Somalitalk.com Online Community:

Home

Webs

TellFriend

Feedback

w w w . s o m a l i t a l k . c o m

SOMALITALK - MINNESOTA

WARARKII WARDHEERE EE TODDOBAADKA

wardheere Mahamoud N. Wardere

mnwardere@yahoo.com

Musharaxii hore ee duqa Minnesota

March 3, 2003

Wararka toddobaadkan waxaa ka mid ah:

Sanatoorka Minnesota ee Norm Coleman oo bilaabay barashada af-Soomaaliga.
Dood kulul oo ka dhex taagan dadka maraykanka ee taageersan dagaalka la filayo in lagu qaado Ciraaq iyo kuwa diidan

(warka oo dhamaystitan

Choose kaah for confidence, convenience & competitive, rapid, reliable & responsive

Senator Norm Coleman

Sanatoorka Minnesota ee Norm Coleman oo bilaabay barashada af-Soomaaliga.

Sanatoorkan oo sanadkan 2003 bilowgiisa loo dhaariyay jagada ka dib markii uu ku guulaystay doorasho aad u dhib badnayd ayay ka go’an tahay inuu xiriir la samaysto dhamaan umadaha ku nool Minnesota si ay shaqadiisa ugu fududaato isla markaasna wax uga tarto mustaqbalka siyaasadiisa.

Sida la wada ogsoon yahay Minnesota waa meesha ay ku nool yihiin Soomaalida ugu badan United States of America abaabul waynna waa ay sameeyaan. Taasi waxay dhalisay inay siyaasiyiinta gobolkan dareemeen arrintaas iyo awooda codbixinta mustaqbalka ee Soomaalida Minnesota.

Haddaba usbuucii na soo dhaafay ayaa waxaa la arkay Sanatoorka oo ku leh qaar saaxiibadiis ka mid ah “waxaan bilaabay barashada af Soomaaliga ee fadlan ii raadiya buugaag ama cajalado aan ka barto af Soomaaliga.” Arrintan ayaa la filayaa inay ka dhalatay xilligii ololaha doorasha uu ku jiray badintii laga badiyay ku hadlidda af Soomaaliga oo uu ka badiyay Sanatoorkii dhintay ee Minnesota oo la dhihi jiray Paul Wellstone. Sida la filayo Sanatoor Coleman wuxuu baran doonaa oo kelya sida loo yiraahdo ma nabad baa, sidee tahay, mahadsanidiin, magacaa, iyo kelmado la mid ah si ay ugu sahlanaato dhexgalka Soomaalida.

Warar aanan la xaqiijin ayaa sheegaya in uu Sanatoor Coleman isu soo taagi doono madax waynenimada United states of America haddii uu alla idmo 2008. Waxaase la hubaa in dhamaan nimanka xisbiga jamhuuriga ee isu diyaarinayaan jagada madaxwayne nimda 2008 ay badankood sheegeen inay jeclaan lahaayeen inay ka dhigtaan Coleman inuu doorashada ku mataaneeyo(runningmate).

Dhammaan dadka ku abtirsada xisbiga Jamhuuriga ayaa aad u jeclaaday Coleman ka dib markii uu ku guulaystay doorasho aan caadi ahayn waayo sanatoorkii la tartamayay ayaa geeriyooday 10 beri maalinta doorashada ka hor, tacsida awgeed ayaa qalabka warbaahinta dalka iyo madaxdii wadanka oo dhan ay ku soo qulquleen Minnesota waxaa intaas sii dheeraa markii uu tartanka doorashada soo galay nin maraykanka oo dhan laga wada yaqaano oo horay u soo noqday Sanatoor, safiir Japan, Madaxwayne ku xigeen oo la yiraahdo Walter Mondale. Waxaa intaas dheeraa siyaasiyiin badan iyo qalabka warbaahinta oo saadaaliyay in Coleman laga badin doono.

Dadka ku abtirsada xisbiga jamhuuriga ee ku nool 50ka gobol ee dalka maraykanka ayaa casuumaad isdaba joog ah u fidinaya Sanatoor Coleman inuu u yimaado oo ka qudbeeyo goboladooda taasoo dhalisay inay murashaxiinta mustaqbalka ee madaxwaynenimada maraykanka u soo kala dhuuntaan Coleman oo mid walba yiraahdo madaxwayne kuxigeen ii noqo oo ii soo jiid dadka ku abtirsada xisbiga Jamhuuriga noo soo jiid.

Dadka ugu cad cad hadda oo isu diyaarinaya murashaxnimada Maraykanka 2008 waa duqii hore ee magaalada New York Rudy Juliani oo ay dad badani u yaqaanaan Geesigii Ameerika – waa hadal ka yimid musiibadii ka dhacday New York markii uu madax ka ahaa. Iyo Jeb Bush oo ah Governorka Florida. Arrinta ayaa waxaa aaminsan oo u arka xeelad fiican dadka u dejiya istiraajiyada xisbiga jamhuuriga lana filayo inay ku la taliyaan ninkasta oo ay isleeyihiin wuxuu ku soo baxayaa tikidka xisbiga jamhuuriga inuu Sanator Norm Coleman ka dhigto madaxwayne kuxigeen!.

Dood kulul oo ka dhex taagan dadka maraykanka ee taageersan dagaalka la filayo in lagu qaado Ciraaq iyo kuwa diidan

Bidix: Martin Luther King III, Maxamuud Nuur Wardheere: Photo WQ: Maxamed Cali / SomaliTalk.com | GUJI...

Wadanka maraykanka ayaa la filayaa inuu dagaal ku qaado dalka Ciraaq sidaas darteed ayaa maamulka wadanka wuxuu bilaabay inuu dadwaynaha diyaariyo ayadoo durbaanada dagaalkuna aad loo garaacayo gaar ahaan qalabka warbaahinta ee waawayn ayaa bilaabay dadka inay tusaan Tvga calaamadaha sida Target Iraq, Show Down with Iraq, War on Terror, iyo ayadoo dadka la tusiyo masawiro dad kurdis ah oo wejigoodii iyo muuqaalkoodii bedelmay oo la yiri waxaa saas sameeyay Saddaam Hussein.

Dooda ayaa u dhaxaysa dadka ka soo horjeeda dagaalka iyo dadka taageersan dagaalka oo xataa haddii aad magaalada dhex socoto waxaad arkaysaa guryo badan oo ay ka suran tahay XOREE CIAAQ OO TAAGEER CIIDAMADEENA OO WAC CONGRESSKA ama DHEH DAGAAL MA RABO WAC CONGRESSKAAGA. Kuwa taageersan dagaalka ayaa waxay leeyihiin Sadaam Hussein waa sidii Hitler oo kale dadkiisa ayuu sun ku buufiyay qof uu daynayo ma leh deriskiisa ayuu weeraray mana dayn doono, Nuclear ayuu rabaa inuu samaysto, noocyo badan oo sun ah ayuu samaystay, Isreal nabadeeda asaga ayay ku xiran tahay, dimuqraadiyada bariga dhexe waa hirgalaysaa haddii uu isaga meesha ka baxo iyo inuu yahay qatarta koowaad ee soo wajahday dalka maraykanka. Ugu danbayntii argagixisada adduunka ayuu saddaam ku xiran yahay iyo sababo kale.

Kuwa diidan dagaalka waxay leeyihiin dagaalkan looma baahna, qubarada waxbaarta ayaa ku filan oo heli kara wixii uu hub haysto, kuuriyada waqooyi ayaa ka qatarsan, arrinta Isreal iyo falastiin oo la xaliyo ayay danta bariga dhexe ku jirtaa, Ciraaq Saddaam ka dib maxay noqon, sadaam iyo argagixisada wax cadayn ah lama hayo inay xiriir leeyihiin, dagaalku waa saliid doon, waa dhul gumaysi doon, maamulka dagaalkan siyaasad ayuu ka wataa, waa xukun bedel, waa gardarro, dhaqaalihii ay u baahnaayeen dadka saboolka ah iyo daryeelkii waayeelkeena ayuu dagaalkan la degayaa, shaqooyinka iyo waxbarashada ubadkeena ayuu la degayaa, umad badan oo aan waxba galabsan ayaa ku dhiman doontaa iyo sababo kale.

Dooda qaybta ugu yaabka badan waa ayadoo qaar ka tirsan dadka dagaalkan diidan oo waayeel u badan ay sawiranayaan dhimasho badan oo ku timaada askarta maraykanka oo waxay xasuustaan dagaaladii Vietnam, Korea dagaalkii kowaad ee adduunka iyo kii labaad. Weliba magaalo ku dhexdagaalista qatarta ay leedahay sida kii xamar iyo ayagoo ku doodaya dagaalkan inuu ka mashquulin doona la dagaalkii argagixisada.

Kuwa ayidsan dagaalka qaar ka mid ah ayaa leh jaahil weli hurdo ayaad tihiin goormaa noogu danbaysay dagaalka aad ka hadlaysaan ? adduun tegay ayaan ka hadlaysaan oo ma arki doontaan naxashyo badan oo la keeno USA kuwa yar oo si lama filaan ah iyo shil ku dhinta mooyee. Waxaa la gaaray technology iyo heer sare, askari lug ku dagaalamayaa ma jiro diyaarado meel fog wax ka soo rida iyo gantaalo ayaa ku filan mana ka mashquuli doono dagaalkeenii Argagixisada. Ma iloowdeen inaan goor hore saddexdagaal soo galay oo aanan isticmaalin askari lugaynaya ilaa meesha la aslaaxiyo. Yuguslavia, Afganstan, iyo Ciraaq 1991.

Dagaalku sidaad filaysaan ma noqon doono wuxuu noqo mid beryo ku dhamaado waayo janaraalo ciraaq ah ayaa la diyaariyay oo meesha ka faa’iidaysta oo Saddaam afgembiya.

Markaas ayaad ogaan doontaan guusha aan ka gaarno dagaalka argagixisada sumcad iyo amaan ayaan heli doonaa.

Doodaas kii ku guulaysta iyo wixii ka soo baxa dagaalkan ilaahbaa og waayaha ayaana soo tebin doona meeshay ku danbaysana la arki doona!.

Mahamoud N. Wardere
mnwardere@yahoo.com

March 3, 2003

Wardheere Archive......

Wardheere oo Laga Dhigay Lataliyaha
Senetor Norm Coleman - Minnesota
shaqadiisuna waxay noqon doontaa xiriirinta Soomaalida Minnesota iyo African-ka kale iyo.... GUJI.. Feb 20

Senator Norm Colemanka Minnesota oo Madax Looga dhigay Gudi Hoosaadka Baarista
iyo daba galka guud ee dawladda Maraykanka.... GUJI 20/1

Senatorka cusub ee Minnesota Norm Coleman oo la dhaariyay
Waa Senatorkii u ballanqaaday in uu la kulmi doono bulshada Soomaalida ee Minnesota saddexda bilood ee u horeysa gudaheeda haddii uu doorashada ku guulaysto GUJI.. 9/1/3

I I D H E H

^{Waa
latarxiilay, laguna banaanbaxay ee maxaa u diidey in ay Joogaan dalkooda}^{Wararka iyo Faalooyinkii
Maxamuud Wardheere ee toddobaadkan oo ay ka mid yihiin......
GUJI..}

Habeenkii Taageeridda iyo Horumarinta Jaamacadda Bariga Afrika, Boosaaso
MINNESOTA: shirweyne uu ka hadlay hormuud kasocda Jaamacada Boosaaso iyo aqoonyahano badan oo Soomaaliyeed, sidii uu u dhacay KA.AKHRI.HALKAN

Siciid Saalax & Habeenkii Ardayda Soomaaliyeed ee Minnesota
Dhulka Soomaaliyeed yaaleh, waxaa leh NABADDA ayuu ku jawaabey Siciid Saalax oo hadal dheer kasoo jeediyey habeenkii Ardayda Jaamacada Minnesota.. GUJI 30/12

ELDORET: Taxanaha Wararka

com

>> Usheeg Asxaabtaada

Allah Is Great

Eldoret waa caynkee

ELdoret- Bishan

Eldoret-Nov 2002

Eldoret-Oct 2002