Sida eey sheegtay wakaaladda wararka ee AP ku dhawaad 200 oo qof ayaa isugu
soo baxay maxkamad saaridda wadaadka la yiraahdo Sh. Max'ed C/raxman Kariye oo
ah imaamka masjidka Al-Sabr ee magaalada Portland ee gobolka Oregon, si eey
taageero ugu muujiyaan. sheekha ayaa lagu heystaa danbiyo lagu soo oogay oo eey
ka mid yihiin " isdaba marsiin dukumiinti & foorjari" !, waa sida
warku u dhigaye.
Maalintii shalay aheyd ayaa wadaadka gurigiisana baaritaan loogu dhaqaaqay
sida eey Police-ku sheegeen. inkastoo axaddii la qabtay isaga.
25 qof oo kaliyah ayaa loo oggolaaday ineey qolka maxkamaddu ka socoto galaan,
inta kalena waxaa lagu horay barsadda & jaranjarooyinka maxkamadda.
Mid ka mid ah dadka sheekha inbadan yaqaanay oo la yiraahdo Musse olol ayaa
saxaafadda ku yiri " .. wey dhici kartaa.. qofkasta ayeey ku dhici kartaa....
laakiin hogaamiyaheena ayuu ahaa" Mr olol wuxuu sheegay inuu sheekha
garanayo muddo ku dhow 18 sano !
Sh.Kariye waxaa lagu soo oogay isticmaalid waraaqo been abuur ah & magac
badalid sharci darro ah, isagoo baa la yiri " dalbaday kaarka badbaadada
bulshada (social security) saddex goor oo kala duwan intii u dhexeysay 1983 ilaa
& 1995-tii" sidoo kale wadaadka waxaa lagu eedeeyey inuu
taariiq-dhalasho been abuur ah qortay mar uu dib isu dhiibay 1998-dii ! laakiin
sheekhu arrintan wuu beeniyey, maxkamad ayaana u ballansan bisha novermber
5-teeda.
FBI-da ayaa diidan ineey sheegaan wixii eey ka soo heleen guriga sheekha.
sheekh Kariye waxaa lagu xiray gegida caalamiga ah ee Portland isaga,
walaalkiis & affar caruur ah oo uu dhalay oo wata tigid aan soo laabasho
laheyn (one-way ticket) kuna sii jeeda waddanka Imaaraadka carabta.
nabad suggiddii baartay boorsooyinkiisa ayaa sheegtay " ineey
boorsooyinkiisa ka dhex dareemeen haraa waxyaabaha qarxa" inkastoo aan taa lagu soo
oogin wadaadka.
Qareenka wadaadkan Mr Phlip Lewis ayaa aaminsan " in boorsooyinka
muwakilkiisa laga soo raacay kuwa kale " !
Mid ka mid ah baarayaashii boorsada ayaa maxkamadii horteeda ka qiray inuusan
waligii arag boorsooyin waxaas oo kale ku jiraan.
Sarkaal kale ayaa sheegay in sheekhan affartan & kow jirka ah markii la
xirayey uu watay " dhowr kun oo doollar" xaaskiisii horena uu u
sheegay inuusan qorsheeyneeyn inuu soo laabto .
Qareenka wadaadka ayaa sheegay in sheekhu uu ku dhashay wadanka somalia,
dhalashada mareykanka-na uu qaatay 1998, haddana shaqo macalinimo ah uu ka helay
Imaaraadka carabta, sidaas darteedna uu u safrayey, dhanka kale madaxa xarunta
islamiga ah ee Portland ayaa saxaafadda u sheegay inuu sheekha siiyey lacag dhan
2,000$ si uu ugu safro .
Sarkaal sare oo dowladda katirsan ayaa daboolka ka qaaday inuusan "
xaqiijin karin in xirnaanshaha wadaadka uu qeyb ka yahay baaritaanka lagu hayo
dhacdooyinkii sept 11 " ee hal-ka sano jirsaday maanta.
Guud ahaan waddankan ayeey maanta ka aloosneyd baroordiiq lagu xusayo sanad
guuradii koobaad ee ka soo wareegatay dhacdooyinkii Sept 11.
C/raxman Ceynte
Minneapolis, MN
ceynteyare@hotmail.com
September 12, 2002
WARARKA KALE
AGOOSTO | WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
em@spam.com