SomaliTalk DALSAN
w w w . s o m a l i t a l k . c o m
SOMALITALK - MAQAAL

Janaayo 20, 2004

Dagaalku cabbaarkiisa hore waa gabar cas oo kale oo quruxdeeda caalle kastaa dabo-cararo

C/Waaxid C/hi Khaliif


London, UK

  cabdulwaxid@hotmail.com 

 

 

Daabaco Boggan | Print


Filimada anshaxa xun, ruugidda Qaadka

iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...



Bidix ka bilow: Mauulid Man, Abdullahi Yussuf, Abdukassim Salat Hassan, Hussein Aided
(Sawirka AFP)


WARBIXIN: SHIRKII 9/1/4 ee SOOMAALIDA LOOGU QABTAY NBI

Ilaah baa mahadleh. Nabadgelyo iyo naxariis ha ahaato Nabi Muxamed korkiisa.

Cumar Binu Khitaab (RC) waxaa la sheegay inuu yiri waxaa Islaamka fahmi kara ninkii waqtigii jaahiliyadda soo maray. Sidoo kale akhristayaal waxaa dagaal fahmi kara qofkii dagaal-aqoon ah. Dagaal-aqoonnimadu maahan dagaal-oognimo ee waa qof yaqaan dagaalka iyo axwaashiisa oo aan dagaal gelin ilaa lagu khasbo. Bal aan fiirino gabay uu tirshay Salaan Carrabey.

  • · Maalintii Cumar Daahir
  • · Isku gooyay cayaartiyo,
  • · Nin Caloolacad joogay
  • · Oo Meygaag Ciidan war qaatay.
  •  
  • · Wuu cibaaro qabaayoo
  • · Belaayuu curufkeediyo
  • · Camalkeeda yaqaane,
  • · War tolow, colka jooja!
  •  
  • · Nin habeenno casheeyay
  • · Cadar aan hadh lahayn iyo
  • · Ceeryaamays ugu toosta
  • · Oo inuu caafiyaddiisa
  • · Cabbaar meel la fadhiisto
  • · Cagligaanay geleyne,
  • · War tolow, colka jooja!
  •  
  • · Carrabkaan ku hadlaayana
  • · Nin caleentii caddaatiyo
  • · Caamadaan garanayn oo
  • · Kolkay cuurar dhintaane
  • · Cutub weyni cidlaadaa
  • · Lays canaanan hadhowde,
  • · War tolow, colka jooja!
  •  
  • Wuxuu sii yiri:
  •  
  • · Nin carruur iyo maato
  • · Iyo calli reero la yaal
  • · Oo coofaaya golaa
  • · Oo cararaaya hadhow
  • · Iyo nin colaad talinaaya
  • · Caddaystay idinka buuxa’e,
  • · War tolow, colka jooja!

Bal aan fiirino waxa lagaa sheegay nin Carab ah oo la oranjiray Camri Binu Dii-Macdiyarkib oo dhowr beyt oo gabay ah dagaalka ka tirshay. Gabaygii oo aan tarjumay waa kan.

Dagaalku cabbaarkiisa hore waa gabar cas oo kale, oo quruxdeeda caalle kastaa dabo-cararo, ilaa dabku cartamo oo holucu cirka isku shareero, markaasay cajuusad noqotaa aan ninna cududda ugu jirin, cirro leh oo urkeeda laga cararo, dhunkashadeedana laga caago.

Gabaygii oo Carabi ah waa kan:

الحرب أول ما تكون فتية تسعى بزينتها لكل جهول

حتى إذا اشتعلت وشب ضرامها ولت عجوزا غير ذات حليل ‏

شمطاء ينكر لونها وتغيرت مكروهة للشم والتقبيل ‏

Wuu run sheegay oo qof kastaa waa ogyahay haddaan qowlka la suubsan, sida dhibta yar ee dagaalku uga qarxi karo waxaan qiimo lahayn. Haddaad i rumaysanwaydaan akhriya/dhegaysta gabaygii ahaa: ragoow kibirka waa lagu kufaa oo uu tiriyey Ismaaciil Mire. Waxay ilatahay in dadka degen degaanka ay isku haystaan Daahir Riyaale iyo C/hi aad u fahmayaan labadaas gabyaa iyo waxay ka hadlayaan.

Haddaad aragtid wiil labo bistooladood ku wata magaalooyin reer tolkiis degaan oo nabad ah ama isagoo madax ah lagu arko isagoo bistoolado la laafyoonaya dukaamada hortooda sidii lagu arki jiray saraakiishii milatariga qaarkood iyagoo gobollo ama Xamar jooga oo aad mooddo inuu film ”Cowboy” jilayo waa qof aan dagaal ku fiicnayn oo fulay ah, waana kuwa badanaa dadka maxaabiistaa ama maxasta laaya. Haddaan been la sheegayn waa la ogaa saraakiil badan oo dadka istusi jiray fadalo ay dhigeen iyo magacyadii ka raacay.

Wallee reer Puntland waan u baqsanahay. Ilaa dhowr sano baa waxaa haysta sheekadii ahayd “war hayaay waa waraabe” oo kale. Sheekadaas qof walba waa garanayaa in wiilkii la oran jiray Cumar beenaale isagoo arigiisa la jooga uu dhowr jeer yiri: war hayaay waa waraabe oo dadkii magaaladu dhowr jeer usoo gurmadeen ilaa maalintii dambe waraabayaal iyo yeey run ahi soo weerartay markaasuu dadkii u qayshay sidii caadada u ahayd dabadeedna ciyaar looga qaatay. Waxaan filayaa intaas oo jeer bay Allpuntland.com dhaheen shirqool seddex gees ah baa jira, shimbiraalay belaayo joogtaa, Hobyaa hub lagala soo degay iyo maantadaan oo kornaylku leeyahay Ismaaciil Cumar Geelle baa Rayaale dabada ka wada. Waxay ila tahay inay belaayo saadsanayaan. Haddii Ilaah idmo waxaa dhici karta inaan C/hi ka qoro cinwaan ah:

“nin belaayo hurshaa mar uun buu ku baxaaye Cartan-Boos ma kan baa?”

Marka kornaylka waxaan leeyahay haddii C/Qaasim iyo Cismaan Caato kaa siyaasad fiicnaadeen oo saaxiibo samaysteen maxaan kuu samaynaa? Maxaad dadkaaga qaarna u laynaysaa qaarna cadow ugu samaynaysaa? Horta C/hi iyo Ina-Afguduudoow dabkii la shid, holiciina cirkuu isku shareeree adkaysta oo shacabka Puntland sheekadiina waxay u arkaan ”war hayaay waa waraabe” ee haku daalina.

Horta shacab iyaga hadal iiguma harsana ee dhowr nin oo daraawiishta horbooda ayaan kalmaddii u dambaysay leeyahay. Nimankaasi waa Cadde Muuse, Carays, Cabdi Yaasiin iyo Ina Cali Shire. War shaki iigama jiro inuu C/hi dhaanteeyey marba haddii uu awal Carab caayi jiray, Rayaalana uu horay u caayey haddana uu Ina Cumar Geele sii marayo ee marka ku dhawaaqa in C/hi la cayrshay oo uusan Puntland kusoo noqon karin, kaddibna waxaan la heshiinaynaa reer Somaliland. Raaligelin la siiyo Rayaale iyo Ismaaciil Cumar Geelle ayaa ka dhibyar in dadkaas reer Sool xabbad la isugu dhiibo oo dhulkoodu holco. Dadka qaar baan fahmi karin raaligelintaas oo fulaynimo u qaba laakiin dhib lama leh markay Zenawi leeyihiin waa walaalkeen. Haddii taladaas la diido bal xagga sabarka halagu dadaalo.

Rumaysta ama ha rumaysanina C/hi waa fargan. Sida axaadiistu sheegtay farganku cadow ma cesho, ugaar ma dilo laakiin qof kuu dhow (walaalkaa ah) buu il ka ridaa ama ilig ka jabshaa. Marka C/hi waxba kama qaadi karo C/Qaasim, Ismaaciil Cumar Geele iyo Rayaale midna ee Ina Cali Shire iyo Fu’aad Aadan Cadde buu madaxa isu gelin. Qofkii saluuga erayga fargan waxaad fiirisaa dadka C/hi dilay intii Puntland loo dhiibay ama qabsaday iyo ka horba oo kala ah:

  • 1. Wiilashii wadaadada ahaa ee reer tolkiis ahaa oo boqolaal gaarayey. Sidoo kale waxaa ku dhintay boqolaal kale oo C/hi u dagaalamaysay.

  • 2. Dad Burtinle masaajid ku tukanaya oo la dilay.

  • 3. Faarax Dheere.

  • 4. Suldaan Hurre.

  • 5. Dadkii ku dhintay dagaalkii sokeeye ee u dhaxeeyey isaga iyo Cadde Muuse oo boqolaal gaaray.

  • 6. Wadaado Boosaaso lagu jar-jaray.

  • 7. Markuu Boosaaso qabsanayey oo uu jidka kusii dilay dad shicib ah oon wax galabsan.

  • 8. Wiilashii hadda Laascaano lagu laayey oo uu sababteed lahaa.

  • Xagga degaankana waa mar uu xeradii daraawiishta gato mar uu Ramadaan dhexdi bushash dad masaakiin ah burburiyo iyo mar uu Garoowe guryaha ka soo horjeeda meeshuu degenyahay ka banaysto. Marka qofkii garanaya waxuu u geystay dadkuu cadowga u yaqaan hanoo sheego?


    Copyright & Islaamku wuxuu ka qabo.... Akhri

    C/Waaxid C/hi Khaliif
    London, UK
    cabdulwaxid@hotmail.com 

    AFEEF: Aragtida qoraalkan waxaa leh qoraaga ku saxiixan

     Faafin: SomaliTalk.com |Jan 20, 2004 | Updated: Jan 21, 2004

     QORAALADII HORE EE CABDULWAAXID

    . XAMAR DAAWO DACALLADA... SAWIRRO....

    Kulaabo bogga hore ee www.somalitalk.com 

    © www.SomaliTalk.com
    All About Somalia and More...
    >> Usheeg Asxaabtaada
    Allah Is Great
     kaah

    BILICDA SOMALIYA
    Luuq Ganaane, 1987

    wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
    Akhri


    Denmark: Saciid Wesing : “dabcan waxa ugu horreeya ee aan Allaah weydiisanayo waa Jannada, kadibna inuu soo islaamiyo dhammaan qoyskayga ee aan muslimka ahayn”... Guji..


    Singapore:
    500 oo Qof ayaa Sannadkiiba Soogala Diinta Islaamka..
    Guji


    USA: Dacwadii Aba Sheikh
    Said Aba Shiekh oo koox gaangiistaro ah ay ku garaaceen Seattle afar sano kahor oo weli kujira coomo ayaa... Guji


    London, UK: Nin Soomaali ah oo Lagu Xukumay 8 Sano kadib markii lagu soo oogey dacwad ah in uu HIV si u gudbiyey laba dumar ah oo mid kamid ah ay Soomaali tahay... Guji


    XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


    Copyright © somalitalk.com. All rights reserved.

    HTML CD [an error occurred while processing this directive]