DHAWAAN ARDAY KA TIRSAN JAAMACADDA HARGEYSA SAMAYSAY

Ummad waxaa lagu garta aqoonta iyo afkaarta xorta ah ee ay xanbaarsantahay, iyadoon marnaba tixgelinayn taageerana ka sugayn ummadaha beesha adduunka ee inagu geedaman iyo weliba xukumadda ay nidaamkeeda ku hoos dhaqanyahiin, Bulshada xorta ah waxaa lagu sifeeya mujtamaceedu siduu iskugu tiirsanyahay xagga aqoonta, waxbarashada, dhaqanka iyo dhaqaalahaba, waxaan uga gol leeyahay Dalka jamhuuriyadda Somaliland ee curdinka ah laga soo bilaabo 1991 ilaa maanta oo dunidu cagacagaynayso qarnigan Milleniumka ee casriga ah waxaa ka hirgelay dedaal balaadhan oo midhaheedii hadda si wacan loo guranaayo, waxaa xusuus mudan sannadkii 1991 ilaa 1993 wakhtigaasi oo dalku ku jiray xaalad cakiran oo dhinac walba leh khusuusan dhinaca waxbarashada, iyo hadda oo aynu marayno heer dhalinyaradeenii jaamacadaha dhawaan bilaabay (recently established University level matriculation students)ay ka go,antay sida ay ugu duurgalayaan nolosha mugdiga ku jirta ee da,yarteena ku soo foodleh, !

waxaan akhriyey qoraalo kooban oo saxaafaddu ka qortay cilmi baadhis (Research) ay ku sameeyen Ardayda Jaamacadda Hargeysa dhigata,kuna saabsana Qaadka iyo waxyeeladiisa, runtii waxaa hubaal ah inuu qaadku yahay Geed si weyn bulshadeena u curyaamiyey, dhinac kasta ha ahaato, waxaa ugu weyn oo qaadka waxyeeladiisa ka mid ah xanuuno tiro badan oo uu ka mid yahay Waalida, kelyo xanuunka, fududaynta cudurka dilaaga ah ee HIV Aids, dhiig karka, macaanka iyo kuwa tiro badan oo aan ka bogtay warbixintii ay soo saareen ardaydaasi qiimaha iyo qadarinta mudan ee jaamacadda hargeysa,

waxaa kale oo ka mid ah waxyeelada qaadka dhaqaale burbur, nadaafad darro, qoysaska oo ku kala tega (Divorce and family separation), Hurdo xumo,wakhti lumis iyo weliba tiro badan oo waxyeelo ah oo aan la soo koobi karayn waxaan mahadbalaadhan usoo jeedinaya Ardaydaasi aan taageerada dhinacna ka helin ee isku xilqaantay baraarujinta bulshadeena uu qaadku sida ba,an u ragaadiyey, daraasad uu soo sameeyey nin! aanu saaxiib nahay oo ka barta jaamacad ku taalla dalkani pa! kistan cilmiga shaybaadhka ee afka qalaad loogu yeedho (Micribiology) ayaa wuxuu iigu sheegay in %90 bulshada Somaliland ee u badan da,yarta ay sannadka 2006 ilaa 2010 noqon doonan qaar si weyn u isticmaala geedka qaadka, wuxuu warbixintiisa ku sheegay in fidinta iyo isbaridda qaadka iyo balwadiisuba ay Aabo u tahay shaqo la,aanta ka jirta waddanka, taasi oo meel wal oo ka mid ah xaafadaha, dariiqyada, isgoysyada, maqaaxiyaha lagu iibinaayo ama lagu gadaayo geedkaasi cagaaran ee loo yaqaano Qaadka, %20 in ka badan dhalinteena barata dugsiyada hoose dhexe iyo kuwa saraba ayaa waxay kaga tageen waxbarashada (dropped out) isticmaalidda geedka qaadka wakhtiyada kala gedisan oo loo bixiyey magacyo kala gedisan sida Jabanaha, biyo raaciska, qarxiska, IWM,iyadoon waalidkuna laba socinin,

waxaa kale oo warbixintaasi ku jirtay inuu geedkani sabab u noqday sii isticmaalka balwado kala gedisan sida Khamrada, xashiishada, iyo kuwa kale oo lagu dhex iibiyo magaalada Hargeysa iyo magaalooyinka kale ee somaliland dhexdooda, waxaa kale oo warbixintaasi si weyn u canbaraysay dawladda jamhuuriyadda Somaliland oo awoodi kari wayday inay xakamayn ku samayso mukhaadaraadka dalka soo gala oo laaluush badan ay ka qaatan saraakiil ciidamada booliska ka tirsani sidii dalka loo soo gelin lahaa, iyada oo warbixintu carabka ku dhufatay in Khamrada oo kale dawladdu si weyn u garanayso dadka sida weyn uga ganacsada oo aan bulshada dhexdeeda sina uga qarsoonayn, warbixintu iyada oo sii faahfaahinaysa waxay tilmaantay in mid ka mid ah saldhigayada lagu gado ama lagu iibiyo khamradu aanu sidaasiba uga sii durugsanayn saldhiga dhexe ee Booliiska ee magaalada hargeysa (the Central command of Hargeisa Police), warbixintu iyada oo dhinaca qaadka ka hadlaysa sida ay dawladda ugu dhalecaynayso waxaa lagu sheegay in dawladaha hoose ee magaalooyinku ay tahli kari waayeen ama awoodi kari waayeen in ay iibinta qaadka u yeelan xad (borders) hadiiba aan bulshada laga joojin karin tusaale ! ahaan: waxay dawladu awoodi kari wayday inay xero go,an u sam! ayso oo lagu iibiyo qaadka dadka iibsanayaana halkaa ugu tagaan,

waxaa kale oo aan jirin qaraar ay dawladdu ka soo saartay da,da iibsan karta qaadka(specific age) ee isticmaali karta, iyada oo bay tidhi warbixintu keliya danaynaysa dawladdu cashuurta jeebka lagu shubto ee ka soo gasha, warbixintaasi oo aad u dheerayd waxaa lagu soo saari doona buug dhawaan soo bixi doona dhawaan, waxaan mahadbalaadhan usoo jeedinaya Ardayda Jaamacadda Hargeysa sida xilkasnimada leh ee ay isku xilqaameen waxaanan ku baraarujinaya da,yarta iyo ardayda jaamacadaha ee kale sida Jaamacadda Camuud, ururka qiimaha mudanleh ee SYS, iyo ururada bulshada iyo weliba haayada qaramada midoobay iyo dawladaha deeqda bixiya inay furaan barnaamijyo lagu baraarujinayo dadka iyada oo loo adeegsanayo warbaahinta siyaasaddu dishootay ee dalka ka jirta sida idaacadda, wergeysyada, televisionka, mareegayaasha ama shabakadaha internetka, fagaarayaasha, iyo meelaha ugu daran ee lagu ganacsado qaadka, waxaa aan si na! xariisleh uga codsanaya dawladda inay qabato seminaro loogu sheegayo da,yarta waxyeelada uu gaadhsiin karo caafimaadkooda oo warbixin dhawaan la soo saari doona sheegtay in uu qaadku si weyn u curyaamiyo korriinka jidhka iyo maskaxda.

guntii iyo gebogebadii ayaan usoo jeedinaya Ardayda jaamacadda hargeysa in ay ila soo xidiidhi karaan aniga oo diyaar ula ah inaan ka caawiyo xagga warbaahinta iyo samaynta mareege ama shabakad cusub oo xagga internetka ah oo lagu fidinaayo macluumaadka iyo khatarta qaadka.

Wa bilahi tawfiiq.

MOHAMED ABDI HASSAN (DIRIDHABA)

KARACHI, PAKISTAN.

• diridhaba2001@hotmail.com
• diridhaba@333.org
• diridhaba@emailaccount.com
• ibnu_egal5@yahoo.com
• Mobile: 00-92-300-2203256
• P.O.Box: 8432, karachi university

Copyright & Islaamku wuxuu ka qabo.... Akhri

Afeef: Aragtida qoraalkaan waxaa leh oo ay gaar u tahay qoraaga ku saxiixan

Xaalada Magaalada Laascaanood:-
Degaanka, dhaqaalaha, nabadgeliyada iyo guud ahaan horumarka Laascaanood ka akhri warbixintii Asad Cadaani

Ururka Darwiish Party oo Tacsi u diray laascaanood
Qoraal uu ururku maanta soosaaray ayaa ku bilaabmay.... GUJI  8/12/2002 

Bayaan ay soo saareen jaaliyada SSH ee Kuwiat
Annagoo ah Jaaliyadda dalka Kuwait deggan ee ka soo jeedda Gobolada Somalia ee Sool,Sanaag iyo Hawd in badan ayaanu   GUJI  12/12/2002

Jaaliyada dhulbahante ee w/america warsaxaafadeed
la xiriira dagaalkii Laascaanood ayey ku sheegeen in GUJI  11/12/2002

Warsaxaafadeedka Puntland ee Dagaalkii Lascanod
Madaxweyne ku xigeenka dawlad goboleedka Puntland mudane Maxamed Cabdi Xaashi oo ku sugan Eldoret ayaa.. GUJI  8/12/2002

Woqooyi Sidee Looga arkay Dagaalkii Laascaanod
Dagaal aad u kulul ayaa ka dhacay magaalada laascaanood, kaasoo ay sabab u ahayd booqashadii Madaxweynaha... GUJI  8/12/2002

DUX LA'AANTA DAWLADDA CUSUB EE RIYAALE
iyo dibin daabyada dadweynaha ... Guji June 7

 QORAALADII HORE EE DIRIDHABA  

Kulaabo bogga hore ee  www.somalitalk.com

... Copyright & Islaamku wuxuu ka qabo.... Akhri