Toddoba Qof Ayaa ku
dhintay Dagaal Ku saabsan Shineemooyinka Muqdosho....
SomaliTalk.com | Muqdisho
Muqdisho Nov 13, 2005:
Wararka ka imanaya magaalada Muqdisho ayaa tibaaxay in
ugu yaraan toddoba qof ay ku dhinteen magalada Muqdisho
kaddib markii maxkamadaha Islaamiga ah ee Muqdsiho ay
isku dayeen in ay xiraan shineemooyin iyo meelo lagu
gado video-yada. Waxaana dagaalkaas ku dhaawacmay 12
qof. Dagaalka oo soobilowday Sabtidii waxa uu sii socdey
maanta oo Axad ah.
Dagaalkan u dhexeeya
Maleysiyada iyo maxkamada Islaamkiga ah waxa uu ka
dhacay degmada Yaaqshiid ee magaalada Muqdisho.
Rasaasta xooga leh oo la
isku ridayey waxaa laga maqlayey magaalada.
Maxkamadaha Islaamiga ah
waxaa qorshohoodu yahay in ay xiraan gobaha
shineemooyinka ee Magaalada.
In badan ayaa shacabka
magaalada Muqdisho waxay ka cabanayeen fisqiga
shaneemooyinka laga dhigo filimada Jinsiga iyo aflaamka
anshaxa xun oo aysan jirin dawlad FAAFREEB ku samaysa.
Dagaalkii ka dibna waxaa goobahaas loo bixiyey
"MACMACAANKA DHALLINYARADA".
"Dagaalkii Soomaaliya ka
hor, kelmedda macmacaan waxaa lagusoo xusuusan jirey
meelaha lagu gado cabitaanka xalaasha ah, laakiin hadda
kelmedaas waa mid la isugu af garto ama lagu xusuusto
xaaraanta, sida meelaha filimada jinsiga habeenkii goor
dambe lagu daawado." [Eeg
halkan].
NFD iyo
SOOMAALI GALBEED (Ogaden) ma ku hoos jiraan
Gumeysi?
Cali Maxamed Geedi muxuu ka yiri?
HALKAN KA DHEGEYSO
Emailka Geedi:
premiersom@wananchi.com
-
C/llaahi Yuusuf oo Beelaha Soomaaliyeed u soo
jeediyay in ay soo Magacawdaan..
-
Xildhibaan Fanax “Ma ahan xaq ee waa xal”..
-
Cismaan Cilmi Boqore
“Wiilkeyga waxaa loo diley arrimo Siyaaasadeed..
-
Safiirka Talyaaniga ee
Soomaaliya oo shalay Gacanta u galiyey Dowladda ..
-
Shariif Xasan iyo Cali
Max’ed Geedi oo ka Hadley dilkii wiilkii Boqorre
C/llaahi Yuusuf oo Beelaha Soomaaliyeed u
soo jeediyay in ay soo Magacawdaan..
Madaxweyne
C/llaahi Yuusuf Axmed oo shalay ka qaybgalay aaskii
Xildhibaan C/qaadir Aadan Jibaar oo ka dhacay Magaalada
Jowhar ayaa waxa uu tacsi u diray qoyskii iyo eheladii
uu ka geeryooday Xildhibaankaasi, sidoo kale Madaxweyne
C/llaahi Yuusuf Axmed waxa uu tacsi u diray Guddoomiye
ku xigeenka Baarlamaanka Cismaan Cilmi Boqore oo
wiilkiisii shalay lagu dilay Magaalada Muqdisho, wuxuuna
ku tilmaamay dilka wiilkaas mid waxashnimo ah oo ay ka
dambeeyeen kooxo aan dooneyn in Soomaaliya ay nabad
hesho. Madaxweyne C/llaahi Yuusuf Axmed waxa uu u soo
jeediyay Beelaha Soomaaliyeed in ay deg deg u soo
magacowdaan 8-xildhibaan oo ka geeryootay Golaha
Baarlamaanka tan iyo intii la dhisay Golaha
Baarlamaanka, isagoo sheegay in Golaha Baarlamaanku uu
yahay astaan u taagan Qarannimada Soomaaliya.
8-Xildhibaan oo ilaa iyo haatan booskoodii weli la
buuxin waxaa ka mid ah Xasan Cabdule Qalaad, Faarax
Xasan Cali, Zakiya C/salaan Xaaji, Maxamuud C/rashiid
Xidig, Aadan C/llaahi Nuur (Aadan Gabyow), Max’ed Xaashi
Gaani C/qaadir Aadan Jibaar iyo mid kale oo magaciisa
aan ilaa iyo hadda helin, iyadoo 8-xildhibaan ay
geeryootay ilaa iyo hadda ma jiraan beel si rasmi ah u
soo magacaabatay xildhibaankii bedeli lahaa
xildhibaanada geeryooday, waxaana muran xoogan u
dhexeeyay Beelaha Soomaaliyeed oo iyagu isku haysta
cidda bedeli lahayd xildhibaanada geeryooday, qaarkood
waxay soo magacaabeen ilaa 4 qofood, waxaana la sheegay
in taasi ay ugu wacan tahay is qabqabsiga u dhexeeyay
xubnaha Dowladda Federaalka, qaarkood magacaabistooda
waxaa la geeyay Magaalada Jowhar waxaana gacanta ku haya
Guddoomiye koowaad ee Baarlamaanka Max’ed Cumar Dhalxa,
kuwo kalena waxay magacaabistooda taalaa Xafiiska
Guddoomiyaha Baarlamaanka Shariif Xasan.
Xildhibaan Fanax “Ma ahan xaq ee waa xal”..
Xildhibaan
Max’ed Isaaq Cismaan (Fanax) oo u waramayay Saxaafadda
isagoo jooga Hotel Ambassador ee Magaalada Muqdisho ayaa
ka hadlay qaabka 64 xubnood ee Golaha Deegaanka Gobalka
Banaadir ay u qaybiyeen Guddigii 57 xubnood ee isugu
jiray Xildhibaanada iyo Wasiirada.
Mar uu ka
hadlaayay tirada soo gaartay Beelaha Digil iyo Mifirle
ayaa waxa uu yiri “Tiro ahaan dadka ku nool Magaalada
Muqdisho 65% waa beelaha Digil iyo Mirifle, sida ay wax
u soo qaybiyeen Guddiga ma ahan xaq, ee waxaa laga
fiiranayay xal” wuxuuna xildhibaanku intaa ku daray
“waxaa qabaa si looga baxo dhibaatada ka jirta Magaalada
Muqdisho, waxaan diyaar u nahay walaalaheena Beelaha
Hawiye xitaa haddii ay u cuntamiweyso qaybta soo gaartay
6-da xubnood ee Beelaha Digil iyo Mirifle in aan ugu
biirino, inagoo raali ka ah arinkaa, si ay u helaan
shacabka ku nool Magaalada Muqdisho nabadgelyo waarta,
laakiin ma qabo xitaa haddii 64 xubnood la wada siiyo in
ay wax qaban karaan”
Cismaan Cilmi Boqore “Wiilkeyga waxaa loo diley arrimo
Siyaaasadeed..
Guddoomeiy ku xigeenka
Baarlamaanka Cismaan Cilmi Boqore isagoo ku sugan
Magaalada Jowhar oo u waramayay bahda saxaafadda ayaa
waxa uu sheegay in dilka Wiilkiisii Qadar Cismaan Cilmi
Boqore uu ahaa mid siyaasadeed oo la soo qorsheeyay.
“Anigoo cid
aan farta ku fiiqeyn haddana waxa uu ahaa dil
siyaasadeed’ ayuu yiri Cismaan cilmi Boqore oo intaa
raaciyay “Kuwii dilay iyaga ayaa dhiban Adduun iyo
Aakhiro”.
Cimsaan Cilmi
Boqore waxa uu si weyn u soo dhaweeyay guddigii
Guddoomi-yaha Baarlamaanka u saaray baaritaanka dilka
Wiilkiisa, guddigaas ayaana ka war sugeynaa.
Dhinaca kale
Cabid Xasan Cawaale Qaybdiid oo ah taliyaha ciidanka
Booliiska Soomaaliyeed ayaa isna guddi saraakiil ah oo
ka kooban saddex u saaray in ay dabagal ku sameeyaan
dilka Wiilkii Guddoomiye ku xigeenkii Baarlamaanka Qadar
Cismaan Cilmi Boqore, wuxuuna ku tilmaamay dil
waxashnimo ah.
Safiirka Talyaaniga ee
Soomaaliya oo shalay Gacanta u galiyey Dowladda ..
Wararka naga
soo gaaraya Magaalada Jowhar waxay sheegayaan in
Safiirka Talyaaniga ee Soomaaliya Mr Mario uu shalay
kulan gaar ah la yeeshay Wasiirka qorsheynta Qaranka iyo
iskaashiga caalamiga ah C/risaaq Cismaan Jurille,
waxaana kulankaas la isku dhaafsaday arimo la xiriira
xaaladda Soomaaliya iyo sidii Dowladda Talyaaniga uga
qaybqaadan lahayd dib u dhiska dalka Soomaaliya.
Gebagabadii
kulankaasi ayaa Safiirka waxa uu Wasiirka gacanta u
galiyay Jeeg lacageed oo qoran Labo Malyan iyo Bar
Doolar oo Dowlada Talyaaniga ugu talagashay in dib loogu
dhiso 45 degmo maamuladeeda oo ku yaala Koonfurta
Soomaaliya.
Safiirku waxa
uu sheegay in labada Malyan ay qayb ka tahay lacago uu
Talyaanuhu ugu talagalay sanad kasta dib u dhiska dalka
Soomaaliya, waxaana deeqdaan si weyn u soo dhaweeyay
Dowladda Federaalka
Shariif Xasan iyo Cali
Max’ed Geedi oo ka Hadley dilkii wiilkii Boqorre
Guddoomiyaha
Baarla-maanka Shariif Xasan Shiikh Aadan iyo Ra’isul
Wasaare Cali ayaa si gooni gooni ah uga hadlay dilkii
loo gaystay Wiilkii uu dhalay Guddoomiye ku xigeenkii
Baarlamaanka ee lagu magacaabi jiray Qadar Cismaan Cilmi
Boqore.
Shariif Xasan waxa uu
cambaareyn dusha uga tuuray kooxihii ka dambeeyay
dilkaasi, wuxuuna ku tilmaamay kuwo carqaladeynaya
howlaha nabadda ee lagu wada Gobalka Banaadir iyo waliba
isku keenida Xubnaha Labada Gole ee Dowladda Federaalka.
Ra’isul Wasaare Cali
Max’ed Geedi oo isna ka hadlay dilka Wiilka Guddoomiye
ku xigeenka Baarlamaanka ayaa waxa uu sheegay in ay ka
dambeeyeen kooxo burcad ah oo aan dooneyn in Soomaaliya
ay degto, isagoo sheegay in goor ay ahaantaba gacanta
lagu soo dhigi doono Maxkamadna la soo taagi doono,
labada Mas’uul waxay tacsi u direen Guddoomiye ku
xigeenka Baarlamaanka Cismaan Cilmi Boqore. Dilka Wiilka
Guddoomiye ku xigeenka wuxuu shalay saameyn ku yeeshay
fadhigii Golaha Baarlamaanka ee Magaalada Muqdisho,
waxaana dib loo dhigay qodobo muhiim ah oo uu Goluhu ka
hadli lahaa.
W/D Amiin Yuusuf
Khasaaro
E-Mail
amiinkhasaaro@hotmail.com
Faafin: SomaliTalk.com
| Nov 12, 2005
MAGACA
SOMALILAND WAA BEER: BEERNA HILIBKAA LAGU SUGAA |
Fahad