Alle ha u
naxariistee, Suldan Hure waxa uu ahaa nin dhalinyaro ah oo dalka India
wax kusoo bartay. kadib, Waxa uu iska dhiibay dalka Ingiriiska oo uu
kaqaatay warqadii dhalashada, Asagoo horay u haystay warqada dhalashada
ee wadanka Tanzaani. Waxaa lagu xaman jiray in uu kamid ahaa dadka ka
baayac mushtara wax yaabaha sharcidaradda ah ee loo yaqaan
mukhaadaraadka.
Markii uu ku
soo laabtay Puntland, ayuu waxa uu hamiyey in uu ka midnoqdo
siyaasiyiinta, isimada ama baacmushtarada ugu waa weyn ee Puntland.
Hadiiba waxaa u suurto gashay in uu noqdo mid ka mid ah wakiiladda
Xawaaladda Al-Barakaad oo kucaan baxday in ay lahayd Al-Qaida ama aalad
u shaqeysa Al-Qaida.
Kadib, markii
uu dhaqaale farabadan helay ayaa waxaa u suurta gashay in uu kashaqeeyo
sidii uu ku noqon lahaa madax dhaqameed uu san ab iyo isir toona aan u
laheyn. Taasoo khilaaf farabadan ka dhex dhalisay lafta uu ka dhashay
ee Maxamed Cumar. Iyadoo reerka uu ka dhashay intooda badani ay u
arkayeen boobcad oo aan geed laysugu soo gaban. Sababtoo ah waxaa nool
oo jooga Nabadoonkii lafta uu kadhay.
Kadib, markii
uu ku guulaysan waayey in madax dhaqameedkii soo jireenka ahaa ee lafta
uu kadhashay uu xoog ku qaato. Ayaa waxa uu iskii isu magacaabay in uu
yahay suldaanka lafta uu kadhashay. Taasoo keentay in uu reerka Maxamed
Cumar yeesho labo madax dhaqameed. Mid soo jireen ah iyo mid gacan
kurimis ah.
Suldaan Hure
waxaa uu haddiiba taageero iyo aqoonsi uu ka helay Isimadii gacan
kurimiska ahaa ee Puntland uu kacaankii Siad Barre abuuray sida
Suladaan Garaase, Sheekhii ugu waynaa ee Al-Itixaad Mr.Kutubo Wayne iyo
niman siyaasiyiin ah oo u dhashay Puntland sida Col. Jama Ali Jama iyo
Gen. Abdullahi Holif oo iyaguna lid ku ah maamulka Puntland ee uu madax
ka yahay Abdullahi Yusuf.
Col. Jama Ali
Jama iyo Suldaan Hure oo in muddo ah qaxooti ka ahaa ayaa u suurta
gashay in aad iyo aad ay xagga siyaasada ka midoobaan, oo ay labaduba
isku taageeraan jagooyinka boobka ah. Sharci darada ay labada nin ay ku
kaceen oo aheyd mid aad iyo aad dhibaatooyin farabadan u horseeday
shacabka Puntland khalkhalna galiyay midnimada iyo jiritaanka Puntland.
Labda nin waxay ku heshiiyeen in marka hore Suldaan Hure loo aqoonsado
madax dhaqameed ka mid ah kuwa ay ka go’do talada Puntland, Kadibna
Sulaan Hure uu ka shaqeeyo sidii uu Col. Jaamac Ali Jaamac ku noqon
lahaa Madaxwaynaha Puntland.
Shirqoolkaas
ay labada Nin iyo xulufadooda soo maleegeen oo ahaa in hadii ay u
suuroobi waydo inqalaabka wataan ay dilaan Madaxweynaha Puntland asagoo
booqanaya Boosaaso oo uu fara cidi leh kaga baxsaday. Nasiib daro waxa
ay ku guuleysteen in ay dilaan madaxweynaha walaalkii oo aan wax
siyaasada ah aan ku lug halayn asagoo booqasho ku jooga Puntland.
Waxaase nasiib wanaag noqotay in ay godkii dheeraa ay u qodeen shacabka
Puntland ay iyaga ku dhaceen.
“God
walaal ha qodin hadaad qodidna ha dheerayn ku dhici doontaa ma ogid”