Cawil waxaa uu yidhi Buug baan qoraa maalin dhawayd baan buugiisa akhriyay oo aan is idhi waxaa uu walaaqay eeg waxaa uu yidhi mucjiso ayaan ku dhashay oo Abahay sagaal dumar ah ayuu guursaday oo waligii ma dhalin dabadeedna waxaa uu u tagay islaan Taawilo (Faaliso) ah islaantii baa tidhi Gabadh Arab ah guurso markaas baad dhalaysaaye mucjisadaas baan ku dhashay buu yidhi cawil ,.... KELMADAHII"AXMED MAXAMED MAXAMOUD (SIILAANYO)

Gudoomiyaha xisbiga mucaaridka ah ee Kulmiye Mudane Axmed Maxamed Maxamoud (Siilaanyo) ayaa maalintii shallaytoole ahayd wuxuu shir jaraa'id ku qabtay magaalo Madaxda Somaliland ee Hargeysa, Axmed Maxamed Maxamoud (Siilaanyo) oo shirkan jaraa'id u qabtay inuu jawaab kaga bixiyo Miisaaniyaddii Dawladda Somaliland ee dhawaan ay xukuumadda Daahir Riyaale soo hor dhigtay golaha baarlamaanka, ka dibna khilaafka weyn keentay, ka dib markii wasiirkii hore ee Ganacsiga Somaliland Mudane Maxamed Xaashi Cilmi uu dhaleecayn u jeediyey miisaaniyadaasi kuna tilmaamay mid aan dhamayn ayna ka maqatahay xisaab lacageed oo ku dhaw 20,000,000$ (labaatan milyan oo dollarka maraykanka ah), ka dibna madaxweyne Riyaale uu xilka kaga qaaday wasiirka dhaqaalaha Somaliland isaga oo ku sababeeyey inuu Engineer Maxamed Xaashi ka aragti duwanaaday wasiiradiisa inta kale, Gudoomiye Siilaanyo wuxuu shirkiisa jaraa'iid oo aad iyo aad uu ugu weeraray Wasiirka Maaliyadda Somaliland Mudane Ambasador cawil ku bilaabmay Sida tani:-

Gudoomiyaha Xisbiga Mucaaridka ah ee Kulmiye Axmed Maxamed Maxamuud Siilaanyo ayaa si aad ah u eedeeyay Wasiirka Wasaarada Maaliyada Mudane Xuseen Cali Ducaale,isla markaana carabka ku dhuftay Wasiirka Wasaarada Arimaha Gudaha Inj.Ismaaciil Aadan Cismaan dhaliilo badana u so jeediyay Maamulka Dawlada uu Madaxweynaha ka yahay Mudane Daahir Rayaale Kaahin, Axmed Siilaanyo oo daba socda Hadalo uu sheegay Wasiirka Maaliyada Ambasador Xuseen Cali Ducaale (Cawil),isla markaana ugu jawaabayay ayaa ugu horayn dhaliil u soo jeediyay Xukuumada waxaanu ku sheegay in aanay Xukuumadu tixgalin siinin hanaanka Dimuqraadiga ah isla markaana ay Xabsiga u taxaabtay Xubno dhalinyaro ah oo dareenkooda cabirayay,taas oo uu ku tilmaamay inay ka horimanayso dastuurka Dalka,waxaa kale oo uu sheegay in musuqmaasuq ka muuqdo Miisaaniyada Dawlada ee dhawaan uu soo saaray Wasiirka Maaliyadu.

Sannadguuradii koowaad ee ka soo wareegtay markii Riyaale Kaahin Xooga Lagaga saaray Laascaanood oo si weyn Looga Xusay magaalada Laascaanood Asad

MAGACA SOMALILAND WAA BEER: BEERNA HILIBKAA LAGU SUGAA Ma runbaa in Gobolkaasi uu goostay intii uu awal kula shirkoobay Koonfurta Soomaaliya? Yaa rabay awal midowga? Ma Siyaasiyiinta mise Shacabka? Fahad

"hadii ay saraakiisha socdaalka Jamhuuriyadu ogaan lahaayeen in uu yahay qoraa nacab ah oo qalinkiisa ku minjo xaabinaya qadiyada gooni isu taaga somaliland waxaan hubaa in laba dible loo xidhi lahaa ee waxa laga yaabaa in ay u qaateen walaweynta faraha badan ee u soo tuugsi taga magaalooyinka camiran ee Somaliland" Salahudin

"Miyaan niman Waqooyi u dhashay ku heesin: marti waa la sooraa, magan waa la bixiyaa? (Ina Ibraahin Cigaal iyo Riyaale maxay dhaheen? Marti waa la raafaa, magan waa la dhiibaa!)" C/Waaxid

"dadkaasi la qabtay waxaa lagu tuhmay inay ka mid yahiin ama ku jiraan urur ka mamnuuc ah Dalka aanu dariska nahay ee Ethiopia oo magaciisa la yidhaahdo ONLF" Diridhaba

Kuwii sannadihii hore gacanta lagu dhigayna dhamaantood dawlada Itoobiya gacanta loo galiyey, waxaana la xaqiijiyey in ay dadkani ahaayeen dad maato ah, oo dad ay qaraabo yihiin ugu yimi hargeysa si ay ula noolaadaan" Asad

"Shacbiga Somalilandna aan qasab koonfur loogu sanduleyn Karin, ictiraafkeedana aanay is hortaagi karin dad cuqdada ka qaba sida labada wiil ee ILMA SAMATAR. "  Faysal

"7/12/2002 ayuu madaxwaynaha jamhuuriyadda somaliland mudane daahir riyaaale kaahin booqasho uu ugu diyaarinaayo doorashooyinka dawladaha hoose ee ka dhacayay guud ahaan dalka ku tagay laascaanood, wax yar uun caga dhigashadiisii kadib ayaa rasaasi cir iyo dhul iska qabsatay meeshii uu ku degey" XagarYare

Gudoomiyaha Kulmiye Axmed Maxamed Maxamuud (Siilaanyo) waxaa kale oo uu dhaliilay inay Xukuumadu gaabis kaga jirto dhinaca dooashooyinka Baarlamaanka,waxaanu ku sheegay inay Xukuumadu ka baxday balankii ay caalamka u qaaday ee ahaa qabashada Doorashada Baarlamaanka taas oo ay marba dib u sii dhigayso,waxaanu Axmed Siilaanyo intaas ku daray in ay Dawladu qaab an loo baahnayn ula dhaqmayso Asxaabta Mucaaridka ah,iyadoo marka dhaliisha dawlada la sheegana ay Xukuumadu odhanayso Ictiraafkii naaa hortaagan yahay ama nabadgalyadiibaa la kufinayaa.

Gudoomiyaha Xisbiga Kulmiye waxa uu sheegay in heerka Xukuumadu ay gadhay marka laga hadlayo axsaabta Siyaasada ay tahay in markii dilalku wadanka ka dhaceen uu Wasiirka Wasaarada Arimaha Gudaha Mudane Ismaaciil Aadan Cismaan uu sheegay inay Xisbiga Kulmiye ka dambeeyaan kuna tilmaamay argagixiso,waxaanu intaas lu ladhay in baadhista socota ee la baadhayo Xubnaha Dilka loo haysto aanay kalsooni badan ka muuqan hadii aan dad dibada looga yeedhin si ay goobjoogayaal uga noqdaan baadhida kiisaskaa dilka ah,isagoo si gaar ahna farta ugu fiiqay Dilkii ugu dambeeyay Xubnaha gaystay waxaa uu yidhi “ maalin walba waxaad maqlaysaa tolo nimankani kuwii dilka gaystay ma yihiin mise waa la bedelay,maxaa sawirkooda loo soo bandhigi waayay,maxaa dadka loo tusi waayay ?

Axmed Maxamed Maxamuud (Siilaanyo) waxaa uu ku dhaliilay Xukuumada Somaliland in ay soo koobayso maamul fidinta balse aanay ku jirin wax maamul fidin ah waaanu tusaaletaas u soo qaatay markii Madaxweynaha Somaliland Mudane Rayaale uu tagay Gobolka Sool,waxaa uu gaadhsiisnaa ayuu yidhi Maamulku Gobolka Sool,maaliintii uu madaxweynuhu amray in Laascaanood laga soo raro Ciidanka iyo Maamulka ee la keenay Caynaba ayaa la soo koobay maamulka.,waxaanu Siilaanyo inataas raaciyay in dhinaca Galbeedkana laga soo guirayo oo waanu ognahay ayuu yidhi,waxaanu yidhi “iima muuqato fidin maamul ee waxaan ka baqayaa inaan Hargeysa isugu wada nimaadno”.

Gudoomiyaha Xisbiga Kulmiye Axmed Siilaanyo waxaa uu ka dayriyay xaalada Nabadgelyada ee dalka waxaanu sheegay in faragalin badan la sameeyay dalkana qaybo ka mid ahi ay maqan yihiin waxaana taas dheer buu yidhi iyadoo la leeyahay Ceerigaabo ayaa laga soo dejiyay Hub iyo Lacag foojari ah,kuwaasina waxay astaan u yihiin nabadgelyada darada soo food leh iyo meesha ay ka iman karto.

Axmed Maxamed Maxamuud (Siilaanyo) waxaa kale oo uu sheegay inuu jiro musuqmaasuq ka muuqda Miisaaniyada Dawlada waxaanu sheegay inuu ku raacsan yahay Maxamed Xaashi waxyaabihii uu sheegay iyo qaar aanu sheeginba oo jira,waxaanu carabka ku dhuftay lacag laga qaado sida uu sheegay maraakiibta Saylac oo aanku dhicin qasnada Dawlada,waxaa kale oo uu sheegay in Iskaraabka raristiisu uu ahaa sharci daro oo ay ahayd in qandaraas lagu bixiyo taasna waxaa uu ku sheegay in Wasiirka Maaliyadu uu u badheedhay inuu sharciga jabiyo,waxaanu intaas ku daray in lacag dhan 18 Milyan oo Doolar oo ahayd lacagtii labadii sanao ee 2002 iyo 2003 iyo waliba lacag kale oo dheeraad ah aan la horgayn baarlamaanka si uu u ansixiyo,lacagtaas oo ay ahayd buu yidhi hadii aan Baarlamaanku supplementary baaralmaanku samayn ay ahayd in lagu daro Miisaanyada ku xigta oo ahayd tan 2004,waxaanu sheegay in aanay lacagtaasi labada xisaabood midna ku jirin,arintaansawali jawaabteeda loo baahan yahay.

Gudoomiyaha Xisbiga Kulmiye Axmed Siilaanyo waxaa uu si gaar ah ula hadlay Wasiirka Wasaarada Maaliyada waxaanu yidhi “ Mucjiso dalka ku soo biirtay Cawil baynu odhanaynaa Cawil waxaa uu yidhi Buug baan qoraa maalin dhawayd baan buugiisa akhriyay oo aan is idhi waxaa uu walaaqay eeg waxaa uu yidhi mucjiso ayaan ku dhashay oo Abahay sagaal dumar ah ayuu guursaday oo waligii ma dhalin dabadeedna waxaa uu u tagay islaan Taawilo (Faaliso) ah islaantii baa tidhi Gabadh Arab ah guurso markaas baad dhalaysaaye mucjisadaas baan ku dhashay buu yidhi,markaa Cawil inuu mucjiso yahay la iskuma hayo,maata ka horow maydaan maqlin Siilaanyo oo Cawil soo hadal qaaday,Radyo Hargeysa,Joornalka iyo Maandeeq iyo meel kasatoo oo ay shirk u yeeshaan aniga intaa I maagayay oo I caaay oo I lahaa C/Qaadir Koosaar iyo Aadan Shiine ayuu siilaanyo dilay,isagu markaa meel uu joogay garan mayo Siyaad Bare ayuu ag joogay kuwii uu soo dirayay Siyaad Bare ayuu ogaa ilaa intaa Mucjiso awil kamaan hadlin laakiin hadaan ka hadalayaa, Cawil waxaa uu yidhi Iskuulka Sheekh baan ku jiri jiray oo waa la iga eryay Cawil ma akhlaaq xumaa lagaga eryay iskuulka mise Saaqidnimo,labadaa id uun baa lagu eryi jiraye,Cawil waxaa uu tagay Yemen wuu ka tagay berigii aanu Scholershipka u baxnay,waxaa an ugu tagay London,Cawil markaa waxaa uu baranayay Farsamada Ilkaha –Dentist, wuu ku fashilmay oo wuu ka soo bixi kari waayay oo waa marag ma doon,Ilkihii buu samayn kari waayay oo waa mucjiso kale,isagoo geed uu qabsado la’ ayaa 1960kii qolooyin la yidhi Layli Sarkaal ayaa la idiin qaadanayaa ayaa loo tababaray lix bilood oo dhiboo ah,laakiin Cawil waxaa uu isku dhereriyaa ragii ka soo baxay San Harries ee waxbarshada labada sanadood ah dhamaystay sida Ismaaciil Cali Abokor,Xasan Kayd,Maxamed C/Laahi,Muuse Rabiile Good, C/Xamiid iyo qaar kalaba”

Gudoomiyaha Xisba Kulmiye Axmed Maxamed Maxamuud (Siilaanyo) siagoo sii wata erayada kulul ee uu ugu jawaabayay Wasiirka Maaliyada Mudane Cawil waxaa uu hadana yidhi mar kale “Cawil waxaa uu sheegtaa Amabasdor ilaahay baan idinku dhaariyee waxaa rag safiiro ka soo noqday China,Maraykan,Saudi Carabiya,France iyo waliba dalal kale oo waaweyn oo aduunka ka mid ah miyaydaan arag,isagu waxaa uu safiir u noqday Idi Amiin kii dhwaan geeriyooday,markaa waa la yaab waxaa ragii dalalka waaweyn safiirada ka ahaa ay u sheegan waayeen oo isaga oo Idi Amiin oo dinida oo dhami la yaabi jirtay oo ku qosli jirtay safiir u ahaa uu derejada Safiirnimada u qaatay,Cawil waxaa uu Yidhi Siilaanyo waa inuu hambalyeeyo miisaaniyadii uu samayn kari wayay ayaan xidhee,Xafiiska iyo Kursiga uu ku fadhiyo waa kuwii aan anigu dhigay,qaabka Wasaraadu ay ku shaqaysaana waa kii aan sameeyay,Cawil sarifka lacagaha ayaanu kala aqoonee shilinka ay sicir bararka ku abuureen baa waalay aniga wakhtigaa 2000 ayuu ahaa halkii Doolar sarafkiisu”

If Somalia is Divisible Somaliland is Divisible AllAfrica.com, Africa - May 7, 2004 ... do not want to become like the Kurds of Iraq and Turkey, a minority in Somaliland and a minority in Somalia and lose their historic hegemony in Somali politics ...

Gudoomiyaha Xisbiga Kulmie M.Siilaanyo waxaa uu hadana ka hadlay dilkii C/qaadir Koosaa iyo Aadan Shiine waxaanu yidhi “ Cawilow waxaad tidhi Aadan Shiine iyo C/Qaadir Koosaar ayuu dilay aniga ayaa Aadan iyo C/Qaadir Koosaarba u ooyay,anaga ayay garabkayaga midig ahaayeen aniga ayay waaxi I go,day dhimashadoodi,anigaa labadoodaba bud dhigay,adigu maad soo eegin,lamaad jooginba cidii nala dagaalamaysay ee soo dirtya baad ogtahay oo aad la safnayd oo aad la joogtay”

Ugu Dambayna Axmed siilaanyo waxaa uu ku sheegay Wasiirka Maaliyada Mudane Cawil Cali Ducaale inuu dhibaatooyin gaystay,waxaanu yidhi “markii loo dagaalamayay qaranimadii soomaalinimo maalinba meel ayay jogtaaye waxaad la baxsatay sirtii Ciidamada waxaad tagtay Nairobi waanad bixisay sirtii aad Buulo Xaaawo ka ururustay oo dhan,markii halgankii Somaliland bilaabmayna anigu waan galay adiguse markaas abaad Siyaad Bare u timid,markaa mar walba waxaad taagnayd mawqifk xaaraanta ah Tuugnidama iyo Beenta iyo qarnimo diidnimada,Somaliland waa loo soo dafaalamay oo loo soo dhintay taas marka laga yimaadana Hawlihii nabadaynta iyo Qaran dhisida Cawil ,Ismaaciil Yare iyo Ina Rayaalaba kumay jirin,ka hadli mayo awilow markii aad basaaska ahayd ee aad jawaanada lacagta ah qaadaysay,markii aad ka soo afduubtay Maxamuud Musbaar Uganda iyo markii aad Nairbi ka soo afduubaysay nimankii Hawiye,waxaa kale oo wax lala yaabo ah Imsaaciil yare inuu sheegto darafada Injineernimada,waxaa isweydiin leh Jaamacad uu Ismaaciil ka qaatay Shahaadada Injineernimada ta ay tahay

Waxaa shirka jaraa'd goob joog ka ahaa weriyayaasha ururka suxufiyiinta Somaliland ee SOLJA

Waxaa soo gudbinaya Mohamed Abdi Hassan (diridhaba)

Karachi, Pakistan.

WARGEYSYADA CAALAMKU WAXYAABIHII AY KA QOREEN SOOMAALIYA

<><>.... Copyright & Islaamku wuxuu ka qabo.... Akhri

Kulaabo bogga hore ee www.somalitalk.com