WARARKA JAN 25, 2006
-
Siyaasiyiin Soomaaliyeed oo
qoraal u gudbiyay Qaramada Midoobey ...
-
Eng. Max’ed Xuseen Caddow oo
kulan la yeeshay Raiisul wasaare...
-
Shirkii Ururka Midowga Afrika oo
Qaramada Midoobey ka codsadey in soomaaliya...
-
Guddoomiyaha Baarla-maanka oo
laga dalbaday in soo dedejiyo ku dhawaaqista.
-
Wasiirka Ow-Qaafta iyo arrimaha
Diinta iyo Xujey lasocotey oo ku ....
-
Suleymaan Colaad Rooble oo u soo
jeediyay Beelaha ku dagaalamay...
-
Timothy Chromley “Soomaaliya
goobo ka mid ah waxaa lagu daadiyey Sawirka Bin
L aadin
Siyaasiyiin Soomaaliyeed oo qoraal u
gudbiyay Qaramada Midoobey ...
Iyadoo Ururka Midowga
Afrika uu Qaramad Midoobey ka dalbaday in Soomaaliya
laga qaado cunaqabateynta hubka ayaa haddana
Siyaasiyiin Soomaaliyeed waxay qoraal u gudbiyeen
Qaramada Midoobey oo ay kaga dalbanayaan in Qaramada
Midoobey aysan ogolaalin cunaqabateynta hubka in
laga qaado Soomaaliya.
“Haddii Soomaaliya
laga qaado cunqabateynta hubka waxay keeneysaa in
Soomaaliya ay sii gasho dhibaatooyin hor leh ay ka
bilwodaan dagaalo sokeeye” ayay ku yiraahdeen
qoraalkooda, waxay sheegeen mas’uuliyiin ka tirsan
Dowladda ay qaarkood u ololeenayaan in Soomaaliya
laga qaado cunaqabateynta hubka.
Sanadkii hore markii
Cali Khaliif Galeyr oo Ra’isul Wasaare ka soo noqday
Dowladdii Carta uu Qaramada Midoobey u soo jeediyay
in Soomaaliya aan laga qaadin cunqabateynta kaddib
markii uu sidaasi codsaday Madaxweynaha Dowladda
Federaalka C/llaahi Yuusuf mar uu booqanayay cariga
Mareykanka kana qaybgalayay shirkii sanad laha ahaa
ee Qaramada Midoobey.
Wuxuu sheegay Cali
Khaliif Galeyr in haddii Cunaqabateynta hubka laga
qaado Soomaaliya ay keeni karto in Dowlado shisheeye
ay soomaaliya ka fushadaan wixii ay doonaan isla
markaana uu dib u soo cusboonaan doono dagaalkii
sokeeye,
“Qaramada Midoobey waxaa la gudboon
in ay bilowdo mashaariic ay hubka kaga dhigayso
kooxaha maleeshi-yaadka ah” ayuu yiri Cali Khaliif
Galeyr.
Eng. Max’ed Xuseen Caddow oo kulan la
yeeshay Raiisul wasaare...
Xildhibaan Max’ed
Xuseen Caddow oo haatan ku sugan Gobalka Hiiraan
ayaa Magaalada Jowhar ee Gobalka Sh/dhexe waxa uu
kulan kula yeeshay Ra’isul Wasaare Cali Max’ed Geedi
iyagoo isla soo qaaday xaaladda uu dalka haatan
marayo iyo heshiiskii ay Cadan ku yeesheen
Madaxweynaha Dowladda Federaalka C/llaahi Yuusuf iyo
Guddoomiyaha Baarlamaanka Shariif Xasan Shiikh Aadan
waxa ayna labadoodub heshiiskaasi ku tilmaameen mis
soo gunaanadi kara khilaafka u dhexeeyay Dowladda
Federaalka, kaas oo ay sheegeen in uu hakiyay hor u
socodka Dowladda.
Waxay sheegeen in ay
soo dhaweynayaan goob kasta oo lagu qabto kulanka
ugu horeeyay ee Baarlamaanka si howlihii
Baarlamaanka ay dardar u galaan.
Eng. Max’ed Xuseen
Caddow ayaa inta uu ku sugan Gobalka Hiiraan waxa
kulamo la yeelan doonaan waxgaradka Gobalka Hiiraan
oo ay isla soo qaadi doonaan sidii Gobalku uu ula
shaqeyn lahaa D/Federaalka.
Shirkii Ururka Midowga Afrika oo
Qaramada Midoobey ka codsadey in soomaaliya...
Maalintii shalay ahayd
ayaa madaxda Ururka Midowga Afrika waxa ay soo
saareen go’aan ah in Q/Midoobey ay si dhaqsi leh
cunaqabateynta uga qaado dalka Soomaaliya, si Dalka
Soomaaliya u galaan ciidamo nabad ilaalin ah oo la
shaqeeya Dowladda Federaalka.
Inkastoo Ururka
Midowga AFrika uu isku raacay arrinaas haddana
su’aasha la weydiinayo waxay tahay Qaramada Midoobey
ma ogolaan doonaataa in cunaqabateynta hubka laga
qaado Soomaaliya, iyadoo la og yahay in hub aad u
fara badan uu ku soo qulqulayo iyadoo Cunaqabeyntu
saaran tahay, isla markaana ay dala fara badan oo
geeska Afrika ka mid ah ku xadgudbeen
cunaqabteyntaas.
Wadamo fara badan oo
Afrikaan ayaa iyagu ugu yaboohay Soomaaliya in ay u
soo dirayaan ciidamo, waxaana ka mid ah dalalkaas
Nayjeeriya, K/Afirka, Suudaan, Uganda iyo Itoobiya.
Dalka Itoobiya ayaa
isagu horey u sheegay in ay diyaariyeen ciidamaada
ugu badan ee loo dirayo Soomaaliya si ay dib ugu soo
celiyaan dalka Soomaaliya xasilinoodii iyo
nabadgelyadii.
Guddoomiyaha Baarla-maanka oo laga
dalbaday in soo dedejiyo ku dhawaaqista.
Iyadoo maalmo yar ay
ka harsan yihiin waqtigii loo qabtay Golaha
Baarlamaanka ayaa haddana Guddoomiyaha Baarla-maanka
Shariif Xasan Shiikh Aadan waxaa soo gaaraya fariimo
fara badan oo lagaga dalbanayo in la dedejiyo goobta
lagu qabanayo kulanka ugu horeeya ee Baarlamaanka.
Inkastoo ay u
tartamayaan magaalooyin fara badan haddana
Magaalooyinka qaarkood waxay sheegeen in ay adag
tahay in waqtiga yar ee ka haray kulanka
Baarlamaanka aysan isku diyaar karin gaar ahaan
hoolkii lagu shiri lahaa iyo waliba Hoteeladii ay
degi lahayeen.
Magaalooyinka ugu cad
cad waxaa ka mid ah Baydhabo oo la sheegay in haatan
ay ka socdaan howlo diyaar garow ah, sidoo kale
waxaa iyana ka mid ah Kismaayo iyo Balcad, iyadoo
Guddoomiyuhu uu ku dhawaaqi doono Marka uu
Madaxweynuhu ka soo laabto shirka.
Wasiirka Ow-Qaafta iyo arrimaha
Diinta iyo Xujey lasocotey oo ku ....
Waxaa maalintii shalay ahayd
Magaalada Muqdiso dib ugu soo laabtay Wasiirka
Ow-Qaafta iyo Arrimaha Diinta Cumar Max’ed Maxamuud
(Cumar Finish) iyo xujey uu hogaaminayay kaddib
markii ay sanadkaan soo guteen waajibaadkii Xajka.
Wasiirka intii uu ku sungaa dalka
Sucuudiiga waxa uu kulamo la yeeshay mas’uuliyiin ka
tirsan Dowladda Sucuudiga oo ay ila soo qaadeen
arrimo ku saabsan Soomaaliya iyo sidii Sucuudigu uga
qaybqaadan lahaa dib u dhiska dalka Soomaaliya.
Sanadkaan Soomaaliya waxaa ka xajiyay
in ku dhow 10-Kun oo xujey ah oo ka kala tagtay
dalka gudihiisa iyo dibaddiisa, waxaana maalmahan
shirkadaha diyaaraduhu ay soo dabaalayeen xujeydii
sanadkaan soo xajisay.
Intii uu socday Xajka waxaa ka dhacay
shir aad u fool xun oo ay ku geeryoodeen in ku dhow
400 oo xujey ah kaddib markii ay is riixriixeen mar
ay gudanayeen dhagax tuurka, waxaana Soomaaliya
shilkaas kaga geeryooday ilaa iyo 6-ruux.
Dowladda Sucuudiga ayaa waxa ay
qorsheyneysaa in ay sameyso buundo aad u weyn mar
kale looga badbaado shil noocaan oo kale ah oo ka
dhaca inta uu socdo xajku, waxaana ku baxaysa lacag
gaareysa Hal Bilyan oo Doolar, waxa uuna mashruucaan
socon doonaan mudo saddex sano ah.
Suleymaan Colaad Rooble oo u soo
jeediyay Beelaha ku dagaalamay...
Kulan ay isugu
yimaadeen Xildhibanada beelaha Jareer-Weyne ay ka
qaybgaleen waxgarad, Odoyaal, Culuma’u-diin iyo
Nabadoono ka tirsan Beelahaasi ayaa waxay baaq
nabadeed u ugu soo jeediyeen beelaha walaalaha ah
eek u dagaalamaya gobalada dhexe, waxay kalloo u soo
jeediyeen in beelahaas looga baahan yahay in ay ka
dhabeeyaan heshiiskii dhawaan ku dhex maray
Magaalada Muqdisho.
Xildhibaan Suleymaan
Colaad Rooble oo ka qaygalay kulankaasi ayaa waxaa
kalloo uu sheegay in kulankaasi looga hadlay in
iyana ay dagaalka ay joojiyaan beelaha ku
dagaalamaya Gobalka Bakool, Kismaayo iyo Muqdisho
ayna khilaafkooda ku xaliyaan wada hadal iyo is
afgarad, sidoo kale waxa uu u soo jeediyay
Hay’addaha samafalka in ay garaar deg deg ah la soo
gaaraan dadka ay waxyeeladu ka soo gaartay abaarta
ku sii baahaysa guud ahaan dalka.
Baaqyo nabadeed ayaa soo gaaraya
beelaha ku dagaalamaya Gobalada Dhexe iyadoo kuwii
ugu dambeeyay ay ka soo gaareen Hay’adaha Xaquuqda
Aadanaha oo iyagu u soo jeediyay in ay labadaasi
beelood ay si ficil ah uga dhabeeyaan heshiiskii ay
Magaalada Muqdisho ku gaareen todobaadkii hore.
Timothy Chromley “Soomaaliya goobo
ka mid ah waxaa lagu daadiyey Sawirka Bin L aadin
General Timothy Ghormley oo ah
taliyaha hawl galka ee ciidamada Mareykanka ee
Geeska Afrika ayaa shaaca ka qaaday in waddanka
Soomaaliya ay ka ugaarsanayaan xubno ka tirsan
ururka Al-Qaacidda, wuxuuna sheegay Jeneraalku in
gudaha waddanka Soomaaliya ay ka eeg eeganayaan
xubanaasi. “Al-Qaacidda waxaan ku guuleysanay in aan
ka tirtirnay waddamada Afgaanistaan iyo Ciraaq,
haraagooduna waxey doonayaan goobo kale oo ay ku
fakadaan hase ahaatee, waabn ognahay xaqiiqada ka
jirta goobaha argagixsada ee Geeska Afrika sida
Soomaaliya oo kale” ayuu yiri, Timothy Chormley oo
la hadlayey wariye ka tirsan telefishinka CNN-ka oo
la socda ciidamada Mareykanka ee xeebaha Soomaaliya
ka sameynaya hawl galo ay ku sheegeen in ay ku
sifeynayaan Al-Qaacidada Bariga Afrika. Jeneraalku
wuxuu sheegay in Soomaaliya ay tahay dal aysan ka
jirin dowlad dhab ah hadana ay ku xoogan yihiin Al-Qaacida
iyo kooxaha kale ee argagixisada ah, wuxuuna xusay
jeneraalku cabsi ku jirta Al-Qaacidada Soomaaliya in
ay ku meer meereysayaan gobalada Soomaaliya, wuxuu
sidoo kale sheegay jeneraalku in sawirada Usaama Bin
Laadin ay warbixin ku heleen in lagu qeybiyey
magaalooyin ka tirsan gudaha Soomaaliya. Hadalka
Jeneraalka uu ka sheegay warbaahinta reer Galbeedka
ayaan aheyn tii saxda aheyd waayo wili waxaa socda
dagaalkii Ciraaq iyo kii Afgaanistaan, iyadoo
koonfurta Afgaanistaana ay haatan gacanta ku hayaan
ururkii Daalibaan iyo Al-Qaacidda, sidoo kalena
waxaa Ciraaq lagu leynayaa askarta Mareykanka,
waxaase la yaab leh in jeneraalku aanu magacaabin
halka Soomaaliya looga qeybiyey sawirada Usaama,
hase yeeshee, waxaan maalmahaan dhagaheena ku
maqleynay guuxa diyaaradda AC130 oo iyadu si aad ah
ugu soo dhawaaneysa maagaalooyinka waaweyn ee
Soomaaliya.
W/D Amiin Yuusuf Khasaaro
Email
amiinkhasaaro@hotmail.com
Faafin:
SomaliTalk.com | Jan 25, 2006
Xisbiga Muxaafidka oo ku Guulaystey
Doorashadii Canada... DaawO Video
(CBC)
Midowga Afrika oo
ka fiirsanaya in Maxkamad
la soo taago shaqsiyaadka iyo kooxaha
hortaagaan nabadgelyada Soomaaliya iyo
Warar
GooGoos Akhri.. Jan 24