Halqabsiga ugu wayn ee dadku si xoog leh ugu dhawaaqayaan ayaa waxaa ka mid ah WAATAAS DIMUQRAADIYADII, waxaa dad badani ka degi la,qarnigaan oo aduunku marayo xadaarad wayn in haddana wali damiirka banii aadamku siinayo inuu ku kaco waxii la iska tusay Mediyaha maalmahan.Laakiin dadka khibradda iyo waayo aragnimada leh waxay kuu shaagayaan inay iska caadi utahay dadkaan ladaba ordayo ee loo malaynayo inay naxariis iyo taakulayn kuu hayaan.

 

Muuse Cilmi Dheere oo ah aqoonyahan wax ku bartay dalka maraykanka ayaa yiri;Ma waxaad ilowdeen nimakan waxaan samaynaya in awoowayaashood intay qaaradaan aan ku noolnahay dadka soo jilaabtaan haddana kii yara tabar dareeya badda ku tuuri jiray,waxuu yiri ma ogtihiin in ka badan 40malyan oo reer afrika ah in lagu daadiyay badda u dhaxaysa Afrika iyo Maraykanka,mase ogtihiin In wadanka maraykanka dadkii lahaa ee loogu yimmid ay tiradoodu ka badnayd 70 malyan maantana ayna ka joogin xitaa nus malyuun,kulina gacanta dad labisan tuutaha ciidanka ayaa xasuuqay,isagoo sii wata faaladiisii Muuse waxuu yiri nimankan (Rer galbeedka)dadka u qaba inay xoriyad iyo barwaaqo u keenayaan maad ku waano qaadataan sida dadka madow ee qarniyaasha dubkooda la muruxsanayay wali loogu hayo silica iyo dibindaabyada,waxaad ka aragteen sawirada taleefishinada iyo joornaaladu ma ogtihiin in xabsiyada dalwaynaha maraykanka ay waxaas iyo wax ka xun ka dhacaan oo cid wax ka qabata la arag,mase ogtihiin ayuu yiri aqoonyahan Muuse in 68%dadka ku xiran xabsiyada dalka Maraykanka ay yihiin madow oo loo iloobay maxaa kaa galay.

 

Waxaa dadka reer Muqdisho haddana dib u xasuusteen tacadiyadii iyo waxshinmadii lagula kacay dhalin yaro Soomaaliyeed oo la is tusay ayagoo qaawan oo lagu bakhtiinayo sigaar dabkii,waqtigii ay ciidamada UNISOM joogeen dalka Somaaliya sanadihii 1992dii iyo 1993dii siiba tacadiyadii ay ku kaceen ciidamadii joogay Hiiraan,Kismaayo,Balcad iyo Baydhabo,waxaa la garwaaqsaday inaan wali naxariis ku harin kuwii ka haray dadkii wax gumaysan jiray oo wali dhaxalkii awoowayaashood ay hayaan.Balse dhacadadan u dambaysay oo lagula kacay dadka ree Ciraaq waa mid aan laga helayn Qaamuuska inta ku dhalatay Caqliga saliimka ah iyo xaydaab baniaadanimu,waa waxaan quluubta shakhsiga ka go,ayn sawiradii la iskatusay Mediyaha ee lab lab ku maran oo isla qaawan iyo qof nafi ku jirtoo la cabsiinayo kaadi,Subxaanallah.

 

Waa astaan calaamd uah inay wax ku qaataan kuwii isxijin jiray Rer galbeedka iyo uqalbi taagnimadii nimaan ku  jiidayn har,waa guul usoo hoyatay kuwii haystay xariga ilaahay oo raacay aaminayn diintooda muqadaska ah oo ka saliimka ah wixii xumaana,waxaan umalayn inay dhammaatay isku cabsiintii la isku cabsiin jiray hebel waxuu yahay kuwa xagjira oo fulaydii xitaa masaajidadii ka cararay sidaan loogu malayn inay diintooda ku dhegan yihiin.

 

Ciraaqiyiintii udabaaldegaysay imaatinka Ciidamada BUSH maanta maxaa laga hayaa,meeday barwaaqadii ay lahaayeen Bush ayaa noo keenaya nagana xoraynaya taliskii dhibka badnaa ee Saddaam,qaniinyada sokeeyaha ka roon tan midda kaaga timaada shisheeya dhuuni doonka.

 

Isku soo xooriyoo dadka Muqdisho fagaaro walba waxay caro dusha uga tuurayaan kuwa uu hurmuudka u yahay Bush,waxayna uducaynayaan Ciraaqiyiinta la dulmiyay ee lagula kacayo wax ka baxsan banii-adanimada,waxaa siwayn la isu waydin kuwa dhihi jiray waxaan udoodnaa xuquuqul insaanka ee soo boodi jiray markii la dhaho Mugaabi ayaa nin mucaarida xiray,halka qayladoodu ay noqotay aashuun ku addin tacadiyada ka socda Ciraaq iyo Afgaanistaan..

 

 

Cabdi Xasan Somalitalk.Com/Muqdsiho 

abdi172@hotmail.com

SILICA IYO SAXARIIRTA LAGULA DHAMQO MAXAABIISTA REER CIRAAQ