SOMALITALK.COM XAYAYSII
w w w . S o m a l i T a l k . c o m
SOMALITALK - MAQAAL


Daabaco Boggan | Print
Geedi: Horta qofka afka dowladda ku hadli kara aniga waaye. Cid kale kuma hadli karto afka dowladda. Warka rasmiga ah anigaa sheegaya. Qof kasta kama hadli karo dowladda arrimaheeda. Anigu waxaan iri baaritaan baa lagu sameynayaa arrintaas, guddi baana u saaray. Guddigii oo aan keenin wax natiijo ah lagama hordhici karo. Waxaan aniga u arkaa dadka weerarkaas fuliyey inay ahaayeen dad aan dowlad rabin. GUJI....
::GEEDI vs NFD & SOM.GALBEED

NFD iyo SOOMAALI GALBEED Goorma ayey Xoroobeen? Cali Maxamed Geedi wuxuu yiri HALKAN KA DHEGEYSO
Emailka Geedi:
premiersom@wananchi.com
WARAYSIGII BAHALOW
Cabdi Sheikh Bahalow "Kenya waxay u Burburineysa Somaliya si aan looga hadlin NFD: Cabdi Bahalow waxa uu ka tirsan yahay xisbiga haya talada kenya, waxana uu madax ka yahay ururka nabad raadinta geeska afrika. Waraysiga waxaa qaaday Mumtaz: dhegeyso
FAHAD:: WARQAD FURAN
WARQAD FURAN: MADAXWEYNE MUXUU GEEDI KAA MUDAN-YAHAY: Maqaalkii Isniinta ee Fahad Yaasiin Guji...
:: MAQAALKII C/WAAXID:::
Madaxweynuhu Isagaa naga Yaqaan Ra’iisulwasaarihiisa:: Waxaa jirtay in markii la magacaabay...Guji... C/Waaxid
::WARQADII C/RISAAQ XAAJI::
Qoraalkii uu 2002 C/Risaaq Xaaji ka qoray faragelinta ay Itoobiya ku hayso Soomaaliya.. Guji
:WARAYSIGII DR.RAABEH::
Waraysigii Dheeraa ee Dr. Cumar Cusmaan Raabeh.. Halkan ka dhegeyso.. Guji
:MAQAALKII C/SHAKUUR::
Qancin Qoraalkii  Cadaani: Assadow Darawal Diyaarad Ma Duullin Karaa? Guji...
:MAQAALKII ASAD CADDAANI::
Raysal wasaaraha dawladii dhawaan Kenya lagu soo dhisay Cali Maxmed Geedi ayaa sheegay in uu soo dhaweynayo haddii Somaliland la aqoonsado.. Guji..
:::WAAN KUU SHEEGAY:::
Cabdirisaaq Xaaji Xuseen oo mar-labaad soo diray warqadiisii furnay ee uu qoray  2004.. Guji..
:::RA'YI/GABAYO/MAQAALO :::
Daahir Riyaale oo ka Xanaajiyey Qaar ka mid ah Soomaalida Minnesota
Waxa uuna kala hadlay idaacadda...
Guji...
wiil

1894 ayaa heshiiska loo yaqaab "Tripartite Accord" waxaa wada garey Ingiriiska [Great Britain], Talyaaniga [Italy], iyo Itoobiya [Ethiopia], kaas oo kusaabsanaa dhulka Soomaaliya. Talyaaniga waxaa lasiiyey dhulka soo eegaya badweynta Hindiya oo waagii dambe loo bixiyey Italian Somaliland. Heshiiskaasu wuxuu aqoonsaday in Mililikh [Menelik] uu qaato dhulka galbeed ee Soomaaliya ee loo yaqaan Ogaden.



Ma La Soo Gaadhay Xilligii Maamulka Hargeysa Runta Isu sheegi Lahaa?.
 
Asad Cadaani Ibraahim
e-mail:
assadlaska@yahoo.com 

Laascaanood, Soomaaliya


Waxaan shaki ku jirin in la soo gaadhay xilligii ay dadyowga ku dhaqan Hargeysa iyo Burco runta isu sheegi lahaayeen, iyaga oo ka shiidaal qaadanaya dhacdoodyinka aan layska indha tiri Karin ee horyaala, kuwaas oo sida qoraxda iyo dayax shan iyo tobnaad ah u muuqda.
 
Waxaana cad oo aan caadsaarnayn in ay ay hungowday himiladii iyo hankii ay hiigsanyeen dadka u ololeeya wax loogu yeedho gooni isu taaga, waxaana taas  aan u soo qaadan karaa dhacdooyin ay badanaaba is maan dhaafiyaan bulshada iyagu u ololaysa kala qoqobka Soomaalida.
 
Waxaynuna soo qaadan karaa dhawr dhacdo oo qoraaga Maqaalkani goob joog ka ahaa kuwaas oo u dhameeyey fikirka gooni isu taaga, gaar ahaan ugaba laalaabay gobolada Sool, Sanaag ,Haylaan iyo Cayn.
 
Waxaana ugu muhiimsanayd Safarkii uu Riyaale isugu soo miidaamiyey magaalada Laascaanood, Dagaalkii 29octoobar,Doorshooyinkii Deegaanka ee dhawaan ka dhacay Gobollada Waqooyi Galbeed Soomaaliya.
 
Haddii aan Mid Mid u soo qaadano.

Safarkii Riyaale ku yimi Laascaanood 07/12/2002 waxa uu ahaa mid ku salaysnaa ismiidaamin uu Riyaale dhamaan ukuntiisii halsalad ah isugu geeyey, kaas uu filayey haddii uu guul ugu dhamaado in uu taariikhda jibada gooni isu taaga baal dahab ah ka galo , kuna faani lahaa Laascaanood ayaan tagay layga soo dhaweeyey , nabad galyana kaga soo noqday, hasa yeeshee taasi may dhicin , safarkii ismiidaaminta ahaa waxaa u dhameeyey sadex baroon oo dharaar ka saaray Laascaanood, kuwaas oo u arkayey in uu Riyaale iyo ragga la fikirka ahi ay ka soo gudbeen khadkii casaa ee u yaalay Gobolka Sool siiba siyaasada ku wajahan Gooni goosadka iyo Soomaalidiidnnimada.

 
C/RISAAQ
Aniga Oo Ah Xildhibaan G/Wakiilada Somaliland Waa Sidee Arinta Sool, Bariga Sanaag iyo Buuhoodle: Qoraal dheer oo uu soo saaray C/risaaq Warsame Xayir ayaa tibaaxay in Guji
Dagaalkii 29/10/2004, wuxuu ahaa kii ay fikirka Somalilander-nnimadu adhaxda kaga jabtay, kaas oo dhamaan ku soo jeediyey xataa kuwii u dhashay gobollada Sool,Sanaag Hayland iyo Cayn Hargeysa markay Joogaan odhan jiray (walaalayaal markii aynu xornnimada la soo noqonay 18/may) ee afka baarkiisa ahaa, wuxuu ahaa dagaalkii lagu ogaaday sida ay maskaxda dadka Hargeysa iyo Burco ku nool u fakerayso, marka laga soo bilaabo Riyaale , Ina dhoola yare ilaa iyo ninka maqaaxida fadhiya , waxaana daliil cad kuu ah wixii uu ku hadlay wasiirka warfaafinta ee maamulka Hargeysa markii uu ku faanay in uu dilay 100 nin oo lagu sheegay Harti, isla markaan amray in sawirada maydadkii lagu soo ban dhigo ,T.V Hargeysa iyo internetka.
 
Qoraaga magaalkan iyo suxufiyiin kale waxay goob joog ka haayeen dagaalkii Adhi-cadeeye ka dhacay 29/10/2004 , waxaanay suxufiyiintu dagaalka oo soconaya ku jireen jiida hore, markii maxaabiista Maamulka Hargeysa la soo qabqabtayna waxay dhamaan diideen maamul iyo saxaafad ba in maydka xurmadiisa lagu xadgudbo,oo aan la soo bandhigin sawirada meydedka , maadaama ay ahaayeen dad walaalo la yahay isla markaana shaydaanku u qurxiyey fikirkan, weerarna ku soo qaadeen ummad dalkoodii ku sugan.
 
Falalkii ay markaas mas’uuliyiinta maamulka Hargeysa ku talaabsadeen iyo sida saxaafadda Hargeysa loogu soo bandhigay Buqdiga iyo Nacaybka  Soomaalidiid-nnimada ku dhisan ayaa waxa uu qayb ka qaatay in ay bulshada ku dhaqan Sool,Sanaag,Haylaan Iyo Cayn ay si markhaati ma doonta ah ugu muuqato xaqiiqada dhabta ah ee ka danbaysa waxa loogu yeedho “Somaliland”.
 
Doorashooyinkii ka dhacay Hargeysa iyo Burco , ee lagu tilmaamay in ay ahaayeen doorashooyinka deegaanka, waxay ahaayeen talaabadii ugu danbaysay ee ay suuq gaynayeen u dagaalamayaasha gooni isu taaga ku salaysan Soomaalidiidnnimada, kaas oo uu runta ka sheegay Qoraaga arrimaha Soomaaliya ku caan baxay I.M .Luweys, muxuu yidhi haddaba qoraagaasi? si cad oo aanu madmadow ugu jirin ayuu ku yidhi “ waad wanaagsan tihiin haddii aad gobolada ay degaan beelaha dirta waqooyi nabad galyo iyo xasilooni ka samayseen, doorshooyinka deegaanka aad samaynaysaana waad ku mahadsan tihiin, hasa yeeshee, Gobollada hartigu degaan Dhulbahante iyo Warsangali haday ka dhacaan ayaad rajo leedihiin
 
Doorashooyinkii aan markoodii horeba sharciga ku salaysanayn waxay ka dheceen Carro Dir Waqooyi hasa yeeshee kama dhicin Carro Harti waqooyi, taas macnaheedu wuxuu noqday oo ay ku arooreen Maamul Goboleedka Waqooyi Galbeed, halkaasna waxaa ku soo afjaran tay riwaayadii mudada dheer ay soo jilayeen Raggii ay ka mid ka ahaayeen , Ilaahay hawnaxariistee C/raxmaan Axmed Cali(Tuur), ILaahay hawnaxariistee Maxmed Ibraahim Cigaal oo aanay lamadaas marxuun midna si dhab ah u aaminsanayn in Soomaalida la kala diro, Riyaale oo isagu noqday ninkii Naxashka Ruwaayadaas misbaarkii ugu danbeeyey ku dhuftay. 
 
Waxa kale oo isaguna sanadkan Horaantiisii mar uu safar ku tagey Magaalo madaxda labaad ee Soomaaliya Hargeysa wasiirka xidhiidhka afrika ee dalka Ingiriisku  ,hadalna ka jeediyey golaha wakiilada ee maamulka Hargeysa wuxuu ku yidhi “Waad ku mahad san tihiin nabad galyada iyo horumarka aad gaadheen, laakiin looma baahna aftahamo dheeraad ah ee waa in aad wada xaajood la gashaan Soomaalida inteeda kale”.
 
Waxaa iyaduna ugu danbaysay Mr. Fall oo ah ergayga qaramada midoobay ee Soomaaliya mar uu warbixin ka siinayey golaha ammaanka arrimaha Soomaaliya waxa uu xusay in ay doorashiiyin ka dhaceen Gobolada Burco, Hargeysa ,iyo Boorame hasa yeeshee in aanay ka dhicin gobolada Sool,Sanaag, Hayland iyo Cayn,Soomaaliduna wali u kala qaybsan tahay beelo, sidaasi daradeedna uu golaha ammaanku mar kale ku celiyey in Midnnimada Soomaaliya muqadastahay.
 
Waxaan shaki ku jirin in gobollada Waqooyi galbeed horumar baaxad weyn gaadheen marka loo eego Soomaalida inteeda kale , hasa yeeshee la soo gaadhay xilligii ay runta isu shegi lahaayeen , oo odhan lahaayeen , Soomaali dhibaato in ku filan soo wada martay, dad la laayana waxaa ugu horeeyey reer Koonfureed,waliba kuwo ay Siyaad Barre isku qolo yihiin, Koonfur waxa qabiilooyinku isu geysteen hadalkeedaba daa,
Weerarkii diyaaraduhu ku baabi’iyeen Taleex iyo bulshadii lagu xasuuqay ee gaadhaysay 500,000 shan boqol oo kun ayaa raadkoodii wali sii muuqdaan oo aan la hibanayn, looma baahna hanyaraan joogta ah , iyo hibasho taagan .  
 
Asad Caddaani IBraahim
Laascaanood
Jamhuuriyada Soomaaliya
assadlaska@yahoo.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Nov 20, 2005


 


 
Kulaabo bogga  www.SomaliTalk.com 
© www.SomaliTalk.com

BAARID | SEARCH



HTML CD