Akhristayaal,Saaxiibayaal waa qaybtii( Part 3 ) sadexaad uguna danbeysey
maqaalka
cinwaankiisu kor ku xusan yahay.
Hadaba Madaxweyne Riyaale iyo Dawladiisa oo waayo aragnimada iyo hanaanka
dhismaha
dawladnimo aad ugu yaryihiin baalmarsana wixii shacabku u igmaday way
riyoonayaan
maadaama oo wasiiro dawladiisa ka tirsani hore ugu tiraabeen ama
yidhaahdeen Ciidanka
Qaranka ayaanu Doorashada Baarlamaanka u adeegsanaynaa si Xisbiga UDUB, u
guuleysto.
Waxaan Dawlada Riyaale hadii ay garanweydey u sharxayaa ujeedadii iyo
micnihii ay Shacabka
Somaliland u aasaaseen ama u sameeyeen Ciidamada Qaranka waana sidan.
1. In ay difaacaan ilaaliyaan jiritaanka Somaliland,sugaana xuduudaha
caalamiga ah ee
Somaliland la leedahay wadamada kale.
2. In ay ka qayb qaataan naftoodana u huraan hadii musiibooyin dabiici ah
Dadka iyo Dalka
la soo gudboonaadaan sida,Abaaraha,Duufaanada,Daadadka,Dabka,Cudurada
faafa iyo iwn.
3. In ay ilaaliyaan Jiritaanka Dastuurka iyo shuruucda Dalka.
Waxaan u sheegayaa xasuusinayaana Dawlada Riyaale in Ciidamada Qaranku
yihiin caruurtii
shacabku dhaleen oo markii ay hano qaadeen doortay in ay Ciidan Qaran
noqdaan si ay
Hooyooyinkood,Aabeyaashood,Walaalahoo,Ehelkood,Shacabkooda guud ahaan uga
difaacaan cadaw debeda kaga soo duula ilaaliyaana sharafta Dadkooda iyo
Dalkooda.
Dawlada Riyaale khaasatan Wasiirada qaarkood waxaan leeyahay Ciidanka
Qaranka meel
ha kaga dhicina sharafta ciidankana dhawra ciidanka qarankuna waa ka
koray kana
weynyahay ciidan loo adeegsado cabudhinta dadkiisa ama
shacabkiisa,idinkamana yeelayaan
waxa aad ku riyoonaysaan,waxay ciidanka qaranku ilaalinayaan qabanayaana
cidii Dastuurka
iyo Shuruucda dalka baabiinaysa, baalmarsana.iyo kuwa galay ama geleya
Khiyaamo Qaran
iyo Xatooyo Xoolo Dadweyne,waxaan dawlada riyaale leeyahay( Sidi sidi
diina mooyee
dhuldhiciina hubsada).
Gebogebo.
Ciidanka Qarankow marka hor iga gudooma salaan
sharafeed,marka labaad
waajibaadkiina waad taqaaniin,marka sadexaad wixii sharafta ciidanka ku
ciyaara il gaara
ku eega,marka afraad kuwa Dastuurka iyo shuruucda dalka baalmaray
boobayna oo
jeebabka ka buuxsadey hantidii yarayd ee dadweynaha il gaara ku eega.
Ugu danbeyn Ciidanka Qarankow Dawlada Maanta Dalka ka talisaa waxaa ku
banaan
maahmaahdii Qamaan bulxan ee ahayd( Ninbaa baadida kula daydaya daala kaa
badin oon
doonayn inaad hesho daain abidkaa dadkuna wada moodayaa duul wada dhashoo
wax
u daahsoonayn dale male aakhiro hadii loo kitaab dayo).
D H A M A A D.
Saaxiibayaal,Akhristayaal iga gudooma salaan wacan.
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....