Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

Waxaa lagu qabtay magaalada Muqdisho maalmihii Khamiista & jamcaha 08-09/01/04 Muxaadarooyin kala duwan oo ka dhacay 22 xarumood oo isugu jira Masaajid, Xarumo dacwo, fagaarayaal & dugsiyo Qur'aan.

Ujeeddooyinka Ololahaan waxaa ka mid ah: In la Dardargaliyo dacwada magaaladaan Muqdisho & agagaarkeeda, In la daboolo baahida diineed ee dadwaynaha, In lagu dhiirri galiyo culimada magaalada ka qayb qaadashada fidinta & barista diinta, In laga hortago dhaqan doorinta & duullaamada kale ee ka horjeeda diinteenna, In lagu wacyi galiyo dadwaynaha Soomaaliyeed inay ka tagaan Dulmiga, qabyaaladda & colaadda la dhex dhigay.

Duruusta goobahaas laga jeediyay waxaa ka mid ahaa: Tiirarka islaamka, Tawxiidka & Shirkiga, Raacista Nabiga & ka tagista Bidcada, Salaadda & ahmiyaddeeda, Ujeeddooyinka Shareecada, Duullaanka lagu hayo Muslimiinta & sidii looga gaashaaman lahaa, Heshiisiinta dadka, Ka dhawrsiga Dulmiga, Qabyaaladda & dhibteeda iyo kuwo kale.

Waxaa ka qayb qaatay jeedinta Muxaadarooyinkaas qaar ka mid ah culimada waawayn ee magaalada Muqdisho, waxaana ka mid ahaa: Sh. C/laahi Cumar, Sh. C/laahi Maxamuud Ciise, Sh. Xasan Daahir, Sh. Yuusuf Maxamed Cilmi, Sh. Maxamuud Macallin Nuur, Sh. C/laahi Hiiraan, Sh. Muuse Daahir Aways, Sh. Axmad Xasan Maxamed, Sh. C/raxmaan Maxamuud janaqow, Sh. Maxamuud Axmad Xasan (A/shayba), Sh. C/risaaq Aadam Macallin iyo culimo kale. Muxaadarooyinkaan waxay socon doonaan muddo seddex bilood ah, waxaana la gaarsiin doonaa dhammaan dagmooyinka & xaafadaha magaalada Muqdisho, haddii Alle idmo.

Waxaa xusid mudan in baryahaan dambe ay aad u soo xoogaysanayeen dhaqdhaqaaqyada dacwadeed ee ka socda gudaha Soomaaliya gaar ahaan magaalada muqdisho & nawaaxigeeda, taana waxaa muujinaya wufuudda dacwadeed ee ka ambabaxaysay usbuucyadaan magaalada ayagoo ku sii jeeda dagmooyinka & tuulooyinka gobolka Sh. Hoose.

Xafiiska Dacwada & Tarbiyada ee Soomaaliya oo soo qaban qaabiayay ololahaan dacwadeed wuxuu ugu baaqayaa Culimada Soomaaliyeed inay labanlaabaan dadaalka ay ku bixinayaan faafinta & barista diinta, dadwaynahana wuxuu ugu yeerayaa inay ka faa'iidaystaan dadaalaka culimadu bixinayso, ayna u huraan diintooda wax kasta oo ay awoodaan.

Xafiiska Dacwada iyo Tarbiyada ee Soomaaliya:
dacwah@hotmail.com

Gabagabadii Seminaarka Hagaajinta Masaajidda