Dad badani marka ay ereyga shahiid maqlaan waxaa maskaxdooda ku soo
dhacaya geesi naftiisa iyo maalkiisaba u huray difaaca diinta xaqa ah
ee islaamka sida
asxaabadii ka barbar dagaalamaysay nabigeenii
suubanaa(scw) waqtigii muslimiintu aadka u tirada yarayd dhibta ba'anna
lagu hayay.
Hadaba la dagaalanka gaalada oo keliya laguma gaaro shahiidnim ee
muslimiinta qudhooda ayaa isku shahiida iyadoo qolo waliba ay
sheeganayso inay iyagu yihiin kuwa xaqa ku taagan.
Dagaalka sokeeye ee qabiilooyinka Soomaaliyeed isku gumaadeen ayaa
dadka qaarkiis u arkayeen mid shahiidnimo lagu kasban karo iyagoo isla
markaana isku tilmaama inay yihiin mujaahidiin, halka Muuse Suudina uu
u yaqaano dagaal oogihii iyo mooryaantii malageed galay shuhado.
Shahiidnimadu waa darajo qof kasta oo muslim ahi jecelyahay inuu hanto
hase yeeshee dhabaha loo marayo lagu kala geddisanyahay. Meelaha maanta
dhibaatooyinku ka jiraan ee muslimiinta lagu gumaysto ayaa dad badani u
arkaan janno dagatay iyo fursado shahiidnimo lagu kasban karo.
Hadaba Liibaan Ibraahim Xasan kama qayb qaadan dagaaladii Sokeeye
kamana soo dagaalamin Afgaanistaan iyo Jejniya ee isagoo aan Muqdisho
dhinacna u dhaafin ayaa kuwo ay diinta ku walaaloobeen siiyeen darajada
shahiid dhimashadiisii ka dib.
Liibaan waxaa lagu toogtay magaalada muqdisho sababo u muuqda
dhaqdhaqaaqiisa xagga fidinta diinta kristaanka ee caasimadda
Soomaaliya sidaa waxaa qoray website ka hadla kiristaanka isla markaana
ku takhasusay dacaayadaha raqiiska ah iyo sawirada qaldan ee Islaamaka
laga fidiyo.
Website-kaas oo lagu magaabo Answering-Islam.org.uk ayaa qayb uu kaga
hadlo muslimiinta kiristaanawday ku soo qaatay qoraal uu cinwaan uga
dhigay "shahiidka Soomaaliayeed" (A Somali martyr) oo uu kaga sheekeeyay
taariikh nololeedkii Liibaan iyo ku biiriddiisii diinta kiristaanaka. [Eeg
halkan]
GO’AANKA
MAXAMED DHEERE: WAA TIJAABADII UGU HOREYSAY EE LAGA QAADO
MUSLIMIINTA SOOMAALIYA
Guji
|
Hadaba iyadoo maalmahan ay qaylo ku saabsan ololaha kiristaamaynta
Soomaalida ee ay wadaan hay'adaha gaalada ee isku tilmaama kuwo hawlo
sama fal ah ka wada Soomaaliaya ka soo yeerayaso dalkii ayaan
jeclaystay si aynu isugu baraarujino khatarta ololahan inaan qormadan
ku soo qaato shahiidka Soomaaliyeed ee Kitistaanka ah.
Website-ka aan kor ku soo xusnay ayaa qayb uu ugu magac daray maxay isu
badaleen(why they converted) ku taxay magacyo uu ku sheegay dad
muslimiin ahaa oo kiristaanka soo galay iyo wadamadii ay u dhasheen.
Hadaba liiskaas waxa ku xusan laba qof oo Soomaaliyeed oo mid magaciisa
la qariyay ka kalena lagu sheegay Liibaan Ibraahim Xasan.
Anigoo soo koobaya qoraalkaas ayaa gaaladaasi waxay ku andacoonayaan in
Liibaan ay niman dabley ahi u galeen jid bacaad ah oo ku dhaw
xafiiskiisii ammin ku beegnayd 7.30 subaxnimo isagoo u sii lugaynaya
shaqada ayna ka toogteen meel dhaw taariikhdu markay ahayd 21 march
1994 daqiiqado ka dibna uu dhintay.
Liibaan wuxuu yaraantiisii dhageysan jiray idaacad kristaanka faafisa
kuna baxda afafka Soomaliga iyo Ingriisiga.
1982 isagoo xilligaa da'diisu ahayd 16 jir ayaa wuxuu akhristay buug
lagu magacaabo Riyooyin(dreams) oo uu qoray Sigmund Freud kaasoo
khalkhal iyo hurdo la'aan ku dhaliyay. Sheekh loo geeyo iyo quraan
lagu akhriyo midna waxba ka tari waaye.
Qof kristaan ah ayaa wuxuu ugu deeqay kitaabka injiilka, waxaanu kula
taliyay inuu akhristo. Liibaan wuxuu noqday mid ay raali galin weyday
muslinimadu sababo badan darteed. Waxaa ka yaabisay sababta loogu
tukado afka qalaad ee carabiga isla markaana loogu jeesto dhinaca maka.
Wuxuu ku wareeray waxyaabaha dhinaca akhlaaqda ah (ethical) gaar ahaan
quraanka uu aaminsanaa oo ogolaanaya guursashada haween badan iyo ku
xad gudubkoodaba.
Ugu dambaystii 1985 ayuu go'aansaday in kitaabka dhabta ahi yahay
injiilka ee uusan ahayn quraanka. Liibaan saaxiibadii waxay dareemeen
isbedelka ku dhacay wuxuuna uga waramay caqiidadiisa cusub.
1992 ayuu guursaday gabar ay isku xaafad ahaayeen oo iyaduna isla
sannadkaas ku biirtay diinta kiristaanka.
PBS: Barnaamij ku soo
baxay TV-ga PBS oo ku saabsan Madaxweynaha maraykanka iyo Diinta,
barnaamijkaas oo loogu magac daray "The Jesus Factor"
Akhri
|
Daawo |
Akhri
|
Liibaan oo kal kaaliye caafimaad ka ahaa isbitaal ku yaal magaalada
Muqdisho ayaa hab dhaqankiisu ka duwanaa midka shaqaalaha kele ee ay
isku meesha ka shaqeeyaan.
Dadka bukaanaka ah uma eegi jirin qabiil, waxaanu u muujin jiray kal
gacal iyo niyad sami.
Waxa ay doodo diineed dhex mareen isaga iyo nin sheekha oo dhaawac
ba'an oo soo gaaray dartiis isbitaalka loo dhigay, waxaanu ugu deeqay
dhiig sheekhii.
Markii uu sheekhii bogsaday waxa uu Liibaan kula taliyay inuu dhagaysto
idaacadda af Soomaaliga ku baxda ee laga faafiyo diinta masiixiga. Ka
dib sheekhii ayaa la xiriiray idaacaddaas kana codsaday qoraalo ka
hadlaya kiristaanka iyo casharo aqoon dirsad ah.
Sheekhaasi waxa uu ka mid ahaa dad badan oo uu noloshooda saamayn ku
yeeshay Liibaan. Waxa uu ku dhiiri galin jiray dadka inay bartaan
diinta masiixiga kuwana waabay qaateen.
Masiixiyiintii ku kala filiqsanaa Muqdisho ayuu gurgiisa isugu keeni
jiray oo uu ku wacdiyi jiray.
Hay'adii sama falka ahayd ee uu u shaqayn jiray shaqaalaheeda oo dhammi
isaga ayay ula iman jireen dhibaatadooda.
Xataa mooryaantii ka dagaalami jirtay dariiqyada Muqdisho oo qaar ka
mid ahi ilaalo ka ahayd gawaarida sama falka ayaa ay nolashoodii
isbeshay ka dib markii ay Liibaan la xiriireen.
Hadaba dhiiranidani waxay u keentay caanimo wadan ay dadkiisu in ku
dhaw 100% muslim yihiin.
1993 ayay muslimiin xag jirtaa ku dhaleeceeyeen hawlihiisa qoraal ku
soo baxay wargeys.
XAGGEE LACAGTA
SOOMAALIDU AADAA? |
KHASAARAHA DHAQAN-DHAQAALE EE
QAADKU KU HAYO SOOMAALIYA:
Waxaa lagu qiyaasay in garoonka Deyniile oo keliya laga dejiyo
qaadka nooca Miirowga loo yaqaan oo qiimihiisu dhan yahay $170,000/bishiiba,
taas oo sannadkii ka dhigeysa $2,040,000.
Eeg halkan... Qiyaas akhristow inta ardayga Soomaaliyeed uu ku
dhigan karo Jaamacad kutaal Soomaaliya..
Guji..
BOSASO: Kasoo horjeedka Cisbitaalka Boosaaso waxaa kuyaal suuqa
daroogada Qaadka oo ay kasoo baxdo miisaaniyad lagu qiyaasay
$US50,000 maalintiiba, laakiin lacagta halkaas ka soo baxda iyo
cashuurteedu toona ma gaaraan cisbitaalka, sidaas waxaa qoray...
ABC
Australia...
Drug Enforcement Administration
site on khat:
http://www.usdoj.gov:
University of
Pennsylvania site on khat:
http://www.sas.upenn.edu |
Sidaas ayuuna ugu damabeystii 21 march 1994 ku waayay naftiisii ka dib
markii ay laba nin oo hubaysani jidka u galeen toogashana ku dileen.
Hadaba sheekadan oo aan ka soo qaatay intii ugu muhiimsanayd ayaa
haddii ay u jirto sida ay gaaladu sheegayso waxay inoo caddaynaysaa in
hawsha kiristaamaynta ee ka socota Soomaaliya ay ka weyn tahay caruur
hadiyado masiixiyadda ku lug lah loo qaybiyo. [Akhri:
Ka hortagga ololaha Kirishtaamaynta]
Wadanka Soomaaliaya oo hore uga badbaaday inay wax raad ah ku yeeshaan
gumaystayaashii ay horseedka u ahaayeen baadariyaashu ayaa waxaad hadda
moodaa inay xoogga saarayaan kooxaha kiristaanaka faafiyaa sidii ay uga
faa'idaysan lahaayeen dhibta iyo baahida haysata Soomalida xilligan oo
wadanka aanay dawladi ka jirin.
Maadaama ay adeegyadii dawladdu fulin jirtay meesha ka baxeen ayaa
waxaa xoogaystay kaalinta ururada sama falka ah ee kaalmeeya
masaakiinta, ururadaas sama falka ee gaalada ayayna maanta ummadda
badan koodu wax ka sugtaa.
Nina an saaxiib nahay oo horaantii sagaashaneeyadii booqday Soomaalya
waqtiagaas oo xaalad adag dadku ku sugnaayeen ayaa ii sheeegay in
duqydii iyo wax garadkii magaaladu ay canaanteen maadaama aanu gaalo
wadin oo uu keligii isagoo iska socda yimid!
Inkastoo ururdaas gaaladu dadka kaalmeeyaan hadana shaki kuma jiro inay
ujeedooyin gaar ka leeyihiin kaalmadooda siiba kuwa kaniisaddaha ka
socda.
Waxaan xauustaa buug uu qoray nin saxafi ah oo uu kaga hadlayay
hay'adaha dhaqaale ee caalamiga ah iyo kuwa sama falka. Buuggaas oo
lagau magacaabo
Lords of poverty ayaa wuxuu si baahsan uga waramaya
sida ururadaasi uga faa'idaystaan baahidan iyo macaluusha haysata
wadamada soo koraya, waxaanu tusaale u soo qaadanayaa hay'adihii
samafalka ee ka hawl geli jiray Soomaaliya waqtigii ay dawladdu jirtay,
kuwaasoo caawin jiray qaxootigii S/galbeed.
Hadaba ninkaas oo aad ula yaaban ujeedooyinka qarsoon ee hay'adahaas
qaarkood siiba dhinaca faafinta kiristaanka ayaa wuxuu weydiiyay mid ka
mid ahaa gaalada hay'dahaas u shaqeeya sababta ay diinta kiristaanka
ugu faaafinayaan dadkan muslimiinta ah. Jawaabtii la siiyay ayaa waxay
ahayd sidee baa caqligayagu noo siin karaa inaanu dadkan ka badbaadino
gaajo uguna ogolaano inay ku dhacaan dabka naarta!
Xilligaaasi waxay ahayd xilli wadanka dawladi ka jirtay daba gal weyna
lagu hayay dadka ajaanibka ah, maxaadse u malaynaysaa maanta oo aanay
dawladi jirin oo hay'addii doontaa iska soo geli karto wadanka waxay
rabatama ka fushan karto.
Intii ka dambaysay qaraxyadii loo gaystay maraykanka waxaa xoogaystay
nacaybka loo qabo muslimiinta iyadoo gaalo badnina qabaan sida keliya
ee ay islaamaka uga guulaysan karaan inay tahay iyagoo ku fidiya
diintooda iyo dhaqankooda.
Shaki kuma jiro in qof kasta oo muslim ah oo akhriya dacaayadaha beenta
ah ee laga fidinayo Islaamku siiba kuw ku xusan web site-ka aan kor ku
soo sheegnay uu aad uga xummanayo hase yeeshee muslimiinta oo dhammi ma
aha kuw dhoohan oo iska mirqaamaya sida Soomaalida ee waxaa jira kuwo
badan dadaal weyn ugu jira difaaca diintooda muqadaska sida Usama.
Akhristow uma jeedo Usamaha markiiba maskaxdaada ku soo dhacay ee waa
wiil dhalin yaro ah oo degan wadanka Maraykanka sameeyayna web site lid
ku ah midkaas gaalada ee aan soo sheegnay laguna magacaabo Answering
Christianity [www.answering-christianity.com] oo banaanka ah soo dhigay beenta iyo khuraafaadka ay
gaaladu aaminsantahay.
Ololaha kiristaamayntu waa mid ku baahsan wadanka oo dhan ayna horseed
u yihiin Soomaali hore loo gaaleeyay wadanka gudihiisa ama dibadiisa midkay doonaan
ha ku noolaadeen.
Ugu dambeystii shaki kuma jiro in haddi ayna soomaalidu tashan meelna
uga soo wada jeedsan difaaca diintooda iyo dib u dhiska wadankooda ay
magan u noqon doonaan weligood gaalada, mustaqbalkana ay ku dhici
doonaan haadaamo ay hore uga badbaadeen oo uu iman doono mujtamac
Soomaaliyeed oo ka geddisan midka hadda jira.
Ismail A. Hassan (khaliil)
Khalka1@aol.com
QORAALADII HORE EE KHALIIL
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | May 9, 2004
Waa
maxay Furqaanka Xaqa ah?
Waxyaabaha
Carqaladeeyey Shirka Nairobi
Muqdisho
iyo Maridda Waddooyinka
Sirtii
Quixtar oo La Fashiliyay