May 18, 2004
Nokia miyaa lagaga guuleystey suuqii talefoonada
gacanta ( Mobile Phones) ?
Cabdirisaq Maxamed Xuseen
University of Gavle- Sweden
habdirisak@hotmail.com
Hordhac:-
Qormadaan gaaban waxaan kaga faaloon doonaa suuqa taleefoonada gacanta lagu
qaato (mobile phones). Waxaan kaloo iyana aan wax ka sheegi doonaa tartanka
ka dhexeeya shirkadaha waaweyn ee suuqaas ku wada jira.
Suuqa talefoonada gacantu waa mid sanadba kan ka dameeya sii kordhaya,
shirkadaha ku loolamayaana ay sii badanayaan. Weliba waxaa kaloo xusid mudan
in shirkadaha ka soo jeeda wadamada Aasiya sida Jaban iyo Kuuriyada
koonfureedba ay beryahan dame khalkhal geliyeen shirkadihii Yurub iyo
Mareykanka, oo iyaga waagii hore suuqa loogu geli waayey. Waxaan haddaba si
guud u eegi doonaa suuqaas, gaar ahaan waxaan il dheeraad ah u yeelan doonaa
shirkadda weyn ee Nokia
Nokia miyaa laga guuleystey?
Shirkada taleefoonada gacanta ee wadanka Finland ee lagu magacaabo Nokia
ayaa waxaa ay soo bandhigtay faa'iido aad uga hoosaysa midii xilligan laga
sugaayey. Hoos u dhacaas ku yimid natiijada shirkadda waxaa ay dhalisay in
qiimihii shirkadu ku lahayd suuqa saamiyada uu hoos u dhaco. Haddaba waxaa
dad badan oo la socoda dhaqdhaqaaqa shirkadan ay is weydiinayaan; sababta
keentay hoos u dhacan xaga faaìidada ah ee Nokia ku yimid. Maxaa yeelay
Nokia waa hogaamiyaha aan ciddina loodin karin kolkii laga hadlayo sameynta
iyo suuqgeynta taleefoonada gacanta.
Nokia waxaa ay hadda gacanta ku haysaa ilaa 35% guud ahaan suuqa
taleefoonada gacanta. Weliba sanadkii la soo dhaafay waxaa ay haysatey ilaa
37% oo suuqaas ah. Shirkadda hamigeedu waxaa weeyaan iney hanato 40% suuqa
taleefoonada gacanta. Shirkadda labaad ee Nokia ku soo xigtaa waa shirkada
Motorola ee laga leeyahay wadanka Mareykanka. Motorola waxaa ay haysataa
inta u dhexeysa 18- 19 % ee suuqa talefonada gacanta.
Haddaba hoos u dhacan aan kor ku soo sheegnay ee Nokia soo foodsaaray, waxaa
loo aanaynayaa arimo dhowr ah oo ay ka mid yihiin kuwa soo socda:
1- Shirkadihii tartanka kula jirey Nokia oo sameeyey isbedelo badan. Intaas
waxaa dheer iyagoo qaarkood ay sameeyeen isgaashaan buursi si ay xoog
dheeraad ah u helaan. Taas waxaa tusaale u ah isbahaysigii dhexmaray
shirkadda iswiidhishka ah ee Ericsson iyo tan reer jaban ee Sonny. Waxaa
kaloo uu Nokia tartan adagi kaga yimid shirkadda Samsung ee laga leeyahay
wadanka koonfurta kuuriya.
Samsung waa shirkad beryahan dame la soo baxday dar-dar aad u adag oo
gilgishey dhamaan suuqii taleefoonada gacanta. Waxaana ay shirkadu maalin
walba balaarisaa qaybtii ay ku lahayd suuqa taleefoonada. Taleefoonada ay
Samsung aad ugu faaìidey waa kuwa ay ku rakiban yihiin kamiradu, isla
markaasna wata muraayadaha midabka leh. shirkadani waxaa ay Nokia ka soo
weerartay dhinaca taleefoonada qiimahoodu meel dhexaadka yahay.
2-Arinta kale ee beryahan dame laga tegey Nokia waxaa weeyaan xaga modelada
( qaab taleefooneed) taleefoonada. Tusaale ahaan Nokia waxaa ay weli ku
dhegan tahay qaab taleefoonaadkii ay waayadii hore horumarka ku gaartay.
Waxaana ay shirkadu noqotay mid aad uga gaabisay la socodka dabeecadaha (
consumer behaviour) macaamiisha taleefoonada. Arintaas oo ah mid aad iyo aad
muhiiim ugu ah shirkad walba oo ganacsi sameysa, dooneysana iney la tartanto
shirkadaha kale. Isbedeladda ku yimaada doonitaanka macaamiisha waa midda
shirkadda u sahli karta iney mar walba suuqa keento alaab xiiso leh oo loo
baahi qabo.
Si kastaba ha ahaatee, waxaa ninka madaxda ka ah maamulka shirkadda Nokia oo
la yiraado Jorma Ollila uu balan qaadey iney shirkadu la soo noqon doonto
qaybihii suuqeeda laga goostay. Waxaa uu sheegay Jorma Ollila inuu jiro
qorshe weyn oo ay shirkadu ku soo bandhigi doonto taleefoono badan oo aan
horey loo arag. Si ay u soo ceshadaan kaalintoodii suuqa ayna isaga
caabiyaan qolooyinka soo weeraray.
Waxuu kaloo Ollila sheegay iney shirkadu isticmaali doonto xeeladaha dagaal-
ganacsi ee iyadda u sahlan. Taas oo dadka arimaha ganacsiga indha-indheeyaa
ay ku fasireen in loola jeedo dagaal xagga sicirka ah. ( price war). Taas oo
ah iney Nokia suuqa ku soo hafin doonto taleefoono qiimahoodu jaban yahay.
Talaabadaasi waa mid aad suurtogal ugu ah Nokia, madaama ay tahay
hogaamiyaha suuqa taleefonada gacanta. Kolkii ay shirkadu sida Nokia oo kale
u weyn tahay waxaa ay heleysaa, waxa loogu yeero ( the economy of scale).
Taas oo macnaheedu yahay in shirkadu alaabta ceerin ( raw materials) ee loo
adeegsado sameynta taleefoonada ay ku soo iibsato qiime ka jaban kuwa iyada
la tartamaya.
Bal aan aragno dagaalkaas suuqa taleefoonada gacantu meesha uu ku dameeyo.
Koley anigu waxaan ka mid ahay dadka dhowraya bal in Nokia ka dhabayso iney
qiimaha taleefonada hoos u dhigto. Taasi hadii ay dhacdo innaga ( macaamiil)
ahaan waa inoo faaìido.
Mahadsanidin
Cabdirisaq Maxamed Xuseen
University of Gavle- Sweden
habdirisak@hotmail.com
. Dhaqaalaha»Maxaa
muhiim u ah sameynta shirkad ganacsi? 3aad
. Dhaqaalaha:
Maxaa Muhiim u ah Sameynta Shirkad Ganacsi?
2aad
. Dhaqaalaha:
Waxyaalo Muhiim u ah Sameynta Shirkad Ganacsi
1aad
Habka
Suuqgayntu Waa Laf-Dhabarta
Ganacsiga
Qaybtii 1aad ee taxanaha ganacsiga
ee Zahid...
Guji
Faafin: SomaliTalk May 18, 2003
Afeef: Aragtida qoraalkan waxaa leh qoraaga ku saxiixan.
WARGEYSYADA CAALAMKU WAXYAABIHII AY KA QOREEN
SOOMAALIYA
<><>....
Copyright
& Islaamku wuxuu ka qabo.... Akhri
Kulaabo bogga hore ee www.somalitalk.com
|