Waxaa lagu qabtay Hotel Saxafi International ee magaalada
Muqdisho xaflad si heer sare ah loo soo agaasimay oo ay soo agaasimeen
Hay’adda warbaahinta Bariga Afrika iyo ururka Wargeysyada Madaxa bannaan ee
Soomaaliyeed laguna xusayay Maalinta Wabaahinta xorta ah ee Adduunka, oo ku
beegan 3-da May, taas oo sannad walba dunida looga dabaaldago.
Xafladdaan waxaa ka soo qaybgalay dhamaan qaybaha kala
duwan ee saxaafadda dalka, iyadoo kalmaddii furitaanka uu halkaa ka soo
jeediyay Guddoomiyaha Hay’adda Warbaahinta Bariga Afrika EAMI-S Mudane C/qaadir
Maxamuud Walaayo oo si gaar ah ugu dheeraaday maalinta warbaahinta xorta ah
ee adduunka isagoo sheegay in ay tahay maalintan maalin mudan in la xuso,
wuxuuna ku dheeraaday taariikhda ay leedahay maalintaan iyo qiimaha ay ugu
fadhido saxafiyiinta Adduunka, isagoo xusay in saxaafadda ay tahay Mas’uul
saxafi kastana looga baahan yahay inuu dhowro anshaxa saxaafadda.
Mudane Walaayo wuxuu kaloo sheegay in sannadkan uu ku
guulaystay abaalmarinta maalinta warbaahinta adduunka weriye Kuubaan ah oo
xabsiga ku jira, oo naftiisa u huray xorriyadda saxaafadda, wuxuuna tilmaamay
in qof kata oo innaga naga mid ah uu sida weriyahaas oo kale naftiisa u huro
xorriyada saxaafadda.
C/llaahi Black oo ah guddoomiyaha Ururka Wargeysyada madaxa
bannaan oo isna halkaa ka hadlay ayaa sheegay in hadafka ka dambeeya xuska
maalinta uu yahay difaaca xoriyadda saxaafadda, ururinta tacadiyada loo
gaysto weriyeyaasha iyo abaalmarinta kuwa naftooda u huray.
C/llaahi Black wuxuu goobtaa uga mahadceliyay
mas’uuliyiinta shirkadda Telsom oo ku deeqay lacago abaal marin ah oo la
siiyay Ururka Wargeysyada madaxa ee SOINA oo iyaguna ugu tartamayay qoraallo
dhinaca nabadda ah, iyadoo halkaas lagu soo bandhigay wargeysyadii ku kala
guulaysta kaalimaha 1-aad, 2-aad iyo 3-aad oo kala ahaa: Wargeysyada Laacib,
Qaran iyo Xog-ogaal oo ku kala guulaystay lacago gaarayay; 6-Milyan, 3-Milyan
iyo 1-Milyan iyo bar. Waxaa kaloo halkaa ka hadlay guddoomiyaha ururka ka
hortagga tacadiyada saxafiyiinta Soomaaliyeed Mudane Axmed Cali Maxamed (Shariif)
oo sheegay in ururkiisu uu isku howlay indho ku haynta tacadiyada loo gaysto
saxafiyiinta Soomaaiyeed, wuxuuna soo bandhigay weriyeyaal iyo xarumo
warbaahin oo gaaraya illaa 23 oo sannadkii la soo dhaafay loo gaystay
tacadiyo uuna ururkiisa diiwaangeliyay, 7-ka mid ah tacadiyadaas waxay ka
dhaceen Somaliland, 7-kalena waxay ka dhaceen Puntland, 9-ka kalena ay ka
dhaceen koonfurta Soomaaliya, wuxuuna xusay inuu xiriir wada shaqeyn uu ka
dhexeeyo 7-hay’adood oo caalami ah.
Sida ku cad qoraalka ay soo gudbiyeenna waxaa ka mid ah
magacyada Saxafiyiinta iyo xarumaha warbaahinta ee xadgudubyada loo gaystay:
tacadiyadii ka dhacay Mogadisho: Eng. Shariif Xuseen (Radio Banaadir),
Shaafici Muxyadiin Maxamed (Saxafi Madax bannaan), Xuseen Geeddi Xaynoof
(Radio Banaadir), C/raxaan Maxamed Xudeyfi (Radio Banaadir), Mikaa’iil
Rashiid Barre (Radio Shabeelle). C/llaahi Kulmiye Caddow (Radio Shabeelle),
Xasan Xaaji Xanafi (IQK) iyo Maxamed Sheekh Nuur (IQK) iyo Abshir Cali Gabre
(Radio Jowhar), tacadiyadii ka dhacay Puntland waxay kala yihiin:
Cawaale Jaamac Salaad (Radiyo Shabeelle), Maxamed Saadaq Cabdi Bumbe (Radio
Shabeelle), Cali Baashi Maxamed Xaaji (Radio Banadir), Aadan Nuur Maxamed (Wargeyska
Yameyska), Daahir C/qaadir Afloow (Wargeyska Bulsho), Puntland Press
Regulation iyo Radio Garoowe, Tacadiyada ka dhacay Somaliland waxaa ka
mid ah: Xasan Siciid Yuusuf (Wargeyska Jamhuuriya), Ibraahim Maxamed Heello
(Radio Hargeysa), Radio Ceerigaabo oo la xiray, Maxamed Xuseen Jaamac (Weriye
Madaxa bannaan), Maxamed Cabdi Curad (Hargeysa) iyo C/raxmaan Xaaji Daahir oo
ka tirsanaa Wargeyska Haatuf. Tacadiyadaan waxay isugu jiraan xarig, jirdil
iyo shaqooyinkoodii oo laga hor istaagay
Amiin Yuusuf Khasaaro
Email:
amiinkhasaaro@hotmail.com
Faafin: SomaliTalk.com | Muqdisho
Muqdisho: Roobab Lixaad Leh oo Sababay Khasaare Naf
iyo Maalba ah
Roobabkaas waxaa ku dhintay 2
qof, waxaana 8 qof oo kale ay dhaawacyo ka soo gaareen Bur bur kala duwan oo soo
gaaray dhawr dhisme oo Muqdisho ku yaala...
Guji May 1
Cudurka Daacuunka oo Aad Ugu Sii Siyaadey Muqdisho
& Isbitaalka S.O.S ee Muqdisho ayaa Maalintii
Lixaad u xiran Muran ka dhashay Haweeneey Ilma Galeenka looga saaray
Isbitalkaasi..
Guji
Hay’adda Al-Manhal oo
daawooyin gaarsiisay Isbitaallada Muqdisho
Hay’adda Al-Manhal oo ka mid ah hay’adaha samafal
ee ka jira Magaalada Muqdisho ayaa...
Guji 30/4
Wasiirka Arimaha Dibada DKMG oo eedeeyey Carabta
iyo wasiir ku xigeenkii wasaarada Dawladaha
Hoose iyo Horumarinta reer Miyiga Puntland oo xaaskiisii toogatey
Guji 29/4
Kulaabo bogga hore ee www.somalitalk.com