---

Daabaco Boggan | Print

Dr. Max’ud Jaamac Sifir oo si kulul uga Jawaabay Hadalkii Geedi: Axdi Qarameedku wuxuu sheegayaa in midnimada Soomaaliyeed ay tahay Muqaddas aan meelna looga weecan karayn Guji Madaxweynaha Soomaaliya oo ka dalbaday maamulka Puntland in aysan Kalsoonida kala laaban Raiisul wasaare Geedi. maamul Gobaleedka Puntland waxa uu shaaca ka qaaday in uu burburay heshiiskii shidaalka ee dhex maray DGPL iyo Ra’isul Wasaare Geedi... Guji MUQDISHO::: Xubnaha Labada oo Cambaarayn Kulul u soo Jeediyey Hadalkii Geeddi Kulan ay maanta Hotel Saxafi ku yeesheen xubnaha labada gole ee ku xugan Muqisho ayaa lagu soo dhisay guddi kaddib markii.. Guji Cali Maxamed Geedi oo Maamulka Puntland uga Baxay Eayadii ku Qornaa Warqad Qarsoodi ahayd oo uu Qoray Warqadaas oo uu Ra'iisul wasaaraha DFKMG ku... Guji... Madaxweyne ku xigeenka Puntland Xasan Daahir (Af-qurac) ayaa si weyn u dhaliilay hadalkii dhawaan ka soo yeeray Ra’isul Wasaare Geedi. Guji... Madaxweyne Gaaray Hadafkiisii (mission accomplished) iyo Khudbadiisii Xusuusta Reebtay. Guji | Wardheere Qosolka Dhurwaaga ragba run u moodey Maamulka Tigreyga ee uuhogaaminayo Mudane Mele Zanawi waxey taageero maaliyadeed ka heshaa ururada sirdoonka kuwa dunida ugu waaweyn Guji

Maansada "GARBADUUB"
Gabay ku socda Cali Geeddi II

12/04/2005
Waxaa tiriyey

Maxamuud Axmed Cabdalla

Email: abdalle9@hotmail.com  

Hordhac:

SSI: You were quoted as saying if the international community recognizes Somaliland we don’t have a problem, we will accept them. If that is right and if the international community comes to recognize Somaliland as a separate entity, what would be the outlook of your government? P.M. A Gedi: First of all, the decision and destiny is in the hands of the Somali people not in the hands of the international community. The international community operates through the charter of the United Nations and International Organizations. And in nowhere in that charter is a separation and division of nations possible, so the recognition must come from the Somali people through referendum, through acceptance and through willingness. That was the process of the unity from the beginning and it needs the same process. No country, no international organization can recognize them. SSI: If Somaliland calls for a referendum, would you support that, to see whether the people would opt for unity or separation? P.M. A Gedi -A referendum must include all Somali people, not part of the Somali people. This is not an easy task. It is not like local administration, it is the destiny of the whole nation. So it must be all-inclusive and it must express all of Somalia, if a referendum is deemed necessary for the restoration of the reunification. Read More...... C/Risaaq Xaaji Xuseen oo ka Jawaabey Hadalkii Geeddi... Waxaa SomaliTalk.com u suurta gashay in ay (Nov 27, 2005) gurigiisa ku booqdaan ra'iisul wasaarihii hore ee Soomaaliya, mudane C/Risaaq Xaaji Xuseen, si aan waraysi ugala yeelano hadal uu dhowaan yiri ra'iisul wasaaraha hadda ee Soomaaliya mudane Prof. Cali Maxamed Geeddi uu 11/11/2005 ka sheegay idaacad, waxaan jawaabtii C/risaaq Xaaji Xuseen ka mid ahaa.... Guji....

Dhammaanba bulsha weynta soomaaliyeed meel kastoo aad joogtaanba salaan guddooma. Salaantaas ka dib, hadda ka hor, sida in badan oo idin ka mid ahi la socdaan hadalkii Ra’iisal wasaare Geeddi ka soo yeedhay gabay hore ayaan ka tiriyey oo ahaa “GURMAD.” Haddaba ayadoo dad badani wax ka qoreen hadalkii gefka ahaa ee PM Geeddi ku kacay, waxa ka dambaysay waraysi kale oo xasaasi ah oo PM-ku siiyay Jariiradda Sub Saharan Informer. Eeg halkan :  Markan Jaalle Cali Geeddi wuxu u hadlay si ka duwan hadalkiisii hore ee ahaa “Somaliland aqoonsigeeda waxba kama qabno, dad soomaaliyeed oo la gumaystaana ma jiraan.”  Waraysigan wuxu gaashaanka ku dhiftay in dawladdiiso aqoonsanayso Somaliland, isla markaa wuxu sheegay inuu u hoggaansan yahay waxyaabaha ku qoran dastuurka u yaal dawladda.

Haddaba, anigu aragtidayda iyo sida dad badani ila qabaan, tani kuma filla gefkii uu PM geystey. Waxay ila tahay inuu raalli gelin buuxda siiyo shacabka soomaaliyeed oo uu meel-ka-dhac weyn u geystey—is casiliddu haba joogtee.

Gabaygan la magax baxay “GARBADUUB” waa mid aan PM-ka ku tusaalaynayo waxa la gudboon. Run ahaantii, dad fara badan ayaa iga soo codsaday inaan gabaygan soo jeediyo, anigoo raadraacaya kii ka horreeyey ee aan ku canaananayey Jaalle Geeddi. Akhris wanaagsan wixii faallo ah ku soo hagaaji Emailka kor ku qoran. Mahadsanidin! 

1. Ninkii gamas mariid lihi ku dhaco gooha damin waaye
2. hadba gogosha meeshuu dhigtuu taah la gurayaaye
3. aniguna geddaasaan caloow gelelefleeyaaye
    
4. gurmad waxan u soo diray inaan kugu gargaaraaye
5. ood golaha qarankeenna guud raalli gelisaaye
6. inkastood gefkaagii naqdiday godobtu waa meele
    
7. nin hadduu masuulnimo galoo xil u garwaaxaysto
8. kolley waw gujiyo eed wuxuu gudose' yeelkiise
9. garba duubka maahayn inaad cadha is gaaftaaye
    
10. ayadoo bambada lagugu gubi go'a la weydaarshey
11. ood garangartaad joogsataba gumuc laguu haysto
12. oon geesi kuu qiray ayaad geysey meel kale
     
13. hayeeshee gar waa loo islaam goobay joogtaba
14. gundhig kaa hadhaa kaaga roon geeda saarnimo
15. calow inaad gar yigil noqoto baa kula gudboonayde
     
16. afartaa gugoo hooray iyo waaga galacdiis dheh
17. maansooyinkii gaaxsanaa gogol dhigoodii dheh
18. afar kalena guullaa tashee waan u gelayaaye
     
19. soomaali waxa goobtan dhigay gubadku duulaayo
20. goortii qabiil garabsi yimi ee la kala goostay
21. irbad midaan dun gelin karin la yiri guuto daadihiye
     
22. gobannimo raggeedaa yiqiin mayan gaasirine
23. goblamooyin baa noo tashaday guduri warlorde
24. gaaddada ku faan baa beddelay geesi libintiise
     
25. anna tayda ii geli shirkaa la isku guulaaye
26. gaawaha anow qaadi jiray doqon ku geeraarye
27. giddi waxay ku taamaan waraan laabta gela hayne
     
28. kolkiise geeddi lagu doortaybaan niri ka gaar weeye
29. ka gees iyo ka gees bay farxadi gaadhey aadmiga
30. guul inaad ka dhalin baa la filey geyiga soomaale
     
31. garabyadii maqnaa waxan lahayn wuu u geylamiye
32. goldaloolo dhawr baan u qabey gebagebayntiiye
33. godolkaad habowday dadkii kugu gadoodeene
     
34. guud caddaa wax garadiyo abwaan gabayo soo meersha
35. galdi'ii aqoonyahannadiyo culimadii gaadhye
36. calow inaad gar yigil noqoto baa kula gudboonayde
     
37. gaaridii nikaax kuu hayaa guri la geystaaye
38. mar haddaad la garan weydo ood gacan togaalayso
39. geyaan waxay u noqotaa midkii gacal walaalayne
     
40. afartaana godankii markiyo golihii shiikh nuur dheh
41. geedaha jannaaliyo afmadow gudihii waamood dheh
42. webigii ganaanoo fatahay gacammadiisiii dheh
     
43. Godka aakhiraad waa xisaab guulle amarkiise
44. nin waliba wuxuu geysteybaa lagaga gooyaaye
45. qalbiguu garsooraa ilaah kuna guddoonshaaye
     
46. hadal kaa gurracay baa namiim kugu garaystaaye
47. gaatama abaareed dadkoo omoska gawdiida
48. garanwaa helaaddiisu waa laguma guuraane
     
49. rajadoo gabaabsiya magliga haatan gorofaadi
50. gunnimaan mutaye dawladnimo gugan ma dhawrayne
51. geerigo'an dad joogaan nahoo gaag ka soo hadhaye
     
52. geerida xalaasha ah naflaha gam'a loo diiday
53. gudcurkaa habsadey beesha waa guuldarrada taale
54. gabalkaa inoo dumay caloow sow ka guban maysid
     
55. goodkiyo abeeskiyo maskiyo halaq gurguurtaaga
56. jilbiskiyo garaaraalihiyo jebista geylaansan
57. gungumuhu cagtii saydha buu mici ku gooyaaye
     
58. geenyadaan shakaalkiyo la barin koore lagu giijo
59. gole laguma fuuliyo mahwiga beretan goobeede
60. gundhiskay ka booddaa haddaan jare la gaadhsiine
     
61. geddaa waxa ka dhigan xaajadaan kuu gunaanadaye
62. garba gelisku waa shay gashiya muuqa guudnimo
63. misna gacale kama maarmi karo gedefka shaadhkiiye
     
64. waxan uga gol leeyahay midhkaa guurtidaa furiye
65. aan soo gaabiyee sow naxwuhu maandhe kuma gaadhin
66. gobannimo godkay taal caloow sow ma garanaysid.

 Maxamuud Axmed Cabdalla
Email: abdalle9@hotmail.com

Afeef: Aragtida gabaygan waxaa leh qoraaga ku saxiixan

GABAY COD AH OO KU SOCDA CALI MAXAMED GEEDDI... (Siciid Xaaji Axmed)

»GABAY::: D a c w o - Waxaa tiriyey: Abwaan maxamed dhagaafe cilmi

»MAANSADA "GURMAD": Gabay ku socda Cali Geeddi

Faafin: SomaliTalk.com | Dec 6, 2005 

BAARID | SEARCH