|
Senator Coleman oo la shiray hogaamiyeyaasha Soomaalida Minnesota.
wq. Maxmuud Wardheere
Minneapolis, MN, USA
April 21, 2003
Sanadkii la soo dhaafay ayay bilaabeen Soomaalida Minnesota in ay is
habeeyaan oo codkooda ururiyaan si ay xaqooda iyo xuquuqdooda u daafacaan. Waxay
samaysteen urur la yiraahdo Somali Action Alliance kaas oo dallad u noqon kara
dhamaan Soomaalida Minnesota. Sanadkii hore Oktoobar 19keedii ayay meel isugu
keeneen labao murashax oo kala ahaa Senatorkii dhintay ee Wellstone iyo Coleman,
labaduba waxay waagaas balan qaadeen in haddii ay guulaystaan mudo 90 beri ah
gudahooda ay kula kulmi doonaan bulshada Soomaalida ee Minnesota ku dhaqan si ay
u wada shaqeeyaan. Senator Wellstone waa dhintay meeshiina waxaa ku guulaystay
Senatorka hadda ee Coleman.
Coleman balantii kowaad waa ka soo baxay oo maanlintii Isniinta ee Aprill
14ka ayuu u yimid Jaaliyadda Soomaalida ee Minnesota halkaas oo markii u
horaysay isbarasho iyo balan qaad labada dhinac ay ka dhaceen sidii ay u wada
shaqayn lahaayeen. Soddomeeyo masuuliyiin Soomaaliyeed ayaa ka qayb galay
shirkaas oo ku dhacay jawi is afgarad iyo wanaag.
Coleman oo is barayay dadka Soomaaliyeed ayaa yiri siyaasadda waxaan u soo
galay waxaan ka soo jeedaa qoys siyaasadeed sidiinoo kalena waxaan ka soo jeedaa
qoys wayn oo 8 ayaa ila dhalatay. Wuxuu kale oo uu sheegay in uu ka mid yahay
gudiga senateka ee qaaradda Africa iyo Bariga dhexe. Madaxna waxaan ka ahay hay’adda
daba galka hawlaha dawladda iyo kambaniyada gaarka ah iyo howlaha Peace Corps.
Coleman oo markii uu arday jaamacadeed ahaa waxaa uu ka mid ahaan jiray kuwa
dawladda ku banaan baxa oo dagaalkii Vietnam diidi jiray oo xataa marbaa
iskuulka laga eryay intii uu sameeyay waxa la yiraahdo “sit-in” oo ah nooc
mudaaharaadka ka mid ah. Adduun iyo xaalkiis maanta asagii baa senator ah oo
lagu banaan baxaa marwalba oo xataa xafiiskiisa “sit-in” or “die-in”
lagu sameeyaa!.
Coleman oo ahaan jiray duqa magaalada St. Paul mudo sideed sano ah waxa uu
gacantiisa ku samaystay oo uu leeyahay cadow siyaasadeed oo aad u tiro badan
waxaana cadawgiisa ka mid ah kooxda Gay la yiraahdo oo u xanaaqay markii uu
ajandahooda taageeri waayay banaan baxoodana ka qayb geli waayay, waxaa kale oo
neceb haweenka ilmaha iska soo tuura “pro-choice”ka dib markii uu ka diiday
inuu ku raaco ajandahooda (abortion), waxaa kale oo neceb qolada u dooda welfare
waxa loo yaqaano oo ay Soomaaliduna tiraahdo “cayr” waayo wuxuu aaminsan
yahay shaqo, waxaa kale oo neceb xulafada xisbiga dimoqraadiga oo uu mar ka mid
ahaan jiray intii uusan u soo wareegin xisbiga Jamhuuriga. waana nin aan la
gaban fikradiisa xataa haddii lagu nacayo.
Coleman wuxuu balan qaaday inuu intii karaan kiisa ah la shaqayn doono
Jaaliyada Soomaaliyeed ee ku dhaqan Minnesota. Kulankan waa kii ugu horeeyay
mana noqon doono kii ugu danbaeeyay Insha alla. Waxaa la filayaa in uu muujiyo
waxqabad cad oo ku wajahan umadda Soomaaliyeed oo ah dhinaca waxbarashada,
guryaha, waaxda socdaalka oo hadda looga yaqaan America “Homaland Security”iyo
shaqooyin badan oo laga abuuro Minnesota.
Mahamoud N. Wardere
mnwardere@yahoo.com
April 21, 2003
Wardheere
Archive......
.....Sanatoorka
Minnesota ee Norm Coleman oo bilaabay barashada af-Soomaaliga
Wardheere
oo Laga Dhigay Lataliyaha
Senetor Norm
Coleman - Minnesota
shaqadiisuna waxay noqon doontaa xiriirinta Soomaalida Minnesota iyo
African-ka kale iyo.... GUJI..
Feb 20
Senator
Norm Colemanka Minnesota oo Madax Looga dhigay Gudi Hoosaadka Baarista
iyo daba galka guud ee dawladda Maraykanka....
GUJI
20/1
Senatorka
cusub ee Minnesota Norm Coleman oo la dhaariyay
Waa Senatorkii u ballanqaaday in uu
la kulmi doono bulshada Soomaalida ee Minnesota saddexda bilood ee u horeysa
gudaheeda haddii uu doorashada ku guulaysto GUJI..
9/1/3
Waa
latarxiilay, laguna banaanbaxay ee maxaa u diidey in ay Joogaan dalkooda
Wararka iyo Faalooyinkii
Maxamuud Wardheere ee toddobaadkan oo ay ka mid yihiin......
GUJI..
Habeenkii
Taageeridda iyo Horumarinta Jaamacadda Bariga Afrika, Boosaaso
MINNESOTA: shirweyne uu ka hadlay hormuud kasocda Jaamacada Boosaaso iyo
aqoonyahano badan oo Soomaaliyeed, sidii uu u dhacay KA.AKHRI.HALKAN
Siciid
Saalax & Habeenkii Ardayda Soomaaliyeed ee Minnesota
Dhulka Soomaaliyeed yaaleh, waxaa leh
NABADDA ayuu ku jawaabey Siciid Saalax oo hadal dheer kasoo jeediyey habeenkii
Ardayda Jaamacada Minnesota.. GUJI
30/12
ELDORET:
Taxanahii Wararka
com
| 
Senator Norm Coleman
