|
Col. Shaati Guduud oo ku mashquulsan qalabaynta ciidamadiisa
Madaxweynaha dawlad goboleedka K/galbeed Soomaaliya Md. Shaati Guduud ayaa
lagu soo waramayaa inuu imminka aad ugu mashquulsan yahay sidii uu u samayn
lahaa ciidan balaaran oo waliba ku hubaysan gawaarida gaashaaman ee loo
yaqaan Tiknikada, maadaama ay hubkii RRA ee u badnaa Tiknikada ay gacanta
ugu jirto labada nin ee ay hadda iska soo horjeedaan.
Wararkan oo laga helay dad Baydhabo ku sugan ayaa xaqiijiyay inay indhahooda
ku arkeen baabuur Tikniko ah, dhex meeraysanaya magaalada dhexdeeda.
Diyaar garawga uu Col. Shaati Guduud samaynayo ayaa lagu soo waramayaa inuu
salka ku hayo culays la sheegay inuu uga imaanayo dhinaca Sh. Aadan Madoobe
Iyo Xaabsade oo iyaguna ciidamo ku uruursanaya Diinsoor.
Wafdi uu hogaaminayay Daahir Dayax oo Doraad Lagu Rasaaseeyey Afgooye
iyo C/Qaasim oo Maanta Tegey Afgooye isagoo uu lasocdo Daahir Dayax
Wafdi uu hogaaminayay Daahir Dayax oo ah wasiirka arimaha Dibadda ee dawladda KMG,
ayaa rasaas ooda looga qaaday xilli ay ku jireen shir ay ku
gorfeynayeen sidii maamul loogu samayn lahaa degmada Afgooye, maalinimadii
doraad.
Lama soo sheegin wax dhimasho iyo dhaawac oo ka dhacay halkaas, hase ahaatee
waxaa hakad galay sii socoshada kulankii iyadoo ugu dambaytiina lagu kala
tegay shirkii.
Dablayda wax xabadaysay ayaa lagu soo waramayaa inay diidan yihiin maamulka
ay dawladda KMG ahi doonayso inay ka samayso Afgooye.
Dhinaca kale, guddomiyaha degmada Afgooye Xuseen Cali Weheliye Cirfo ayaa
maanta shaaca ka qaaday inay gacanta ku soo dhigeen dablaydii ka danbaysay
rasaastii lala beegsaday goobtii shirku ka soconayay. Xilligaas oo uu halkaas
ku sugnaa Daahir Dayax, wasiirka arimaha Dibadda ee dawladda KMG.
Sidoo kale wuxuu Md. Cirfo ka bixiyey raali galin falkii dhacay, wuxuuna
sheegay in dadka ku dhaqan Afgooye ay taageersan yihiin dawladda KMG ah,
ayna raali ka yihiin in maamul loo sameeyo.
Maanta ayay Markale dib ugu laabteen degmada Afgooye waftigii oo uu markaan la socdey madaxweynaha DKG
, C/Qaasim Salad Xasan, waxaa kale oo waftigaas maanta la socdey Daahir Dayax, waxaana warku sheegay inay halkaas
mar kale dib uga bilaabeen kulankoodii, waxaana la isku
afgartay in muddo sadex cisho ah lagu soo dhiso maamulka degmada Afgooye.
Muqdisho Oo dhawaan laga taaba galiyey machad bixinaya (IT) Information
Technology
Machad lagu magacaabo Beder Institute Of Information Technology BITT ayaa
dhawaan laga furay magaalada Muqdisho, machadkaas oo ah kii ugu horeeyey ee
bixiya maadooyinka Programming iyo webpage designing, ayaa u muuqda imminka
in dadka reer Muqdisho ay aad u xiisaynayaan.
Mar aan booqday xarunta
machadka ayaan ku arkay arday fara badan oo dhiganaysa iyo kuwo kale oo
doonaya inay is diiwaan galiyaan. Waxaan halkaa ku arkay macalin ajanabi ah
oo bixinaya maadooyinka Programming-ka, mar aan weydiiyey mid ka mida hawl
wadeenada machada, su’aal ahayd sababta keentay in loo baahdo macalimiin
ajanabi ayaa ii sheegay in ilaa iyo hadda aysan jirin macalimiin
Soomaaliyeed oo ku sugan magaalada Muqdisho oo bixin kara maadooyinka uu
dhigayo macalinkan ajanabiga ah
Maamulaha machadka Beder Md. Salaad Khaliif oo faahfaahin iga siinayay
machadka Beder ayaa sheegay, in machadkoodu wax weyn ku soo kordhin doono
aqoonta dadka reer Muqdisho gaar ahaan, iyo guud ahaan tan dalka oo dhan,
maamulaha ayaa sheegay, inay ku talo jiraan inay gaarsiiyaan machadkooda
ilaa gobolada dalka mustaqbalka soo socda.
Maamule Salaad Khaliif, ayaa sheegay in macalimiinta wax ka dhigaysa
machadkoodu ay yihiin kuwo tayo leh oo ay hubiyeen heerkooda aqooneed, ayna
haystaan aqoonsi caalami ah, isla markaana ardaygii ka baxa machadkooda uu
heli doono Diploma laga aqoonsayahay dunida meelo ka mida, wuxuu maamuluhu
intaa ku daray in ay u samaynayaan shariikadaha barnaamijyo khaas ah oo ku
wajahan hawl maalmeedkooda (Project), wuxuuna sheegay maamuluhu inay
bixinayaan maadooyinka ay ka mid yihiin:
-c++
-Visual c++ 6.0
-JAVA 2.0
-Oracle 8i
-SQL Server 2000
-Web designing (HTML, DHTML, CSS, JSSS, Java Script, Perl (CGI)
-XML (Extensible Markup Language) with XSL
-Networking Essential with Hardware Basics
-Windows 2000 Administration
-CISCO (Routers and Switches)
-UNIX Administration & Shell Programming
-Linux Administration & shell programming
-SUN-SOLARIS Administration & shell programming
-Date base Administration (DBA) – for Oracle
-Ms-Office 2002 (Ms-Word, ms-Excel, Ms-Access, Ms-Power point )
-Computer Basics (DOS & Windows)
-Daceasy Accounting
-Peachtree Accounting
-Quick Books Pro 2001
-Ms-Money Accounting
-Quick Accounting
iyo waliba kuwa kale oo fara badan, waxaana la rajaynayaa in dhowaan
machadka ay soo gaario doonaan macalimiin kale oo ajanabi ah oo iyaguna wax
ka bixin doona casharada ka baxaya machadka BITT.
Mogadishu Weekly Reporter A.D
Mog-Somalia
weekly@somalitalk.com
SOMALITALK | Muqdisho, Soomaaliya
Sept 21, 2002
Isbahaysiga
Dooxadda Jubba oo Cashuur
ka
bilaabay Kismaayo iyo Md. Deerow oo dib ugu soo laabtay magaalada Muqdisho
oo uu... GUJI...
17/9
DOODFURAN: DADWEYNAHA
&
CASHUURTA KISMAAYO
WARARKII
AGOOSTO | WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
em@spam.com
|
