---

Daabaco Boggan | Print

Hadalkii (Codkii) Geeddi, Xasuuqii Qabridahare & Fooljeex, iyo hadallo googoos ah oo muujinaya Gefkii Geeddi: Dhegeyso::: Waqtiga Codka: 29:30 Dr. Max’ud Jaamac Sifir oo si kulul uga Jawaabay Hadalkii Geedi: Axdi Qarameedku wuxuu sheegayaa in midnimada Soomaaliyeed ay tahay Muqaddas aan meelna looga weecan karayn Guji Madaxweynaha Soomaaliya oo ka dalbaday maamulka Puntland in aysan Kalsoonida kala laaban Raiisul wasaare Geedi. maamul Gobaleedka Puntland waxa uu shaaca ka qaaday in uu burburay heshiiskii shidaalka ee dhex maray DGPL iyo Ra’isul Wasaare Geedi... Guji MUQDISHO::: Xubnaha Labada oo Cambaarayn Kulul u soo Jeediyey Hadalkii Geeddi Kulan ay maanta Hotel Saxafi ku yeesheen xubnaha labada gole ee ku xugan Muqisho ayaa lagu soo dhisay guddi kaddib markii.. Guji Cali Maxamed Geedi oo Maamulka Puntland uga Baxay Eayadii ku Qornaa Warqad Qarsoodi ahayd oo uu Qoray Warqadaas oo uu Ra'iisul wasaaraha DFKMG ku... Guji... Madaxweyne ku xigeenka Puntland Xasan Daahir (Af-qurac) ayaa si weyn u dhaliilay hadalkii dhawaan ka soo yeeray Ra’isul Wasaare Geedi. Guji... Madaxweyne Gaaray Hadafkiisii (mission accomplished) iyo Khudbadiisii Xusuusta Reebtay. Guji | Wardheere Qosolka Dhurwaaga ragba run u moodey Maamulka Tigreyga ee uuhogaaminayo Mudane Mele Zanawi waxey taageero maaliyadeed ka heshaa ururada sirdoonka kuwa dunida ugu waaweyn Guji

D a c w o

Abwaan maxamed dhagaafe cilmi
Email: m_dhagaafe@hotmail.com
Mbale, Uganda
_____________
__________
____

Maxamed Dhagaafe Cilmi

Maansadan waxaa curiyay Abwaan maxamed dhagaafe cilmi Oo ku nool magaalada Mbale ee dalka Uganda. Maansadan waxa Aay soo baxday 26^ka November 2005.

Maansadan waxa aan uga dacwoonayaa Haddalkii kasoo yeeray raisal wasaaraha dawladda kumeel gaarka ah Ee soomaaliya, haddalkaas oo uu ku sheegay in aysan jirin dad soomaaliyeed Oo la adoon sado  oo ku jira gacan gumaysi  asaga oo intaas kuma ekaane yiri Waxaan aqoon sanayaa Somaliland haddii aduunku aqoon sado, malaha markii Uu saad u hadlaayay odaygu maba eegin xilka uu u hayo ummadda Soomaaliyeed Iyo culayska uu xanbaar san yahay, waxaan isku dayay inaan u dacwoodo madaxweyanaha Soomaaliya mudane c/laahi yusuf axmed  inleen asagaa horay u magacaabaye....  akhris wacan akhyaarreey:

   Dacwo!! 

1. Inkastoonan deelleey

2. Marka damacu ii galo

3. Aanan daal kamudanoon

4. Sida geel darloo dhigay

5. Wiillal doorra shubayaan

6. Aan dardaro wadaantoon

7. Daadwararac kaga dhigo

8. Misna kuma dagdago oo

9. Madeeysaa anoo laan

10. Haddba daalacdaayoo

11. Daymada ku eeggaa

12. Xaajo aan ladayn Karin

13. Dagdag baan u doontaa

14. Qalikiyo dawaaddoo

15. Dabadeed dantaydaan

16. Daaha kaga iftiinshaa.!

17.  

18. Afartaas cirda`ay iyo

19. Doog iyo xareed warran

20. Arar diiran weeyaan

21. Afarkalana doorkaan

22. Dareenkii ikiciyiyo

23. Dantii gabayga weeyaan!

24.  

25. Damac lala xishoodiyo

26. Warku daah ku wacanaa

27. Haddalkaan duxfiicnayn

28. Dadku kugu amaanayn

29. Ka dal doorso roonaa!

30. Ninna door hadduu yahay

31. Ama duub u xidhan yahay

32. Dagdag kuma haboonee

33. Dib u fiirso wacanaa!

34.  

35. Maah maah da`waynbaa

36. Duul hore wuxuu yiri

37. Dherigaan dabool culus

38. Dusha uga hadeysneyn

39. Dhakhso daadi fuudkiis.

40.  

41. Duni yaabbab badaneey

42. Duhurka iyo fiidkaad

43. Midba xaal ladaris tahay!

44.  

45. Doog iyo Abaar laay

46. Dib jir iyo nin maallaay

47. Deeqsi iyo bakhayl laay

48. Doqon aan xil gudan iyo

49. Daacad iyo kidaab laay

50. Nabad iyo dagaal laay

51. Markii xaalku doorsamo

52. Xabad la isku dabar jaro

53. Abwaan doona nabaddoo

54. U damqada dadkiisiyo

55. Mid dagaal ka huriyoo

56. Shar u duuban leeyeey!!

57.  

58. Intaan daa`in abid jiro

59. Waxa xumo dushaadiyo

60. Mindhaa dacar ma fiiqsado

61. Waana kaa dig toonahay!!

62.  

63. Afartaas kadaba tuur

64. Arartii daboolleyd

65. Ka dag awrka diihaal

66. Darantiyo ugbaad kiyo

67. Daaculaha ha daaqee!!

68.  

69. Haddii geel dibood yahay

70. Kuray laguma daayoo

71. Diihaalka oonkiyo

72. Diyow gaa u halisee

73. Dalkeennii lahaystiyo

74. Dadkeennii la duud siyay

75. Nin kaan doorka moodnoo

76. Shalay duubka loo xiray

77. Hadduu dayrshay oo yiri

78. Duulkaas xorweeyaan

79. Dariskeena weeyaan

80. Ayagaana door biday

81. Dadka ay la joogaan!!

82.  

83. In difeeto gaadhiyo

84. Duud sina warkiis daa!

85. Anna doorka maantaya

86. Waxba dood kamaan qabo

87. Caku darajadiisee

88. Dadkiisii ma eeddeen?!!

89. Yaanu uga dacwoonaa

90. Ninkii duubi gii iyo

91. Daqaydiiba feentaa

92. Lagga loogu darayaa

93. Dul mi iyo dhib badanaa!

94.  

95. Hadduu dogob harleeyahay

96. Dadku ugama leexdeen

97. Daraciyo quraan yada

98. Waxaan uga danleeyahay

99. In amxaarro daran tahay

100. Dad inoogu neceb tahay

101.  Waa tii doraadtaba

102. Qabri daharre lagu dilay

103. Dumarkiyo ciyaallada!!

104.  

105. Ineey Kenya digif tahay

106. Dadkeenii xasuuqeen

107. Ninka diiddan oo yiri

108. Wax dukheeyay lama arag

109. Yaanu uga dacwoonnaa?

110. Duqii aaway ina yeey?

111.  

112. Hadduu diiday waa hore

113. In goldogob amxaar dago

114. Muuka diiro maantana

115. Mise ruux dantiis helay

116. Dadkaleeto uma naxo?!!

117.  

118. Ninka yiri madiidani

119.  Kuwa doc isku taaggiyo

120. Doonaaya goosmada

121. Dunidaan aqoon sane

122. Haddii dowlad loo qiro

123. Waxba doodad kama qabo!!

124. War yaan uga dacwoonaa?

125. Duqii aaway ina yeey

126. Geedi ina ka daayoo

127. Rag dareen wadani loo

128. Uusan dowrin maankiyo

129. Aynu duubno odayaal

130. Darsa xaaladdaha jira

131. Ama duubka noo dhigga

132. Aannu duul damqaayiyo

133. Dad aqoonle saarnee…

  Dhamaad

Abwaan maxamed dhagaafe cilmi
Mbale,uganda email: m_dhagaafe@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Nov 27, 2005 

MAANSADA "GURMAD": Gabay ku socda Cali Geeddi

BAARID | SEARCH