-
Maamulka Max’ed
Dheere oo xirxiray xubno ka tirsan wadaadada Takfiirka..
-
Shariif Xasan
Shiikh Aadan oo la filayo in uu wadamada.
-
Ciidamo Itoobiyaan ah oo dhowr qof watay Deegaanka
-
Max’ed Qanyare “Waan tageynaa Jowhar laakiin ka tagimeyno Hubkeena”..
-
Ibraahim Cumar
Sabriye Shaaweeye oo ku tilmaamey dhalanteed Maamulka ay dhisayaan..
-
Dad u dhintay Caano
Sun ah oo ay cabeen..
WARARKII MAANTA::: Nov
19, 2005
Maamulka
Max’ed Dheere oo xirxiray xubno ka tirsan wadaadada Takfiirka..
Wararka naga soo gaaraya
Magaalada Jowhar waxay sheegayaan in maamulka Max’ed Dheere uu shalay
xabsiga u taxaabay qaar ka mid ah Ururka Takfiirka oo iyagu waayadaanba si
aad ah ugu soo badanayay Magaalada Jowhar.
Xubnaha la
xirxiray ayaa waxaa ka jira Guddoomiyihii Ururka Takfiirka Shiikh Hilowle oo
si aad ah looga yaaqay Magaalada Jowhar, ilaa iyo haddana lama garanayo
sababaha uu maamulku u xirxiray xubnahaasi, hase yeeshee warar ayaa waxay
sheegayaan in ay dacwad ku soo oogeen Culuma’u-diinka kale ee ku sugan
Magaalada Jowhar, warar kale ayaa waxay sheegayaan in Xubnahaas xirxiridooda
ay ka dambeeyeen waalidiintii dhalay xubnahaasi.
Kal hore ayay
ahayd markii dagaal gacan ka hadal uu dhex maray "wadaadada" ka tirsan
Ururka Takfiirka iyo kuwo ka tirsan Ururk Ahlu-Sunna Waljameeca, waxayan
dagaalkaasi waxyeelo ka soo gaartay qaar ka mid ah wadaadadai dagaalamayay
hase yeeshee waxaa markii dambe soo kala dhex galay maamulka ka arrimiya
Gobalka Sh/dhexe uuna madaxda u yahay Max’ed Cumar Xabeeb (Max’ed Dheere).
Warku wuxuu
intaa ku darayaa in qaar ka mid ah wadaadada Takfiirka ay ka baxsadeen
Magaalada Jowhar.
Shariif Xasan Shiikh
Aadan oo la filayo in uu u ambabaxo wadamada...
Guddoomiyaha Baarlamaanka
Shariif Xasan Shiikh Aadan ayaa la filayaa in uu dhawaan u amababaxo
wadamada Carabta isagoo ku hormari doona xarunta Jaamacadda Carabta ee
Qaahira, waxaana la sheegay in uu safarkiisa uu la xiriiro sidii ay
Jaamacadda Carabtu ay dhex dhexaad uga noqon lahayd is haysiga u dhexeeyay
xubnaha Dowladda ee ku kala sugan Magaalooyinka Muqdisho iyo jowhar kaddib
markii dhawaan ururka Jaamacadda Carabta uu shaaca ka qaaday in uu xafiis ka
furanayo Magaalada Jowhar. Guddoomiyaha Golaha Baarlamaanka waxa uu kale oo
uu soo booqan doonaa inta badan wadamada Jaamacadda Carabta si uu uga
dhaadhiciyo in ay dhex dhexaad ka noqdaan khilaafka u dhexeeya xubnaha
Dowladda, waxaa kalloo uu wadamada Carabta weydiisan doonaa sidii ay gacan
uga gaysan lahaayeen dib u dhiska dalka Soomaaliya, iyadoo Guddoomiyaha
Baarlamaanku uu dhawaan dib ugu soo laabtay dalka isagoo booqasho ku soo
kala bixiyay wadamo ka tirsan Qaaradda Yurub, Mareykanka iyo Canada, hase
yeeshee safarkaasi Guddoomiyaha Baarlamaanka wax dhaqaale ah kama uusan
helin marka laga reebo balanqaadyo ay bixiyeen qaar ka mid ah wadamadaasi.
Xubanaha labada Gole een ku sugan Magaalada Muqdisho ayaa dhawaan waxa ay
qaateen go’aan ah in ay doonayaan in ay heshiis la gaaraan xubnaha Dowladda
ee ku sugan Magaalada Jowhar, waxaana arrintaan si weyn u soo dhaweeyay
shacabka Soomaaliyeed iyo waliba qaar ka mid ah wadamada Yurub iyo
Jaamacadda Carabta iyagoo ku tilmaamay go’aan muhiim u ah bulshada
Soomaaliyeed oo iyagu ku jiray muddo 15-sano ah ku jiray dagaalo sokeey iyo
waliba burbur ku yimid dhamaan kaabayaashii dhaqaalaha ee wadanka.
Ciidamo
Itoobiyaan ah oo dhowr qof watay Deegaanka....
Wararka naga
soo garaaya Magaalada Baladweyne waxay sheegayaan in ciidamo Itoobiyaan ah
oo wata labo gaari oo tikniko oo ah ka soo gudbay xuduuda ay shlaay soo
gaareen Tuulada Bacaad oo ka tirsan Magaalada Baladweyne, waxayna halkaasi
ka wateen dhowr qof oo dadka deegaanka ahaa una badana Odoyaal iyagoo ula
dhaqaaqay dhica deegaanka Feer-Feer.
Ilaa iyo hadda
lama garanayo sababaha loo watay Odoyaashaasi, balse warar ayaa waxay
sheegayaan in Odoyaashasi loo haysto Gaari lagu rasaaseeyay deegaankaasi oo
ku sii jeeday Dalka Itoobiya. Mas’uuliyiinta
Magaalada Baladweyne ayaa u dhaqaaqay dhinaca dalka Itoobiya, iyagoo donaya
in ay soo furdaamiyaan Odoyaashaasi, oo la sheegay in si aad ah looga
yaqaanay deegaankaasi.
Max’ed
Qanyare “Waan tageynaa Jowhar laakiin ka tagimeyno Hubkeena”..
Max’ed Qanyare
Afrax oo ah wasiirka amniga Qaranka ayaa mar uu u waramayay IWarbaahinta
waxa uu sheegay in uu soo dhaweenayo wada hadal dhex mara Dowladda
Federaalka garabyadeeda ku kala sugan Muqdisho iyo Jowhar. Qanyare
waxa uu sheegay in la gaaray xiligii taanaasulka la isku sameyn lahaa, isla
markaana shacabka loo horseedi lahaa nabd dib u heshiisiin sax ah.
“Xitaa haddii
ay yiraahdaan imaada Jowhar waxaana diyaar u nahay in aan tagno” ayuu yiri
Qanyare, oo intaa ku daray “Jowhar waxay tikniko iyo ciidamo u joogaan C/llaahi
Yuusuf iyo Max’ed Dheere anaguna waan la tageynaa tiknikadayada iyo
ciidamadeena” ayuu yiri Max’ed Qanyare Afrax oo sheegay in xitaa ay soo
dhaweenayaan goob kasta ha noqoto dalka gudihiisa iyo dibadda oo lagu
dhameenayo khilaafka xubnaha Dowladda.
Qaar ka mid ah
xubnaha Dowladda ee ku sugan Magaalada Jowhar ayaa sheegay in kooxda
Dowladda eek u sugan Muqdisho looga baahan yahay in heshiiska ay sheegayaan
ay u soo gudbiyaan si qoraal ah.
Ibraahim Cumar Sabriye
Shaaweeye oo ku tilmaamey dhalanteed Maamulka ay dhisayaan..
Ibrahim Cumar Sabriye
Shaaweeye oo ah duqa Magaalada Muqdisho oo doraad dib ugu soo laabtay
Magaalada Muqdisho kaddib markii uu ka soo qaybgalay shir caalami ah oo ka
dhacayay dalka Sweden oo looga hadlayay arrimaha caasimadaha ayaa wax lala
yaabo ku tilmaamay maamulka loo sameenayo Gobalka Banaadir oo wadaan xubnaha
Dowladda ee ku sugan Magaalada Muqdisho.
Wuxuu sheegay
Shaaweeye in waqtigaan aan loo baahneyn in maamul loo sameeyo Gobalka
Banaadir, balse uu soo dhaweenayo in maamul mideysan loo sameeyo.
“Haddii aan
wax soo dhaweynayno waxaan soo dhaweyn lahayn maamulkii uu soo magacaabay
Ra’isul Wasaare Geedi” ayuu yiri Ibraahim Cumar Sabriye Shaaweeye oo
sheegay in shirkii ka dhacay dalka Sweden ay hor dhigeen arrimo fara badan
oo la xiriira sidii ay gacan u siin lahaayeen caasimadda Muqdisho gaar ahaan
dhinacyada nadaafadda, biyaha iyo korontada.
Dad u dhintay Caano Sun
ah oo ay cabeen..
Magaalada Afgooye oo 30KM
u jirta Magaalada Muqdisho ayaa wararka aanu ka heleyno waxay sheegayaan in
3 qof ay dhinteen, 7 qofna ay la ildaran yihiin Caano Sun ah oo ay cabeen.
Dadkaasi oo
qaarkood loo soo qaaday Magaalada Muqdisho ayaa waxaa ilaa iyo haatan la
garaneynin sababaha sumeeyay caanahaasi, hase yeeshee warar ayaa waxay
sheegayaan in Xoolihii caanahaasi laga soo lisay ay cuneen geedo sun ah,
warar kalena waxay sheegayaan in xoolihii laga soo lisay caanahaasi korkooda
la mariyay suntan xoolaha.
Ma ahan markii
ugu horeysay ee dad u dhintaan caano sun ah oo ay cabeen, dhawaan ayaa
Magaalada Baladweyne waxaa ku dhintay dhowr qof oo cabay caano sumeynsan,
iyadoo dadkii ka badbaaday caanahaasi ilaa iyo haatan la ildaran yihiin
waxyeeladii ka soo gaartay.
W/D Amiin
Yuusuf Khasaaro
E-Mail
amiinkhasaaro@hotmail.com