WARARKII JAN 28, 2006
Dowladda Mareykanka oo warqad caqli
celin u dirtay Madaxweynaha Cabdulaahi Yuusuf.
Safiirka Mareykanka u fadhiya
Magaalada Nairobi Danjire Wiliam Bellamy ayaa warqad
qoraal ah u kala diray Madaxweynaha Dowladda
Federaalka, Guddoomiyaha Baarlamaanka iyo todobo
Wasiir oo ka tirsan Dowladda KMG ah.
Warqadaan oo uu soo saaray danjiraha
ayaa waxay ahayd mid uu ku hadlayay codka Dowladda
Mareykanka ayaa mas’uuliyiintaan mid waliba
gaarkiisa loo gaarsiiyay warqadan, nuquladan la
gaarsiiyay Madaxweynaha iyo qaar ka mid ah Wasiirada
dowladda oo lagu sheegay mid si toos ah ugu saabsan
siyaasadda Mareykanka ee Soomaaliya ayaa warqadda
loo diray Madaxweyne C/llaahi Yuusuf waxaa lagu
sheegay in ay tahay warqad caqli celin ah oo
Dowladda Mareykanka ay kala hadleyso Madaxweynaha
sidii uu danaha gaarka ah meel isaga dhigi lahaa
isla markaana uu ugu jeesan lahaa hoggaaminta
shacabka iyo dal in ka badan 15 sano ah ay ka jirtay
Dowlad la’aan isla markaana ay aad ugu baahday is
aamindarada ka dhex jirta kooxaha Soomaaliya.
“Mudane Madaxweyne waxaana rajayneynaa in aad
gaartay oo aadna nala garan doonto in dal aan lagu
hoggaamin karin fikir shaqsi, mid Qabiil iyo mid
kooxeed, sidaas darteed Dowladda Mareykanku waxay
kulula talineysaa in aad ku saleyso hoggaamintaada
mid qaran oo aad ka gudubto mid kooxeed ama mid
Qabiil isla markaana aad meel iska dhigto danaha
gaarka ah oo ah kuwii 15 sano kala dilay Soomaalida”
ayaa lagu yiri warqadda loo diray Madaxweyne
C/llaahi Yuusuf.
Sidoo kale waxaa warqado la
gaarsiiyay todobo ka mid ah Wasiirada Dowladda
Federaalka kuwaas oo iyana lagu booriyay in ay
taageeraan heshiiskii Cadan, isla markaana ay
xushmeeyaan dhismaha Dowladda Federaalka, sidoo kale
waxaa warqad lagu sheegay ogeysiin loo diray
Guddoomiyaha Baarlamaanka taasoo lagula socodsiinayo
in ay jiraan warqado ay dowladda Mareykanku u dirtay
hoggaamiyaasha siyaasadda Soomaaliya oo uu ugu
horeeyo C/llalahi Yuusuf, balse lama sheegin in
warqadda Guddoomiyaha loo diray lagu faray wax
mas’uuliyaad ah sida mas’uuliyiinta kale. Waa markii
ugu horeysay ee Dowladda Mareykanka ay si toos ah
uga hadasho xaaladda siyaasadeed ee Dalka Soomaaliya
gaar ahaan wixii ka soo baxay shirkii dib u
heshiisiinta Soomaaliyeed ee lagu soo gebagabeeyay
wadanka Kenya.
Dowladda Sucuudiga oo dad u dhashay
Somaliland uga digtey in ay calanka...
Intii lagu guda jiray gudashadii waajibaakii xajka
ee sanadkaan ayaa dad u dhashay dalka la magacbaxay
Soomaaliland ay damceen in ay calanka soomaaliland
ka taagaan goobo ka mid ah halka ay isugu yimaadeen
xujeyda.
Ciidamada Booliiska ee Wadanka Sucuudiga ayaa waxay
ku wargeliyeen in aysan mar dambe calanka
Soomaaliland ka taagi Karin halkaasi, balse ay
qaataan astaanka Calanka Soomaaliya.
Dhamaan dadka yimaada xajka ayaa waxaa astaan u ah
calamada wadanka ay ka soo jeedaan si loogu
aqoonsado, hase yeeshee dadka ka soo jeeda
Soomaaliland ayaan iyagu helin wax aqoonsi ah mar
haddii ay caadaadis ay kala kulmeen booliiska
dalkaasi Sucuudiga, waxaase qasab ku noqotay
qaadashada calanka Soomaali-weyn.
Sidoo kale waxay Dowladda Sucuudiga albaaba u
laabtay xafiisyo macmal ah oo ay lahaayeen dad ka
soo jeeda Somaliland, waxaana lagu amray in aysan
mar dambe dib ugu laaban furashada xafiisyo noocaas
oo kale ah, wixii ay u baahdaana ay kala xiriiraan
safaaradda Soomaaliya ay ku leedahay dalka Sucuudiga.-
Magacyada Tobankii "burcad badeed" ee
uu Mareykanku qabtey..
Iyadoo Mareykanku uu dhawaan gacanta ku dhigay koox
"burcad badeed" ahaa oo tiradoodu gaareysay toban
Nin, kuwaasoo ka qowleysanayay xeebaha Badweynta
Hindiya.
Ciidamada Mareykanka oo haatan ku yaha raggaasi xero
milatari oo ku taal Dalka Baxreyn ayaa magacyadoodu
waxay kala yihiin C/raxmaan Macallin C/llaahi (Diiwaan),
Liibaan Cabdi Cali (Gorod), Xuseen Nuur Cali (Koombirow),
Maxamuud Cabdi Faatax, Max’ed Muuse Max’ed (Toore),
Xasan Maxamuud Axmed (Xasan Shir-Buqle), Salaad
Max’ed Jaamac (Dhagoole), Cawil Max’ed Maxamuud,
Mukhtaar Daba-Cadde iyo Muumin labaale.
Kooxaha burcad badeedka ah ee ku sugan Magaalada
Xarardheere ayaa waxay ku hanjabeen in ay leyn
doonaan dadka ay ka soo qabtaan xeebahaSoomaaliya
haddii uusan Mareykanku si dhaqsi leh u sii deyn
tobankaasi dhallinyaro oo ay sheegay in ay ilaalo ka
ahaayeen xeebaha Soomaaliya.
“Mareykanku waa nagu soo xadgudbay, hadduu
xadgudubkaasi naga joojin waayo isaga ayaa mas’uul
ka aha wixii ku yimaada” ayay yiraahdeen kooxdaasi.
C/llaahi Yuusuf iyo Shariif Xasan oo
maanta mar kale ku kulmaya Nairobi..
Maanta ayaa la filayaa in
Madaxweynaha Dowladda Federaalka uu mar kale kulan
la yeesho guddoomiyaha Baarla-maaka Shariif Xasan
Shiikh Aadan waxa uuna kulankaan uu noqonayaa mid
lagu shaaciyo waqtiga uu dhacayo kulanka ugu horeeya
ee Golaha Baarla-maanka.
Kulankaan waxaa ka qaybgali doona
xubno ka tirsan labada gole oo ku sugan Magaalada
Nairobi iyo mas’uuliyiin ka socota Dowladda Kenya,
iyadoo shalay la filayay in Madaxweynuhu uu soo
gaaro Magaalada Nairobi, balse uu u baaqday arrimo
la xiriira Dowladda Federaalka.
Ilaa iyo haatan lama oga halka lagu
qabanayo kulanka ugu horeeya, hase yeeshee warara
ayaa waxay sheegayaan in ay u badan tahay in kulanka
ugu horeeya lagu qabto Magaalada Baydhabo, hase
yeeshee warara kale ayaa waxay sheegayaan in
kulankaasi lagu qabto Magaalada Kismaayo, waxayse ku
xiran tahay Guddoomiyaha Baarlmaanka oo isagu
kalsooni ka haysta xubnaha labada Gole ee
Baarlamaanka.
14-Lamaane oo arooskooda ka dhacay
Magaalada Marka…
Wararka naga soo gaaraya Magaalada Marka waxay
sheegayaan in xarunta AGoonta ee Ayuub ay ka dhacday
xaflad aad u balaaran oo aroos ahayd taasoo la isugu
aroosinayay a14-lamaane oo ah Ardayda agoonta ah ee
xaruntaasi.
Xafladdaan oo mudooyin-kaan qaban-qaabadeedu socotay
ayaa waxaa gacan ka gaystay hay’adda WFL ee ka
howlgasha Gobalka Sh/hoose.
Xafladaan oo ay ka qaybgaleen mas’uuliyiinta Gobalka
Sh/hoose, madaxda Hay’adaha Samafalka ayaa intaysan
xafladdu bilaaban waxaa soo galay 14-kii Lamaane oo
laba laba gacmaha isku haysta waxaa u dhacay sacab
aad u balaaran.
Hay’adda isku howshay barnaamujkaan ayaa waxa ay
sheegtay in lamaanaha aysan ahayn kuwo la isku
qasbay balse ay ahaayeen kuwo iyagu is doortay, ma
ahan markii ugu horeysay ee xaflad noocaan ah loo
qabto lamaane, sanadkii hore ayay ahayd markii 11-
lamaane iyana loo dhigay xalaf noocaan oo kale ah,
waxaana arrinaan si aad ah u soo dhaweeyay
dadweeynaha ku nool Gobalka Sh/hoose.
Jabhadda Wadniga Xoreynta OGaadeeniya
oo soo saartey warbixin..
Qoraal ka soo baxay xafiiska Jabhaddu ay ku leedahay
Magaalada Muqdisho ayaa waxaa lagu soo bandhigay
dagaalo dhex maray Jabhadda iyo Ciidamada Xabashida
laga soo bilaabo 8/12/2005 ilaa 17/1/2006, waxayna
dagaaladaasi ka dhaceen Dhanqa oo ka tirsan Gobalka
Jigjiga, Gurdumi oo ka tirsan Gobalka Dhagax-Buur,
Daratoole oo ka tirsan Gobalka Doolo, Caraweelo oo
ka tirsan Gobalka Doolo, Dhiya oo ka tirsan Gobalka
Dhagax-Buur, Jiiro Angalo oo ka tirsan Gobalka Nogob,
Xamaro oo ka tirsan Gobalka Nogob, Fiiq oo ka tirsan
Gobalka Nogob, Bulxan oo ka tirsan Gobalka
Dhagax-Buur, Huuraale oo ka tirsan Gobalka
Dhagax-Buur, Yucub oo ka tirsan Gobalka Doolo,
Qamuuda oo ka tirsan Gobalka Doolo, Waji-Waaji oo ka
tirsan Gobalka Qoraxey, Dhagax Madow oo ka tirsan
Gobalka Dhagax-Buur, Jaleelo oo ka tirsan Gobalka
Doolo, waxaana dagaaladaas ciidanka Xabashida guud
ahaan looga dilay 160 askari waxaana looga dhaawacay
165 askari, waxaana laga gubay afar baabuur iyadoo
la furtay hub iyo saanad Milatari oo aad u badan.
Qoraalkaas ka soo baxay xafiiska Muqdisho ayaa waxaa
loogu baaqay shacabka Soomaalida Ogaadeeniya in ay u
adkeystaan dhibaatada baahsan ee Gumeysiga Itoobiya
ku hayo, una is taagaan sidii ay isaga qaadi
lahaayeen heeryad gumeysiga, sidoo kale Jabhaddu
waxay ugu baaqeysaa shacabaka Soomaaliyeed ee xorta
ah in ay nagu garab istaagaan halganka aan kula
jirno ciidamada Xabashida, isla markaana aad ka
digtoonaataan shirqoolada gumeysiga.
W/D Amiin Yuusuf Khasaaro
E-Mail
amiinkhasaaro@hotmail.com
Sacuudiga oo u yeertay danjiraheedii Denmark
Boqortooyada Sacuudi
Careebiya ayaa u yeertay danjiraheedii u fadhiyey
dalka Denmark kadib markii ay dowlada Kopenhagen ay
tixgelinweysay codsigii ay u soo gudbisay ee ah iney
raali gareyn ka bixiso aflagadaadii wargeyska denish
oo Rasuulka aflagaadeyey warkan ayaa maanta waxaa
qortay wakaalada wararka ee Rueters...
Guji
Faafin:
SomaliTalk.com | Jan 28, 2006
Barnaamijkii Radio Xoriyo
27. January 2006
-
Dhibaatada
abaarta oo ka muuqatay gobollo Ogaadeenya
ah.
-
Abaaraha oo carruurta si gaar ah u
taabanaya.
-
Meles oo
lagu soo daray madaxda adduunka ugu keligood
talisan.
-
Wafti caalami
ah oo tagay magaalada Jawhar.
-
Jaraaidka iyo
wargaysyada aduunku waxay ka qoreen geeska
afrika & gumaysiga Itoobiya.
======================
Hay’adaha Qaramada
Midoobey ayaa toddbaadkan sheegay in dadka ay
macalushu Ogadeenya ku hayso ay 1 milyan ka
badan yihiin, isla markaana ay gaadhayaan 1,75
milyan oo qof, waxayna hay’adahaasi adduunka ka
codsadeen in dadkaas gargaar degdeg ah lala soo
gaadho.
Gobollo
badan oo Ogaadeenya ka mid ah waxaa lagu soo
warramayaa inay dhammaadeen xoolo badan oo isugu
jira Adhi, Lo’ iyo Geel, kuwaasoo biyo iyo baad
la’aan u dhammaaday. Meelaha ay xooluhu aad ugu
dhammaadeen waxaa ka mid nawaaxiga magaalada
Dhanaan iyo inta badan gobolka Shabeelle.
Isbitaalka
Godey waxay dhakhaatiirtu sheegayaan inay dadaal
adag ugu jiraan sidii ay u baajin lahaayeen
nafaqa xumada carruurta iyagoo adeegsanaya
qalliin, waxayna sheegeen in qaar badan oo
carruurta isbitaalka soo gaadhaysa ka mid ah ay
sidoo kale hayaan cudurrada qaaxada, duumada iyo
shubanka, kuwaasoo uga daran dhibaatada gaajada.
Abaaraha oo
carruurta si gaar ah u taabanaya.
Hay’adda
Qaramada Midoobey ee NICEF ayaa arbacadii dunida
ka dalbatay in loogu deeqo adduun gaadhaya 14.7
milyan oo dollar, si ay u caawiso carruur ay
tiraoodu dhan tahay 1.2 milyan oo ay hayso
nafaqo darro ka dhalatay abaaraha ku dhuftay
daalka Bariga Afrika.
Bayaan ay
UNICEF ka soo saartay magaalada Nairobi waxay ku
sheegtay inay dhaqaalahan u isticmaali doonto
hawlaha quudinta degdegga ah ee seddexda bilood
ee soo socda loo fidin doono dadwaynaha iyo
qoysaska ku tabaalaysan dalalka Kenya, Itoobiya
iyo Soomaaliya.
Hy’adda
UNICEF waxay bayaankan ku sheegtay in carruur ka
badan 56,000 oo da’doodu shan san oak hoosayso
ay nafaqo xumo ba’ani ku hayso Soomaaliya iyo
gobolka Oromiya ee Itoobiya, waxaana laga yaabaa
in tiradu ay si degdeg ah intaas uga badato.
Dalka Kenya
waxaa la rumaysan yahay in 40,000 ilaa iyo
60,000 oo carruur iyo haween isugu jira ay
nafaqo xumo hayso. Sidoo kale dalka Soomaaliya
waxaa la filayaa in tobankii carruur ah ee
abaaruhu waxyeelleeyeenba ay seddex ka mid ahi
nafaqo xumo la liitaan, sidaas waxaa ka digtay
Hay’adda UNICEF.
Meles oo lagu soo
daray madaxda adduunka ugu keligood talisan.
Wagays caan ah oo ka
soo baxa magaalada New York oo lagu magacaabo
Parade, kaasoo sannad walba soo saara liis ay ku
cad yihiin labaatanka madaxwayne ee adduunka ugu
keligood talisan (digteetarsan), ayaa axaddii
soo saaray liiska madaxda sannadkan ugu horreeye
dhinaca kali talisnimada, wuxuuna sannadkan ku
soo daray kaligii taliye Meles Zenawi.
Dalalka reer
galbeedka ayaa keligii taliye Meles Zenawi ku
tilmaai jiray inuu tusaale fiican u yahay
madaxda dalalka Afrika, isla markaana uu yahay
ilaaliyaha hannaanka dimuqraadiyada ee qaaradda
Afrika, waxayna ka dhigteen xaliifka ugu
muhiimsan ee qaaradda Afrika ay ku leeyihiin.
Hase yeeshee
dadwaynaha uu xukumo iyo kuwa gumaysto ayaa isku
si uga dhawaaqayay taladiisa maroorsiga iyo
cabbudhiska ku dhisan. Hadda waxay dalalka reer
galbeedku ku baraarugeen waxyaabo ay markii hore
modayeen in indhaha laga lalin karo, waxayna
yaqiinsadeen qofka uu yahay Meles Zenawi.
Wargayska Parade, oo
qeexaya sababta uu Zenawi ugu daray madaxda
kaligood taliyayaasha ah, wuxuu yidhi;
Meles Zenawi, oo
da’disu 50 jir tahay, wuxuu xukunka Itoobiya
haystay tan iyo sannadkii 1995.
Isagoo wargaysku
qormadisa sii wata wuxuu intaas ku daray;
Doorashadii muranka adag ka dhashay ee May 2005,
ciidammada Zenawi waxay dileen dad tobnnaan qof
gaadhaya oo ka mid ah dadwayne bannaanbaxayay.
Wuxuu xabsiyada u taxaabay in ka badan 10,000 oo
qof oo ka tirsan xisbiyada siyasadeed. Wargaysku
wuxuu qormadiisa ku gabagabeeyay; Meles wuxuu
oggolaaday in xal nabadeed loo helo muranka ku
saabsan xadka uu dalkiisu la wadaago Eritereya,
hase yeeshe wuxuu haddana diiday go’aankii kama
danbaysta ahaa ee guddiga Qaramada Midoobey ka
soo saaray xadka ee lagu astayn lahaa xadka
labada dal u dhexeeya.
Wafti caalami ah oo
tagay magaalada Jawhar.
Magaalada Jawhar ee
dalka Soomaaliya waxaa khamiistii tagay wafdi ka
socda Qaramada Midoobey iyo Midowga Yurub.
Wafdigan waxaa horkacaya xidhiiidhiyaha hawlaha
gargaarka aadamnimo ee Qaramada Midoobey u
qaabilsan Soomaaliya iyo ninka isaguna Midowga
Yurub u qaabilsan arrimaha Soomaaliya. Waxaa
kaloo wafdigan la socda sargaal sare oo ka socda
dawlada Britan.
Wafdigan ayaa kulanno
kala duwan la yeeshay masuuliyiinta laamaha kala
duwan ee Qaramada Midiibey iyo Midowga Yurub ka
jooga magaalada Jawhar, waxay sidoo kale la
kulmeen madax ka tirsan dawlada ku meelgaadhka
ah ee Soomaaliya ee fadhigeedu yahay magaalada
Jawhar.
Radio
Xoriyo
27 January 2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda
31 MB ee dhererkeedu yahay 9820 KHZ, Maalmaha
Talaadada iyo Jimcaha 7: 30PM waqtiga Afrikada
Bari
Xamaas oo
doorashooyinka ka dhacay Falastiin ku Guuleysatay
Ururka Xamaas ayaa cod
aqlibayad leh ku guuleystay doorashadii baarlamaaniga ee ka dhacay
Falastiin..
Guji..
Haamahii
Shidaalka Kismaayo oo dib loo hawlgaliyey
»C/llaahi
Yuusuf oo kulan gaar ah la yeeshay Milass Zanaawi
»Suudaan
iyo Uganda oo mar kale ugu yaboohay ciidamo.
»Carruur
ku geeryootay qarax ka dhacay Caabud Waaq..
»Weerar
lagu soo qaaday Isbitaalka Daaru-Shifaa Muqdisho..
iyo Warar
GooGoos ah ka akhri halkan... Guji Jan 26
Cismaan
Cilmi Boqore oo ka sheekeynaya sababihii uu Muqdisho uga tegay
"Cismaan
Cilmi Boqore oo ka sheekeynaya sababihii uu Muqdisho uga tegay"
Guji....