Somalitalk.com Online Community:

May 16, 2004

WARARKA MAANTA : KENYA iyo UK

Dhageysiga Idaacada IQRA oo Hoos u Dhacay
Mowliid Macane oo Cabsi iyo Qalqal uu qabo ka muujiyay Xafladda 15ka may
Golaha wadatashiga Soomaaliyeed: Maalinta 15ka May

Dhageeystayaasha Idaacadda IQRA ee Nairobi oo hoos u dhici ugu weynaa soo Wajahay

May 15: Madaxwaynaha Dawladda Ku Meel Gaarka ah ee Somalia. C/qaasim Salaad Xasan ayaa lagu waddaa inuu madax kala duwan oo Afrikaan iyo Carab ah u gudbiyo ashtako ka dhan ah Dawladdaha Kenya iyo Imaaraadka Carabta oo mamnuucay Baasaboorka Soomaaliya Guji

May 13: Mar uu C/Qaasim Salaad Xasan ka hadlayay baasaboorka Soomaaliyeed ay joojisay dowladda Imaaraadka Carabta waxa uu sheegay in warkaasi uu yahay mid aan sal iyo raad toona lahayn, waayo dalka Imaaraadka Carabta waxa uu sheegay in uu ka kooban yahay 7-Imaaradood, Dubai-na ay tahay imaarad qura, waxaana maqalnay in kaaliye waaxeed oo ka tirsan waaxda Socdaalka uu diiday in uu Visso ku dhufto baasaboorka Soomaaliga ah Guji

MATY 12: Xuseen Maxamed Bulaale oo ah Safiirka u fadhiya Somalia Waddanka Imaaraaadka ayaa sheegay inaysan waxba ka jirin in Baasaboorka Soomaaliya laga mamnuucay Imaaraadka. Wuxuuna sheegay Safiirku inay xiriir la sameeyeen Wasaaradda Arrimaha Dibadda ee Imaaraadka isla markaana ay u xaqiijisay in Baasaboorka Soomaaliga lagu soo gali karo Dalkeeda Guji..

MAY 11: Ra’iisul Wasaare Ku Xigeenka Xukuumadda Ku Meel Gaarka ah, Xuseen Saalax oo ka hadlayay Shir Jaraa’id oo uu ku qabtay Muqdisho ayaa sheegay inay aad uga xun yihiin Go’aanka ay Imaaraadka Carabtu ku mamnuucday Baasaboorka Soomaaliga. Wuxuuna sheegay inay Somalia ka mid tahay Jaamacadda Carabta. Sidaas darteedna aysan Mudnayn in dalalka Carabtu ay horseed u noqdaan Xayiraad lagu soo rogo Baasaboorka Soomaaliga. Guji..

MAY 10: Warar ayaa waxay sheegayaan in dowladda Imaraadka Carabta ay fulineyso qoraal ay dowladda KMG ah horey ugu dirtay ee ahaa in ay soo sameysanayso Baasaboor, kaasoo la sheegay in ay bixin doonaan safaaradaha Soomaaliya ku leedahay dalalka Jaamacadda Carabta. Guji..

DGPL: Maya Baasaboorka Kenya

Puntland oo Mamnuucday Baasaboorka Kenya

Kenya oo mamnuucday in dalkeeda lagu soo galo baasaboorka Soomaaliga

Mowliid Macane oo Cabsi iyo Qalqal uu qabo ka muujiyay Xafladda 15ka may,dhaleeceeyn durbadiiba halkaas loogga jeediyay.

May 15, 2004

Mowliid Macaane Max,uud ayaa Maanta xaflad balaaran oo lagu xusayay 15ka may ka muujiyay Qalqal xoogan iyo Cabsi uu qabo kadib markii khudbadii lagu soo dhaweeyay uu u weeciyay inuu ku aflagaadeeyo dad gaar ah iyo Saxaafiyiinta Somaliyeed.

Khudbadda Mowliid oo sababtay inay dad badan isla markiiba xafladda Faarujiyaan ayaa durbadiiba mikaroofanka waxaa la wareegay Xasan Jabuuti oo ahaa Sarkaalka Sare ee soo qaban qaabiyay Xafladda waxaa uuna dhaleeceeyn ujeediyay Mowliid Macaane oo uu sheegay inuu ku xadgudbay Nidaamka iyo qaabkii loo Casuumay oo aheyd inuu ka hadlo Ahmiyadda Maalinta dhalinyaradda Taariiqda iyo halganka lagu Xasuusan karaa,,,laakiin maa heeyn buu yiri in Mowliid Macaane uu dacaayado Raqiis ah u adeegsado Mikarafoonka taasna waa qalad uu anagga naga galay ayuu sii Raacsiiyay Xasan Jabuuti oo aad u careeysan.

dhamaan dadweynihii ka qeybgalayay xafladda iyo Fanaaniinta Somaliyeed ayaa sacab xoogan ku taageeray hadalka Xasan jabuuti.

Dhalinyaradda Somaliyeed ee ka socday ururadda kala duwan ee dalka Somaliya ayaa si kulul iyagana u dhaleeceeyay Mowliid Macaane oo ay ku tilmaameen inuu habeenkiina hadal geesi nimo warbaahinta siiyo subaxdiina uu Raali gelin Fulinimo ka bixiyaa.waxaa ayna Ceeb ku tilmaameen hadaladda aflagaadda ah ee uu mar Walba la beegsado siyaasiyiinta Somaliyeed,sidda Sheekh Jaamac Xaaji Xuseen waxaa la oran jiray kuusoow ee Ceydiid baa gabar Sacad siiyay oo u bixiyay Jaamac,Xuseen Baantuu ,baa gabar Kenyan ah guursaday oo doobi ka furtay Langatta Rongaiy,Cusmaan Caato markaan arkaa waxaan soo xasuustaa nin Rahanweyn ah oo inta la yaabay jeer Fool xumadeeda yiri ,,,Horta Jeer ay uumay?,ilaahii caato uumay ayaanba la yaabanahay,Proffeser Gaandi wuxuu qabaa naag yahuud ah sidaas darteed waa yahuud.iyo hadalo nuucaas ah oo aan mudneeyn inuu ku hadaaqo siyaasi.

Si kastaba ha ahaatee hadalka Mowliid iyo qalqalka uu muujiyay ayaa ku soo aaday xilli uu maalmihii la soo dhaafay siyaasada keli ku ahaa isagoo Ergadiisana ku eedeeyneeyso Arrin Naxdin badan oo ka baxsan diinta islaamka oo mowliid Cadeeystay inuu sheegto inay u tahay xalaal taas oo ah kadib markii Mowliid shaaciyay ama sheegtay inuu qabaa gabar uu dhawaan ka dhintay wiil uu abti u yahay taas oo ka mid ah ergadiisa laakiin aanan la gaarin xilligii asaayda laga ridi lahaa ama bilihii sharcigga islaamka cayimay oo aan la gaarin.

Siyaasiyiin farabadan ayay hore ugu dhacday arrimo fadeexo ah oo ku saabsan gogol dhaafka lagu heesto inuu sameeyay Mowliid Macaane hasse ahaatee inta badan siyaasiyiinta islaamka ayaanan loogga baran ku dhaqaaqidda falka ceeynkaan ah inkastoo hadda ay dhici karto in Mowliid Macaane arrintaas lagu soo taago maxkamad si loogga hadlaa qaabka uu ku guursan karo Marwo seeygeedii Bil mootan yahay.

Dahir Abdulle ALasow,Nairobi kenya weriyahashirka@yahoo.com

GOLAHA WADATASHIGA SOOMAALIYEED
G/W/S/016/04 London, 15/05/2004
Ujeedo:- Maalin Xusuus iyo Qadarin ka mudan dadka Soo....

Maalintan oo ah maalintii la aasaasay ururkii Somali Youth Leage ahna maalin mudan xusuus iyo qadarin gaar ah ayaan marka hore hambalyo u dirayaa guud ahaan ummadda Soomaaliyeed meel kasta oo ay joogaan.

Waxaan filayaa in xusuusta dadka Soomaaliyeed ay ku weyn tahay maalintan lagu xusuusto dhalinyaradii horseedka u noqotay xorriyadda aan maanta harsaneyno, dadka Soomaaliyeed uma fududa in ay si sahal ah ku iloobaan aabayaashii dhaqdhaqaaqyadii halgankii gobanimadoonka Soomaaliyeed ee ay dhalinyaradu gar wadeenada ka ahaayeen, gaar ahaan ururadii SYL iyo SNC.

Waxaan hubaa in dhalinyaradan ay baal dahab ahi ka galeen halganka iyo taariikhda socotada ah ee dunida gaar ahaan taariikhda Soomaalida, hadaba si aan u xusuusino dadka Soomaaliyeed magacyadii dhalinyaradii horseedka u aheyd dhaqdhaqaaqyadii madaxbanaani-doonka dhulkii uu gumeystaha u qeybiyay dhulweynahii Soomaaliya, waxayna magacyadoodu kala ahaayeen sidatan:-
1- C/qaadir Saqaawadiin
2- Yaasiin Xaaji Osman
3- Maxamed Cali Nuur
4- Khaliif Huudoow Macalin
5- Cismaan Geedi Raage
6- Dheere Xaaji Dheere
7- Maxamed Cismaan Raage
8- Dahir Xaaji Cusmaan "Dhagaweyne"
9- Cali Xassan Maxamed "Verduro"
10- Maxamed C/laahi Faarax "Xayeesi"
11- Xaaji Maxamed Xuseen Xaamud
12- Maxamed Faarax Hilowle "Farjanno"
13- Maxamed Nuur Xirsi "Sayidiin"

Intaas ka dib soow ma ahan wax laga xumaado in halgankii qaraaraa ee loo soo galay madaxbanaanida qeybo ka mid ah dhulkii uu gumeystuhu u qeybiyay Soomaaliya, in Soomaalida maanta jirtaa ay si fudud ku iloobaan qiimaha ay leedahay qarannimadii naf iyo maalba loo hurey, haadaan dheerna lagu tuuro qarankii Soomaaliyeed.

dhab ahaan ma ahan xaalad sina loo aqbali karo in lagu abaal mariyo geesiyiintii naftooda iyo maalkooda u huray qaran ay Soomaaliya yeelato, hadaba dalku wuxuu dhowrayaa in ay mar kale fadhiga ka kacaan dhalinyarada maanta jirta si loo badbaadiyo Midnimadii, Wadajirkii iyo qiimihii uu qaranka Soomaaliyeed ku lahaa qaramada ka jira adduunweynaha.
Waxaan u soo jeedineynaa guud ahaan Dhalinyarada Soomaaliyeed in ay iska diidaan in loo isticmaalo gacmihii lagu burburinay dalkooda hooyo iyo xaabadii lagu shidayay dagaallada sokeeye ee nasiibdarro darteed ka soconaya weli gudaha dalkeena Soomaaliya.

Uga dambeytii waxaan uga baaqeynaa mas'uuliyiinta Soomaaliyeed in ay gartaan sidii loo soo celin lahaa qiimihii uu qarankeenu lahaa bulshada caalamka dhexdheeda, loona suurtagalin lahaa dhisme dowlad Soomaaliyeed, kana waantoobaan hurinta colaadaha sokeeye, qiimaha rasaasta loo adeegsado burburinta wixii ka haray dalka iyo daadinta dhiiga dadka Soomaaliyeedna ku badalaan hirgalinta heshiis kama dambeys ah oo la gaaro lagana hirgaliyo guud ahaan Jamhuuriyadda Soomaaliya.

GOD IS GREAT GOD BLESS SOMALIA
Somali Unity for Peace and Justice
Kaaliyaha Xoghayaha Arrimaha Dibedda ahna
Wakiilka Golaha Wadatashiga Soomaaliyeed
Xubin Somali Concern Group
C/casiis Cali Ibrahim "Xildhiban"
xildhiban@hotmail.com