Xalay habeenimadii waqti-dambe ayaa Booliiska Dalka Sweden waxay qabteen Cabdi-Qeybdiid iyagoo amar ka helay Xeer-ilaaliyaasha Caalamiga ee Magaalada Gothenberg .

Col.  Cabdi Xasan Cawaale "Qaybdiid"

Qeybdiid ayaa booqasho ku joogay Sweden,isagoo kaga qeybgalayey shirka looga hadlayey arimaha Nabada geeska afrika kaas oo ay maalgelisay Hey'ada qaabilsan dhinaca macaawinada ee Wadanka Sweden.

Hadii lagu helo denbiyada lagu soo oogay wuxuu muteysan doonaa xabsi-daain, sida ay Sheegeen Soomaali ku nool Wadanka Sweden.

Wuxuu Qeybdiid hogaanka u hayey Ciidanka mudadiii uu socday dagaalkii sokeeye, Cabdi Qeybdiid ayaa la qabtay Xalay saacadahii dambe 2dii iyo 25-daqiiqo,iyadoo Booliis khaas ah u yimaadeen Hoteelkii uu deganaa ee Concordia kuna yaal Magaalada Lund.

Booliiska ayaa boorsadii uu watay horey ugu soo qaaday maadaama uu gaariga Booliiska ku sugayey Hoteelka dibadiisa.

Wararka u horeeya ee kasoo baxaya Xariga Col. Qaybdiid

Xigasho: http://www.aftonbladet.se

Xuseen  Yaasiin Gode-Gode
godegode_6@hotmail.com

Faafin: SomaliTalk.com | Oct 17, 2005

• NINKII QEYRKIIS LOO XIIRAYOW ADNA SOO QOOYSO!!! [Maqaalkii C/Rahman Eelay]

---

Gen. Cadde Muuse oo kusoo laabtay Boosaaso:::

Wararka ka imanaya magaalada Boosaaso ayaa sheegaya in madaxweynaha DGPL, Gen. Cadde Muuse uu dib ugu soo laabtay Boosaaso kaddib markii uu ka soo duulay Dubai oo uu muddo ku maqnaa.

Wararku waxa ay sheegayan in Gen. Cadde Muuse uu isla maanta saacado gudohood dib ugu laaban doono Dubai, halkaas oo la sheegay in uu ka soo aadi doono dalka Jarmalka.

Wararka galabta ka imanaya Boosaaso ayaa sheegay in Gen.Cadde Muuse uu Boosaaso ka dhoofay isla galabta 4:30 galabnimo. Waxaana wararku tibaxeen ujeedada uu u yimid Boosaaso waxay ahayd in uu cusboonaysiisto 60 maalmood ee dastuurka Puntland u ogolaanayo in madaxweynuhu uu dalka dibada kaga maqnaankaro.

ISHA: Wargal Jooga Boosaaso | Oct 17, 2005

---

GOLAHA BADBAADINTA IYO XORAYNTA SHACBAKA JUBBADA HOOSE

  Shirya yeelatay Jaaliyada W/America Gar ahaa Gobolka Minnesota, Minneapolis

12-14/10/2005 waxay samaytay Gole lagu magacaabo Golaha Badbaadinta iyo Xiraynta Shacabka Jubbada Hoose,Golahaan waxaa loo asaasay markii la arkay dhibaatada Gaamurtay oo lagu hayo dhamaan shacabka ku nool Jubooyinka oo xooga lagu haysto,oo maalinkasta sidii xoolihii la iska badugayo ayaa Golahaani waxay go'aamiyeen oo lagama maarmaan noqotay in la sameeyo Golahan si loo badbaadiyo shacabka Jubooyinka Golahaani wxuxuu soo saaray Arrimahaan:


1-In Maxkabad Caalami ah lagu soo oogo Sadex Xarigle Barre Aden Shiire(HIIRAALE) oo sheetay in uu yahay  Sarkaal sare,dhibaato faro badana u geystay Shacabka Jubbada Hoose.

2-Goluhu waxaa kale oo aad uga hadlay in sida ugu dhaqsaha badan loo sameeyo dacwad ka dhan ah qabqablaha ku soo aan baxay shacabka aan waxba galabsan ee ku nool jubooyinka(BARRE HIIRAALE)

3-Goluhu wuxuu soo Bandhigayaa 1996 ilaa 2005 dadka uu ku xasuqay Dhamaan jubboyinka tiradooda

4-In gargaar deg deg ah lala gaaro dadka ku Tabalaysan Jubbada Hoose.

5-Gollahan Cusub wuxuu ka digey in ay soo laabkarto dagaalkii sookeye in uu mar kale ka qarxo jubbaddda hoose,Taaso kaliftay in aan marnaba loo dulqaadan karin dhibka lagu hayo dadka xooga lagu haysto golahaani marna kama caajisayo inta ay iska xoraynayaan burcada ku naaxdey dhiiga iyo xaaranta,wixii halkaas ka yimaadana waxaa ka masuul ah dagaal ogaha Saddex Xariigle Hiiraale.

        Golahaani wuxuu si kulul u canbaraynayaa falalkii u danbeyey oo malmahaan ka dhacay Jubbada hoose oo ay sameeyeyn Burcada xooga ku haysata magaalada kismaayo,markii dhawaan lagu dilay magaaladaas nin u shaqayn jirey hay'adaha ka walgalijirey magaalada kismaayo,oo ka soo jeeday dadka xooga ku haysta magalada,oo uu diley nin ay isku beel ka soo jeedan oo ku dilay lacag uu ku lahaa oo dhamayd $25,000 000 oo Dolar ka dib marku bixiin wayey uu Meel fagaaro ah ku toogtay,arrintaasi markay dhacday ayaa danbigii waxaa dusha laga saaray dadka deeganka si loo kalbadbaadiyo burcada xooga ku joogta gobolka,isla markaasna qaar xabsiyada loo daxaabay qaarna si bareera loo dilay.

         Goluhu wuxuu dhawaan soo bandhigayaa ninkii falkaas geystay magiciisa iyo Beesha uu ka soo jeedo,goluhu waxaa kale oo soo ogaaday in nikii wax dilay loola cararay(Cabdu-waaq-Galgaduud)


   Fahfahiin  kala soo xiriira Afhayeenkii Hore ee Golihii SRRC 

abdibarre ahmed | jabriil62@hotmail.com

Afaaf: Aragtida qoraalkan waxaa leh qoraaga ku saxiixan

---

MAQAALADA DADWEYNAHA:::

Qeeybdiid qiraallo ayaa laga hayaa...

baydan Samatar khalaf
baydan@mail.com

Dagaalka sokeeye markii uu bilaabmay , dadka qaarkiis waxay iska duubeen cajalado muujinaya dambiyadii ay faraha kula jireen. Dadkaasna waxaa ka mid ahaa Qeeybdiid oo cajalad ku qiranaya xasuuq uu Galkacyo ka geystay mar uu u waramayey Caydiid, xasuuqaasna waxaa lagu dilay dad gaaraya 500 oo u badan odayaashii degaanka. Waxaana xusid mudan in dadka halkaas lagu laayey ay ka buuxeyn dad badan oo aan waxba galabsan, markhaatina faahfaahsana laga heli karo dadka la laayey eheladoodii. Tusaale ahaan odayaasha Gaalkacyo waxaa ka mid ahaa maalqabeenkii la oran jiray Moxamuud Xaaji Xasan  oo aabihii loo tiriyo nabadoon aan dadku u kala soocnayn, wuxuuna qabay Gen Caare islaan la dhalatay, isaguna gurigiisa ayuu ku soo koray. Marka , taas waa tii uu ka galay Mudug oo keliya, balse waxaa jira dambiyo kaloo badan uu ka galay Somaali iyo ajnabi intii dagaalka sokeeye socday. Waxaana jirta oo kale in BBCda af Injiriiska looga soo duubay  barnaamij uu  kaga  sheekeynayu sidii ay ula dirireen Mareykanka , dagaalkaas oo ay dhegta uga go'day. Waxaan filayaa marka in xaqii uu feeraha ka dillaci rabo ee ILahayoo cadaalad dalka  nooga yeel..

Baydan. S. Kh 

Afeef: Aragtida qoraalkan waxaa leh qoraaga ku saxiixan