Somalitalk.com Online Community:

Urur Cusub oo la Magacbaxay Xisbigga Nabadaynta &Horumarinta Somaliyeed ayaa Markii ugu horeeysay loogga dhawaaqay Magaaladda Nairobi. Ururkaan loogu Magac daray SOMALI PEACE &DEVELOPMENT PARTY oo Xaflad balaaran ku qabtay Xarunta KICC da waxa ka soo qeeybgalay Mas,uuliyiin sar sare oo uu ka mid yahay Musharaxa C/llaahi Axmed Cadoow,Ra,isul wasaare Max,ed Cabdi yusuf,Cabdi Xasan Cawaale qeybdiid,Dahir dayax,Max,ed Cusmaan dhagax tuur,Wakiilka qanyare Mr Caraale iyo Mas,uuliyiin aad u fara badan ayaa ahaa mid xamaasad badan oo halkaas laga jeediyay khudbado kala duwan. Xisbigaas cusub oo gudoomiye loogu doortay Dr C/llaahi Axmed Karaani ayaanu Xafladaasi kadib Wareeysi la yeelanay Afhayeenka ururkaas,Cabdi Xakiin Axmed Ciise oo aanu ugu horeeyntiiba weeydiinay Sababaha loo Aas,Aasay Xisbigaan?afhayeenka oo su,aashaas ka jawaabaya ayaa sheegay inuu xisbigga loo aas,aasay sidii shacabka loo tusin lahaa inuu dhamaaday xilligii qori ku faanka lana doonayo in loo gudbo xasilooni iyo wada hadal. Afhayeenka waxaa kale oo aan weeydiinay waxa uu qaban doono xisbigga ?waxaa uuna kaga jawaabay xisbigga waxaa uu qaban doonaa hoowlo ay ka mid yihiin,Nabadeeynta iyo horumarinta Somalida,ka hortaga xaalufinta iyo baabi,inta bii,adda ama degaanka oo laga dhigay qaar la sumeeyay iyo qaar la xaalufiyay taas oo ay sheegeen inay wadaan Somali damiir beeshay iyo Shisheeye iimaan beeleey waa sidda uu hadalka u dhigaye.waxaa kale oo uu sheegay Mr Cabdi xakiin Axmed inay u duuban doonaan sidii nabad gelyo ula noolaan lahaayeen dalalka deriska iyo dunidda Caalamka. Afhayeenka Mar aan weeydiinay ma laga yaaba inuu xisbigiinu qaado wadadii ay maren xisbiyadii idinka horeeyay? waxaa uu yiri ma dhihi karo maya maxaa yeelay waxaan nahay aadane,laakiin waxaan jeclahay inaan u hoowlgalno si wadani ah,. Mar uu ka hadlayay waxa iska bedelay Somaliya ee Maanta Xisbigga u muuqdo?wuxuu farta ku goday dhaqankii Somaliya ay caanka ku aheyd oo guud ahaan la hilmaamay 14ka sano. Si kastaba ha ahaatee ururkaan oo gudoomiyaha loo magacaabay uu hoowlo shaqo ugu maqan yahay Carigga Mareykanka ayaanan la ogeeyn ilaa iyo hadda cidda ka dambeeyso siyaasad ahaan in la aas ,aaso iyo hoowlaha dhabta ah ee uu qaban doono maadama aan la gaarin xilligiisii hoowlaha u qorsheeysan uu ku dhaqaaqi lahaa. Dahir Abdulle ALasow,Nairobi kenya dahiryarestntv@hotmail.com

Faafin: SomaliTalk.com | May 5, 2004