COOK: CIIDAMADEENA HA SOO NOQDEEN

Wasiirkii hore ee arrimaha dibadda ee Britain Robin Cook ayaa soo jeediyay inay ciidamada Britain ee dagaalka ku jira ay ka soo baxaan Ciraaq, wuxuuna ku tilmaamay dagaalka ay gacanta kula jiraan ciidamada Mareekanka iyo Ingiriiska inuu yahay “dagaal dhiig badan ku daadanaya oo aan wax faa’iido lahayn”.

Robin Cook oo u waramayay wargayska Sunday Mirror ee ka soo baxa England cadadkiisa maanta oo axad ah ayuu ku taliyay inuu doonayo inay ciidamada Britain ay ku soo laabtaan guryahooda kahor intaanan laga dilin tiro kale oo badan.

Sida la ogsoon yahay waxaa ciidamada Ingiriiska kaga dhintay dagaalka Ciraaq hadda ka socda ilaa 23 qof, afar iyo toban ka mid ah ciidamadaas waxay ku dhinteen shil isku dhac diyaaradeed, afar kalena iska hor imaad dagaal, halka shanta soo hartayna ay ku dhinteen waxay ciidamada isbahaysiga ugu yeereen “rasaastii ay soo ridayeen saaxiibada”.

Cook wuxuu ku eedeeyay madaxweynaha mareekanka Bush iyo wasiirkiisa gaashaandhiga Donald Rumsfeld inaysan garanaynin waxay waqtigan xaadirka ah samayn doonaan, kadib markii ay ku fashilmeen yiddiddiiladii ahayd inay si dhaqso leh ay isu dhiibi doonaan ciidamada Ciraaq.

“qofna yuusan dagaal ku gelin isagoo ka duulaya inay ciidanka cadoowga ay wada shaqayn doonaan, waana arrinta uu dhab ahaantii sameeyay Mr. Bush” ayuu yiri Cook, wuxuuna intaa raaciyay “hadda oo ay ciidamadii marines-ka ay gaareen hareeraha Baghdad Mr. Bush garan maayo waxa uu sameyn doono” ayuu yiri isagoo ciidamada isbahaysiga uga digay go’doon lagu go’doomiyo caasimadda Ciraaq ee Baghdad. “Rumsfeld wuxuu billaabay xeelad cusub oo milateri, halkii uu durbadiiba ka geli lahaa Baghdad waxaa lagama maarmaan ah inuu dibadda magaallada uu dhufeys ka galo jeer uu Saddam iska dhiibo”.

Robin Cook wuxuu kaloo yiri “wax ka xun dagaalka ma jiraan marka laga hadlayo go’doominta, dadku way gaajoonayaan, biyihii ayaa ka go’aya, caruurtii ayaa dhimanaya” ayuu yiri Cook oo ka mid ah xubnaha golaha baarlamaanka ee Britain.

Mr. Robin Cook ayaa bishii tagtay ee maarso 17-keedii iska casilay xilkii wasiirnimo ee uu hayay, kadib markii uu si adag uga soo horjeestay go’aanka Britain ay ku aqbashay inay ka qayb galayso dagaalka Ciraaq.

Dhinaca kale wuxuu Robin Cook ka digay inay korodho dareenka naceyb ee ku aaddan galbeedka haddii shacabka Ciraaq ay ku sii jiraan saxariirta hadda ka haysata dagaalka oo uu isagu aaminsan yahay inuu qaadan doono billooyin fara badan. “xisbiga liberal-ka ee Britain waa inuu dagaalkan la qaaday iyadoon oggolaansho laga helin golaha ammaanka ay dusha u dhigtaan wixii ka yimaada” ayuu yiri Cook oo ah ruug caddaa sannooyin badan ku soo jiray siyaasadda Britain. Wuxuu ka tirsan yahay xisbiga talada haya ee liberal-ka, inkastoo uu ka soo horjeedo siyaasadda dowladda ee la xidhiidha dagaalka Ciraaq.

Afhayeen u hadlay xafiiska Ra’iisal wasaaraha UK ayaa isla markiiba jawaab celin ka bixiyay hadalladii ka soo yeeray Robin Cook. Robin Cook wuxuu dagaalka Ciraaq ka qaatay mowqif la wada yaqaano, kaasoo aan waafaqsanayn mowqifkeena” ayuu yiri afhayeen ku hadlayay magaca Tony Blair, wuxuuna intaa ku daray in aragtida Cook aynan saameyn ku lahayn wax ka beddelidda Xukuumadda Britain.

Isha maqaalka:
 http://www.sundaymirror.co.uk/ 

 Diyaarintii: Ibraahim Saalax | SomaliTalk Denmark | March 30, 2003

DAGAALKA CIRAAQ OO SII DABA DHEERAANAYA
»» Duqeynta lagu hayo Ciraaq oo aan kala joogsi lahayn »» Pentagon oo erisay weriye mareekan ah  WARARKII.MAANTA... 30/3

WARARKII HORE EE DAGAALKA CIRAAQ... 

 <> TAARIIKHDA CIRAAQ ... HALKAN GUJI <> 

• Akhri Qoraalkii islamonline ee weerarka dhulka Ciraaq....
• Akhri Wararka CBC ee Ciraaq.....
• Akhri wararka shabakada Canada.com
• Akhri wararka yahoo 
• DAAWO: CANADA.TV |  AljazeeraTV | SaudiTV | BBC.TV
• AfricWorld Tonight |  Focus On Africa
  Network Africa |  Chennel Africa
• DAAWO: ABU-DHABI.TV  | REAUTERS.TV