Cali diiriye nuur pilot:::::::london
liibaan33@hotmail.com

Dagaalladda dalka soomaaliya waxaay uu socdaan si aan kala go,lahayn muddo 14 sanadood ah mudadaasi ay uu gaysteen dadka iyo dalkii soomaaliya la odhan jiray dhamaan noocyadda kala duwan ee falalka lidka ku ah aadamigga ama insaaniyadda, Falalkaasi oo aanay wali ka suulin ku xadgudubkooda oo ay ku noqdeen kooxahaasi (cadaystayaal) Xalaalaystay ku meerashadda xamaamyadda dhiigga,Waxaana marqaati buuxa ka ah dowladaha dunidda iyo hay,adaha calamka.

Kooxahaasi oo ku tartama si joogta ah xaquuqda aadamigga ee dalka soomaaliya ku xadgudubkoda

Si ula kac ah, Hadaba kooxahaasi qabqablayaasha dagaalka ee soomaaliya,Ayaa hadane waxaay si joogt ah socdaala ku kale bixiyaan dacaladda dunidda siiba waxaay kulamo joogto ah ay la yeeshaan

dalal ay ka mid yahiin liibiya,itoobiya, keenya,masar iyo kuwa kale oo badan, Iyagga oo waliba loo soo dhaweeyo qaab la moodoo in ay ku amaanan yahiin falalkoodaas lidka ku ah xaquuqda aadamiga oo la mooda in lagu sii dhiiri galinayo ama loo sii sacabo tumaaya maalin iyo habeenba.

Sawirka maanta ee soomaaliya ay badeeen waxaaa uu ka dhigan yahay masraxa lagu dhigo musaaricada xorta ee masraxaasi ay tahay dalka soomaaliya dowladaha caalamkana ay yahiin dawadayaasha, Kooxaha qabqablayaashuna ay yahiin musaariciinta isaga soo hor jeeda masraxa.

Hase yeesheee musaaricadaha masraxyadda waxaaay leeyahiin bilow iyo dhamaado oo muda leh,

Laakiinse musaaricadani ma laha muddo iyo dhamaad midna. Wadamadda caalamka ma ahan inay ka quustaan umadda soomaaliyeed, Caalamka ma ahan inay naxariista ka idlaato, Caalamka ama ahan in uu dhabarka uu jeediyo dal iyo dad ku abtirsadaa aadami oo ku qoran juqraafiga aduunyadda, Caalamka ma ahan in uu isku qanciyo erayadda ah soomaalidu (Waa in iyaggu dhexdooda heshiiyaan) Eraygaasi waa mid raqiis ah oo aannu marnaba ka turjumaynin aayaha soomaaliya. Sababtoo ah meesha waxaa ka jiraaa kooxo hardamaya oo ku tartamaya dilka iyo xukunka dalka oo ah qabqablayaasha dagaalka iyo kooxo la haystayaal ah oo ah mujtamaca ka kooban dadweynee.

Hadaba sooomaalidda heshiinaysa dhexdooda waa kuweee? Ma xera doofaar shirka ka socdaa wax laga sugayaaa? Aqriste xalka kaliya ee lagu dhisi karro dhismo dowlad ee soomaaliya waxa ay tahay iyadoo gacan bir ah lagu qabto oo gacanta lugu dhigo kooxaha qabqablayaasha ah ee ku amar taagleeya soomaaliya ka dibna la soo joojiyo maxkamadaha caalamiga ee dagaaladda, Si loo mariya ciqaabta ay mudan yahiin, Iyadoo la raacaya sidii tii Ruwanda iyo Burundi,Iwm, Taas oo ah tan kaliya ee lagu badbaadin karro soomaaliya, Waa haddii danbiyadda xaquuqda aadamiga laga galo ay uu siman yahiiiiiiiin dunidda. Aqristooow dedaaladii kala duwanaa ee duniddu ay hore ugu soo gurmatay dhamaaan waxaay noqdeen sidda la ogyahay kuwa lagu guul daraystay, Hadana lagu sii guul daraysanayo, Talaaabooyinka noocaasi ah haddii kooxahaasi la qabqaban oo maxkamad la soo taagin inta ay goori goor tahay. Taas oo noqonaysa talaabadda kaliya ee lagu guulaysan karro qaadisteeda dhismo qaran soomaaliya dib loogu dhiso. Haddii kale arinku musalsalkaas uun buu ku soconayaa sanado kala oo fara badan. Waxaana la sadaalinayaa in ay ku dhiman doonaan geyigaasi dad abriyaa-ah, Kuwa aan hubaysnayn oo ah dadka laga tiro badan yahay (Minority Community)iyo

Maatadda, Waxaana wanaagsan in umadda iska qabtaan qabqablayaasha kooxaha si loo badbaadiyo xaquuqda aadamiga oo hadh iyo habeen gabbal dhac iyo waa guduutaba lagu xad-gudbayo lana xalaalaystay daadinta dhiiga umada, Waa hadii xaquuqda adaamiga ilaalintiisa iyo ka damqashadiisa ay dunidda uu siman tahay isla markaasna aan iska qabanaa madaxda kooxaha hogaamiya.

Suxufiyiinta soomaliyeed ayaa uu doortay cali pilot inuu yahay xidiga qoraalada sanadkii 2003

Aqristoow qoraalka oo gabo gabo ku sii socda ayaa waxaan xasuustaa in wargays ka soo bixi jiray magaaldda london oo magaciisa la oran jiray (Sahan-press) uu ahaa wargays aan inta badan wax ku qori jiray sanadihii 97,98,99, Waxaana lahaa labadda wariya oo kala ahaa maxamed xuseen loolow iyo cabdulqaadir xooshoow oo iayagana ka mid ahaa wariyaashii idaacadii raadiyo muqdisho,Hadaba pilot ahaan xiligaasi ayaan qoraalo ciidaas ka badan ku dabacay wargayskaas waliba anoo haaya haatan waxii aan qoray anoo dadweynahana uu soo bandhigi doona haduu alla idmo, Habada hadal badan haan ma buuxiyee waxaan wargayskaasi sahan-press ka qadanayaa tix gabay ah uu tiriyay abwaanka caanka ah ee cabdi gaani, Gabayga waxaa magaciisa la yiraahdaa murugo waxuuna ku soo baxay wargayskaasi sanadkii 15 juun 1999, waana kanaa gabaygii ee ka bogosho wacan....

• Soomaali magaceed ba,yoo maaro laga waaye
• Madaxweyne iyo dowladnimo wayska maanacaye
• Nin masuul ah lagama helin muumin khayr badane
• Murugooday goortii xaq iyo diin la maanacaye
• Masaafaha dhulkeeniyo xornimo kama macaasheene
• Maamul shacabku u wada dhan yahay maanta curan waaye
• Mudaniyo marwaba labadu way marin habaabeene
• Murugooday goortay qabiil maanka geliyeene
• Macdanta iyo beeraha dhulkii miidu wada taalay
• Mahiigaanka roobk ah dhulkuu meel walbaba doojay
• Maaxdiyo barwaaqada dhulkii mooska laga keenay
• Murugooday goortay jirigu milif ka dhowreene
• Maangaabku goortuu qabsaday madaxii soomaali
• Shacabkaa mataal lehe markuu hoog u malabeeyay
• Goortuu mataanaha ka qalay oo mir ku abaadshay
• Murugooday goortay bulshada marin habawsheene
• Muqdisho iyo kismaayiyo dalkii laysu mari waaye
• Marka iyo afgooyaba ninbaa maalin soo dhaxaye
• Dariiqyadda makaab bay dhigeen moodhar soo galine
• Murugooday goortay anfoco naga maquunsheene
• Qabiil laysku maagiyo dhibiyo muranku waa ceebe
• Masaakiinta mood laga dhacoon mirana loo reebin
• Maatada la cayrteeyay oo meel walbaba taala
• Murugooday goortay jirigu baaska mariyeene
• Ninkii maal lahaan jiray haddii goor uun laga meershay
• Maqaawiirta wada liidatoo muuqu gorofoobay
• Macaluul ayay ugu dhintaan maalin iyo layle
• Murugooday goortay dadnimo meel xun geliyeene
• Marwo dumar mashaqo lama gashee waa martabad wayne
• Mida kuu dhaxdiyo hooyadaa laga mataalaaye
• Waa mayran kula dhalatay iyo muxubo qoordheere
• Murugooday goortay gabdhaha marada fiiqeene
• Malyuumaadka qaxay oo qurbaha meel walba jooga
• Maanyadu kuwii ay cuntoo mowdka ka adeegay
• Milga xumada iyo sharaf li,ida maanta naga muuqda
• Murugooday goortay wax badan magan ahaadeene
• Maslixiyo wanaag kii dalboo maanka diriteeya
• Ee aan muquunine bulshada meeriska uu yeersha
• Kuwii macalin noo noqon lahaa moolka lagu aasye
• Murugooday goortay nin rag ah madaxa gooyeene
• Masiibooyinkii nagu dhacaan maanta qirayaaye
• Muslinimo markaan diidnay baa moolka noo go,aye
• Majaruhu wuxuu noola jabay waa maqruunimo e
• Murugooday goortay sharciga daba maryeeyeene
• Mas,uuliyad ninkii lagu raroo meel uun lagu aadshay
• Oo maamulkii laga rabiyo maalba laga waayay
• Oo eexo miisaan la iyo xumo ku meeraystay
• Murugooday goortay kursiga madax ahaadeene
• Badda moolka waynoo biyaha mowjadu hinraagto
• Malaay iyo kalluun shabakadaha lagu majaafeeyo
• Maraakiibta iyo doonyihiyo huuri lagu maaxo
• Murugooday goortay baxriga midigta gooyeene
• Midnimada dalkiyo qaranimadu waa macaanyahaye
• Isku duubni kama marantee waa mid uun quraha e
• Muraad wada jirkaa lagu helaa meel fog kaa jiraye
• Murugooday goortay dalkii qayb uun loo milaye
• Intaasoo mashaakilaa dhibaan maanta soo maraye
• Minankaan lahayn iyo dhulkii maare ka adeegye
• Masiibooyinkii iyo wixii la is majiiraayey
• Ilaahii isoo mootiyoow mahadi waa taaye....

Aqriste waxaan ka soo xigtay gabaygaan wargayska sahan-press iyadoo gabaygaasina uu curiyay abwaankii cabdi gaani isla markaasna waxaa lagu dabacay sanadkii 15 juun 1999, Runtiina waxaan uu soo qaatay gabaygaan anoo og in muddo badan shir ugu socda dalka keenya soomalida iyadoo dalalka caalamka ay indhaha ku hayaan in shirkaas lagu dhiso dowlad soomaliyeed ayay ila noqotay inaan faaladaan ku soo afjaro gabaygii cabdi gaani, Qof kastaana waxaa fiican hadii uu gabay soo qaata inuu ku xuso gabaygaasi qofkii lahaa Aqristoow qoraalkii intaas ha inoo jooga maanta bye..

QORE

Cali diiriye nuur pilot:::::::london
liibaan33@hotmail.com

Faafin: SomaliTalk Jan 9, 2003 

 Afeef: Aragtida qoraalkan waa mid u gaar ah qoraaga ku saxiixan

 FOGAANTA U DHEXAYSA MAGAALOOYINKA SOOMAALIYA....

.... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com