WASIIRKA
BAD FARUURKA AYAA II WARAMAY (Sheeko Siyaasadeed)
Wasiirka:
Maxaan kaga waramaa?.
Wariye:
Wasiir wax kale maahan bal xaalada Magaalada hadey ahaan
laheyd mid siyaasadeed iyo hadii ay ahaan laheyd mid
nololeedba war keeda isii?
Wasiirka:
Horta ilaahey kuuma darnaadee aniga sidaad ogtahay
waxaan ahay wasiirka bad faruurka ee Dowlada. Waxaan
calaacal u ahay Guddoomiyaha Baarlamaanka. Waxaan
faryarey u ahay Ra’iisul Wasaaraha. Waxaan gacan u ahay
Madaxweynaha. Waxaan saakaydan oo aad ii jeedo aan
joogaa Jowhar waxaan galabtiina ku barjeeyaa Xamar.
Siyaasada
Jowhar waa heersare oo laad ayaan kala daalnay ragii
Xamar is dhiibkoodana waad la socotaa, subixii aniga
ayaa salaanta qaranka siiya madaxweynaha wasiiradana
hurdada ayaan ka kiciyaa. Jowhar waxaan ka dhisnay dagin
ay diyaaradaha ku caweeyaan kuna saar tuntaan, cidaan
doonana habeenkii ayey noosoo dagaan, waxaan uruurinay
ciidamo xoog badan lakiin waxey ubateen saaxibul ciyaal
oo hubkii aan gacanteyda ku siiyey waxa ay geysteen
suuqa Cirtoogte.
Hadii aan
nahay wasiirada jooga Jowhar aad ayaan ugu qanacsannahay
nolosha degmada inkastoo ay halnin kaneeco naga dishay,
lakiin dhib kalaa jira oo aan aad u buurneyn xoogaa,
waxaana weeye xaga haasawaha Kenyaa kaga fiicneyd oo
yacnii waan ka liidanaa dhankaas.
Wariye:
Intaa markuu marinaayo ayaan hadalkii ka dhexgalay oo
iri Sacaadatul wasiir warka aan kaa dhex galee adigu
awood badnidaa intaas oo dhan in aad qabato yaa
awoodeeda kuu fasaxay oo ku gaarsiiyey?
Wasiirka:
horta warka ha iga dhexgalin wariyayaashiina warka ma
sugtaan tan kale ereygaan sacaadatu waxaan ku nacay
idaacadaha Xamar markey I wareysanayaan waxey
iyiraahdaan sacaadatul wasiir ma waxey umaleeyeen in
magaceyga la yiraahdo Saciid oo ay qaldayaan mase waxay
u heystaan in Sacaado la I yiraahdo inleen Macallin
Jamac ayaan ka baxay, ma fahantay wariye?
Wariye:
waan gartay!
Wasiirka:
Horta waxaad moog tahay in aan ahay Wasiirka bad soo
faruurka midda kale aan Jowhar kaaga waramee adaa ileen
iwarsadaye, inta aan Jowhar ku joogno ee dowlada ah war
nooma kala qarsana, sida ciyaaraha goboladaan xaafadaha
u daganahay sidaas oy tahay aniga iyo madaxweynaha
habeenkasta saq dhexe Xamar ayaan tagnaa oo booqanaa
xarumaha xitaa madaxtooyada oo ah halka madaxweynaha
dagaayo waxaana ku tagnaa mar mar dhinaca taleefanka
marna si kale.
Xamar aniga
ayaa qandaraas ku qaatay dhismaheeda waxaana ku helay si
qaraabo qaraabo ah.
Wariye:
sidee uu yahay xiriirka kaala dhexeeya Raiisul
wasaaraha?
Wasiirka:
Ra’iisul Wasaaraha waa saxiibkey oo qaali igu ah aadna
aan isku neceb nahay xilkana anaa ka codsaday waxaana
jeclahay in aan xilkiisa u talaabo oo ka dhaxlo oo uu
madaxweynaha dalka ii magacaabo isagu wuxuu iiheystaa in
aan jeclahay lakiin aniga waxaan ka shaqeeyaa
lugooyadiisa talada qaldanna anaa siiya xitaa tii uu
Yurub ka sheegay ee ah in ay Soomaaliya joogto
argagixiso kaligeyna kuma ihi oo waxaan nahay dhowr qof
oo xilkaa daneyneysa oo rabta, xitaa warar aanan isla
ogeyn ayaan ku hadalnaa si aan u maja-xaabino isna waa
moog yahay. Daraad bambadii wafdiga ku qaraxday aniga
ayaa jeebka ku sitay oo wafdigaan ka mid ahaa Mahaday
ayaana kasoo qatay bambadaas.
Wariye:
Markuu intaas marinaayo wasiirka warbixintiisii ayuu mar
kaliya is badalay oo Oogadiisii dhan si kale noqotay
wuxuuna u ekeeday nin odaya wuuna wada ciroobay,
markasaan anigii naxay oo uu qalinkii iga dhacay lana
argagaxay sida uu noqday wasiirkii markaasuu iyiri “ha
cabsan” ayuu iisii raaciyey isaga oo ku hadlaaya cod
dheer “waan ogahay cid ka danbeeysay qaraxa kana yeeli
meyno danta Soomaaliyeed in aan uhakino rag isbaaro
shaqa ka dhigtay rabana in ay danta Soomaaliyeed u
afduubnaato waa in guryaha dadka ee la heysto laga baxaa
dowladu waa guuleysaneysaa waxaana na taageeraaya
dowlada Itoobiya xitaa daafida aan cunno waxaa noo
keenta MudanAir waana in dalka laga
xoreeyaa afarta Xamar joogta ma ahan in cadow loo arko
dowladaha dariska”
Wariye:
Markii intaa marinaayo ayuu hadana sidii aan ku bartay
wasiirka ku noqday oo caadi kusoo laabtay, markasaan
su`aalay waxa uu yahay iyo sababta awoodiisa kordhineysa?
Wasiirka:
Aniga jagadaan waxa aan ku doortay waxan ahay taarga
laawe xafiis looma baahna qabiil kama socdo muuqaal
gaara malihi Madaxweynaha iyo Guddoomiyaha Baarlamaanka
iyo Ra’iisul Wasaaruhuba waa ilaaluushaan markaan
caroodo ee aan iraahdo bari subax badaan idiinku soo
faruurayaa markaasey imaslaxaan oo hanti isiiyaan.
Raiisul
wasaaraha safar walba anaa uraaca waxaan ilaaliyaa dhaqaaqa
bishimihiisa waxaan sitaa boorso weyn, Madaxweynaha anuu
I weydiiyaa wuxuu Ra’iisul Wasaaraha soo sameeyo iyo
ciduu la kulmo, laakiin ninka Maxamed Dheere la yiraahdo
ima jecla aniga ayaana ka leex leexda oo iska ilaaliya
isku dhaceena waxaana ka cabsadaa in uu xabsiga ii
taxaabo oo markaa tinta la iga xiiro.
Wariye.
Wasiir ka waran markii BBC-da uu ka hadlay Ra’iisul
Wasaaraha?
Wasiirka:
taas war badan ayaan kaaga hayaa lakiin waxaa soo dhow
xiligii salaada duhur marka Madaxweynaha ayaan weysa
qaad iga sugaaya oo ah in aan u shubo laakiin galabtaan
isku arkeynaa Hotel Saxafi oo Guddoomiyaha ayaan tinta u
xiirayaa si koofiyad laga soo siiyey Finland oo hadiyad
ah ay madaxiisa si qurux badan ugu soo baxdo maadama uu
bari ka qudbeynayo fadhiga Baarlamaanka.
La soco qeybta Xigta...................
WQ:
Max'ed Barre Xaaji "Fiyoore"
London,UK
Guddoomiyaha, Golaha
Sare/Chairman, Supreme Council,
Ururka Qaranka
Suxufiyiinta Soomaaliyeed/National
Union of Somali Journalists (NUSOJ)
Afeef: Aragtida qoraalkan waxaa
leh qoraaga ku saxiixan
Daabaco
Boggan | Print
Mohamed
Barre Haji "Fiyoore"