Walaalayaasha/Mudanayaasha/Garaadada/cuqaasha/ iyo
waxgaradka kor ku xusanow, taariikhda umadaha adduunku waxay leedahay ardaayo
iyo marino dhab ah oo la raaco, waxay Umadaha Beesha caalamku ku dhaqanyahiin
hanaan la raaco oo bulshada ilaahay meel ku wada dhaqay ay isla citiqaado,
islana garato, islana fahanto, iyada oo arrin wal oo jirta laga tixgelinaayo
danta umadda iyo jiritaanka waaqiciga ah, Mudanayaasha/Marwooyinka kor ku
xusanow Qaran waxaa lagu tilmaami kara sidaan u aqaan qoomiyado isku tegay, mar
walbana Qaran kasta oo dunida daafaheeda ku yaal waxaa dantiisu meel mariya
kana go,da waa qoomiyadaha ilaahay baday,
Siyaasad waxaan u aqaan nidaam
hamuunsan oo ay dejiyeen waxgaradka bulsho kasta oo ilaahay isbaday taasi oo
lagu hogaamiyo laguna xafido hawl maalmeedka bulshadaasi, Xuduud waxaan u
aqaana qaraar ay bulshada adduunyada ku dhaqan oo dhammi ogtahay oo lama
taabtaan ah oo dal leeyahay, walaalayaal, markaan intaa ka gudbo ee aan usoo
noqdo dulucda guud ee! dagalkan aan wada xanbaarsanyahay waxaa jirta Sidaynu
ognahay in Nidaamkii 20 sanno xukumaayey wixii la odhan jiray (Dawladdii
dimuqradiga hantiwadaaga Soomaliya) ee uu horkacaayey Maxamed Siyaad Barre uu
badday nabaro aan dhayal ku bogsan Dalweynaheenii Somaliland ee curtay 1960, 26
June, ee aynu nirigtii ay dhashay ula carawnay gobolkii aynu dariska ahayn ee
Somaliya,
wax wal oo dhacay wuxuu ku dhacay wixii kuwii la dulmay u halgameen,
walaal waddankeenii iyo dalkeenii iyo hoygeeniba waxaynu ka xoraynay
fashistigaasi waxaynu iskula nimid tallo iyo tusaale Waxaa hadaba la isweydiin
kara yaa goyn kara talada iyo tusaalaha yaa goyn kara dadkeenii xorriyadda
1960-kii qaadnay ee meel kale ku tuurnay, waxaa hubaal ah walaalayaasha kor ku
xusanow in ay talladu tahay mid u dhexaysa (Neutral point) dadkii lumiyey
xorriyadooda, sida ay ka yeelayaanna ay tahay inay ka wada hadlaan oo ay ka
wada xajoodaan, wixii la iskula afgartana ay tahay in laga midho dhaliyo,
walaalayaal waxaynu ! iskugu nimid 1991 18 May magaalada Burco, raggii Beesha
Dhulbahante joogay ee xilkarka ahaa ee aqoonyahanada ahaa ee wax ka saxeexay
heshiisyadii lagu gaadhay magaalada Burco 1991 18 May waxaa ka mid ahaa Mudane
Cali Khaliif Galaydh, Maxamed Xaashi (Xaabsade), iyo dhammaan suldaanada beesha
sharafta leh ee Dhulbahante badidood,
walaalayaal Heshiishkaasi Burco ee
qodobka ugu muhiimsan ee lagu saxeexay ahaa in xorriyadeenii aynu luminay aynu
dib ula soo noqono, waxaynu bilawnay inaynu dawlad dhisanno, Dabcan walaalayaal
ma damaanad qaadi karo sidii dawladahii kala danbeeyey ee laga Dhisay
Somaliland loo qaybsaday, balse waxaan caddaynaya inay ahayd (Dawlado hab
beeled wax loo qaybsaday), (matual tribal system) kollayna dawlad beel lagu
qaybiyey dhaliisheeda waa leedahay, waxaa jira oo kale in dawladahaasi ay
baylahiyeen (left behind) qaraaradii lagu gaadhay Burco 1991, walaalayaal Qalad
waa la gala balse qaran cadho laguma lumiyo, anagu hadaanu nahay Reer
Somaliland ka kale ma jeclin walaalahayo oo cadhoonaya inaanu ka aamusno,
waxaanu ! mar walba jecelahay inaan xumaan iyo wanaag, xanuun iyo farxad cid
wal oo magaca Somaliland ku abtirsata la qaybsano hadaanu nahay bulsho weynta
Somaliland, markaa guntii iyo gebo gebadii waxaan si naxariisleh uga codsanaya
oo ay muwaadinimo iyo sharaf iyo cisi ku jirto oo aan ka codsanaya walaalahayga
Beriga Somaliland in cadhada iyo xumaanta ay u hayaan dawladda Somaliland aanay
ku lumin qarankeena aynu dhisanay, Qaranka Dadka leh, inaga leh, shacbiga leh,
waxgaradka leh, ee dawladi ma laha, waxaan ka codsanaya oo aan si naxariisleh
uga codsanaya walaalahayga Beriga Somaliland in ay isweydiiyan yaa leh
Somaliland, yaa Somaliland dumin kara dhisina kara? magacu walaalayaal waa
inaga dhexeeya, waxaynu nahay qoomiyado ilaahay isbaday oo qaran wada dhistay
ee yaan laga talaabsan qaranimada oo lagu khaldan cadho loo qabo shakhsiyaad,
waxaan ka codsanayaa walaalahayga beriga Somaliland in dib loo bilaabo wada
hadal iyo sidii danta dalkeenu ku jirto oo la eego xitaa haddaynu wada! hadal
la yeelanayno Soomaliya sida ugu haboon ee aynu u waaj! ihi karro inaga oo dad
keliya ah qaran keliyana mattala.
Wa bilaahi tawfiiq
Ka: Walaalkiin Mohamed Abdi Hassan (diridhaba)
Karachi, Pakistan.
diridhaba2001@hotmail.com
-dhammaad-
Faafin: SomaliTalk.com | Sept 4, 2003
Ururka Darwiish Party oo Tacsi u diray laascaanood
Qoraal uu ururku maanta soosaaray ayaa ku bilaabmay....
GUJI 8/12/2002
Bayaan ay soo saareen jaaliyada
SSH ee Kuwiat
Annagoo ah
Jaaliyadda dalka Kuwait deggan ee ka soo jeedda Gobolada Somalia ee Sool,Sanaag
iyo Hawd in badan ayaanu
GUJI
12/12/2002
Jaaliyada dhulbahante ee w/america
warsaxaafadeed
la xiriira dagaalkii Laascaanood ayey ku sheegeen in
GUJI
11/12/2002
Warsaxaafadeedka Puntland ee Dagaalkii Lascanod
Madaxweyne ku xigeenka dawlad goboleedka Puntland mudane Maxamed Cabdi Xaashi
oo ku sugan Eldoret ayaa..
GUJI 8/12/2002
Woqooyi Sidee Looga arkay Dagaalkii Laascaanod
Dagaal aad u kulul ayaa ka dhacay magaalada laascaanood,
kaasoo ay sabab u ahayd booqashadii Madaxweynaha...
GUJI 8/12/2002
DUX
LA'AANTA DAWLADDA CUSUB EE RIYAALE
iyo dibin daabyada dadweynaha ... Guji
June 7
QORAALADII HORE EE DIRIDHABA
Kulaabo bogga hore ee
www.somalitalk.com
...
Copyright
& Islaamku wuxuu ka qabo.... Akhri