Saddex dhallin yaro Soomaaliyeed oo loo qaatay kooxda
kubadda cagta ee Minnesota (Minnsota Thunder)
Mustafa Cartan, Cali Rooble, iyo Deeq Saciid waxaa
qaatay kooxda kubadda cagta ee Minnesota oo loo yaqaan Minnesota
Thunder. Kooxdan oo sida la ogyahay u soo jeedsatay inay soo jiidato
dhalinta ka soo jeeda dunida laga jecel yahay kubadda cagta oo ay
dhallinyarada Soomaaliyeed ka mid yihiin waxaa ay marka hore dhallin
yaradan u furi doonaan tababaro adag oo haddii ay ku guulaystaan
mustaqbalkooda wax weyne ka bedeli doonta.
Ali Rooble waxaa uu hadda u dheelaa kooxda TC Stars
la yiraahdo labada kale ee Mustafa Artan iyo Deeq Saeed waxay u
dheelaan kooxda la yiraahdo Communality labadan kooxoodba waxay ka mid
yihiin kooxaha badan ee Soomaaliyeed ee ka jira gobolka Minnesota.
Saddexdaas cayaartoy iyo dhamaan kooxaha Soomaaliyeed ee Minnesota
waxay ku hawlan yihiin qaban qaabada cayaaraha dhici doona Habeenka
Waxbarashada Soomaaliyeed ee Minnesota oo hadda soo dhow.
Galabtaas waxaa fooda is dari doona kubdda cagta
labadan kooxood oo la kala yiraahdo Somali Tigers iyo Eden Praire. Mar
aan wareysi la yeeshay maamulayaasha labadan kooxood Abdi aziz Bixi
(Somali Tigers) iyo Aaman (Eden Praire) waxay ii sheegeen in labada
kooxoodba ay hadda diyaar yihiin oo ay weliba galabtaas soo bandhigi
doonaan cayaar hufan. Labadan tababre ayaa aaminsan in mid walba
kooxdiisa guulaysan doonto Insha Alla.
Sidoo kale isla habeenka waxabarashada Soomaaliyeed
ee Minnesota waxaa kubadda kolayga (Basketball) fooda is dari doona
labada kooxood ee kala ah East iyo West Team tababaraha isla markaana
ah gudoomiyaha kooxahan waa macalinka weyn ee Abdulqadir Madaxey oo ka
mid ahaan jiray xulkii qaranka Soomaaliyeed waxaa uu yiri “Kooxahayga
waa da’ yar laakiin diyaarsan waxayna galabtaas soo bandhigi doonaan
cayaar wanaagsan”
Bandhiga waxbarashada iyo cayaaraha isugu jira ee
habeenka Waxbarashada Soomaaliyeed waxaa la qaban doonaa sanadkii
saddexaad bishan May 21keeda waa galab Jimco ah ee ka soo qaybgal wacan.
Goobta
Edison High School
700 22nd Ave NE
Minneapolis oo u dhow Centralla iyo 22 Avenue.
Saacadda kubadda cagta ay bilaabanayso waa 03:30pm.
Mahamaoud Wardere
mnwardere@yahoo.com
QORAALADII HORE EE WARDHEERE
Faafin: SomaliTalk.com | May 10, 2004
ARDAYDA
SOOMAALIYEEED EE DHIGTA JAAMACADDA MINNESOTA
150 arday Soomaaliyeed ayaa dhigta Jaamacada Minnesota
HABEENKII
SHOWRKA SOOMAALIDA MINNESOTA
Atlanta Habeenkii Warbashada oo xiiso badan
lahaa