Barnaamijkii Radio Xoriyo
11
November. 2005
-
Isku dhacyadii Itoobiya oo
wali socda.
-
-
Warbixin ku saabsan xaaladda
Nabadeed ee Itoobiya.
-
-
Denmark oo ka noqotay kaalmo
ay Itoobiya siin lahayd.
-
-
Barnaamijkii Xog-warran(Dhiilada
dagaal & Dhalinta Ogadenya)
======================
Ugu yaraan labo qof ayaa dhintay,
qaar kalana way dhaawacmeen, ka
dib markii ciidammada booliska
ee xukuumadda Zenawi iyo arday
gadoodsani isku dhaceen
habaynimadii khamiistu soo
galaysay dhinaca koonfur galbeed
ee Itoobiya, hal toddobaad ka
dib markii ay ciidammada Zenawi
dadwayne aad u badan ku
xasuuqeen magaalada Addis
Ababa.
Sida ay sheegen diblumaasiyiin
ku sugan magaalada Addis Ababa,
waxay labadan arday u dhinteen
rasaastii ay ku ridayeen
ciidammada boolisku, ka dib
markii booliska iyo ardaydu ay
iskaga horyimaadeen magaalada
Ambo, 200 km koonfu galbeed ka
xigta magaalada Addis Ababa.
Hase yeeshee diblumaasiyiin kale
ayaa sheegay in dhimashadu shan
gaadhayso, dhaawucuna uu 17
yahay.
Toddobaadkii hore isku dhacyadii
ka billowday magaalada Addis
Ababa ee markii denbe ku faafay
magaalooyin badan oo kale, waxaa
ku dhintay inta ay xukuumaddu
qiratay 46 qof, hase yeeshee
waxaa la sheegayaa in dhimashau
boqol kor u dhaafayso, in ka
badan 200 oo qofna ay dhaawac
yihiin.
Warbixin ku saabsan xaaladda
Nabadeed ee Itoobiya.
Wariyaha nooga soo warrama dalka
Itoobiya ayaa noo soo diray
dhambaal uu ku faahfaahinayo
xaaladda Itoobiya; Wuxuuna
dhambaalkiisa ku yidhi;
Waxaa maalmahan Itoobiya ka
socday qalalaase aad u
ballaadhan oo dabada ku haya
khilaafka Siyaasadeed ka dhashay
doorashada bishii May, oo
xukuumadda lagu eedeeyay inay
musuqmaasuq ku samaysay.
Magaalada Addis Ababa waxaa
xidhan goobahii ganacsiga oo
dhan, hase yeeshee waxaa
magaalada lagu soo daayay ciidan
ka howlgalaya oo ganacsatada ku
qasbaya inay ganacsiga furaan,
hadii kale laga qaadi doono
waraaqaha oggolaanshaha
ganacsiga. Taasi waxay keentay
inay 5% dukaamadu ay
shaqaynayaan, tagsiilayaash ayaa
iyagana waxaa laga qaadanayaa
waraaqaha ganacsiga (Licence),
iyadoo dadku rumaysan yihiin in
loo jeedo taageerayaasha xisbiga
CUD oo kaliya.
Waxaa TV-ga wadanka ka socda
digniino labadii maalmood ee u
danbeeyay oo dadka lagu amrayo
inay shaqooyinkooda ku soo
laabtaan. Waxaa kaloo si aad ah
looga cabsi qabaa in tala
faraha ka baxdo oo qul-quladuhu
sii xoogeystaan, taasoo dhalisay
in dadku sahay aruursi billabaan
iyo inay guryaha cunto kayd ah
dhigtaan.
Qalalaasaha siyaasadeed wuxuu
isu badalay iyadoo xagga
dhaqaalaha la iskala dagaallmo.
Waxaa dhamaan dadka mucaaradka
ku ah xukumada Meles ay
billaabeen in aaney raacin
shirkadaha diyaaradaha lagu
tuhunsan yahan in xisbiga EPRDF
uu ka soo galo dhaqaalo. Waxaa
kaloo la hadal-hayaa in ciidan
dhar-cad oo xagga dhaqdhaaqa loo
xilsaaray uu saaran yahay
diyaaradaha, waxayna dadku
raacaan shirkadaha kale ee
caalamiga ah, sida Luftahnsa
Airlines, in kastoo duullimaad
aad u badanba aanuu Itoobiya ka
jirin.
Wararka hadda soo baxaya waxay
sheegayaan in ciidan gaadhaya
2000 oo askari baxsadeen labadii
maalmood ee u denbeeyay.
Ciidankan baxsaday wuxuu u badan
yahay ciidammadii heeganka ku
ahaa xadka Itoobiya iyo
Eritereya u dhexeeya, kuwaasoo
aan niyad u haynin dagaalka la
doonayo in la galiyo. Ciidankani
meesha uu u baxsaday faahfaahin
lagama hayo.
Garoonka Debresit waxaa imanay
diyaaradaha qumaatiga u kaca oo
ciidamo daad-gureynaya, waxaana
la filayaa in ciidammadaas loo
daad-guraynayo xadka Itoobiya
iyo Eritereya, oo laga cabsi
qabo in mar dhaw dagaal ka
dillaaco.
Goballada Oromada iyo meelo
Ogaadeenya ka mid ah waxaa ka
billowday xasuuq iyadoo si qasab
ah dadka askar looga dhigayo,
isla markaana lagu xaraynayo
xeryo ciidammada lagu tababaro.
Dhinaca kale waxaa la gubay
isbitaal ku yaalla magaalada
Gonder, waxaana lagu soo
warramayaa in magaalada agteeda
dagaal ka dhacay.
Keligii taliye Meles Zenawi ayaa
sheegay in madaxda mucaaradka
maxkamad la soo saari doono,
iyadoo lagu eedayn doono denbiga
ah khiyaamo qaran oo wayn,
denbigaas oo ciqaabtiisu tahay
dil.
Denmark oo ka noqotay kaalmo ay
Itoobiya siin lahayd.
Dawlada Denmark ayaa ka noqotay
ku talagalkeedii ahaa in
Itoobiya ay ka mid noqoto
seddexda dal ee Afrikaanka ah ee
u sharraxan in la siiyo kaalmada
hormarineed ee Denmark bixinayso
shanta sano ee soo coda.
Wasiirka horumarinta ee Denmark
Ulla Tørnæs ayaa talaadadii
go’aan ku gaadhay inay Itoobiya
ka saarto liiska seddexda waddan
ee u sharraxnaa in shanta sano
ee soo socda la siiyo kaalmao
horumarin ah, iyadoo mashaariic
horumarineed oo badan laga
fulinayo.
Wasiirku waxay go’aankan
qaadatay, ka dib markii ay
ciidammada xukuumaddu cagta
mariyeen dadwaynihii
bannaanbaxyada ku samaynayay
magaalooyinka kala duwan ee
Itoobiya, iyo tallaabooyinka
naxariis darrada ah ee
xukuumadda Zenawi ka qaaday
madaxda mucaaradka iyo
dadwaynaha ka soo horjeeda.
Denmark ayaa in muddo ahba
Itoobiya la doonaysay inay
kaalmadan, iyadoo tixgelinaysa
macaluusha ku soo noqnoqota,
hase yeeshee hadda albaabkaasi
Itoobiya wuu ka xidhmay. Ma aha
arrin la qabali karo in
xukuumadda Itoobiya sii dayn
waydo maxaabiista siyaasadeed,
iyadoo tixgelinaysa sharciyada
caalamiga ah ee xuquuqul
insaanka, sidaas waxaa tidhi
wasiirka horumarinta Denmark.
Wasiirku waxay sidoo kale
baajisay safar booqasho ah oo ay
ku tegi lahayd Itoobiya
daba-yaaqada toddobaadkan.
Kaalmada Denmark
waxaa hadda tartan ugu jira
dalalka Mali iyo Niger.
QAYBAHA
KALE EE BARNAAMIJKA XORRIYO
HALKAN KA DHEGEYSO...
Radio Xoriyo
11 November.
2005
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan
kartaa Mawjadda 31 MB ee
dhererkeedu yahay 9820 KHZ,
Maalmaha Talaadada iyo Jimcaha
7: 30PM waqtiga Afrikada Bari
Faafin: SomaliTalk.com | Nov 11,
2005
SomaliTalk oo
Doorashadii USA ka waraysatay Maxamuud Wardheere
Wardheere oo mar u tartamay duqa Minneapolis, haddana la
shaqeeya Senator laga soo doorta Minnesota ayaa.
Guji...
Geeddi oo Soo
Dhoweeyey Xafiiska ay Jaamacada Carabtu Ka Furaneyso Jawhar
»Itobiya
oo ka xumaatay weerarkii lagu qaaday Geeddi..
»Sweden:
Shaaweeye iyo Firimbi oo ka qaybgalaya Shir..
»Danjiraha
Soomaaliya u fadhiya QM oo sheegay in..
Wararka oo dhan ka akhri halkan....
Nov 10
Dahabshiil Holland oo bishan
khidmadii hoos u dhigtay boqolkiiba 50%
Shirkada Dahabshiil ayaa waxay
dadka deggan Holland ku war gelineysaa in...
Guji...
C/llaahi Yuusuf oo
sheegay in Muqdisho ay ku sugan yihiin Kooxo farabadan oo Argagixiso ah
»DFKMG
oo baaritaan ku samaysneysa qaraxii Muqdisho
»Ra’isul
Wasaare Cali Max’ed Geedi oo dib ugu laabtey Jowhar
»Shariif
Xasan oo shalay dib ugu soo laabtay Muqdisho
Wararka oo dhan oo ka akhri halkan.... Guji...
Nov 9
Gaadiid badan oo
gumaysiga lagaga gubay Ogaadeenya
iyo Qalalaasihii
Itoobiya oo meel xun maraya...
Guji...
Baaq ay soo Saareen
Dhallinyarada Gobolka Bari...
oo ku wajahan Shirkad la sheegay
inay Macdan baarayso oo heshiis la gashay mas’uuliyiin ka tirsan DGPL...
Guji...
Nov 8
Musharaxa
Duqa Magaalada Minneapolis oo Booqday Masjid Shaafici
Peter Mclaughlin oo ah musharaxa
duqa magaaada ayaa lakulmay Sh.
C/Raxmaan, Soomaalidana waxa uu weydiistey in ay u codeeyaan Doorashada
Maanta (Nov 8) waxana uu ballan qaaday in
Guji....
Injineer
Soomaaliyeed oo Lagu Diley Diinsoor
Eng. Max'ed
Ibraahim Dheel oo 15 sano ku maqnaa dalka Mareykanka ayaa waxa uu Degmada
Diinsoor ugu soo laabtay sidii uu gacan u siin lahaa dadkiisa, waana la
diley, warkaas iyo Muqdisho oo uu wiil naftiisa ku waayay Xabad Sigaar ah...
ka akhri..
HALKAN... GUJI... Nov 7