Daabaco Boggan | Print

QARAWGA WAHAABIYADA IYO CALAN LEYDA!!

(Jawaab maqaalkii Garweyne ee wahaabiyada,kuna soo baxay boogga somalitalk 04 nov 2005)

Mohamed Ahmed ‘Wallays’
Yaaqshiid-Muqdisho
inawallays@yahoo.com

Nov 6, 2005

Afeef: 'Calanley' ulama jeedo suufiyada asalka ah, oo ujeeddadoodu ahayd laylinta nafta, iyo ka fogaanshada waxyaabaha dadka mashquuliya ee dhaldhalaalka addunyada ah, suufiyadaas oo culimadii la waqtiga aheyd qaarna amaanay qaarna dhaliilay, waxaan ula jeedaa kuwa magaca suufinnimada ku banneysta wax ilaahay iyo rasuulkiisu xarrimeen,  dadkana u sheega inay tahay asraar lagama hadlaan ah oo uusan fahmeyn qofkii mowjadaheeda dhex -maaxaa  mooyee!!.

HORUDHAC

Qof weliba waxa uu dhibsado ama jeclaado ayuu ku qarwaa... lama yaabayo oo aniga lafteyda ayaa ka mid ahaa  dadka ku qarwa , sabatuna waxay ahayd rag culimo ah oo si aad ah nooga digi jirey waxa la yiraadho Wahaabiyada.. waxa kaliya oo ay nooga sheekeyn jireeen waxay aheyd inay yihiin dad neceb Nebiga (Sallaahu Calayhi Wasallam) oo aan ku sallinin, aan aqoonsaneyn Awliyada iyo Karaamooyinkooda,  muslimiintuna gaaleysiiya!!! 

Sannadkii 1986 mar aan dhiganayey dugsiga sare ee Sh. Suufi, waxaa mahajkeennii taariikhda ka mid noqday "Xarakadii wahaabiyada", sida aan ognahay masaaridu kama mid ah dowladaha taageersan Wahaabiyada, laakiin wixii aan ka heystay iyo waxa buugga ku qornaa aad bay u kala duwanaayeen, waxaana muran xoog leh uu dhex maray macallinkii taariikhda (C/lla Kamaal)  iyo rag  ka mid ahaa ardaydii school-ka nala dhiganayey, arrintaas waxay  kaliftay in arday badan ay sameeyaan baarid xaqiiqo raadin ah.

Waxaa xaqiiqo ah in dad badan oo wahaabiyada ku qarwa, aadna loo necbaysiiyay, aysan aqoon xaqiiqo ku dhisan u lahayn waxa "wahaabiyadu tahay"... 

Waxaan  soo xasuustaa sheeko  aan akhriyey hadda ka kor. Nin baa wuxuu yiri waxaa deris noo ahaa qoys Shiico ah oo jaahiliin  ah, mar kastoo ay nasoo ag maraan waxay lacnadi jireen Dalxa (oo ka mid ah 10-kii janada loogu bishaareeyey), markii dambe ayaa odaygoodii  la  wiidiiyey "war horta ma taqaannaan Dalxaha aad mar walba lacanadaysaan?", markaasuu odaygii shiicada ahaa ku jawaabay maxaan u aqoon  weyney miyeysan Zubeyr naagtiisii aheyn???!!!! 

Haddii aad dooneyso inaad wax ka ogaato shakhsi waxaa haboon in aadan warka ka qaadan dadka necybkiisu indha tirey iyo kuwa jaceylkiisu maan dooriyey ee qalmaantoodu aysan wax kala reebin, waxaase habboon inaad akhrisato qoraallada dadka taariikhda u qora taariikh ahaan.

Qof kii qalbi iyo fikir xor ah wax ku baara wuxuu ogaan doonaa (sidi aan aniguba u ogaaday) in Maxamed C/wahaab taarikhdiisa ay sax iyo khaladba ku jiraan (sida bani aadamka kale) hase yeeshee in badan oo laga sheego ay tahay been abuur , ka badbadis iyo jawr fal!. 

Waxaan ogaaday in wagtigii uu dhashay Ina C/wahaab  Jaziiradda Carabtu ay ku sugneeyd xaalad aad looga naxo, oo in badan oo dadkii ka mid ah caqiidadoodii fasaadday, meel walbana ay noqotay, qabri la weyneeyo, qoryo, godad, geedo la barkeysto, sixir,saangudud,  falaanful iyo khuraafaadna ay dadka ragaadiyeen. lama uusan imaanin madhab cusub, madhabtiisuna waxay aheyd Xanbaliya, waxa kaliya ee uu la yimid waxay ahaayeen  halayska daayo khuraafaadka ee Caqiidadii Salafkii hore ee suubanaa haloo noqdo! midda lugula collaytamay horey iyo gadaalba  waa taas. Waxaa xusid mudan in Jaziiradda Carabta ay markaas joogeen culumo  aqoontoodu sarreysay laakiin uusan Ilaahay waafajin inay saxaan khaladaadkii jirey, sabab kastaba ha ku dhacdee! Qaarkoodna ay markii dambe qirteen khaladkoodii.  

Waxay yiraahdaan wuxuu yiri "Lix boqol oo sano muslimiintii dhimatay gaalo ayay ahaayeen", waxay yiraahdeen "Wuxuu yiri qofkii aan aniga isoo raacin waa gaal dhiiggisuna waa xalaal..", waxay yiraahdeen  "Wuxuu aflagaaddeeyey Negia SCW iyo saxaabadiisii suubbaneyd" waxay yiraahdeen "Wuxuu inkiray Karaamooyinka awliyada..." iyo waxyaabo kale oo fara badan.

Waxyaabahaas iyo inta  uu mudane ‘Garweyne’ qoraalkiisa ku sheegay ina C/wahaab jawaabtooda iyadoo qoraal ah ayuu ka tegay, wuxuuna uga jawaabay "Subxaanka Haadaa Buhtaanun cadhim" oo macnaheedu yahay "Allow adaa xumaan ka nazahan, Warkaanu waa masabid weyn!!" 

MASHAA'IKH LUGU BEEN ABUURTAY

Ina C/wahaab kaliya maaha mashaa'iikhada lagu been abuurtey, waxaa lagu been abuurtey  Imaamu shaafici oo weliba siyaabo kala duwan loo masabiday, waxaa ka mid ah waxayaabaha lugu abuurtey arrinta xijaabka iyo masaafada. waxaa kale oo la yiri shiico ayaa tahay oo qaraabada Nebiga ayaad jecelshay iyo waxyaabo kale !!

Waxaa lagu been Abuurtey Sheek C/qaadir Al-jilaani ama (AlKilaani) oo noolaa intii u dhaxaysaay (470H  ilaa 5611H) laakiin si ka duwan ayaa loogu been abuurtey, sheekhu wuxuu ku caan baxay toosnaan, xalaal miirad, iyo karaamooyin ilahay ku manneystay, hase yeeshee waxaa geeridiisi ka dib laga qoray waxyaabo uusan shuqul ku laheyn waxaa ka mid ah: Inuu yiri "amarkeygu waa amarka Allaah oo kale", inuu yiri "Nebi ibraahim waxaan la joogay markii dabka lagu riday dabkiina waxaa baqtiiyey ducadeyda", in uu yiri "dadka Quluubtooda gacanteyday ku jirtaa oo waan ku tasarifaa!!" iyo waxyaabo kale oo uu maalinta qiyaame iskaga beri yeeli doono Ilaaha weyn hortiisa sida uu Nebi Ciise (calayhi salaam) isaga beri yeeli doono Kirishtaankii isaga iyo hooyadii Ilaahayada ka dhigtay!. 

MAXAY NOO DHINTAY WAHAABIYADU?

Markii ay fikradda loo yaqaanno Salafiyada (sida ay isu yaqannaan)  ama wahaabiyada (sida dadka ka horjeeda ugu yeeraan), Soomaaliya wax badan ayay uga akeed  xaaladdii Jaziiradda Carabta markii uu soo baxay Ina C/wahaab, bal ufiirso waxyaabihii ka dhacayay (welina ka dhaca) meelaha qaarkood, tusaale aan usoo qaadanno Biyoolay (koonfurta fog ee Soomaaliya) iyo Aw-barkhadle (waqooyiga fog ee soomaaliya), yaa igu diidan in qubuurta lagu dawaafi jirey, yaa igu diidan in ciida laga soo qaadan jirey ama leyska soo mar-marin jirey, yaa igu diidan, in loo aadi jirey in dadku muraadkooda u sheegtaan cidda la siyaaranayo qabrigeeda? yaa igu diidan in aw-barkahdle uu yaalay dhagax haweentii dhalma weysa  ay ku fariisato (si ay caruur u hesho) oo weliba lacag looga qaadi jirey? Maxay uga duwan yihiin wixii lagu fali jirey qabrigii Zeyd Bin Khaddaab (Allah ka raali noqdee) oo haweenka dhali waayay ay oran jireen "Yaa faxlal fuxuul uriiddu baclan qablal xawl!!!!??". 

Markii wahaabiyadu timid Soomaaliya waxaa hoos u dhacay dadkii sameyn jirey ficilladaas aan soo sheegay, waxaa busaaradaystay dadkii ku xoogsan jirey arrimahaas, waxaa batay dhallinyarada diinta ku dhaqanta, waxaa dhacay baraarug guud, waxaa batay xijaabkii, waxaa meesha ka baxay fikirkii khaldanaa ee ahaa in culimadu ay mar kasta yihiin dad bulshada dulin "parasite" ku ah,  waxaa bilaabatay in culimada wax layska saaro meeshii marka hore ay raaciye u ahaayeen odayaasha dhaqanka iyo horjoogayaasha siyaasadda! 

Haddaba taasi waxay dhalisay jawaab (fal -celin) ka timid dadkii ay danohoodu ku jireen arrimahaas aan soo sheegnay sida:  calanleydii mowlacyadooudu kharaabeen,  kuwii qabuurta saalixinta ka mushtari jirey noloshooduna ku xirneed qurbaanka laga helo, raatibleydii Arbacada Munaaqabka wax ku heli irey,  oday dhaqameedkii la yiri warkaaga shacriga waa faji, siyaasigii la yiri kitaabka Alle nugu xukun, iyo weliba kuwa aan intaasba aheyn oo bud-la duul ah oo waxa laysku hastaba aan fahamsaneyn!! Allaa naga og qolada uu ka tirsanyahay saaxiibkeen "Garweyne!". 

Waxaa billowday in la soo min-guuriyo qoraalladii ay qoreen dadkii ina c/wahaab kasoo horjeeday, waxaan xasuusta iyadoo nala yiraahdo Nuur Cali Colow (oo ka mid ahaa hormuudkii fikirka Wahaabiyada Soomaaliya), waa hoogay oo ba'ay oo waxaa ku dhaca dhiigga caadada dumarka, wuxuu u shaqeeyaa yuhuud. Haddii Nebiga (SWC) agtiisa lagula salliyo waa gubahaa oo gammaarka dhogortiisaa soo uraa!! waana cararaa!! 

Waxaa nasiib darro ah in dadka qaarkii aysan garaneyn masalada laga hadlayo meesha ay salka ku heyso iyo cidda isku heysata, waxaa wax lagu qoslo ah in mowduucii sababay magaalka garweyne ee Fahad ee ku saabsanaa aragtida bisha soonka ama soonfur, inuusan ka mid aheyn arrimaha khuseysa Wahaabiyada iyo Suufiyada, balse uu yahay khilaaf hore  oo u dhexeeyey dad ka khery badan oo dhamaatood mudan in la ixtiraamo! 

GUNAANAD

(1) Qof weliba Alle agtiisa waxaa laga su'aalayaa naftiisa iyo waxa uu caqiidada ka dhiganayo sidaa darteed waxaa habboon in qof walba uu ku dadaalo inuu xagga ogaado, wixii uu Alle xaqqa u tusana uu diin ka dhigto.uusanna qofna ku raalli  gelinin diintiisa,  lana ogaado in waxyabo badan oo laga sheego suufiyada ama wahaabiyada ay yihiin xadgudub, dulmi iyo gabood-fal.

(2) Ilaahay wuxuu xarrimay qofka Muslimka dilkiisa, dhaciisa iyo caydiisa, Waxaa hoogay qofkii laga dhaadhiciyo inuu cibaado ka dhigto inuu caayo, ama dhibo qof ahlu-towxiid ah.

(2) Waxaa habboon in qofku uu ku dadaalo inuu ogaado Ilaahay wixii uu ku addonsaday, isagoo u maraya waxyigii kusoo degay rasuulka suubban dariiq la hubana ku sugnaaday, luguna qabsado gows-dambeedka isagaa badbaado oo dhan yookeeda ah!

(3)Waa nasiib darro waqtiga hadda lugu jiro oo Soomaali la soo gaaleysiiyay ay Muslimiinta Soomaaliyeed ku hayaan weerar arxan darro ah in Soomaalida diinta taqaanna ay ku mashquusho inay la doodaan muslimiinta kale. haddaba waxaa ila habboon in arrinkaas wax laga beddelo oo xoogga meesha u baahan lagu jiheeyo. 

Wixii aan saxay waxaa i waafajiyey Allaah, wixii aan khaldayna waa nafteyda iyo shaydaan, Ilaahay ha inaga dhigo kuwa dhegeysta wacdiga waxna ku qaata kiisa wanaagsan, xumahana iska reeba wanaaggana is fara. 

Mohamed Ahmed ‘Wallays’
Yaaqshiid-Muqdisho
inawallays@yahoo.com

Afeef: Aragtida qoraalkan waxaa leh qoraaga ku saxiixan

» QORAALKII GARWEYNE: Taariikhda wahaabiyada | Garweyne

» QORAALKII FAHAD: SUUFIYADA IYO BISHA SOONKA.

Faafin: SomaliTalk.com | Nov 6, 2005

»Geesinimadii Gabaygu Godbay Gashay | Bulxan
»Maxey ku doorteen Islaamka? | Ikraam
»Taariikhda wahaabiyada | Garweyne
»SUURADDA MAANTA:: Al-MAA'IDAH  | Al-Sudeysi
»Yamyam: Gabyaa Laqmaday! | Idaajaa
» Marka, Magaalo aan La Yaabay... A.D. Elmi
»Soomaalida Britain iyo warbixin dhiilo xanbaarsan | C/raxiim
»MAXAAKIIMTA Vs ANSHAX XUMADA!! | Garaad
»Sidee bay Somaliland aqoonsi caalamiya Ku heli kartaa? | Shuuriye
»CODSI INAAN LA AQOONSAN GOONI U GOOSATADA W/GALBEED
»Jawaab: Qoraalkii fahad ee Suufiyada iyo Bisha Soonka | Muuse
»Ninkii Jannada laga waayo ayaa midgaan ah | Zahra 
»Warqad Furan: oo uu qoray Dr. Cabdi Maxamed Culusow “Black”
»Marxuum Maxamed Xaaji Cigaal  halgama xornimadii Soomaali-Land.?
»ALLaa.Somaaliweeye. ee Sidee Yeelnaaa.? | Jaamac
»Somaaliland. dawlad.Qaran, Riyaale  Madaxweyne  Kudayasho Mudan?
»Barlamanka cusub iyo isbahaysiga Axsaabta mucaaridka Somaliland
»Xiridda Garoonka Deyniile oo Noqon Rabta Xariggii Qeybdiid| C/waxid
»Ogaysiis muhiima  oo  kusocda  qof kastoo  soomaalinomo  kujirto
»Jawaab Suufiyada iyo Bisha Soon | Garweyne
»Midabkee ayaad jeceshahay? | Zahra
»50 Qab bale Qaran Ma keeni karaan ?? | shuuriye
»JSL : Kor-u-kaca iyo Hoos-u-dhaca Siyaasadda !! | Ducaale
»Joornaaliisteyaashii Lagu Diley Soomaaliya:1991–2005
»Ma jiraa adduunka dad been ka sheega dhalashadooda!? |Zahra
»Goormuu dhashay Kacaankii Siyaab Barre | Boore
»KA HORTAG CUNSURIYADA DENMARK |Diiriye
»Waa sidee dhaqanka Soomaalida ku nool reer galbeedka? | Zahra
»Isbar bardhigga  Magaalooyinka Jowhar iyo Washington DC  | MM
»Waa Tuma 21ka October? | Mahdi Taako
»C/WAAXID KHALIIFOW INTEE AYAY KU WADAYSAA ISKU DIRKA   
»Jawaab Furan oo ka Socota Golaha Midnimada iyo Badbaadada | Bilal
»Tan iyo markii ay Soo Baxday in Xabsiga Loo Taxaabay Col. Qaybdiid
»QIIMAYNTA MUSTAQABALKA DHOW EE GARABYADA DKMG AH
»Waano ku socota Soomaalida geysata ilmahooda Xanaanada | Eelay
»Oktoobareey adaa lahaa! | Waaberi
»GABAY: Xafiiskii Abwaanka xog baa ku uruursan | Dhuunkaal 
»Dagaal ogayasha waxey raban mala ogaday .mase? | Yoolac
»MAQAALADA KALE EE MAANTA::: KA AKHRI HALKAN... GUJI..

Dr. Alnajjar oo Aad uga Dayriyey Xaalada Soomaalida....
»Cusmaan Caato: C/laahi Yuusuf dagaal ayuu isu diyaarinayaa
»Saddex markab kalluumaysato oo lagu afduubay Soomaaliya
Wararka oo dhan ka akhri halkan... Guji... sept 2

BAARID | SEARCH