Hadaba jawaabta prof. geedi waxay farxad galisay guud ahaan dadka somaliland oo imika aaminsan in c/laahi yuusuf  iyo raiisal wasaarihiisu ogolyihiin in somaliland la aqoonsado, iyadoo dhinaca kalena c/laahi yuusuf laga  maqlay tibaaxo sheegaya in uu kuwargaliyay itoobiya iyo midawga Africa in uu raali kayahay hadii ay aqoonsadaan somaliland .

Waxaa sidoo kale hadalada raiisal wasaare geedi kacadhaysiiyay dadka u ololeeya midnimada somaliya oo qaarkood dalbadeenba in prof.geedi shaqada laga eryo.

"Dadweynaha ku dhaqan gobollada Sool, Sanaag ,Haylaan yo Cayn run ahaantii hadalkaasi waxa uu ku noqday Hadal aanay ka filayn mas’uul sida Geeddi oo kale ah oo xil qaran  haya, waxayna la yaabeen ugu horayn waxa lagu magacaabo Somaliland goobta uu u yaqaano, ma waxa uu u yaqaanaa, Burco iyo hargeysa, mise wuxuu sheegayaa dhulkii ingiriisku gumaysan jiray midowga ka hor." Asad (Laascaanood)... Guji...

Marka hadaba akhriste arinka loo dhabo galo waxaa cad in hogaanka dawladii lagusoo dhisay nairoobi garwaaqsaday in Somaliland buuxisay dhamaan shuruudihii dawladnimo iyo somaliya oo wali taagan halkii ay taagnayd 1991kii oo ay tahay in somaliland loo oglolaado waxaa ay uqalanto oo ah wakhtigii lafasixi lahaa kolhadii aanay jirin wax astaan dawladnimo ah oo koonfurta kasoo naaso cad.

Waxaase cad in iyadoo hogaankii dawlada kumeelgaadhka ahi si rasmi ah ugu dhawaaqin aqooniga somaliland ay hadana lakulmeen durba cadho xoog leh taas oo laga yaabo in xataa hadii ay aqoonsi hamigooda kujiray ay candhuuftooda dib uliqayaan , inkastoo raga udhuundaloolaa siyaasada c/laahi yuusuf sheegaan in hadii uu wax damco aanu cidna ujoojin.

Marka akhriste aynu dhinaca kale eegno hadii la-isberber dhigo somaliland iyo somaliya waa kaaf iyo kala dheeri ,mana noqon karaan gobolo laisla sugo si markale loo mideeyo waayo waxaa cad in somaliland ay kahorayso koonfurta somaliya 15 sanno suurto galna aanay ahayn in laisla sugo.

Waxaa somaliland laga hirgaliyay nabad cago adag kutaagan in taa kabacdina waxaa laga hirgaliyay dooroshooyin xor ah , waxaa shaqaynaya goleyaal deegaan oo ladoortay ,madaxweyne ladoortay , iyo baarlamaan oo dhawaan ladhaarindoono ,balse akhriste maskax caafimaad qabta ku milicso dhinca koonfurta , intaasi oo horumar ahi maka hirgashay? , iskadaa doorasho oo nabad galyadii waad lasocotaan , magaalo walba waxaa kataliya in kabadan lix hogaamiye kooxeed oo mdi waliba midka kale iska eegayo, hadaba xalku mawaxaa uu kujiraa dawlad lagusoo dhiso dhul shisheeye oo ladul keeno somaliya , inagoo og inta maamul lasoo macmalay fashilmay oo kii udanbeeyay aynu imika arkayno.

Hadaba maxaa xal u ah nebed kadhalata koonfurta somaliya ?, somalidu iyadaa is aftaqaan oo is dhaqantaqaan  , nebed kahalata koonfurtuna waxay kujirta gacmaha somaliland , iyadoo taas macneheeku tahay in somaliland uga faaiidayso khibradii ay kadhaxashay nabadayntii iyo dhismihii somaliland , balse waxay xukuumada somaliland ku xidhay in marka hore reer koonfureedku aqoonsadaan somaliland , taas oo aynu odhankarno imika waxaa taagan ifafaaleheedii,, waxaanay taasi keeni kartaa aqoonsiga kadib in xukuumada somaliland marti galiso iskuguna yeedho dhamaan raga kuhirdamaya siyaasada koonfurta somaliya.

Ugu danbayntii waxaa faaladanai talo kubixinaysaa in hogaamiyeyaasha koonfurtu ay garwaaqsadaan in xalkoodii halkan yaalo oo ay huraan wax kasta oo xalkoodu kujiro si loosoo gebogebeeyo 15 sanno oo dhiig sokeeye kudaadanayay koonfurta somaliya .

     Allaa mahad leh