Baadida Nin Baa Kula Deydeyi Daala Kaa Badane Hadana Doonahayn In aad Hesho Daayin

ASALAMA ALAYKUM

sida ka muuqata cinwaanka korka ku xusan waxaan ugu tala galay bal in aan ku soo ban dhigo aragtiyo kala gedisan oo aan kala kulmay wejiyaal fara badan oo dhinaca dhaqan dhaqaale,siyaasadeed iyo abaabulka shirka dib u heshiisiinta Soomaalida ee ay qaban qaabinayaa Urur Goboleedka (IGAD),

II  I  D  H  E  H

waxaan marar badan isku deyey bal in aan wax ka ogaado qaabka abaabulka shirka iyo sida Soomalidu u aragto gaar ahaan Soomalida Qaxootiga ku ah wadanka Kenya oo iyagu mar kasta afka ku haya Shirka iyo qaabka uu u dhacayo cida ka qayb qaadan doonya iyo aragtiyo kale oo fara badan,waxaan inta badan su,aalo weydiiyaa ruug cadaayo Soomali ah oo ku sugan Wadanka Kenya bal sida ay u arkaan iyo yididiilada ay ka qabaan shirka inta ay le,eg tahay runtii waxaa ah wax la qaato aragtida dadweynaha iyo aqoon yahanka Soomaliga,taas m,arkaan ka eegay dhinacyo badan isla markaasina aan is barbar dhig ku sameeyey aragtida Shacbiga Soomaliyeed iyo tan abaabulayaasha shirka waxaa u dhaxeeya farqi aad u weyn taasna (Nacasna loo Sheegi maayo Nin Ragina waa garanayaa)

hadaba waxaa is weydiintu tahay madaama ay kulmeen Wasiirada arimaha debeda ee dalalka (IGAD) isla markaasina soo saareen go,aan wada jir ah mudadii shirkana dib u qadeen maxaa ka danbayn? hadii loo kala caraabay maxaa la isula soo hayn?xaalku waa (Madax muuqda iyo mijo Qarsoon)Soomaalina warkeedu waa gabaygii faarax nuur ee ahaa(Rag kaa Shiray Rafiiq Nimaan Lahayn Talo lagaa reebay meel aan lagaa rabin indhaha lalama sii raaco)burburkii soomaaliyeed waxay dalal badan oo deriska ahi ka kasbadeen ilbaxnimo dheeraad ah,waxay ka kasbadeen magac aanay lahaan jirin waxay heleen kharash aan sooba geli jirin mudooyinkii Soomaaliya dhisnayd,

tan labaad IGAD marnaba may odhan shirku siduu u qabsoomi karaa kumay fekerin maxaa kaa hor imaan haduuba wakhtiga soo dhowaado mise xaalku waa (qawda maqashii waxna ha u qaban baa)waxaa haboonayd in arintaas wax laga weydiiyo hadiiba ay IGAD daacad ka tahay wax garad badan oo Soomaali ah si looga caawiyo meesha laga bilaabayo Hanaan socdka shirka Dib u heshiisiinta Soomaalida,waxaa kale oo muuqata in hanaanka ama qaabta hada wax loo dhigay ay tahay (Kaaf iyo kala Dheeri) oo ah Dawlada ku Meelgaadhka ah iyo Kooxaha Soomaalida,taas waxaan qabaa shaqsiyan in ay Soomaali ku sii kala durkayso mida kale ma haboona in arimaha Soomaaliya wax laga weydiiyo(Eth,& Djibuti)waayo mid waliba waxay wadataa dan iyo siyaasad u gaar ah waxaana ka dhexeeya loolan ah anaa arimaha Soomaliya Ganacsi aduunka kaga doonanay midka kale (Djibuti ma ogola Qorsheheedii Carta in uu ka barburo)Ethop.ma ogola oo waxay rabtaa in ay meesha door ka ciyaaraan ragii ay mushaharka siin jirtay ee askarteeda ka midka ahaa Soomaalina taas ayaa u danbeysay,

Maqaalka waxaan ku dhaafayaa aqoon yahanka Soomaaliyeed ha ka soo taliyeen waxna ha ka yidhaaheen arintaas intaan shirku qabsoomin ama la isu imaanin fiiro gaar ahna ha loo yeesho,

ASALAMA ALAYKUM
MAXAMED MAXAMUD GUTALLE
gutalle@yahoo.com 
 Kenya Nairobi