Daabaco Boggan | Print

Suldaan C/llahi Max'ud Suldaan C/salaan (bidix) iyo Caaqil Axmed Cabdi Madoobe (midig) oo ka hadlay hadalkii Ra'iisul wasaare geedi ee la xiriirey Midnimada Soomaaliya...ka Dhegeyso halkan (somfreemedia) GEEDI OO NOV 13, 2005 U DHOOFAY DALKA GUMEYSTA SOOMAALIGALBEED ee ITOOBIYA Ra'iisul wasaare Geedi oo sheegay in NFD & SoomaaliGalbeed  aysan Gumaysi ku jirin, ayaa maanta u Amabaxay Dawlada Itoobiya oo Gumeysata Dal iyo Dad Soomaaliyeed.. Maxaa Akhristaha La Gudboon::: Email u dir Ra'iisul wasaaraha aad fikradaada arintaas ku aadan ku muujineysid. Emailkiisu waa: premiersom@wananchi.com  [DHEGEYSO HADALKII GEEDI]

::GEEDI vs NFD & SOM.GALBEED  HADALKII GEEDI DHEGEYSO ::WARQADII C/RISAAQ XAAJI:: Qoraalkii uu 2002 C/Risaaq Xaaji ka qoray faragelinta ay Itoobiya ku hayso Soomaaliya.. Guji :WARAYSIGII DR.RAABEH:: Waraysigii Dheeraa ee Dr. Cumar Cusmaan Raabeh.. Halkan ka dhegeyso.. Guji :MAQAALKII C/SHAKUUR:: Qancin Qoraalkii  Cadaani: Assadow Darawal Diyaarad Ma Duullin Karaa? Guji... :MAQAALKII ASAD CADDAANI:: Raysal wasaaraha dawladii dhawaan Kenya lagu soo dhisay Cali Maxmed Geedi ayaa sheegay in uu soo dhaweynayo haddii Somaliland la aqoonsado.. Guji..

1,500 BC Fircoonkii laoranjirey  Seankhane Menthuhoteps IV ee Thebes ayaa sahan safar badeed usoodiray xeebaha Soomaaliya, kuwaas oo loo aqoonjirey dhulkii uduga "The Land of Punt." 7-900 AD Carab  iyo Beershiyaan [Persians] ayaa xiriir layeeshay jaaliyaadihii kunoolaa xeebaha Saylac, Muqdisho, Marka iyo Baraawe. 1528-35 AD Ahmed "Gurey" ayaa dagaal lagalay Abyssinians isagoo siweyn isaga difaacay ilaa ay usoo hiiliyeen ciidan hubaysan oo Bortuqiis ah [Portugese musketeers]. 1889 Kadib markii ay heshiis  galeen Suldaano iyo Ingiriiska  ayuu Woqooyiga Soomaaliya ka dhaqangeliyey Somaliland. 1894 ayaa heshiiska loo yaqaab "Tripartite Accord" waxaa wada garey Ingiriiska [Great Britain], Talyaaniga [Italy], iyo Itoobiya [Ethiopia], kaas oo kusaabsanaa dhulka Soomaaliya. Talyaaniga waxaa lasiiyey dhulka soo eegaya badweynta Hindiya oo waagii dambe loo bixiyey Italian Somaliland. Heshiiskaasu wuxuu aqoonsaday in Mililikh [Menelik] uu qaato dhulka galbeed ee Soomaaliya ee loo yaqaan Ogaden. 1899 Maxamad Cadulle xasan ayaa la dagaalamay wadaamada Ingiriiska [British], Talyaaniga iyo  Ethiopia. 1940 Talyaaniga ayaa qabsaday dhulkii ingiriisku qaatay ee Somaliland, qabsashadaasi muddo badan masii jirin. 1947 Waxaa la asaasay xisbigii dhallinyatada Soomaaliyeed ee SYL [Somali Youth League], oo ahaa xisbigii siyaasiga ahaa ee ugu horreeyey Soomaalida cusub. 1950 Qaramada Midoobey [UN] ayaa dhulkii talyaanigu haystey ogolaatay xorimo gaarsiin oo uu talyaanigu sii hayo. 1955 Ingiriiska ayaa gobolka loyaqaan Reserved Area (Ogaadeenya) iyo Hawd kuwareejisey Itoobiya. 1960 bishii  June 26keedii ayaa Somaliland kaxorowdey xukunkii Ingiriiska. bishii   July 1deedii isla sanadkaas ayaa Soomaaliya intii uu Talyaanigu siihayey xorowdey oo ay labadaas qaybood midoobeen.

Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji... Fadeexada Paltalkga: iyo Dulmiga Walaasha Muslimada ah....... GUJI....

Shiikh Shariif  “Dagaalku waa mid Siyaasadeed, waxaana ka faa’iideysanaya kuwa aan dooneyn..

Salaad Cali Jeelle “Dagaalka waxaa wada kooxo mitidiin ah oo doonaya in ay isku balaariyaan Muqdisho

Shiikh Shariif Shiikh Max’ed oo u waramay Ragga wararka dira ayaa waxa uu si weyn uga hadlay dagaalka qasaaraha badan dhaliyay ee ka dhacay deegaanka Yaaqshiid, wuxuuna sheegay in dagaalkaasi uu u dhexeeyo kooxo ilaalo ka ah Gurigii uu dhawaan degay Cali Max’ed Geedi iyo Ciidamada Midowga Maxaakiimta Islaamiga ah. “Arrintu way ka weyn tahay Shaneemo, dagaalkuna waa mid siyaasadeed” ayuu yiri Shiikh Shariif oo sheegay in Midowga Maxaakiimta Islaamiga ah ay ahaayeen kuwii weerarka lagu soo qaaday. Shiikh Shariif waxa uu sheegay in Ciidamada Maxaakiimta Islaamiga ah ay wax badan ka qabteen xaaladda Nabadgelyo ee Magaalada Muqdisho, iyo dhamaan dhaqaqamadii xun xumaa ee ka jiray Magaalada Muqdisho isla markaana la hor imaanayay Diinta Islaamka. Kooxaha difaacayay Guriga Iimaan Xuseen Max’ed ayaa waxa ay sheegeen in weerarku kaga yimid dhinaca Maxaakiimta, Islaamiga ah waxayna ka dalbadeen in Ciidamada Maxaakiimta kale ee gurmadka soo sameeyay ay dib isaga laabtaan. Dhinaca kale Wasiir ku xigeenka Warfaafinta Dowladda Federaalka Salaad Cali Jeelle ayaa dagaalka ka qarxay Magaalada Muqdisho ku tilmaamay in ay ka dambeeyaan kooxo mitidiin ah oo doonaya in ay isku balaariyaan Muqdisho, wuxuuna dalbaday in si shuruud la’aan ah loo joojiyo dagaalka.  

Warbixin dheeraad ah oo ku saabsan dagaalkii shalay ka dhacay Yaaqshiid

Shalay subaxnimadii ayaa dagaal aad u qareer waxa uu ka qarxay deegaanka Yaqshiid gaar ahaan agagaarka saldhiga Booliiska, wuxuuna iska hor imaadkaasi u dhaxeeyay kooxo maleeshiyo ah oo isbahaystay iyo ciidamo ka socday Midowga Maxaakiimta Islaamiga ah, waxaana dagaalkaani la isku adeegsa-nayay hubka culus iyo midka fudud.

            Dagaalkaan ayaa lagu waramay in ay ku dhinteen ilaa iyo toban ruux, ayna ku dhaawacmeen labaataneeyo qofood, iyadoo dadkii dhintay intooda badani ay ahaayeen dadka rayidka ah, waxayna dhibaatada ugu culusi soo gaartay qoys deganaa halka uu ka qarxay dagaalka, waxaana ku habsaday Madfac, saddex ka mid ahna way ku dhinteen.

            Dagaalkaan oo markii hore loo maleenayay in uu ka bilowday kooxo dhallinyaro ah oo la sheegay in ay difaacayeen shaneemo ku taala deegaankaas, ayaa warar dambe oo aanu helnay waxay sheegayaan in dagaalkaani uu u dhexeeyo kooxo ilaalo u ahaa Gurigii uu dhawaan ku degay Ra’isul Wasaare Cali Max’ed Geedi uuna leeyahay Iimaan Xuseen Max’ed.

            Odoyaal iyo waxgarad ayaa ku guuleystay in ay heshiis xabad joojin ah dhex dhigaan kooxihii dagaalamayay, waxaana la arkayay dad fara badan oo ka qaxayay halkii lagu dagaalamay..

---

WARARKII SHALAY EE DAGAALKA::::

Toddoba Qof Ayaa ku dhintay Dagaal Ku saabsan Shineemooyinka Muqdosho....

SomaliTalk.com | Muqdisho

Muqdisho Nov 13, 2005: Wararka ka imanaya magaalada Muqdisho ayaa tibaaxay in ugu yaraan toddoba qof ay ku dhinteen magalada Muqdisho kaddib markii maxkamadaha Islaamiga ah ee Muqdsiho ay isku dayeen in ay xiraan shineemooyin iyo meelo lagu gado video-yada. Waxaana dagaalkaas ku dhaawacmay 12 qof. Dagaalka oo soobilowday Sabtidii waxa uu sii socdey maanta oo Axad ah.

Dagaalkan u dhexeeya Maleysiyada iyo maxkamada Islaamkiga ah waxa uu ka dhacay degmada Yaaqshiid ee magaalada Muqdisho.

Rasaasta xooga leh oo la isku ridayey waxaa laga maqlayey magaalada.

Maxkamadaha Islaamiga ah waxaa qorshohoodu yahay in ay xiraan gobaha shineemooyinka ee Magaalada.

In badan ayaa shacabka magaalada Muqdisho waxay ka cabanayeen fisqiga shaneemooyinka laga dhigo filimada Jinsiga iyo aflaamka anshaxa xun oo aysan jirin dawlad FAAFREEB ku samaysa. Dagaalkii ka dibna waxaa goobahaas loo bixiyey "MACMACAANKA DHALLINYARADA". "Dagaalkii Soomaaliya ka hor, kelmedda macmacaan waxaa lagusoo xusuusan jirey meelaha lagu gado cabitaanka xalaasha ah, laakiin hadda kelmedaas waa mid la isugu af garto ama lagu xusuusto xaaraanta, sida meelaha filimada jinsiga habeenkii goor dambe lagu daawado." [Eeg halkan].

---

Xaaji Abuukar “wax walba waxaa ka weyn in maamul loo sameeyo G/Banaadir

Xaaji Abuukar Shiikh Max’ed Amiin oo xubin ka ah Golaha Dhexe ee SNU ayaa waxa uu sheegay in Ururka SNU soo dhaweynayo go’aankii ay ku ansixiyeen Xubnaha Labada Gole ee ku sugan Muqdisho  in Gobalka Banaadir loo sameeyo Gole Baarlamaan oo ka kooban 64 xubnood.

            “Wax walba waxaa ka weyn in maamul loo helo Gobalka Banaadir, taas ayeyna qof walba dani ugu jirtaa” ayuu yiri Shiikh Abuukar oo intaa raaciyay “Hadafku ma ahan meeqa ayaan helnay ee hadafku waa in nabad iyo nolo lawada helaa, kaddib ayaa la xisaabtami karaa”.

            Wuxuu sheegay Xaaji Abuukar Shiikh Max’ed in Ururka SNU iyo taageerayiisha ay ay caqligooda  iyo xoogooda isugu geyn doonaan sidii maamul loogu sameyn lahaa Gobalka Banaadir oo xarun ah u ah Jamhuuriyadda Soomaaliya

Ra’isul Wasaare Cali Max’ed Geedi iyo wafdi uu hogaaminayo oo shalay ka ambabaxay Jowhar 

Ra’isul Wasaare Cali Max’ed Geedi iyo wafdi uu hogaaminayo ayaa shalay ka ambabaxay Garoonka Diyaara-daha ee Jowhar, waxaana Ra’isul Wasaaruhu uu ku hagan doonaan dalka Itoobiya caasimaddiisa Adis-Ababa, waxaana la sheegay in uu halkaasi kulan kula yeelan doono Ra’isul Wasaaraha dalka Itoobiya Miless Zinawi iyo mas’uuliyiin ka tirsan Ururka Midowga Afrika, kaddib Ra’isul Wasaaruhu waxa uu u safri doonaa dalka Biljam halkaas uu kula kulmi doono mas’uuliyiinta Ururka Midowga Yurub oo ay isla soo qaadi doonaan arimo la xiriria sidii Mdowga Yurub ay u dhameystiri lahaayeen howlaha dib u dhiska dalka Soomaaliya.

            Ra’isul Wasaraha ayaa la filayaa in uu qudbad ka jeediyo baarlamaanka Midowga Yurub, iyadoo dhawaan Ururka Midowga Yurub uu xogaa lacag ah soo gaarsiiyay Dowladda Federaalka oo ay ugu talagashay dib u dhiska Hay’adihii Qaranka,

Warar ayaa waxay sheegayaan in Ra’isul Wasaaruhu u sii gudbi doono Wadanka Talyaaniga, waxaana Ra’isul Wasaaraha safarkiisa ku wehliya Wasiirka Maaliyadda ahna Ra’isul Wasaare ku xigeen Saalim Caliyow Ibrow, Wasiirka qorsheynta iskaashiga caalamiga ah C/risaaq Cismaan Jurile iyo xubno kale.  

Hay’adaha Xaquuqda Aadanaha oo soo bandhigay sidey uga xun.... 

Hay’adaha kala ah Elman Peace Human Right Center Ismaaciil Jimcaale, Hay’adaha xaquuqda aadanaha ee Gaashaan, hay’adda xaquuqda aadanaha ee KAHRO, hay’adda xaquuqda aadanaha ee WAHRO, Ururka ilaalinta xuquuqda dhallinyarada Soomaaliyeed iyo hay’adda dhowrista iyo horumarinta Soomaaliya OSPAD ayaa cambaareeyay dilkii loo gaystay Wiilkii uu dhalay Guddoomiye ku xigeenka Baarlamaanka Qadar Cismaan Cilmi Boqore oo 12-kii bishan lagu dilay agagaarka KM4, waxayna dilkiisa ku tilmaameen mid ka baxsan Shareecada Islaamka, Xeerarka Dhaqanka Soomaaliyeed iyo Xaquuqda Aadanaha.

            Waxay sheegeen hay’adahaani in ay aad uga xun yihiin kooxaha caadeystay in ay ugaarsadaan muwaadiniinta aan waxba galabsan iyo dadka rayidka ah, iyagoo sheegay in waqti ay ahaataba lala xisaabtami doono.

            Waxay kalloo cambaareeyeen hay’adahaani dagaalka ka socda Xaafadda Yaqshiid waxayna sheegeen in waqtigaan loo baahnayn in lagu kor dagaalamo dadka rayidka ah.    

W/D Amiin Yuusuf Khasaaro

E-Mail amiinkhasaaro@hotmail.com

Faafin: SomaliTalk.com | Nov 14, 2005

C/Lahi Yuusuf: Beelaha Soomaaliyeed hasoo magacaabeen Bedelka Xildhibaanadii Geeriyoodey
»Boqore: "Wiilkeyga waxaa loo diley arrimo Siyaaasadeed.."
»Xildhibaan Fanax "Ma ahan xaq ee waa xal"..
»Shariif Xasan iyo Geedi oo ka Hadley dilkii wiilkii Boqorre..
Wararka oo dhan oo ka akhri... Guji... Nov 13

---

» MAQAALKII WALLAYS: QARAWGA WAHAABIYADA IYO CALAN LEYDA!! | Wallays