku abuurtay
ciidammada gumaysiga ee ku sugan magaalada Qabridaharre, waxayna sidii
caadada u ahayd gumaysiga ku xanaaqeen dadwaynaha rayadka ah, iyagoo shirar
aan kala go' lahayn dadwaynaha u qabta, uguna hanjaba inay laynayaan haddii
ay gadoodka joojin waayaan, hase yeeshee dadwaynaha ayaa arrintaas jawaab
cad ka bixiyay, iyagoo u sheegay in la soo dhaafay xilligii uu shacabku
caga-juglaynta ku cabsan jiray.
Dhinaca kale markii
ay taariikhdu ahayd 17/11/05 waxaa magaalada Godey laga raafay dad tiradooda
lagu qiyaasay 300 oo qof. Ciidamada gumaysiga ayaa sidoo kale isku dayay
inay raafaan dadwaynaha ku dhaqan degmada Abaa-qorrow, hase yeeshee
dadwaynihii ayaa ka kala cararay, wayna ku guulaysan waayeen inay dad ka
raafaan. Magaalada Dhagaxbuurna waxaa ka dhacay bannaanbax wayn oo lagu
diiddan yahay qorshaha raafka.
Mooraalka
dadwaynuhu aad ayuu u kacsan yahay, waxaana si aan kala hadh lahayn loo
diiddan yahay in ciidammo laga qoro dhulka Ogaadeenya. Dadwaynuhu waxay aad
u xusuusan yihiin dhibaatadii soo gaadhay dhalinyaradii hadda ka hor la
geeyay dagaalka Eritereya, sidaas darteed waxay ka dagaallamayaan in
ciidammo laga ururiyo dalka Ogadenya.
Jaaliyadaha
Ogaadeenya oo qabtay shirar ay kaga tashanayaan xaaladda dalka
Birmingham.
Jaaliyadaha
Ogaadeenya ayaa maalimihii u denbeeyay oo dhan qabanayay shirar lagaga
tashanayo jawaabtii laga bixin lahaa xadgudubyada xasuuqa iyo dhibaatooyinka
kale isugu jira ee gumaysigu beryahan denbe soo cusboonaysiiyay. Shirarkan
waxaa la soo qabanqaabiyay, xasuuqii Qabridaharre ka dib.
Malintii sabtida
ahayd ee 19/11/2005 waxaa magaalda Birmingham, ee carriiga Ingiriiska ka
dhacay shir aad u ballaadhan, oo lagaga hadlayay gumaadka iyo xasuuqa
joogtada ah ee gumaysiga Itoobiya ka wado dalka Ogaadeenya iyo tallabada ugu
habboon ee Jaaliyada Ogaadeenya ee Brmingham ka qaadi karto.
Shirkan waxaa ka
soo qaybgalay dad fara badan oo matalahayey ururada bulshada, Siyaasada,
aqoonyahanada iyo cuqaasha Ogaadeenya, kuwaasoo ka kala yimid magaalooyinka
Birmingham, Northhampton iyo Coventry.
Shirku wuxuu go'aamiyay in la canbaareeyo oo cadho iyo diidmo laga muujiyo
gumaadka iyo xasuuqa joogtada ah ee Gumaysiga Itoobiya ka wado dalka
Ogaadeenya, oo ay ugu denbeeyeen xasuuqyadii ka dhacay magaalooyinka
Qabridaharre, Farmadow iyo Shilaabo.
Iyo in taageero iyo bogaadin loo fidiyo dadwaynaha Ogaadeenya ee ku gacan
saydhay qafaalka iyo raafka uu taliska Tigeegu ka wado Ogaadeenya.
Si labadaas qodob
ee kor kuxusan ficil loogu muujiyeyo, wuxuu shirku ugu baaqay dhamaan
jaaliyadaha Ogaadeenya ee ka jira aduunka dacalladiisa kala duwan inay
billaabaan hawlgalo kala gadisan oo ay kaga soo horjeedaan Gumaystaha
Itoobiya ee maleeshiyada Tigreegu hor-kacayso. Hawgalladaas oo isugu jira
bannaanbaxyo, cabashooyin loo gudbinayo dawladaha, ururrada xuquuqul
insaanka iyo in tixraac xeel-dheer lagu sameeyo denbiyada kala duwan ee
gumaysiga Itoobiya ka galo dadwaynaha rayadka ah ee Ogaadeenya.
Jaaliyadda Ogadenya ee wadankaKoonfur Afrika .
Waxaa sidoo kale
shir isugu yimid dadwaynaha Soomaalida Ogadeenya ee ku dhaaqn wadanka
Koonfur Afrika markii ay taariikhdu ahayd 19/11/05. Shirkan oo ka dhacay
magalaad Johannesburg waxaa waxaa soo qabanqaabisay Jaaliyadda Ogaadeenya ee
Johannesburg, waxaana lagaga hadlay xasuuqii ka dhacay magaalada
Qabridaharre iyo tallaabada ugu habboon ee lagaga jawaabi karo.
Shirku wuxuu canbaarayn dusha kaga tuuray taliska Addis Ababa, wuxuuna tacsi
u diray dhamaan umada Ogaaadeenya, gaar ahaan eheladii iyo asaxaabtii ay
marxuumiintu ka tageen, iyagana wuxuu Eebe uga baryay inuu u naaxriisto.
Shirku wuxuu is-tusay
in xasuuqa Qabridaharre iyo kuwii ka horreeyayba ay yihiin kuwo is fiican
uga markhaati kacaya dhaqanka Itoobiya ee ku salaysan dad-cunimada iyo
dulimi ku noolaanshaha. Shirku wuxuu beesha caalamka iyo hay'adaha xuquuqul
insaanka ka codsaday inay canbaareeyaan falka uu ku kacay taliska Addis
Ababa ee aadaminimada ka dhanka ah. Dadwaynaha Soomaalida Ogaadeenyana wuxuu
ugu baaqay inay midnimadooda sii xojiyaan, isla markaana guntiga dhiisha
iskaga sii dhigaan, si la isaga xoreeyo gumaysiga dhiigya-cabka ah ee
Abasiiniya.
Jaaliyada Ogadenya ee wadanka Denmark.
Waxaa shir midkaas
la mid ah qabatay Jaaliyadda Ogadenya ee wadanka Denmark maalinimadii
Sabtida ahayd ee taariikhdu ku beegnayd 19/11/05. Shirkaas oo ka dhacay
xarunta jaaliyada ee caasimada Copenhagen waxaa ka soo qayb galay xubnaha
jaaliyada Ogadenya ee wadanka Denmark oo ay ka dhex muuqdeen madax sarsare
oo ka tirsan Jabhadda Waddaniga Xoraynta Ogadenya.
Dadwaynihii shirkan ka soo qaybgalay waxaa wajiyadooda ka muuqatay cadho aan
la qiyaasi karin oo ka dhalatay xasuuqii uu gumaysigu ka fuliyay magaalada
Qabridaharre.
Shirkan waxaa lagaga hadlayay xasuuqii foosha xumaa ee ciidamada gumaysiga
Wayaanuhu ku xasuuqeen maxaabiista iyo shacabka magaalada Qabridaharre,
waxaana warbixin guud laga dhagaystay madaxda jabhada ee ka qabygashay
shirkaas.
Dadweynaha ka soo qayb galay shirkaas oo aad wajigooda ka akhrisan kartay
siday uga xumaayeen xasuuqaa iyo cadhada ay u qabeen gumaysiga Itoobiya ayaa
wacad isku marsaday inay hiil iyo hooba la garab sitaagaan Jabhada Waddaniga
Xoraynta Ogaadeenya. Waxay kaloo ka soo qaybgalayaashii shirku si buuxda
isugu raaceen in gurmad dagdag ah la sameeyo iyo la qabto bannaanbaxyo
lagaga soo horjeedo gumaadka iyo xasuuqa ciidamada Wayaanuhu ku hayaan
shacabka Soomaalida Ogaadeenya.
Jaaliyadaha
Ogadenya ee wadamadaNorway, Qadar iyo USA.
Shirar kuwanoo kale
ah waxay sidoo kale ka dhaceen dalalka Norway, Qadar iyo meelo ka mid ah
dalka Maraykanka, waxayna shirarkaasi dhammaantoodba ku saabsanaayeen sidii
tallaabo isku mid ah looga qaadi lahaa xasuuqa uu gumaysiga Itoobiya u
gaysto dadwaynaha Soomaalida Ogaadeenya. Jaaliyadaha Ogaadeenya ee dalalkan
ayaa dhammaantoodba ballan ku qaaday inay dadaalkooda labanlaabayaan, isla
markaana dardar galinayaan qorshayaashii ay ku horumarinayeen halganka
lagaga soo horjeedo gumaysiga Itoobiya ee JWXO ya hormuudka ka tahay.
Radio Xoriyo
22
November.
2005
Axmed Gaal-Eri
Info@radioxoriyo.com
raadioxoriyo@yahoo.com
Faafin: SomaliTalk.com | Nov
22, 2005
Kismaayo oo lagu
Qabtay Aqoon isweydaarsi ay hirgalisay Jaamacada Kismaayo
iyo Maamulka Isbahaysiga Dooxda Jubba oo kulan ka
yeeshay marti galinta shirka Kismaayo..
Guji... Nov 21
UK: Kulan lagu Taageerayay Dhaqdhaqaaqa Nabadda Soomaaliya
Kulanka oo lagu qabtay magaalada Birmingham ee
dalka Ingiriiska ayaa waxaa kasoo qayb galay...
Guji..
Nov 21
Dastuurka Cusub ee
Kenya oo Maanta loo Codaynayo
Dastuurkaas oo ay ka soo hor jeedaan
Muslimiinta kenya iyo xisbiyada mucaaradka ah ayaa..
Guji... Nov 21
Dastuurka
Cusub ee Kenya oo Maanta loo Codaynayo
Dastuurkaas oo ay ka soo hor
jeedaan Muslimiinta kenya iyo xisbiyada mucaaradka ah ayaa..
Guji...
Nov 21
Reer Minnesota oo
Jaamacadda Hiiraan ugu Deeqay $80,000 oo Doolar
Kulan aad u xiiso badnaa ayaa xalay waxaa
lagu qabtay magaalada Minneapolis, waxaana...
Guji... Nov 21
Ergey Ka Socda Barre
Hiiraale oo La Kulmay C/Laahi Yuusuf iyo Shariif Xasan
»Xildhibaan Dhalxa“waa soo dhoweyneynaa xubnaha Muqdisho
»Qoraal ka soo baxay Jabhadda Xoreynta Soomaali.Galbeed
»DFKMG oo beenisey in hub ay leedahay lagu kala iibsanayo
»Golaha guurtida ee Digil iyo Mirifle oo ka soo horjeestey..
Wararka oo dhamaystiran ka akhri halkan...
Guji... Nov 21
| 
