SomaliTalk DALSAN
Home | Zakaat | Siiro | Saxaabada | Salaat | Search | Allah Is Great |
w w w . s o m a l i t a l k . c o m 
SOMALITALK - KENYA
AYAAN DARRADA AYAAN XIRSI MAGAN:

Culimada Soomaalidu oo go’aansaday iney ka gaabsadaan arinta gabadhan. Maxay tahay sababtu?

FAALLO: Fahad Yaasiin Xaaji Daahir | editor@somalitalk.com | Jan 21, 2003

fahd.jpg (58328 bytes)Nin aduun sii joogoow maxaa aragti kuu laaban, wali ma is tiri qof Soomaali ah ayaa ku af-lagaadoonaya diinta Islaamka, kaba sii daran makugu soo dhacday in qof dumari ay dhihi doonto diinta Islaamka nooma roona! Dad iyo duur wax walba ka filo baa hora loo yiriye, dadka dibadaha jooga gaar ahaan caruurta iyo dumarka waa laga walwal qabay, mar haddii ay ku dhex milmeen dhaqamo gurracan oo lidi ku wada ah diinteenna suuban, laakin haweeney ku qaangaartay dhul Islaami ah baa af muggii ku caayi doonta diinta Islaamka wax fog bey dad badani la’ahayd, waase dhacday!.

Salmaan Rushdie oo difaacay Ayaan Xersi Cali .... GUJI...
Qurbo Laguma Waaree Nolashaada Dabaqabo ...GABAY loo tiriyey Ayaan 
Ikraam Cali-Kaar oo Faallo Ka Qortay 
Gabadhii Soomaaliyeed ee Diinta Islaamka u geftay..   GUJI.. 22/11/2002

Ayan Xersi oo noqotay Salman Rushdi-ga somalida : 32 jir soomaaliyeed oo dhawaan sheegatay ineey diinta islaamku "caburiso isla markaana xaqirto dumarka " ayaa GUJI 12/11/2002 [C/raxman Ceynte]
Rev. Jerry Falwell oo ku sheegay inuu argagixiso ahaa Nabi Maxamed (nabad gelyo iyo naxariis kor kiisa ha ahaato).  GUJI 0ct/7 [wardheere]
»» Ninkii Qur'aanka & Nabiga Caayey oo MN Booqday! GUJI

»»  Ninkii Beeniyey Dajaal oo Lasiiyey Jawaab Xaqiiqtusida GUJI 

Anigoo meel makhaayada fadhiya ayaan eegay cinwaannada ku yaala wargeys Soomaaliyeed oo ka soo baxay Xamar, mise waxaa ku qoron gabadh Soomaaliyeed oo diinta Islaamka wax ka sheegtay, indhahaan marmartay sidii anigoo isku tuhmay duqnimo sababtay aragii oo idaciifay, laakin saaxiib ila fadhiyey ayaa yiri Soomaalida dibadaha jira waxan iyo wax ka sii xil lehba waa laga filaynayaa, waayo dhaqamo silloon ayey dhexgaleen, hadalkaas oo aan ka fahmay in isna wax la’ahaan la’ uu ku arkay Wargeyska.

Waan soo orday oo xaggaa iyo Internet-ka ayaan xog u soo doontay, mise warkeedii meel walbuuba yaalaa, ishaydu waxay ku dhacay maqaal ay ka muuqato qiiro Islaami-nimo oo ay qortay Saxafiyadda “Ikraam Cali-Kaar”, waxay si cilmi ku dhisan ula hadashay inantan dhaqan rogontay ee la dhacday anshaxa R/Galbeedka, dhab ahaantii Ikraam dhawr qoraal oo ay midba mar ka soo saartay Ayaax Xirsi, waxay wada ahaayeen kuwa ku filan in looga haro dibirtii ay la dhigtay, laakiin anna toogtay baa gashee aan tu yar iraahdo, maxaa yeelay inaan gurmadka badiyaa waa igu waajib, gabadhan dhaqan roggu ku dhacay, waxaa kaloo maqaal tarjumaad ah soo bandhigay Qore “C/Raxmaan Ceynte” oo soo daabacay maqaal hiillo ahaa oo uu qoray “Salmaan Rushdi” oo muujinayey tol-nimada ka dhaxaysa isaga iyo Ayaanta ayaanka daran, waana mahadansan yahay saaxiibkeen Caynte maadama uu na tusay “Salmaan Rushdi” oo gaashaan u ah Ayaan Xirsi Magan, tolow malaga yaabaa goortii ay Ayaan aragtay “Salmaan Rushid” oo hadal haya iney mooday billad u soo hoyatay, waxaan xusuustay tix ka mid ah Gabaygii Sayid Maxamed Cabdulle Xasan oo la hadlayo qolyo gaalada raacay oo leh.

  • Duligii iyo cadaabkii maxaa kiin isugu daray.
  • Durriyaddii iblays iyo maxaa daadduf idin qoray.
  • Dariiqii rasuulkiyo dawgii maxawga bayrteen.
  • Xaq aan daboolleyn maxaa iidinka soo deday.
  • War sow derajo aakhiro rabbi kama damcaysaan
  • Dacas lama jiifee xaqa maw dedaashaan.
  • War hooy deeqa Eebbiyo janno maa u dirirtaan.
  • Dumbuq ninkii aan lagu ridin dan la’aanba waw dhiman.
  • Inkastaad dadaashaan ma naf baad damcaysaan.
  • Haddaan dunidu waarayn miyaad daa’imeysaan.

Dad kale oo wax ka qoray Ayaan ma akhriyin, walow aan dareen-sanahay in Muslimka oo dhan ka carooday aqoon xuma u hadalkii Ayaan Xisri Magan, boogaadin ayeyna mudan yihiin inta qiirada diineed leh iyo kuwa Soomaali-nimada u caroodaba.

 Wado bey furtay Basaasadii Soomaaliyeed ee Norway
(Sweden oo qaday talaabo taa lamid ah oo looga hotageyo gudniinka.) GUJI...
September 07, 2001

Waxaan xiriir la sameeyey dad badan oo Soomaali ah si aan u helo xogta dhabta ah ee inantan, waxaan la xiriiray saaxiibo aan ku leeyahay Holland aniga oo radinayey faahfaahin dheeri ah oo ku saabsan gabadhan, waxa la ii sheegay in gabadhan hadalkeedu uusan hadda u kow ahayn oo ay saan oo kale sanadkii 94.kii ugu hadaaqay hadallo kuwan la mida, laakiinse goortii la sii wad wadi waayey ay hadalkeedii iskala hartay, iyadiina halkiibey ku shiiqday, kuna weysay badeecad ay rabtay malaha iney ka gado R/Galbeed si ay ugu sheegto iney gaadhay horumarkii uu kasbaday oo kale Salmaan Rushdi sida ay la tahay iyada, oo ah halka ay hadda qorsheyneyso iney gaadho, saaxiibkii aan Holland kala hadlay oo ahaa nin war gal ah, wuxuu intaa iigu daray, waa sii horeysay ayey ka hadashay Talafashin ku yaalla Holland oo barnaamijka habeenkaa ahaa arima la xiriira Diinta Islaamka, waxaa dooda kala qayb qaadanayey Muslimiin kale uu ka mid ahaa wiil Marookaan ah, kolkaasey tiri Ayaan, aniga diintan Islaamka kumaba jiree! Goortaas ayuu Marookaankii codsaday in gabadhan laga saaro doodda maadama aysanba shuqul ku lahayn Islaamka, codsigaasna wuxuu u jeediyey wariyihii dooda qaybinayey, markii wariyihii uu aqbali waayey inuu socodsiiyo codsigii uu soo gudbiyey mid ka mid ah martidiisi ayuu Moraakaankii go’aansaday inuu kaba baxo dooda iyadoo socota, wuunaba ka tagay barnaamijkii oo wali hawada ku jira.

WAXBARASHADA CARRUURTA
"Dadka Carwada yimid oo idil way isku sheegeen wiilkaas fariid Quraanka ah, Cabdul Fattax Shariif Moxamed, sidaas darteed nin walba wuxuu soo watay wiilashiisii si uu u soo tuso tusaale waangsanna ugu noqdo, deedna ay ugu daydaan." Guji...
C/siis C/lahi Adam oo bishii December 2000 kuguulaystay kaalinta Koowaad ee tartanka Qura'aanka, Abaalgudna u helay 250,000Dhs oo u dhiganta $68,000 Akhri halkan
Flip to any page of the Koran's 114 chapters, and Ahmed Mohamed can recite it for you.
DETROIT FREE PRESS
December 9, 1999.
Cabsida lagaqabo mustaqbalka carruurta Soomaaliyeed ee kusoobutaacay dadalka Galbeedka Guji...
Maxaa Xal u ah Ubadka Soomaalida Qurbaha? Guji...
Carruurta Soomaalida Denmark Guji...
Carruurta Soomaalida London, canada Guji...

Ayaan darrada Ayaan Xirsi waxay cirka isku sii shareertay kolkii lagu marti qaaday iney isu soo taagto doorashooyinka Barlamaan iyadoo ku tartameysa Xisbi ka mid ah Axsaabta ugu waaweyn dalka Holand ee ay dhalashadeeda qaadatay, taasoo ku dhalatay kalsoonidii ay ka kasbatay Axsaabta reer Holland iyo shacabka Holanba, maadama ay qaadatay tubtii R/Galbeedku doonayeen oo waliba la dhihi karo weyba uga sii dheereysay, MA MAQLI JIRTAY HEBAL KACAANKII BUU KA DHEEREEYEY, nin Soomali ah ayaa iisheegay iney kulmeen nin u dhashay dalka Holland oo ay ku kulmeen Neyrobi, wuxuu ku yiri, Soomaalida waxaan ku leenahay gabadh aad iyo aad u fiican nolosha saxda ahna fahamtay, hadana taageeradii ay ka heshay shacabka Holan ayaa keentay in lagu marti qaado u tartanka jagada Barlamaan ee dalka Holan, hala yaabin sababta ay reer Holan u soo dhawaynayaan gabadhan ee waxaad is weydiisaa maxaa ku jaribay inantan iney Islaamka ku af-xumaato.

Qoyska ay ka dhalatay gabadhan oo ah qoys Soomaalida dhexdeeda laga yaqaan, ayaa ila noqotay mid aan u qaadan waayey in gabadh qosykaa ka soo jeedo ay sidaa uga miirnaato diinta, Ayaan waa ina Xirsi Magan, Aabaheed waa oday ay Soomaalidoo dhami taqaan, waxaana lagu xusuustaa khudbadihii uu ku lahaa Radyow Kulmis, (Idaacaddii wareegi jirtay), shakhsiyan aniga waxaan bartay 99kii oo aan dhawr jeer kulanay, aniga oo ka waraysanayey Afka Soomaaliga iyo sidii la isugu tarjumi lahaa Afka Carabiga, iyo sidii Tafsiirka Quraanka loogu heli lahaa eray walba oo ka mid ah tarjamo u dhiganta oo Af-Soomali ah, erayo dhawr ah oo uu ii sheegay ayaan wali xusuustaa, meesheedse ma’ahan halkan, Xirsi Magan waxa intaa u dheer aqoonta uu uleeyahay Diinta Islaamka, waxa uu ka mid ahaa xertii wax ka baratay Sheekh Nuur-diin Cali Calow, ALLAH HA U NAXARIISTEE, dadka aadka u yaqaanana waxay ku sheegeen inuu yahay nin Caqli dheeri ah eebbe siiyey.

Goortii aan ogaaday Ayaan Aabaheed inuu yahay Xirsi Magan waxaan geed gaaban iyo mid dheer u koray sidii aan ula xiriiri Xirsi Magan, tuhunkeygu wuxuu ahaa inuu jooga Boosaaso, goortii aan halkaa ka badi goobay ayaa la igu yiri Lodon ayuu jiraa, waxaan la xiriiray asxaab aan ku lahaa London, gunaanadkii ay ii keeneen wuxuu noqday in Xirsi uu aad uga xun yahay ceebta ay u soo jiiday inanta isaga ku abtirsata saa awgeedna uu go’aan ku gaaray inuu ka gaabsado ka hadalka arimahaas, xitaa Telefankii lagu yiqiinay waa la badalay, kiisii cusba hadan codsadayna waxaa la ii sheegay in aanan la heli karin, dad xog ogaal ahi waxay ii faa’iideeyeen in Ayaan ayba tiri aabahay ayaa igu khasbay nin anan rabin oo heer baadiye ah, hadalkaasna goortii Xirsi Magan la weydiiyey uu ku tilmaamay waraan sal lahayn.

Cawaaqib Xumida uu La Kulmayo Qofkii Caaya Rasuulka (scw)
Waxaa na soo kedinayay maalmihii ugu danbeeyay dad ku abtirsanaya inay yihiin soomaali oo si dhiiranaan aan dheelitirsanayn ugu kacaya falal-denbiyeed aad ugu weyn miisaanka culus ee diinta islaamka.. GUJI... 

Waan ku fakaray inaan Ayaan qudheeda baadi goobo laakiin waxaysan iigu suura galaynin iyadii oo baqdin awgeed hul u gashay, xitaa wargays-yada caalamiga ee qoray hadaladeeda qaarkood waxay sheegeen inaan la ogayn halka ay ku nooshahay, qoraalkan haddii ay suura gasho inuu gaaro Ayaan waxaan u sheegi lahaa iney geesinimadu ku jirto iney xiriir la soo sameyso saxaafada madaxa banaan ee Soomaalida si loo ogaado warkeeda dhabta ah, walow ay wax fog tahay ineysan arag qoraaladii tirada badnaa ee ay Saxaafada Soomaalida ka diyaarisay, taas waxay marag u tahay wixii laga sheegay iney yihiin wax jira, waayo hadii aysan jirin iyadaa beenin lahayd.

Sida aan la wada soconno gafafka diinta islamka laga galo kuwa sahlan ma’ahan, si aan u helo fatwo diineed oo ku saabsan gabadhan hadalladii ay Islaamka ugu xadgudubtay ayaan u bandhigay qaar ka mid ah Culimada ugu magaca dheer Soomaaliya, kuligoodna iyagoon is ogayn ayey wada yiraahdeen, waa run oo waa waajib in laga hadlo arimahan oo kale, laakiin anagoo ka faa’iideysaneyna sidii la yeelay “Salmaan Rushdi” oo ahayd mid uu isagu kaga helay magac iyo maamuus R/Galbeedka ayaan ka gaabsaneynaa arinta gabadhan, Sheekh ka mid Wadaadadii aan u diray qoraalada ku saabsan arintan ayaa igu yiri, ayadoo aysan ka hadlin Culimadii Soomaaliyeed ayuu “Salmaan Rushdi” soo dhaweystay, ka waran hadii aan anaguna ka hadalno, sow kor usii ki cimeyso, taa waxaa sii dheer gabdho kale oo Soomaali ah ayaa iyaguna ku soo dayan kara, iyagoo isleh suuqan cusub armaad xoogaa nolol ah ka heshaan.

FARIIN KU SOCOTA AYAAN XIRSI MAGAN: 

KAAH
Choose kaah for confidence, convenience & competitive, rapid, reliable & responsive

Sababta aad hadalka u tiri haddii uu yahay faqri ka carar xusuusnow in ilaahay qoray waxaad cuni lahayd, Abwaankii Daraawiisheedna “Ismaaciil mire”waa tii uu yiri Mafaqriyo shareecada ninkii faraqa haystaa.

Haddii aay aqoon darro kaa haysato diinta Islaama isku day inaad raadsato dad diinta yaqaana oo kaala doodaa wareerka ku haya.

Wax aduun qatalayaa ninkaan qawlka diin barane.

Ogow in asalka aad ka soo jeedo yahay Muslim, ogow in Muslimka iyo Soomaalida aad ka heli karto magac weyn haddii aad ka toobad keento hadaladii gafka ahaa ee aad Islaamka ka gashay, ogow haddii duruufo kugu khasbaya ay jiraan arimahaas, in Muslimku diyaar kuula yihiin iney kaa caawiyaan, ogow in aad Muslima ka heli karto kuwa kaala qayb qaata xalinta noloshaada, taasna waxaan u leeyahay war isoo gaaray oo ah in aadan xiriir la lahayn Jaalidaha Soomaalida, ogow inaad ceeb weyn usoo jiiday Muslimka, Soomaalida, iyo qoska aad ka dhalatay oo uu ugu horeeya Sheekha ku dhalay ee Xirsi Magan.

Marna ha is dhihin dadkii waad ka fogaatay oo meelaad ku soo laabato malahan, wali gacno furan ayaa laguugu soo dhawayn, xusuusnow aakharo iney ku sugayso tubta aad hadda haysana ineysan ahayn tii aad ku badbaadi lahayd, kuna celceli tixdan uu tiriyey “Ismaaciil Mire”

  • Ninkii gaalo caabuday rabina gooyey xarigiisa.
  • Baryo wuxuu gabraartaba hadduu malagu soo gaaro.
  • Jahanamo inuu gali kitaab garanayaa sheegay.
"halkan (waa qurbaha'e) ay naga waraystaan sidee dumarku Soomaaliya ugu xirxiraan jireen, sidee loo gumaysan jirey sidee ahaydeen.... waxaan u sheegayaa in aan Soomaaliya boqorro ku ahayn" Xaliimo Faarax Jan 12, 2003, Minnespolis, USA GUJI... 

Isweydii “Salmaan Rushid” horumarka uu gaaray nooca uu yahay, sow ma’ahan ninkii ay Xaaskiisu ka codsatay inuu furo maadama ay 30.habeenba guuri jireen 50.goor? Sow ma’ahan ninkii ay 96.kii dowlada Denmark diiday iney siiso magangalyo maadama aysan damaanad qaadi karin noloshiisa? Sow ma’ahan ninka haddii uu saan ku dhinto ay Muslimka ku soo xuusan doonaan inuu yahay ninkii ku xadgudbay diintooda? Ayaaney saas sharaf hamoodin.

Mawqifka ay Diinta Islaamku ka qaadaneyso gabadhan waxaan u deynayaa Culimada Soomaalida, si ay u gutaan waajibka ilaahay saaray, Ayaanna ha ogaato iney in wali uu u furan yahay albaabkii towbadkeenka.

Gabagabadiina ila akhri adoo ku celcelinaya gabaygan.

  • Ninkii gaalka daba gala darxumow dambaynoo.
  • Naftu hadday ka duushana dalku waysu diidiye.
  • Inuu haadku diirdiiri waa sida daruurtoo.
  • Dulbaaxiisa feeraha dab baa lagaga shidiyoo.
  • Hadduu waayo darib cuno waa laga dambaynoo.
  • Ninkiise dawga dhaafaaya dawo looma helayee.
  • Digtoonaada waligiin dunidu waari maysee.

I  I  D  H  E  H

 

Fahad Yaasiin Xaaji Daahir.

editor@somalitalk.com 

Janaayo 21, 2003

Ikraam Cali-Kaar oo Faallo Ka Qortay 
Gabadhii Soomaaliyeed ee Diinta Islaamka u geftay..   GUJI..
22/11

Cawaaqib Xumida uu La Kulmayo Qofkii Caaya Rasuulka (scw)
Waxaa na soo kedinayay maalmihii ugu danbeeyay dad ku abtirsanaya inay yihiin soomaali oo si dhiiranaan aan dheelitirsanayn ugu kacaya falal-denbiyeed aad ugu weyn miisaanka culus ee diinta islaamka.. GUJI... 

...FAALLO: Itaxaadka Soomaaliya

WARAYSIYADII FAHAD YAASIIN

 

Powered by www.SomaliTalk.com
All About Somalia and More...
>> Usheeg Asxaabtaada
..
..
Eldoret waa caynkee
ELdoret- Bishan
Eldoret-Nov 2002
Eldoret-Oct 2002

Copyright © somalitalk.com. All rights reserved.

HTML CD [an error occurred while processing this directive]