Waxaad moodaa haddii aan aqoon lahayn cidaha dunida ka jira dhammaan inaan wax ka xusi lahayn, HAPPY NEW YEAR in badan oo naga mid ah baa u dabbaal degta, ama xataa mararka qaarkood u dabbaal dega CHRISTMAS-KA, waxaa kaloo guryo badan laga sameeyaa xuska dhalashada (HPPY BIRTHDAYama HAPPY NEW YEAR,) waxaana loo qaadan karaa inay kuwo badan oo naga mid ah u dabbaal degi lahaayeen haday aqoon lahaayeen sanadka cusub ee Itoobiya, ama SHiinaha, ama Diwaaliga Hindida,... marka runtii la yaab weyn ima gelin markaan arkay dhalin yaro badan oo gadanaya Valentine-card ama waraaqaha lagu qoro dhambbaallada Ventine-ka, hadaba xaqiiqo ahaan maxuu yahay Valentine?

Valentine-ka ayaa sanad kasta ku beegan 14ka bisha February, waxaana dad badan oo dunida ku nool oo dhaqan ahaan aaminsan Valentine-ka ay taariikhdaas u isticmaalaan maalin laysu diro Farriimo Kal-gacayl siiba dadka is-qaba, kuwa isu doonan, ama uu u hor leeyahay xiriir Kal-gacal, sidaasoo kale Caa'illada iyo dadka asxaabta ah.... aalaaba dhambbaalada ay isu diraan dadka aaminsan valentine-ka ah ayaa xambaarsan weedho ama sawiro muujinaya Kal-gacayl, haddaba dhaqankan ayaa sida kuwa aan kor ku soo sheegnay isna wuxuu ku salaysanyahay Diin ama caado khuraafaad ah.

Sida dabeecadda binaadanka tahay waxaa ummad walba laga dhex heli karaa dhaqamo ka soo jeeda caadooyin hore oo ay dhaxleen ama ka soo gaaray dadyow kale, dhaqammadaas oo xummaan kara ama wanaagsanaan kara ayaa haddi ay taabbo galaan oo ay mujtamaca dhexdiisa ka dhaqan galaan ay adagtahay in la joojiyocxataa haddii ay xunyihiin, sida muuqatana dhalintaas iyo dad kale oo faro badan baan aqoon u lahayn ama aan haba yaraatee fikrad ka haysan dhaqammada ama ciidaha noocaan ee galbeedka inooga yimaada waxa ay ku salaysanyihiin.

Valentine-ka ayaa sida xaflado badan oo galbeedka inooga yimid oo ay dadkeena caadeysteen wuxuu isna ka soo jeedaa caadooyin xagga diinta ah iyo sheekooyin khuraafaad ah (Mythology)waxaase la qiyaasayaa inayka soo jeeddo seddex caado oo qadiim ah midkood:

Waa miidda horee ragga taariikhda ku takhasusay qayb ka mid ah ayaa qaba inay ciiddaan ku timid labo wadaad oo diinta Chritian-ka (masiixiga) daraadeed loo dilay waayadii ay bilaabanayeen samaysanka Kaniisadaha, waxaana sida ay qorayso taariikhdii Roman-kii, gaar ahaan keydka diwaanka dadka loo dilay diinta masiixiga daraadeed in dilka labadaas wadaad uu ku aaddanaa 14ka bisha February, sidaas daraadeed ayeey maalintaas dadka masiixiga ah xusaan oo weyneeyaan, ayadoo qaababka lagu kala duwanyahay.ka

Midda kale dadka taariikhda ku xeel dheer qaarkood ayaa magacaan la xiriiriya inuu ka soo jeedo ciid ay Roman-kii u dabbaal degi jireen oo la oran jiray Lupercalia oo muhiim u ahayd diintii Roman-kii hore, sida la sheegayna ciiddaas waxaa loo dabbaal degi jiray 14ka ama 15ka bisha February, waxaana la sheegay in wadaaddada damaashaadka ciiddaas hor kacaya ay gowraci jireen Eey iyo dhowr neef oo ari ah, wuxuuna damaashaadka ciiddaas ka dhici jiray god ku yaala buurta Blatine ee ku taala meesha la yiraahdo Lupercalia, markaasoo ay wadaaddada damaashaadka hor kacaya haragga ariga ka samayn jireen Jeedal ama Karbbaash, marka jeedalkaas ayaa loo dhiibi jiray labonin oo dhalin yaro ah, kuwaasoo jeedalka kula wareegi jiray buurta kuna garaaci jiray haweenka, waxayna rumaysnaayeen in haweeneyda lagu dhufto jeedalkaas ay yeelanayso bac rin wanaagsan, isla markaasna ay ilmo badan dhalayso.

Aragti 3aad ayaa ayadana sheegaysa in Valentine day ay ka soo jeeddo fikrad gabowday oo ay qabaan dadka Ingiriiska ah, taasoo ahayd inay rumaysnaayeen in shimbiraha ay nolol wadaagooda xushaan maalinta 14ka bisha Febrauary, sida badan fikirkan ayaad moodaa in haweenka weyneeya ciiddan ay qaateen oo maalinkaan 14ka Febrauary ayeey haween badan waraaqo ay munaasabaddan la beegsadeen u qoraan nimanka ay rabaan inay nolosha qaybsadaan....

DHanka kale, wadamada qaarkood ayaa maalinkan ay tahay maalin rasmi ahaan looga ciido oo shaqada laga nasto, wadamadaas ayaa badankood ciidda Valentine-ka loo tix geliyaa inay tahay ciid diineed oo weyn, waxaana iska cad in dadka ciiddan u dabbaal dega ay dhammaan yihiin dadka haysta diinta masiixiga oo iyagu ujeedooyin diin ku salaysan ay ka dambayso damaashaadka ay maalinkaas sameeyaan, iyo dad aan wax diin ah aaminsanayn... laakiin nal aan ku weydiiyee, adiga Mulimka ah, Somaaliga ah maxaad ciiddaan ugu damaashaadaysaa?!..... sow taas ma aha meel ka dhac aad ku samaynayso diintaadii iyo dhaqankaagii wanaagsanaa, sow ma aha inaad luminayso dhaxalkiiaad ilmahaaga iyo facaha soo socda aad uga tegi lahayd diin ahaan iyo dhaqan ahaanba mustaqbalka.... Valentine waa midkaas ee haddii aad u damaashaadayso maxaad qalaysaa?!!

WQ: A.Y.M.S 

END

Afeef: Aragtida qoraalkan waxaa leh qoraaga ku saxiixan

[Qoraallo kale 

  »»“Bulshada Rayidka”, Waa Tee, Waa Tumaa?
»»Shirka Qarsoon ee C/Qaasim iyo C/hi Yuusuf
»»WAANO GUUD SOMALIYEEY
»»BOGGA MAQAALADA DADWEYNAHA... GUJI 

MA OGAADEENIYADII BAY LA DHALIWAYDAY !!!?
Faaladii Xagar Yare.... GUJI... Feb 4

»»CUDURKA AIDS-KA: Muxuu yahay, sidee lagu kala qaadaa, maxaana looga hortagi karaa? W.Q. Faarax A. M.; University of Karachi

WASIIRKA DENMARK OO DOONAYA INUU CIQAABO WAALIDIINTA SOOMAALIDA 
Wasiirka arrimaha is dhexgalka ee dalka Denmark Bertel Haarder ayaa ku hanjabay inuu ciqaab marin doono waalidiinta somaaliyeed ee ubadkooda ugu dira Somaaliya dhaqan celin awgeed.  GUJI... Feb 3

Toronto: Taageerada Jaamacadda Geeska Afrika
Shir ay qabanqaabiyeen Guddiga Saaxiibada Jaamacad Bariga Afrika ee Ontario ayaa lagu qabtay  huteel ku yaal Toronto....  GUJI... Feb 3  

Sucuudiga oo Bixiyey 1.3 million Visas Xajjka Sannadkan 1423
Sidaas waxaa shaaca ka qaaday Wasaaradda Arimaha gudaha ee Sucuudiga, waxa kale oo wasaaradu sheegtay in....  GUJI... Feb 2

DAREENKA DADWEYNAHA IYO TODDOBAADKAN
Maamulka Somaliland oo Xabsiga u Taxaabay Ergey Nabad Doon ah

URURKA AFRIKA OO GALAYA TIJAABADII KOOBAAD
Midawga Afrika ayaa markiisii ugu horraysay kulankiisii koobaad kuyeelanaya magaalada ADDIS-ABABA  GUJI... feb 1 m