WARARKA:
BOOSAASO |
HARGEYSA |
MUQDISHO |
NAIROBI |
QURBAHA |
XORIYO
May 2, 2004
Wararkii Maanta:
-
DKMG: Ka Qayb Galka Shirku Wuxuu Ku Xiran
Yahay Baasaboorka Soomaaliga
-
Ciidamada Kenya oo kasoo gudbay Xuduuda
Somalia.
-
Kipligat oo ka hadlay sida uu ku
soconayo wajiga sadexaad ee Shirka Somalida
-
Golaha Ammaanka iyo Nabadgalyadda ee Midowga
Afrika oo digniin usoo jeediyay Hogaamiyayaasha ka biya diidan Shirka Kenya
W/Q.Abdi Wali Ibraahim Aadan (Garyare)
Garyare20@hotmail.com Garyare@msn.com
Garyare20@yahoo.com
Dowlada KMG ka ah ee Somaliya oo sheegtay in
ka qeybgalka shirka ay ku xiran tahay.......
Dawladda Ku Meel Gaarka ah ee Somalia, ayaa
maanta shaaca ka qaaday inay go’aan ka gaari doonto ka qeybgalkeeda Shirka
dib u heshiisiinta Soomaalida ka hor lixda May hadii aanay Dawaldda Kenya ka
noqon Go’aanka ay ku mamnuucday Baasaboorka Soomaaliya.
Ra’iisul wasaare ku xigeenka Xukuumadda Ku
Meel Gaarka ah, Xuseen Saalax oo maanta la hadlay Shabakaddan ayaa sheegay
inay ka xun yihiin inaysay Kenya illaa iyo hadda uga soo jawaabin Qoraal ay
uga dalbanayeen inay ka laabato Mamnuucista Baasaboorka Soomaaliga, Wuxuuna
sheegay in Go’aanka ay Kenya ku mamnuucday Baasaboorka Soomaaliye uu wax u
dhimi karo Geedi Socodka Shirka Soomaalida ee Kenya.
Xuseen Saalax waxa uu sheegay in sidoo kale
Mamnuucista Baasaboorka Somalia ay saamayn doonto Siyaasadda iyo Dhaqaalaha
Gobalka, Wuxuuna sheegay inay ka fiirsan doonaan Xiriirka ay la leeyihiin
Kenya.
Xuseen Saalax waxa uu ammaan u jeediyay
Maamuladda Punt Land iyo Hiiraan oo mamnuucay Baasaboorka Kenya in laga soo
galo Deegaanadooda, Wuxuuna ku tilmaamay go’aankaasi Mid geesinimo leh.
Dowladda Kenya ayaa horay uga mamnuucday
baasaboorka Soomaaliga gudaha dalkeeda iyadoo dhegaha ka fuureysatay baaqyo
uga yimid Dawladda Ku Meel Gaarka ah ee Somalia, Qaar ka mida Hogaamiye
Kooxeedyadda, iyo Hay’adaha Samafalka.
Puntland
oo Mamnuucday Baasaboorka Kenya
Kenya
oo mamnuucday in dalkeeda lagu soo galo baasaboorka Soomaaliga
Ciidamada Kenya oo kasoo gudbay Xuduuda
Somalia.
Wararka ka imaanaya xuduudaha Soomaaliya iyo
Kenya ayaa sheegaya in Xukuumada wadanka Kenya ay ciidamo soo tubtey xadka ay
la wadaagto Dalka Soomaaliya.
Ciidamdan ayaa la sheegay inay soo buuxiyeen
jiidda xuduudaha Soomaaliya gaar ahaan deegaanada Dhoobleey,Baladxaawo iyo
Ceelwaaq.
Wararku lagu helayo isgaarsiinta Fooneeyaha
ayaa sheegaya in ciidankan ay ku hubaysan yihiin tiro gawaarida gaashaaman
iyo diyaaradaha khumaatiga u kaca iyagoo markaasi diyaaradaha qaarkood joog
hoose ku marayeen deegaankaas isla markaana dul heehaabayeen goobo ku tirsan
Somalia.
Dadweynaha deegaanadaas ayaa cabsi iyo
dareen xoogan waxay ka muujiyeen ciidaman oo ay u arkeen inay khatar ku
yihiin xasiloonida isla markaana ay fidno ka abuurayaan deeganada nabdoon ee
aagaas ku teedsan.
Ciidamadan oo si aad ah u hubaysan ayaan la
garanayn ujeedeedada ay halkaasi u yimaadeen marka laga reebo warar la isla
dhexmarayo oo sheegaya in ay ilaalinayaan waxa loogu yeero argagixisada oo
Kenya iyo Ameerikaankuba ku andacoonayaan inay ka soo talaabayaan Dhinaca
Somalia.
Xukuumadaha Kenya iyo Maraykanka ayaa tiro
ka dhawr jeer waxay daboolka ka qaadeen in Soomaaliya ay tahay meel gabaad u
ah xoogaga argagixisada iyo kuwa naftooda haliga isla markaana ay tahay meel
khatar ku ah nabada Gobolka.
Laakin ma jiraan warar Madax banaan oo illaa
iyo hadda xaqiijinaya Sheegashadda Kenya iyo Maraykanka.
Soomaalida ayaa aaminsan inaysan waxba ka
jirin eedaymaha dalalkaasi, Waxayna sheegaan in Somalia aysan joogin Kooxo
Argagixiso, laakiin waxay sheegeen inay yihiin Shacab Boqolkiiba boqol Muslim
ah.
Bethwal Kipligat oo ka hadlay sida uu ku
soconayo wajiga sadexaad ee Shirka Somalida uga socda Dalka Kenya.
Guddoomiyaha Guddiga Fududaynta IGAD ee
Shirka Soomaalida uga socda Kenya, Bethwal Kipligat ayaa markii ugu horaysay
soo saaray Qoraal la xiriira Habka socodsiinta Wajiga Saddexaad ee Shirka
Soomaalida.
Kipligat waxa uu sheegay in Soomaalida laga
rabo inay billaabaan Qaybsiga Ergooyinka oo lagu salaynayo habka 4.5, Wuxuuna
ka dalbaday Afarta Beelood waawayn in midkastaa ay soo gudbiso Liiska 45
Xubnood oo ay iska soo xulaan, Halka Beelaha Isbahaysigana uu sheegay in
looga baahan yahay min 29 Xubnood.
Kipligat waxa uu ku amray Milkiilayaasha
Hoteeladda inaysan Marti galin Karin wax ka badan 203 Ergo, iyadoo Ergooyinka
intaa ka badan ee Madasha Shirka joogana lagu amray inay faaruqiyaan
Hoteeladda ay degan yihiin, Wuxuuna sheegay in Tiradaasi ay noqon doonto
Tiradda Rasmiga ah ee ay Beelaha Soomaaliyeed wax ku qaybsanayaan.
Golaha Samata Bixinta, Dawladda Ku Meel
Gaarka ah ee Somalia, Qaar ka mida Xubnaha Ururadda Bulshadda Rayidka ah iyo
Waxgarad kala duwan oo Soomaaliyeed ayaa soo dhaweeyay in La gudo galo Wajiga
Saddexaad ee Shirka Soomaalidda, waxayna sheegeen in shirka Soomaalidu uu
markan galay Marxalad Horumar leh, Laakiin Kooxda SRRC ayaa mawqif ahaan wali
diidan in la gudo galo Wajiga Saddexaad ee Shirka, iyadoo qaarkoodna ayba
aaminsan yihiin inuu fashilmay shirka Kenya.
Golaha Ammaanka iyo Nabadgalyadda ee Midowga
Afrika oo digniin usoo jeediyay Hogaamiyayaasha ka biya diidan Shirka Kenya
Somalida uga socda.
Golaha Ammaanka iyo Nabadgalyadda ee Midowga
Afrika ayaa uga digay Hogaamiyayaasha Soomaalidda inay carqaladeeyaan Shirka
Dib u Heshiisiinta ee ka socda Kenya.
Kulan uu golahaasi ku yeeshay 29 April
Magaaladda Addis Ababa ayaa gabagabadiisii Qoraal laga soo saaray waxaa looga
dalbaday Hogaamiyayaasha Soomaalidda inay u dhabar adaygaan sidii ay Natiijo
wax ku ool ah uga soo bixi lahayd Shirka Kenya, isla markaana ay u dhisan
lahaayeen Dawlad Ku Meel Gaar ah oo dib u soo celisa Sharaftii uu lahaa
Qaranka Soomaaliyeed, Wuxuuna Goluhu waydiistay Kooxaha Soomaalida inay
meesha ka saaraan wax kasta oo caqabad ku noqon kara Geedi Socodka Nabadda
Somalia.
Goluhu Waxa uu soo dhaweeyay Go’aankii
Wasiirka Arrimaha Dibadda Kenya ee ahaa in ugu dambayn Lixda Bishan la guda
galo Wajiga Saddexaad ee Shirka Soomaalida Mudada dheer uga socday Kenya,
Wuxuuna Goluhu ku dhiiragaliyay Wasiiradda Arrimaha Dibadda IGAD inay ka wada
qayb galaan Kulanka looga arrinsanayo Shirka Soomaalida ee uu ku baaqay
Kolonzo Mosiyooko.
Warsaxaafadeedka uu Golahan soo saaray waxa
uu sidoo kale Beesha Caalamka ugu baaqay in la sii waddo Taageeradda Dhaqaale
ee la siiyo Shirka Soomaalida uga socda Kenya, Wuxuuna Goluhu sheegay in
dhinacoodu ay diyaar u yihiin inay gacan ka gaystaan Meel Marinta Shirka
Soomaalida uga socda Kenya.
IIDHEH:
Shirkadda WABTEL
ee Internetka: MUQDISH... GUJI HALKAN
Xubno ka tirsan xisbiga Likud ee talada
dalka Israel haya ayaa waxa ay billaabeen cod ay u qaadayaan qorshaha raiisal
wasaare Ariel Sharon uu ku doonayo in Yuhuuda uu uga Saaro Marinka Gaza.
Qorshaha uu wato Ariel Sharon waxa uu ku
baaqayaa in marinka Qaza ay ka soo baxaan ciidanka Israel iyo qoysaska
tiradoodu gaarayso 7,500 oo Yuhuudda ah.
Mucaaradada loogaga soo horjeedo qorshahan
ayaa waxaa la sheegayaa inuu aad uga dhex jiro xubnaha xisbiga Likud oo
tiradoodu dhantahay 193,000.
Hase yeeshee la taliyeyaasha Mr Sharon waxa
ay ku adkaysanayaan in Ariel Sharon uu ku tirtirsiin doono Baarlamaanka inay
u codeeyaan Hindisihiisa.
Mid ka mid ah la taliyeyaasha Ariel Sharon
ayaa waxa uu wakaaladda wararka ee Associated Press (AP) u sheegay in raiisal
wasaare Sharon uusan ogolaan doonin inuu ka laabto qorshihiisa. Wuxuuna
sheegay La taliyahaasi in Sharon uusan ka bixi doonin Ballantii uu la soo
galay Madaxwayne Bush-ka Maraykanka iyo Hogaamiyayaal kale oo shisheeye ah.
Sharon waxa uu ku fasiray ka bixitaankani
inuu qayb ka yahay qorshaha nabadda lala gelayo Falastiiniyiinta, hase
yeeshee Falastiiniyiintu waxa ay Sharon ku eedeeynayaan inuu markale isku
dayayo in uu dib u calaamadeeyo xuduud iyadoon fasax laga haysan dhinacooda.
Qorshaha Sharon waxa ku xusan in inta badan
400,000 ee dadka Yuhuudda ah ee degan Daanta Galbeed iyo bariga magaalada
Qudus ay hoos iman doonaan maamulka Israel.
Wasiirka gaashaandhigga Israel shaul Mofas
ayaa waxa uu maalintii sabtida ahayd tegay raadiyaha dalka Israel isagoo ku
baaqaya in codka ogolaanshaha ah la siiyo Qorshaha Sharon. Wuxuuna sheegay
inaysan oggolaan Karin inay lumiyaan Fursadaha Nabadda ay ku helayaan.
Afti laga qaaday dadka Isreal ayaa waxa ay
muujinaysaa in 80% ay si weyn uga soo horjeedaan qorshaha lagaga baxayo
Marinka Qaza.
Yuhuudda degan Marinka Qaza waxa ay u arkaan
ka bixitaanka Qaza mid guul weyn u ah Falastiiniyiinta gaar ahaan ururka
Xamas.
Iyadoo ay Israeliyiintu maskaxdoodu ka dhex
guuxayso sida weyn uu ururka Xisbullaah ee dalka Lubnaan ugu dabaal degay ka
dib markii ciidanka Israel ka soo baxeen dhulka ay ka haysteen Lubnaan.
W/Q.Abdi Wali Ibraahim Aadan (Garyare)
Garyare20@hotmail.com Garyare@msn.com
Garyare20@yahoo.com
Shirkadda WABTEL ee Internetka: GUJI HALKAN
Faafin: SomaliTalk.com | May 2, 2004
WARARYSI: Mas,uul Sare oo ka tirsan Shirkadda Isgaarsiinta
ee Telcom Somalia Telsom Mobille. Aqristayaal
waxaan halkan idiinku soo gudbin doonaa Waraysi uu Wariyahayaga Magaalada
Muqdisho Abdi Wali Ibraahim Aadan (Garyare) uu la yeeshay C/laahi Maxamed
Xuseen (C/laahi Yare)oo ah Mas,uul Sare oo ka tirsan Shirkadda Isgaarsiinta
ee Telcom Somalia Telsom Mobille.
Hadaba Waraysikaasi oo ah mid Dhinacyo Badan taabanaya ayaa
waxaa uu u bilowday sidan:
(Wariye Garyare) Su,aasha ugu horaysa ee aan
ku waydiinayo C/laahi Yarewaxay tahay waa xilima Xiligii Dhidibada loo taagay
Shirkadda Isgaarsiinta ee Telcom Somalia Telsom Mobiile bal hadii aad
Xasuusta Dib ugu laabato?
(C/laahi Yare) Bismi laahi Raxmaani
Raxiim,walaal aad ayaad u mahadsan tahay Garyare Shirkadda Telcom Somalia
Telsom Mobile waxaa la aasaasay snadku markuu ahaa 1994.
(Wariye Garyare) waa tahay yaa aasaasay
shirkaddda Telcom Somalia Telsom Mobille Waqtiga aad iisheegtay C/laahi Yare?
(C/laahi Yare) Ganacsato Somaliyeed ayaa
aasaastay oo isku taagay sidii ay dalkooda iyo dadkooda wax ugu qaban
lahaayeen sanadku markuu ahaa 1994 bishii labaad labaatankeedii kuwaasoo
Magaalada Muqdisho ku sugnaa.
(Wariye Garyare) hadafka loo aasaayay
Shirkadda Telcom Somalia muxuu ahaa C/laahi hadii aad Dabolka inooga qaado?
(C/laahi Yare) waxaa u ahaa hadafka ugu wayn ee
ay lahaayeen Ganacsatada Somaliyeed sidii Dadka Somaliyeed looga garab qaban
lahaa isgaarsiinta oo xiligasi dalka aan ka jirin inbadan oo ka mid ah,marka
sidaa darted ayay ku timid aasaasida Shirkadda isgaarsiinta ee Telcom Somalia
Telsom Mobille waadna aragtaa waxay dalka u qabatay.
(Wariye Garyare) hadaba xilikaasi waa xili uu
dalka ka jiray amaan daro xoogan iyo kala danbeyn la,aan,sidee marka aad ugu
babac dhigteen arintaasi Qatarteeda wadata ee aad shegtay C/laahi Yare?
(C/laahi Yare) runti waxaan sameynay Tijabo
xoogan taasi oo kentay in aan u bareerno sidii aan dalkeena aan wax ugu qaban
lahayn,dhab ahaantii Garyare Raga aasaasay Shirkaddan Telcom Somalia Telsom
Mobille waa Rag maskax furan oo xooga saaray sidii ay dadka dhibaateysan ee
Somaliyeed wax ugu qaban lahaayeen uma muuqato Qatar dalkooda kasoo wajahda
iyagoo dadka Somaliyeed wax u qabanaya.
(Wariye Garyare) C/laahi marka Shirkad ay
shaqa bilaabayso waxay leedahay hadaf ay doonayso in ay gaarto hadaba idinku
ma gaarteen hadafki aad rabteen in aad ka gaartaan dalka oo ah meesha ay
shirkaddiina xurunteeda ay tahay
(C/laahi Yare) haa oo taasi waxaa cadeyn u ah in
aan ku fidnay guud ahaan dalka gobolada uu ka gooban yahay ilaa iyo muuyee
Degmooyin Fara ku tiris ah kuwaasoo aan qorsheynayno mar dhow in aan gaarno
sida ugu dhaqsiyaha badan.
(Wariye Garyare) sida aan ognahay C/laahi
Yare intabadan deegaanada dalka waxaa gacanta ay igu jiraan hogaamiyayaasha
Somaliya,hadaba deegaanada aad inoo shegtay in shirkaddiina aysan gaarin ilaa
iyo iminka ma Hogaamiyayaasha ayaa idinka hor istaagay Mise idinka ayaan wali
qorshaha ku darsan?
(C/laahi Yare) maya ma jiraanwax Hogaamiyayaal ah
oo inaga hor istaagay arintaasi sidii aan ku suulta gelin lahayn.laakiin wax
walba waxay ku dhisan yihiin qorshaha Shirkadda ay qorsheynayso inay
fuliso,waxaana kuu sheegaayaa in ay qorshaha noogu jirto in Snadkan cusub aan
dhamaystiri doono howla inta inooga harsan.
(Wariye Garyare) C/laahi Shirkad kasta
wadanka ay ka dhisan tahay ayay saamayn ku yeelanaysaa Dhaqaalihiisa,hadaba
idinka saamayn intee la eg ayaad ku leedihiin Dhaqaalaha Dalka?
(C/laahi Yare) Dhaqaalaha shirkada waxaa uu ku
tiirsan yahay Garyare Bulshada waxa kasoo xarooda isla Markaasian waxaanu ku
samaynaa isla Dhaqaalahaasi Maal gelinta wax u qabadka dadka uusan gaarin
Adeegeena,taasina waa mida keentay in aan samayn wayn ku yeelano dalka guud
ahaantiisa.
(Wariye Garyare) Hadaba C/laahi Yare hadii
aad isku eegto Isgaarsiinta Dalka soo martay tii hore iyo mida haatan dalka
ka jirta oo aad ka midka tihiin C/laahi Yare.
(C/laahi Yare) Dowlad la,aan waa dhib runtii oo
dowlada iyo Ganacsiga waxay yihiin kuwo aan kala maarmin, hase ahaatee markii
ay dowladii joogtay waa ay yarayd Ganacsiga haatan ka jira dalka,laakiin hada
waxaa uu gacansiga isku badalay mid ay leeyihiin Dad gaar ah.
(Wariye Garyare) Ganacsatada Dalka Somaliya
waxaa la sheegaa inaysan Jeclayn C/laahi Yare in ay la shaqeeyaan Dowlad
loosoo dhiso Dalka idinkana waxaad Ganacsatada dalka uga jirtaan qeybta
Isgaarsiinta ,hadaba eedaynta Ceynkaasi ah ee la idiin soo jeedinayo kawaran.
(C/laahi Yare) Maya taasi ma jirto oo Dowlada
waxaa ay tahay mid ka turjumaysa Amaan,hormar,Dhaqaale dhanac waliba leh,
Ganacsatada runtii waxay yihiin kuwo diyaar u ah la shaqeynta Dowlada Dalka
loo dhiso ee la isku raacsan yahay.waxaana markale ku celinayaa inaysan
arintaasi waxba ka jirin.
(Wariye Garyare) Marka laga soo tago C/laahi
Yare Isgaarsiinta aad dadka u qabtaan ee ah teleefoonada land line ka ah iyo
Mobille ka maxaa kale oo aad Macaamiishiina aad u qabataan oo dhiiri gelin
ah?
(C/laahi Yare) haa waa ay jirtaa oo waxaa ka mid
ah inaga oo bixina Siminaaro lagu baranayo isticmaalka Isgaarsiinta ay bixiso
Shirkadda Telcom Somalia Telsom Mobille,waxaan sidoo kale jirta inaga oo
Teleefoona gelina iskuulada iyo Jaamacadaha iyo meel kasta oo ay dadku ku
badan yihiin si ay uga faa,iidaystaan adeega Shirkadda Telcom Somalia Telsom
Mobille.
(C/laahi Yare) Taleefooda aad sheegtay in aad
bixisaan C/laahi ee ah Mobille ka qofka aad siisaan marka uu ka baxo meesha
aad ka siiseen ha ahaato Muqdisho ama Hargaysa ma kula tahay inuu u
shaqeynayo?
(C/laahi Yare) haa waa uu ku hadli karaa hadii
uula tago Hargaysa,Kismaanyo,Galkacyo,Muqdisho iyo meelkasta oo ay shirkadda
ku leedahay Hanaan Isgaarsiin ah waana mid ay dadku wad aogyihiin runtii.
(Wariye Garyare) Ugu danbeyntii C/laahi Yare
waa maxay Hadaf ka ugu danbeeya ee aad is leedihiinwaad hiigsan kartaan hadii
aad dadaashaan?
(C/laahi Yare) Garyare waxaan had iyi jeer diyaar
u nahay sidii aan dadka ugu soo gudbin lahayn Isgaarsiin Casri ah oo ah mida
hadba Dunida ku soo saa,ida waadna argi doontaan hadii alle idmo.
Intaasina waxaa inuugu dhan waraysikii uu Wariyahayaga
Magaalada Muqdisho
Abdi Wali Ibraahim Aadan (Garyare) la yeeshay C/laahi
Maxamed Xuseen oo ah Madaxa Hormarinta Wax soosaarka Shirkadda Isgaarsiinta
ee Telcom Somalia Telsom Mobille
Waxaa Qoray uu isku soo dubariday Wariye Abdi Wali Ibraahim Aadan (Garyare)Muqdisho,Somalia
Garyare20@hotmail.com
Garyare@msn.com
Garyare20@yahoo.com
Shirkadda WABTEL ee Internetka: GUJI HALKAN
Muqdisho: Roobab Lixaad Leh oo Sababay Khasaare Naf
iyo Maalba ah
Roobabkaas waxaa ku dhintay 2
qof, waxaana 8 qof oo kale ay dhaawacyo ka soo gaareen Bur bur kala duwan oo soo
gaaray dhawr dhisme oo Muqdisho ku yaala...
Guji May 1
Cudurka Daacuunka oo Aad Ugu Sii Siyaadey Muqdisho
& Isbitaalka S.O.S ee Muqdisho ayaa Maalintii
Lixaad u xiran Muran ka dhashay Haweeneey Ilma Galeenka looga saaray
Isbitalkaasi..
Guji
Hay’adda Al-Manhal oo
daawooyin gaarsiisay Isbitaallada Muqdisho
Hay’adda Al-Manhal oo ka mid ah hay’adaha samafal
ee ka jira Magaalada Muqdisho ayaa...
Guji 30/4
Wasiirka Arimaha Dibada DKMG oo eedeeyey Carabta
iyo wasiir ku xigeenkii wasaarada Dawladaha
Hoose iyo Horumarinta reer Miyiga Puntland oo xaaskiisii toogatey
Guji 29/4
Kulaabo bogga hore ee www.somalitalk.com
|